同人鍋 (已結業)

同人鍋呢期出左個雞煲海鮮火鍋任飲任食系列，$288 (星期五、六、日及公眾假期加$10，仲有加一的)滿兩位仲可以揀埋原隻龍蝦湯底，正啊!火鍋海鮮配料有任食廣島蠔、帶子、魷魚、青口、花枝片、澳洲蜆、鯇魚片、海蝦、蟹鉗共八款，其他食物包括肥牛、雞片、豚肉、牛柏葉、香草豬肉腸、各式丸類、水晶包 (必食之選)、鮮炸響鈴、各式蔬菜，仲有讚..讚..讚..讚岐烏冬添。任飲系列包括可樂、忌廉、樂天忌廉溝鮮奶、石榴汁、蜜桃烏龍茶等等，仲有自家製蜂蜜薑茶等。秘製雞煲其實都系用上大量芫茜、蔥、蒜頭、紅洋蔥作佐料，然後以秘製醬汁醃製雞件，想要幾辣由自己話事，我地只系叫左個小辣而已。雞煲需用中火啫佢十數分鐘，途中打開攪拌幾次。香氣逼人，時間未夠都忍唔住食兩舊先，醬汁超級濃郁，香甜之餘又帶辛辣，真系幾香口惹味，而且醬汁滲曬入雞肉裡面，好入味，雞既肉質亦好嫩滑奉送既海鮮拼盤有蟶子皇、廣島蠔、海蝦、鮑魚、蜆、龍蝦，望見都覺得吸引，底湯為蕃茄湯，另外仲選左啲薯仔、粟米黎煮濃啲個湯底，食曬海鮮個湯底已累積一定既鮮甜度，之後食埋讚岐烏冬真系冇得頂安格斯肥牛只有一客，其餘既只能夠點普通肥牛，安格斯肥牛既色澤明顯比較紅潤，紋

尖沙咀呢個旺區，如果晚飯時間能夠做到＄300左右，淨係識個地點都覺得好合理，所以我同老公毫不猶豫就上咗去。飲品係任飲嘅除咗普通嘅可樂同埋忌廉溝鮮奶仲有自家製香甜菊花茶、同埋薑蜜雞煲賣相好靚！啲雞嘅肉質都好鮮嫩！值得一讚，服務好殷勤，見到我哋嘅餐墊同碗牒好多海鮮殻同龍蝦殻，職員就好主動幫我地換。自家製響鈴，別具心思，個響鈴真係幾好味！海鮮都唔係講笑，有龍蝦、有鮑魚、有生蠔、有帶子、有藍青口、有魷魚⋯⋯其他配料都好正常，比較特別係水晶包，出面比較少有得點。

今晚兩公婆放工好肚餓, 所以決定要大食一餐勁, 老婆揀咗呢間又可以食雞煲又可以火鍋一舉兩得 ...餐廳環境闊落，可能是平日的關係，餐廳上還有位置不會太多人和太緊逼。 不過坦白講裝修一般，似是學生飯堂 ，如果可以有個人特色，我相信對他們的生意一定有所改進！嘢食方面真的冇得彈， 雞煲超好食， 雞多而且煮得夠香夠腍肉質鮮甜， 一定要叫！！！海鮮方面，龍蝦已開邊，龍蝦湯夠濃再配合鮑魚等海鮮，火鍋剛剛好。 不過跟一般的雞煲火鍋不同是，他們是分開兩個鍋來上，所以感覺上好似雞煲跟火鍋關聯性不大。最後一提，這裏的服務一級水準，很熱心換碟，亦都耐心講解，我覺得他們作為飲食業非常有熱誠， 而且他們有聘請聾啞人士，所以絕對值得我們支持！！！

