同人鍋 (已結業)

復活節連放幾日, 同老婆出下街食飯,  依間同人鍋係同事介紹. 話300蚊到可以任食雞煲+火鍋.由佐敦站去非常方便, 步行5分鐘左右就到達. 店內裝潢簡潔, 以黑白紅為主, 牆身有 CONTAINER FEEL, 帶點潮味.坐底左有位熱心女侍應走過黎簡介一下就係餐牌上邊D可以任叫, 同埋出面有飲品椒絲豉油可以自取.雞煲好香, 聞到就令人食指大動.  店員話湯汁係佢地秘製的. 咁多汁係因為要食薯粉同響鈴. 而且連響鈴都係佢地自家製. 要讚一讚, 個湯汁毫不油膩,  所以我地好放心咁直接浸汁食.  不得了, 響鈴完全索曬湯汁濃郁既味道, 加上保持獨有既口感同油味. 混合曬係個口腔內爆發. 薯粉係粗薯粉, 外型似粗河粉. 好索味但不會好韌. 不過響鈴實在太出色. 冇得比. 火鍋湯底有龍蝦同花膠兩個選擇, 令到我地爭扎左一陣, 最後都係點左老婆想食既花膠湯底.  店員提點我地可以在落料之前先嚐一口海底, 清清甜甜, 頗不錯. 配料方面會有一碟牛肉, 丸餃類同菜籃, 係跟火鍋上既. 為免唔浪費食物我地都係食完先再叫. 以上講既都可以任點. 連牛肉都可以, 好抵食. 丸類有幾個唔錯. 一個外表好似

同家人出黎打邊爐，黎左同人鍋，貪呢度任飲任食仲要無限時，我地食左三個幾鐘，哈哈。先講講火鍋料，響鈴卷似係自家制，大小不一，淥一淥就淋食得，吸湯一流。薯粉厚身，放在湯裏長一點時間都不怕，很彈牙。第一盤牛肉還不錯，三人份就只有四片少了點。三人份的雜丸，餃等，排得好靚喎。雖然不是手打那種軟淋淋的質感，但丸料很爽口，比凍肉舖貨式好，個人覺得章魚丸好好味，丸裏有一片片章魚肉好有咬口。另外芝士丸，牛丸，貢丸都好味。飲品自助形式，選擇不算多，沒有了罐裝茶飲有點失望。試試呢壺自家沖泡的蜂蜜菊花露，好香菊花味，亦有淡淡的蜂蜜味，不錯。食左咁多肉乜係時間食下菜，很新鮮的白菜仔同生菜。仲叫左油麥菜，吸湯很十分鮮甜。返叫任食的牛……質素沒第一盤好，牛味還可以。也返叫了甜品水晶包，有點像湯丸的樣子。一水滾就掉哂所有丸丸腸腸落去，哈哈哈，好肚餓心急嘛。水晶包要有紫薯味，微甜，煙韌水晶皮，打邊爐有呢啲食又幾得意喎。打卡送雪糕，要左朱古力，芝麻同香蕉味，香港品牌，好好味但不見坊間有賣？店員十分熱情，是講式火鍋店少有的。任食的餐牌上選擇也不少，不過一開始店家送上的雜丸併盤份量已經很多，吃完都飽了，有些想試的冬冬都吃不下

前排同左班朋友去同人鍋食雞煲加打邊爐，一去到店員就好熱情地招待，而且好有禮貌，會主動介紹餐廳嘅設施👍🏻👍🏻👍🏻一坐底，會問我地隻雞要咩辣度，然後為我地準備好！呢到嘅飲品係任飲，都有好多選擇。上菜速度都好快，食物款式都算多。食完雞煲之後就到重頭戲-海鮮海鮮新鮮，份量足夠，有d款式嘅海鮮仲可以refill👍🏻喜愛食海鮮嘅朋友絕對唔好錯過總括而言，餐廳嘅服務同食物都幾好，值得大家試一試，再有機會我都會同朋友黎食，價錢相宜👍🏻👍🏻👍🏻