最近天氣寒冷，無論是上班工作或出街玩樂，總是提不起勁！女友人見我終日悶悶不樂，於是便提議去食火鍋，希望藉此喚醒我的衝勁。其實有什麼事情開心得過天寒地凍去吃熱騰騰的火鍋呀，我一聽見女友人的提議後，即時搜尋有什麼好選擇。見到同人鍋$288一位可以食雞煲又可以打邊爐，已經非常吸引，而且仲不限時！難得有任食的邊爐可以不限時啊！ 我們放工來到由７點幾食到１０點幾，十分暢快！完全不會驅趕，上菜的速度都不算太慢。首先來了一個雞煲，香氣噗鼻，雞肉十分嫩滑，醬汁香濃，每一件雞都十分入味！另外個薯粉都十分惹味，完全吸收了雞煲的醬汁。雞煲吃得差不多，就先放左一旁，再上火鍋，是另一個鍋來的。我們選了花膠湯底，補充一下骨膠原。花膠的份量都不少，味道還不錯！火鍋配料的選擇很多，全部都是任點的！除了鮑魚同蟶子是第一轉送的，之後再叫就要加錢。鮑魚：鮑魚非常新鮮，店員奉上的時候，鮑魚仍然動的！鮑魚不要淥得太耐，幾分鐘就好了，肉質剛好，味道鮮甜。蟶子：長長的，淥兩分鐘即刻夾起，肉質爽口微彈，新鮮帶甜味。生蠔：即使是任點的，份量都不會太細隻，熟了都不是縮水得十分厲害！澳洲蜆：比平時的蜆大少少，沒有沙，十分乾淨，味道清甜。肥

🍲同人鍋全新推出雞煲海鮮火鍋🍲先食雞煲，香惹美味，雞肉嫩滑，肉質入味，可選小、中或大辣🌶，食完再encore 都得架😍食完之後再泥原隻🦂🍅龍蝦蕃茄湯底，配埋十多款火鍋配料🍜🍲，再加一盤重份量嘅海鮮拼盤🍤🐟，拼盤海鮮每天供應7-10款，日日唔同😍😍😍🍤🐟海鮮拼盤（每天供應7-10款）扇貝、蟶子、鮑魚、廣島蠔、白蜆、魷魚、海蝦、青口、八爪魚、鯇魚、白鱔、象拔蚌仔、刀貝蜆、鑽石蜆、貴妃蚌、珊瑚蚌價錢：一至四（$268）無限時⏰五至日及假期（$278）2.5小時⏰

國際三八婦女節的意義，除了是女性爭取與男性同樣的社會地位和權利，也是紀念着很多維護女權的先鋒。世界各地都會舉行慶祝和遊行的活動。幸運地，作為生於香港的女士，既不會被人歧視，也不用怎樣爭取，也享受了和男士一視同仁的權利。不知道同人鍋是不是也有「一視同仁」的意思呢？在店外玻璃貼了一張紙，「本店員工有聾啞人士，如需協助，可聯絡其他的服務員，盼請見諒。」感覺店主是位心地善良的人。店內的設計是光鮮簡潔為主。淺色的木枱和彩色的椅子排列得井井有條。枱與枱的距離相當充裕，空間感大，非常舒適。抽風系統強勁，完成整頓晚飯，完全沒有令人尷尬的「渾身雞煲味」。雞煲的辣度分為微辣、小辣、中辣和大辣。同行友人不能吃辣，所以我們選擇了微辣。雞煲的湯底不是很麻的重口味類型。煲內的洋蔥為湯底帶來一絲絲香甜的味道，而且油不多，吃得比較健康。這裡的雞採用了三黃雞，肉質鮮嫩細緻，夠入味，而且雞件份量相當多。新鮮即叫即炸響鈴店員叮囑我們快點嚐嚐，香脆、鬆化，把響鈴在雞煲一浸，響鈴瞬間吸收了香濃的肉汁，滋味無窮。龍蝦蕃茄湯底不像其他雞煲店以雞煲的湯底來打邊爐，而是另外給你點一個火鍋湯底，這也是相對較健康。店員先端上一煲蕃茄薯仔湯