終於搵到一間海鮮、雞煲火鍋放題 一次過享受到2種口味 價錢都係$288 實在太吸引💕 它設有獨立房間 可以提早預約 一班朋友一齊食玩👏我去果日係平日吾係好多人等位，裝修以簡單風格為主😌 店員好細心向我地講解同餐牌好清晰地把食物分類～等待食物的期間，當然去拎飲品～ 除左罐裝飲品之外 餐廳仲有自家製的酸梅湯同蜂蜜菊花露😋 特別推價蜂蜜菊花露 濃濃的菊花帶點甘甜味道👍👍雞煲 可以自由選擇大、中、小辣 我呢個係小辣 濃濃的醬汁融入在雞肉裏 令雞肉肉質嫩滑 加上大量的差芫茜同洋蔥 令味道更有層次感😋😋 雞煲還會奉送薯粉 薯粉與醬汁搭配十分爽口彈牙～食完雞煲就到打邊爐時間 先講一下湯底～我今次就叫左花膠湯底 店員提醒我地飲左湯先打邊爐 飲左一大碗😋 非常清甜同入味呢個海鮮拼盤 真係不得了😆 有好多新鮮的海鮮包括海虎蝦丶蟶子皇丶青口丶鮑魚等 鮑魚黎到仲識得郁😍 因為湯底好清甜 可以食到海鮮原有的鮮味😋😋除左海鮮 仲有好多食物提供 😋

今日約左三五知己去打邊爐, 位於TST山林道小斜路旁, 好容易就會見到, 因為遠處也會見到光光猛猛的射燈照耀著招牌, 地下係接待處, 1樓全層近80座位, 仲有VIP房, 餐廳啱啱推出左$198 任飲任食, 每人會有一份海鮮, 雞煲另計. 不過我地都係想食返以前個隻$288, 有雞煲同打邊爐兩食, 因為湯底可以選花膠湯/原隻龍蝦湯, 不過D餸就SET好哂比你, 食哂唔夠先再追加.首先飲品同醬料係自助型式係出面拎既, 種類都好多, 最特別既係仲有熱飲, 自家制既蜂蜜菊花露同菊花薑蜜, 不太甜幾好架, 好過飲汽水, 哈哈.一黎就黎個雞煲先, 有辣有唔辣, 我地選左唔辣, 店員會將紅薯粉倒埋落去, 一滾起食得, 因為本身D雞係熟GA LA, 肉質好滑, 仲索埋D醬汁更野味, 份量都OK多, 紅薯粉變左透明食得, 再將響鈴放埋落去, 索埋D汁, 正, 真係食火鍋無響鈴點得架, 哈哈.食完雞煲, 店員會幫我地換另一個鍋, 我地叫左花膠鍋, 首先等湯一滾起飲碗頭啖湯先, 花膠勁大隻, 仲好夠淋身同好有膠質, D湯仲好清甜帶點膠質, 女士們必叫, 飲完一碗真係想再飲多幾碗呀, 不過如果我地飲哂一陣咪

聽講同人鍋出名食龍蝦海鮮鍋，所以專誠嚟試一試，果然，店員嘅服務態度一流，非常體貼食客需要，而且仲隨傳隨到。室內地方寬敞，整潔衛生，而枱卓寬鬆，喺三五知已約飯局嘅好地方。形式喺自助放題式，各款飲品均可自行選擇。其中蜜糖菊花露最好飲，清熱下火，味道甘甜，帶有香濃菊花蜜嘅味道。另外仲有好多罐裝飲品俾食客選擇，如荔枝紅茶同翡翠檸檬綠茶最為好喝。餐廳會先為客人安排食雞煲先，有不同辣嘅程度供客人選擇，我地揀咗微辣，湯底味道濃郁，入口陣陣微辣，而雞肉亦非常嬾滑而不韌，配料亦十足，有 洋蔥 、蒜頭， 芫茜等，非常嘢味。食完雞煲之後，會有侍應向食客介紹"海鮮火鍋任食"$288另計加一，大約$298一位。我地揀左鮮茄龍蝦湯湯底，而海鮮材料相當豐富，包括有龍蝦、鮑魚，鮮蝦等。另外仲有各款不同打邊爐嘅食材供食客選擇，真係好抵食！令人食過番尋味。

不知不覺原來山林道變成了火鍋街，短短一條街已經有成十間火鍋店。要在其實火鍋店中凸圍而出，一定要返一兩道殺手鐧。同人鍋則用雞鍋作主打，再配合海鮮任食火鍋作招徠，來個兩劍合璧。餐廳裝修實而不華，雖然只是木枱膠椅，但勝在餐廳地方大，坐都坐得舒服點。先來雞煲，之前已參考過其他食評，話小辣不太辣，所以特意叫中辣，但原來小辣跟中辣的辣度相差頗大，雞煲一上枱已聞到濃濃的辣椒味道，未食已經留口水。雞煲內的雞件其實已預先煮熟，翻熱一下已可食。二人大約有半隻雞分量，雞件滑，麻辣入味，都幾好味，再加入薯粉，薯粉吸盡湯底精華，好辣好刺激。雞煲食完後會換湯底作火鍋，可以選擇花膠雞/ 或龍蝦蕃茄湯底。我鐘意食海鮮，當然選龍蝦蕃茄湯底，有原隻龍蝦!! 龍蝦大小比一隻碟還要大，肉鮮甜。其他比較特別而又可以免費加的海鮮有韓國蠔、松葉蟹鉗。蟹鉗已除去上半部蟹殼，方便進食，又鮮甜。可惜當日無白鱔片，改了做脆肉鯇，不過脆肉鯇都新鮮，入口爽脆。

山林道同人鍋無限時任食邊爐，海鮮也是任食，還有雞煲，真心不錯，不要給他的價位嚇到，計落其實不算貴，尤其是如果你愛吃海鮮，要吃回本實在不難。環境不能說十分好，但起碼枱和枱之間空間足夠，不會逼到手踭撞手踭，略嫌冷氣又點點不足（不知是否大廈有點舊所以馬力不夠？）服務十級熱誠，很久沒遇過帶笑容的店員了（苦笑） 首先店員會呈上雞煲，點了小辣，十分惹味，真的比不少吃雞煲的地方都要好！店員還會幫手加入紅薯粉，粗紅薯粉配雞煲真心絕配！要煮上好一會去吸收雞煲的精華，這個時候先吃其他配料～ 雞煲靈魂當然是雞件！雞已經事先煮好，上桌加熱一會就可以吃了，入味，肉嫩，吃不停口！小辣我覺得都差不多了，如果你的程度大概是譚仔五小的話（這是甚麼比喻？） 即炸響鈴卷，再肥都要吃上一兩件（掩面）因為雞煲中的汁真是超級棒，是近年來吃過最好味的雞寶煲之一！ 薯粉配雞煲，忍不住encore了一回！（冒著很快回吃飽的情況也要吃！） 吃到差不多的時候會換上火鍋湯，有龍蝦和花膠選擇。個人力推花膠，真心大量花膠熬製，未下火鍋料前先喝一下湯，啖啖是膠質，超濃郁！其實我心裡也有爭扎過不想收就雞煲的湯，因為雞煲也好棒啊！ 火鍋料

今日同朋友來到呢間火鍋店，店鋪環境寬敞舒適 ，仲有一間大房可以容納20人以上。第日約一班同學來食都夠位。呢間都係先食雞煲，後食火鍋。我地選擇了小辣，雞肉都幾滑好味。食完後已為就咁加湯再食，完來另上花膠湯做湯低，夠特別。呢度唔洗慢慢選擇食咩，店員立即送上一大盤食物拼盤，樣樣都有。唔洗慢慢Take ,好快就有得食。食完再可以添加，一叫即到，唔洗催促食物。真是任食呀！食物大概都幾新鮮，尤其果隻飽魚仲郁緊。都幾好食，煙靭彈牙有口感。最重要係無限時任食，我地慢慢傾談，慢慢食。唔洗趕時間咁，關住講到呢到夠鐘叫走，無得食。呢度就唔同，一邊食一邊傾。好享受喔！下次食我地仲有優惠。