每人都有張menu飲品係餐廳自己煲的健康飲品 正正一個價錢 任坐 任hea任叫!!!先有雞煲，再黎打邊爐同fd食、傾成晚，好地方!!好多地方放野，幾個人食、叫幾多野食都有位放雞煲!叫了一個不辣的，加左薯粉一齊煮返熱。好重味，乾身D會仲正!!D味會更濃郁!!食完雞煲打邊爐，選了龍蝦湯底~~龍蝦湯好濃!色都好靚，真係用龍蝦煮的湯!海鮮~~~帶子，墨魚，蜆，鮑魚，蝦，青口，廣島蠔出面打邊爐邊有咁豐富啊？~

好耐冇來同人鍋食，今晚心思思想食雞煲打比朋友約下飯局，幾個朋友原來已經私底下約咗過來食飯，於是我逼佢地俾我加入一齊食。熱誠的經理依然喺度辛勤工作，同埋耐心地招待客人。雞煲好香呀，而且雞件都係肉嫩又夠肥，醬汁香濃而且煮得好入味，可惜在場有朋友唔太食得辣，如果唔係仲刺激！食雞煲當然唔止食雞啦，仲一定要試吓呢個薯粉，睇佢個樣好似好dull，一碗粉咁有咩咁特別？但其實可以放佢入去雞煲度，由佢係咁一直煮，煮到淋晒，而佢又會索晒啲雞汁入去，真係正。可以同時食到雞煲嘅精華，亦可以享受薯粉軟綿綿嘅質感，一流！招牌即炸響鈴，必試之選！今次同上次唔同之處，就係食雞煲嘅同時佢都上埋個海鮮火鍋俾我哋，等你可以兩樣同邊食，任君選擇。大大隻龍蝦放在海鮮湯中，看見都已經覺得好惹味！轉個頭出埋個海鮮拼盤出嚟，砌到超靚呀！而且十分之豐富：有象拔蚌、鮑魚、蜆、鯇片、魷魚、蝦，真係講得出嘅海產佢都有咁濟！好鮮美！丸類嘅種類都好多，有一粒丸上面仲有minion個樣架，好得意！今次啲肥牛好得喎，好香牛味又好新鮮。食到尾聲，放啲菜入去，可以吸晒啲湯嘅精華，極度鮮美！

呢間野 本身見好多好評所以黎食點知。。。以為分開2個鍋就會好特別特別好食 只不過係一般到無得再一般雞煲叫小辣 一啲辣味都無 仲食落勁似豉油雞湯底得2款選擇 龍蝦同花膠一心唸住去係食花膠湯 點知無花膠湯 得龍蝦湯 其實已經好想走 但係雞煲又食左 仲可以點走？焗住食龍蝦湯 一啲龍蝦味都無 反而係我最吾中意嘅蕃茄湯 正常龍蝦湯個色係淺燈色 仲要個湯係深紅色 根本就係垃圾蕃茄湯火鍋配料更加普通 完全吾值價錢火鍋最緊要嘅係湯底同醬汁 醬汁得豉油 個啲咩椒絲蒜容要收費 仲要收$10一份 咁你學咩人做任食？第一次食火鍋食到咁嬲咁吾值 以後都吾會黎！

一早起來已感到陣陣涼意，打開新聞一看，發現最低氣溫低至10度! 在這麼寒冷的天氣，最適合吃一個熱騰騰的雞煲了! 所以馬上致電男友，說今晚要去吃雞煲，男友馬上答應，並說有好介紹!YEAH! 我的雞煲大計成功啦!餐廳位於山林道附近，遙遙已經看見餐廳的大招牌，並不難找。一入到餐廳，感覺異常乾淨，而且沒有什麼雞煲味，衛生及通風系統做得這麼好，都算難得。這裏的玩法是一個價錢任飲任食。一坐下，店員便問我想要椰子雞煲還是麻辣雞煲，由於我和男友也是愛辣之人，所以我們選擇了麻辣，辣度挑了中辣。個人覺得這邊的辣度不算太辣，平時在譚仔我們食開3小辣的，但這邊的中辣還不如譚仔的3小辣。若果平時在譚仔食開小辣的人，不妨在這邊叫大辣。味道方面，雞肉嫩滑入味，另外上雞煲時，還會一併奉上一碗紅薯粉及炸響鈴。紅薯粉比平時粗身，吸收完湯底的精華後，食落更入味及有口感!同一時間，侍應會再問你想要龍蝦湯底還是花膠湯底，我那麼愛美，當然選擇花膠！原以為是跟平時的雞煲一樣，吃完雞煲後再加湯，將其變成火鍋；怎知道餐廳非常用心，另外準備了一鍋湯底供我們打邊爐之用。所以基本上每枱也有兩個鍋，一鍋是雞煲，另一鍋是打邊爐。而且該湯底是非常