每位288,每個人送一份鮑魚、大蟶子, 另外有海鮮任食,好抵喎, 淨食海鮮都飽！送左個花膠雞湯底, 奶白色, 濃郁鮮味, 那陣香味叫人開胃, 湯頭有唔少花膠, 相當入味，膠質豐腴，叫人吃不停口。會愈煮愈濃，店員不時勤加湯, 好細心喎餃子涮過依然保有口感，韮菜餃大大粒，皮薄煙韌，夠過癮。鯇魚片切得夠薄，細骨都切斷了，因此涮後啖啖肉，且肉質爽口緊緻，不錯！仲有甜點: 紫薯水晶包，特別, 甜度適中肥牛肉質肥美, 口感肉味不俗吃膩了，飲杯杯菊花蜂密水，一口飲盡，清甜, 清熱解滯

我今天想食雞煲加火鍋再加海鮮，唔係週圍都有，我只知道得尖沙咀呢間就有齊我想食嘅嘢。。呢間嘅火鍋湯底好矜貴的，不是用雞煲汁來做湯底。而是選用花膠或龍蝦來做湯低。我地先食特制味道嘅雞煲，雞嫩滑新鮮，啖啖雞肉，無咩雞骨。味道幽香清膩，不油膩。當響鈴放入雞煲汁3秒，即吸收雞汁味道，有另一番滋味。食完雞煲後，我地選擇左花膠湯，店員先推薦我們先飲花膠湯後，再加清湯做湯低。先來一大碟什錦丸拼盤，2碟肥牛，新鮮生菜，餃子和魚皮餃。再加一大盤海鮮盤，內有活生生嘅鮑魚，特長聖子，冰鮮生豪，新鮮白膳片等十分吸引。呢幾樣係頭盤，你還可以再追加你想食嘅食物，（除左飽魚和聖子列外）全部都係無限添加，仲有好多款未能盡錄。先講吓個花膠湯，花膠有黏口膠質，湯清甜無醒味。飲完湯當然係食火鍋啦，先來肥牛，入口溶化，餃子都幾大隻。特別一讚飽魚，送上枱時仲生猛，煮熟後肉質軟彈煙韌，容易消化。聖子一滾即熟，爽口清甜。生蠔就係冰鮮果隻，所以先等解凍才好煮，如果唔係就好似我禁，滾熟D，就縮細左，但都有蠔味。另外我最喜歡食白鱔片，鱔片無骨，啖啖爽滑有口感，加上辣味豉油增加鮮味。我都食左3碟。在外面未必有鱔片食，大家不妨來試試。飲品方面

星期一晚上想食鷄煲，找了這間。店內環境整潔，可能是星期一晚，人不多，不過正合本人心意，可以靜靜地享用晚餐。當然點了出名的雞煲加打邊爐鷄煲味道不錯而且足料，不過可能點了不棘，略為不夠惹味。火鍋足料又有一大隻龍蝦! 飲品選了自家煲的薑蜜。食到超飽走，埋單約$300 一位。

雖然天氣漸漸回暖，但港人對打邊爐仍是有份說不出的執著。今晚跟友人來到同人鍋，一心以為這是一般的火鍋店，但原來每人$300還可以有雞煲食。餐廳裝潢簡潔，坐位寬敞舒適，更設有抽風系統，非常貼心。飲品方面，除了啤酒以外，汽水、各款罐裝果汁和茶都是任飲的，選擇亦不是一般的汽水七喜，而忌廉溝鮮奶、石榴汁、菊花綠茶等，絕不馬虎。是晚無論雞煲跟海鮮火鍋均食得出材料是十分新鮮，值得一提的是雞煲內的雞件大大件，肉質嫩滑之餘沒有半點雪氣味，海鮮火鍋的湯底鮮甜之外，用料亦根據海產的特性而購自不同產地，可見食店花盡心思以提供最鮮味的食材。綜合餐廳環境、服務態度、價錢和食物品質四大評分準則，推介指數有10分（ 10分為滿分）。首先來的第一道菜是雞煲，一上菜己經嘩了一聲。因為實在太豐富了。每一件雞件都非常夠份量，雞肉很滑而且入味; 碎骨少，連配料洋蔥、花椒都入味可口，份量之多，感覺吃來吃去還没吃完。湯底方面，我們選了没辣的。但是這一點也没有影響湯底，反而濃厚得來没有絲毫的咸味，帶有豐富層次感。隨之而來的附有薯粉及響鈴，薯粉非常彈牙，響鈴亦能吸收濃郁醬汁的精話，兩者均令雞煲錦上添花。之後店員送上海鮮火鍋拼盤，按照材