喜歡吃火鍋的我其實對於任食火鍋不是太熱衷，主要原因是質素通常也不會太好。今晚朋友提議到同人鍋，本身有點兒抗拒，但估不到發現凡事也有例外。入到店內，發現格局比較新派，而且非常乾淨整齊。這裡是先吃雞煲再吃火鍋的，雞煲不比一些名字響噹噹的雞煲專門店遜色，香辣得來帶有鮮味，味道十分有層次，雞件大小亦剛剛好，本來想留肚吃火鍋的我倆，最後也K.O.了全鍋。曾經也試過另一間先吃雞煲的火鍋店，他們是將吃剩的雞煲湯底直接加湯打邊爐的，這裡卻是重新換上另一個湯底，可以一次過滿足大家兩個願望，而且還有花膠湯底和龍蝦湯底可供選擇。 我們當然選擇既可保充骨膠原又湯頭鮮甜味美的花膠湯底。其實吃完雞煲後肚子已經半飽，但任吃也有其可取之處，因為通常每款食材也不會給你太多件數，最適合我們這些想吃多些不同火鍋料卻眼寬肚窄的人。海鮮類款式也有不少，而且店主每天也會搜羅最新鮮當造的給顧客，所以每天也有不同款式。我最唯欣賞這個三點蟹，雖然不算太多肉但肉質卻非常鮮甜，不用沾任何醬料已經相當美味了。起初看見餐牌覺得好奇，想試試什麼是「麻吉燒」，原來麻吉燒雖然是甜的，但配上鹹湯底有點兒似上海鹹湯圓的風味，而且麻吉燒煙煙韌韌又不會太甜

天寒地凍最好就係打邊爐，今日就約咗朋友去咗尖沙咀山林道嘅《同人鍋》， 呢度推出咗$288雞煲海鮮火鍋肥牛任食， 價錢方面真係頂級優惠。首先就叫咗個麻辣雞煲， 呢度嘅麻辣雞煲帶有麻香， 辣味十足， 唔食辣嘅朋友亦可以叫小辣， 雞煲上檯前加上咗寬粉， 一滾起後就可以食用。 雞煲用了一啲都唔馬虎， 雞肉嫩滑， 食落啖啖肉。 而且寬粉將濃郁嘅雞煲汁吸盡，食起黎非常惹味。之後送上嘅就係海鮮拼盤， 由於海鮮拼盤要食佢嘅鮮甜味， 我哋就另外叫咗個椰子雞湯底， 椰子雞湯底味道清甜， 椰香味慢慢滲出， 用嚟打海鮮， 就可以食得出海鮮嘅原味。呢個海鮮拼盤用料非常豐富，既有原隻龍蝦，亦有象拔蚌仔， 鮮活鮑魚， 生蠔，海蝦， 以及澳洲蜆同脆鯇片。龍蝦雖然唔係好大隻， 但勝在鮮甜， 肉質彈牙。而我最鍾意就係象拔蚌仔，味道鮮甜，帶啲海水味。澳洲遣亦都唔錯， 一啲沙都冇， 肉質飽滿， 味道鮮美， 令我哋一再encore。至於其他嘅火鍋材料亦都唔錯， 肥牛不過不失， 雪花尚算均勻， 喺任食邊爐嚟講唔算非常好。響鈴亦都夠脆卜卜， 充滿豆香。而且呢度亦有好多平時打邊爐較為少嘅丸， 就好似龍蝦沙律丸，帶有小小芥末味， 食物

星期日至四無限時任食!!一坐下先來個雞煲! 初次來先試小辣 吃下覺的辣度不算高 嗜辣的可以直接中/大辣 雞件嫩滑 就算煮久了都不會變韌👍🏼 不過斬得比較大件 如果細件點會吃得較方便 另外附上薯粉和響鈴 吸了雞煲的辣汁 惹味非常!吃完雞煲便可轉戰火鍋! 湯底有蕃茄龍蝦湯或花膠雞湯可選 原本想試花膠雞湯的 可惜當天售完 唯有點蕃茄龍蝦 湯底是蕃茄湯 一開初並沒有龍蝦味 因為會另上一隻原隻龍蝦!! 龍蝦大小比想像中大 而且非常多膏 肉質未算結實 但有鮮味! 海鮮拼盤除了龍蝦/蟶子/鮑魚 其他海鮮都是任食 任食海鮮中最推薦的就是廣島蠔😍 整體海鮮質素當然不能跟非任食的餐廳比 但在任食中有這樣的質素 已是不錯 其他火鍋配料有很多種類 先來一碟非任食的安格斯肥牛 比較厚肉 肉質軟淋 還帶油香 任食的肥牛就沒有試了 因為實在太飽 試不了那麼多款式😂 還有很多不同丸/餃子整體味道乎合對任食食物的期望 種類多 飲品任飲 環境闊落 坐得舒服 不限時任食 可以慢慢食 是跟朋友聚會的好選擇

［與友同樂］天氣一凍最想的就是打邊爐，聽講呢間同人鍋唔錯，於是就約埋朋友一齊去試食，順便聚聚舊。與友人一齊開心打，5個人唔多又唔算少，安排到坐8人台，夠晒闊落任食邊爐緊係唔少得野飲，呢度飲品既款式都ok多既，罐裝飲品有烏龍茶綠茶同汽水，不過我飲黎飲去都係忌廉溝鮮奶同埋番石榴汁雞煲d雞不過不失，但煲汁真係一流！加紅薯粉索晒d汁黎食好正！響鈴係新鮮炸既，好脆，放落個汁度2秒就要起喇，吸晒d汁個響鈴仲係脆既，好食到停唔到口，我地之後又叫多左兩碟雞煲不是重點，海鮮邊爐先係主打，啲海鮮好新鮮，隻鮑仔仲識郁添! 煲龍蝦湯烚海鮮的確係清甜啲既向上望，桌子上安裝的圓形抽氣，馬力都算強，看着白色的煙被吸進去，室內既味唔會太濃。埋單每人三百鬆啲，任飲任食海鮮，系滿足的!

在這一條寧靜的山林道，竟然發現了這一間充滿人氣的火鍋店，我決定要上去一探究竟。選了椰子雞煲湯底，貪其滋補養顏，先試一啖奶白色的湯底，先是帶來香濃個椰味，再滲出淡淡的雞味，裏頭的雞件並沒有因為浸着湯而過火，件件也嫩滑有雞味。喝過湯，吃完雞後便開始打邊爐，先來的海鮮拼盤場面震撼，計有龍蝦，鮑魚，生蠔，蚌仔，澳洲蜆，鮮蝦及魚片，上桌的時候，鮑魚還在蜷縮蠕動，澳洲蜆更是新鮮得不得了。安格斯肥牛用料新鮮，牛味濃郁，平均分佈的油脂在口裏傾刻爆發，好味。黑椒馬蹄貢丸，起初對這貢丸不知就裏，只奇怪怎麼貢丸裏面會有一粒粒爽口的東西呢？原來那是粒粒的馬蹄，黑椒馬蹄貢丸還是頭一次吃到，黑椒的香加上馬蹄的爽，再配合貢丸微微的香菇味，正。嗅到鄰座食客的麻辣雞煲，香氣撲鼻而來，忍不住也點了一個，正奇怪為何比起坊間的麻辣雞煲清淡得多，臨走時便由親切的店員揭盅了，他說此店的麻辣雞煲是特意調教得比坊間清淡的，主要用意是想食客們能嚐到海鮮的鮮味 而不至於被麻辣所掩蓋，實在用心良苦。猶幸我們所有海鮮也在椰子雞煲湯底裏灼熟，不然便浪費了餐廳的一番苦心。