放假前夕，想同情人去食番餐好，於是就在呢間餐廳打邊爐，呢間餐廳首先上雞煲，我就叫了微辣，雞煲一上，雞肉好香好新鮮，帶有雞味，雞肉又滑又嫩，加上微辣，相當野味。雞煲配料是即炸響鈴，響鈴仲係熱的，代表新鮮即炸，響鈴放入雞煲內，索晒D雞煲精華，簡直一流。在雞煲滾起時，店員幫忙放了薯粉，薯粉吸收了雞煲湯底，好好味，薯粉又「煙煙UM UM」，好食，整個雞煲好足料，值得一食。食完雞煲，當然到食重頭戲，就是打邊爐，我地選擇了龍蝦海鮮拼盤配番茄湯底，龍蝦拼盤一上，相當吸晴，龍蝦好大隻，滾左一陣食，龍蝦充滿海水味，新鮮，肉質幾好，海鮮拼盤仲有鮑魚、海蝦、蜆、白鱔片、魷魚，海鮮相當新鮮，最難忘係白鱔片，好脆口，好有鮮味，好好食，要再encoure，海蝦都幾鮮，蝦肉彈牙。火鍋配料是任食，叫了龍蝦海鮮拼盤時，餐廳都會配上一D菜同打邊爐必食的食物，例如，牛肉片，腸仔、龍蝦丸、菇、牛丸、腐皮、粟米、水晶包等，當中腐皮索晒番茄湯底，又滑又好食，水晶包是綠茶味，好煙UM，好味。菜都新鮮，而且牛肉片係安格斯牛，好濃牛味。食完甘多野食，已經好飽，我地唔放過任食機會。追加了黑豚豬肉、台灣一口腸、自家製香草豬肉腸、淮山、牛柏

今天行完街就同朋友仔去左山林道食雞煲&打邊爐. 餐廳位於一樓, 裝修簡約地方企理. 我地揀左個無限時的 “雞煲海鮮肥牛鍋” 套餐, 可以慢慢食慢慢傾餐飽. 先黎上個雞煲先, 撥開上面厚厚的芫茜, 下面就係香噴噴的雞件,差不多有半隻雞份量. 店員仲提醒話啲雞件係可以REFILL! 嘩, 又真係幾抵喎! 雞肉肉質好嫰滑唔會 “柴”. 由於我地叫左小辣的關係, 所以醬汁味道比較偏甜少少而冇咁麻辣味. 建議平時食小辣的人, 可能要叫中辣先夠麻辣. 紅薯粉吸盡雞煲的精華, 正!!  食完個雞煲, 就可以換上新的湯底打邊爐. 有龍蝦湯底 和 花膠雞湯底可以揀, 而我地兩個女仔當然就揀左滋補的花膠雞湯底來補一補啦.  落料前先黎一碗雞湯, 湯底雖不算太濃厚, 但湯色都已煲到奶白色, 應該都用左唔少時間. 味道鮮甜度足, 花膠仲大大舊, yummy~~ 首先黎個重頭戲: 新鮮海鮮併盤  有爽口新鮮的大聖子, 彈牙鮮味活鮑魚&鮮魷魚, 肥美韓國蠔 & 澳洲蜆, 以及鮮甜彈牙兼啖啖肉的大虎蝦…. 再黎一碟丸, 餃子, 菇, 同蔬果類… 食材質素都唔錯, 粟米好香甜, 丸夠彈牙.  安格斯肥牛: