吉壽日本料理 (已結業)

有朋友生日所以就決定幾個一齊去食放題 見到呢間幾就腳 一出旺角e1轉右就係 所以就決定試呢間🤘🏾除左寫字落單佢近門口位都有一啲冷盤比人自己拎 有沙律菜呢啲大路野都有特別啲既例如泡椒雞翼餐廳入面位置幾寬敞 望落去都係卡位設計多坐得幾舒服放題食開嗰啲呢到都有 野食落單好快就到 全部野食水準都唔錯 特別係炸蠔，燒牛仔粒同燒菠蘿炸蠔食菠唔厚份 啱啱炸起出面好脆口入面個蠔又唔乾身正👍🏿燒牛仔粒燒到啱啱好 肉汁多🖖🏼燒菠蘿望菠去有啲乾身點知一咬落去勁多汁 仲要好甜🍍焗帶子都好好食 芝士味好重👍🏿👍🏿壽司天婦羅都係放題必食之一✋🏽水準都唔錯！然後佢有幾排野飲比人簡黎拎 選擇算幾多 特別啲既都有韓國啲酒精飲品但總括最正既一定係佢既乳酪雪糕 有原味同士多啤梨雪糕 配料有朱古力豆，棉花糖，爆珠...佢個雪糕質地非常好食 又夠凍 飯前飯後都食杯就啱啱好😋要食其他甜品都仲有好多選擇 有奶凍，木槺布甸，芝士餅，雪糕雪條雪米糍等等 佢地自製啲甜品我個人幾鐘意就係份量夠迷你，咁就可以係好飽既情況下都試到唔同款😛🤤 啱食又可以再拎多幾件👍🏿呢間野食完覺得性價比都幾高 下次如果再想食放題都想試下翻抄呢間👍🏿👍🏿🤤

話說喺旺角行街行到攰，見到出面一大堆人喺度派傳單，都唔知邊間好食，求其撞手神揀咗間叫做吉壽。見到佢宣傳單張好似同大瀛喜嗰啲有關聯，不過睇價錢有冇佢哋咁貴講返餐廳，一入去環境好闊落，冇平時食放題嗰啲逼夾感。任食方面，有成差唔多四五個飲品櫃，見過嘅放題來講佢都算多選擇；仲有乳酪雪糕😍，中華沙律八爪魚螺肉嗰啲前菜都有齊，都算唔話得啦。Menu方面，其實間間放題都係食差唔多野，刺身佢都算齊，但係如果有埋天使蝦就完美喇。炸物啊榴槤炸彈香芋丸天婦羅嗰啲都齊，牛舌羊架都有。唯一美中不足嘅係甜品唔係選擇太多，唔見macaroon個d. 但佢價錢又唔係太貴算係咁啦。食物啦，刺身算OK新鮮，榴槤炸彈榴槤味都鮮，但如果再濃啲就好啦。你問我邊樣最好食，我都答唔到你，因為佢平均都做得唔錯，但有冇話特別令人印象深刻好出眾嘅食品，可能要讚嘅就係佢嘅牛柳粒，可以做到入口即溶，一般嘅小食來講佢都算幾用心機整。總結來講，依間野價錢平，食物平均水準OK ,去開旺角站附近可以唔使點用腦走入依間度食🤣

同朋友食開好西，差唔多次次都係揀放題咁滯，大瀛喜啊大滿屋啊都食到厭晒啦，其實個人就唔咁亂試新野，怕中伏呀嘛，但朋友突然間興起又話想挑戰喎，所以咪陪佢顛囉。今次間野叫吉壽，一入落去係幾有驚喜，佢環境係幾舒服，空間較大，冇一般放題咁擠迫。入到去順便望埋個任食區，見到選擇都唔少，起碼飲品都有成幾個櫃，又有yogourt，前菜又有八爪魚螺肉嗰啲。睇吓Menu ,都算幾齊，刺身炸物火鍋都有，但冇乜海膽嘅選擇，刺身啲蝦都唔算話太大隻，不過都算OK新鮮。而壽司比起其他放題選擇真係唔係話太多，起碼冇乜黑松露嘅嘢揀，但好彩個人唔太鍾意放題食壽司，所以冇乜影響。甜品方面其實都有少少失望，因為選擇真係唔係話太多， tiramisu macaroons 嗰啲唔使講，不過算啦見佢自助部算多嘢食揀都補償番嘅😂你問我啲嘢好唔好食，我會話overall水準都唔錯，全部野都冇話特別令人失望，以咁嘅價錢我覺得係算抵食，起碼環境已經贏咗，仲要講佢嘅店員服務都好好好勤力幫你上菜拎單，唔會要催佢或者舉好耐手都冇人理你。未試過嘅真係可以一戰👍🏻

總會有啲時候特別想食放題，今日就約左朋友一齊食餐好既😋。首先地點真係好方便，一出地鐵站就係，一上到去已經坐左好多人！呢到特別既係一啲小食係自助形式，可以比你食住啲開胃小吃等第一輪食物到，幾好既設計👍🏻。.飲品既選擇都好多，多到好似去左7仔咁，仲有韓國果酒、啤酒都係任飲！出面仲有自助雪糕機同大量甜品，真係未入坐先興奮呀！.食物方面真係咩都有，雖然無乜特別既招牌菜，但勝在包羅萬有，而且質素中上。.刺身方面，三文魚同帶子每次嚟既質素都有啲唔同，時好時壞，但係甜蝦好味，鮮甜回甘，更值得一提係劍魚腩，十分推薦，入口充滿魚油既甘香，肉質有彈性，無特別腥味，係少數令我會再order既魚類刺身！🤪.炸物天婦羅種類都係嗰啲，但值得讚既係非常新鮮，上檯仲係好熱，好食！其他既食物都好正常，水準中上。.最後當然要提一提甜品，出面可以自己攞嘅甜品味道都唔錯，特別係個牛奶布甸，都幾重牛奶味，另外個雪糕機嘅乳酪味雪糕真係好好味🍦，同出面賣緊幾十蚊一杯嘅frozen yogurt差唔多，仲有好多唔同配料選擇，可以話係為呢個放題加多幾分！

做完Gym，辛苦了兩小時，被朋友拉去食放題，肥死了吉壽在旺角港鐵站一出就是，地點方便。一入到餐廳，好大好多坐位，而且仲有自助取食品區域。有沙律吧，我地夾左大量的日式八爪魚，中華沙律同素翅，八爪魚大大粒，好味。野飲有大量的選擇，大大個雪柜比你揀，有汽水，啤酒，同有清酒梅酒。清酒淡淡的，梅酒少少甜。甜品雪柜有很多兒時的雪糕雪條，大腳板，紅豆雪條，雪糕杯，好適合小朋友，而我最後只食了雪糕糯米糍。今次放題主攻刺身，我們叫了兩次，魚生新鮮甜美，三文魚，劍魚腩都無筋，而且魚生的選擇都好多，唯獨玉子即比較硬。手卷我們也喜歡，因為細細個，唔會太多，一口一個，可以試其他野食，海胆新鮮，而且一點也不吝嗇，將手卷放入口中，便能嚐到海胆獨有的海水味。熟食方面，我們沒有點太多，試了羊架，燒牛肉粒，兩者都燒得剛剛好。除了肉，仲有燒鯖魚，鰻魚，鐵板蝦，鰻魚超好食，好多汁。最後甜品必定要試榴槤炸彈，內有啖啖榴槤肉，大滿足。

唔知老公做乜咁好死無啦啦今日放工主動話同我食日本野本身我以為都係去食迴轉壽司點知佢就帶咗我嚟食放題真係唔知佢痴左邊條根放題必映照所有野都係老公寫紙不過佢話件數唔啱款式就齊晒 我就話是但啦有得食就算所有野都可以話係新鮮唔會話拎到上枱就暖左不過之後有一round叫咗甜蝦甜蝦個頭有啲青色我哋就唔係好敢食 老公就最鍾意叫啲奇怪嘢明明食緊日本野就叫個中式辣雲吞不過呢個明明係熱食嚟到就變咗凍食件裝壽司反而有驚喜唔會好似其他地方咁成打舊飯室俾你地食飽你呢個就幾好繼續是奇怪嘢呢個叫榴槤炸波入邊係榴槤蓉加芝士一咬落去好大浸榴槤味新鮮炸起熱辣辣差啲辣親口榴槤fans一定要黎試吓炸蠔都相當有水準但係令到就要即刻食唔好擺一陣先食嘢飲方便就有四個大雪櫃任飲食飽飽就食甜品但係唔知點解個布甸有粒黑色野喺度我都係去返食水果算數同埋有自製雪糕機最後附上收費表我同老公兩個人去食188+10% 買單唔使450可以任飲任食都叫唔錯下次會去試第二間

放題時間又到喇！今次近近地，係旺角中間點，同個老朋友食生日飯，貴貴小小都要嫁喇！整間店舖個裝潢算係走典雅路線，有點點暗，暗得黎又有小小神秘感。桌上既擺位尚算整齊。呢度既芥末係獨立一包包的，雖然係變得衛生同容易打理，但就有小小失望，唔係自家出品。點餐簿既圖都算精緻，影得幾吸引，點餐紙同鋪頭既設計幾配，哈哈！自取既飲品都算多元，盒裝到樽裝都有。首先黎到既刺身應該係按人頭比，因為有啲寫十件，有啲寫一件，黎既都係人頭數目。最特別係泰式生蝦，咬落好爽口，冇腥味，呢個抵讚！而三文魚油脂算豐富，壽星話似係食緊三文魚腩。火焰帆立貝係幾令我嚇親既壽司，因為佢燒完個面之後，同燒汁個味好夾！食落去同食刺身個感覺好唔同。而皇帝蟹棒加埋沙律醬燒一向都係我摯愛，冇得挑剔！揚物都係大眾傳統既味道，走公式路線所以就唔多點評喇！但成間鋪最令我覺得正既，就係呢個秘醬雞翼！雞肉係十級既滑嫩，而出面個醬汁係畫龍點睛，完全係同個肉好夾！另一個精彩既位置係，呢度既菠蘿係燒同生食兩款都有得點，好多時都只係有得點燒，但今次就兩種口味都食到，都係令我開心既！整體黎講，成間鋪既野食我係幾岩胃口既，特別係小食、串燒，店員既態度亦都不得不讚

數下手指都有差唔多成年冇食個放題咁岩約到死黨夜晚出嚟又可以傾心事 一定要搵個地方坐得舒舒服服任飲任食所以最後就揀咗日本放題因為死黨一早book咗位所以去到唔駛等就有卡位坐一坐低枱面就係介紹佢哋集團會員計劃但係個app我就冇安電話實在太多呢啲app不過因為佢係集團食物質素有保證坐低左之後就去攞野飲每次食放題都要飲芒果汁試埋忌廉溝鮮奶（不過我自己就唔係好鍾意）第一張放題拼盤有三文魚帆立貝希靈魚海蝦所有野都好高質素入口即溶同埋唔會有渣抵讚所有件裝壽司都係細細件 可以一口食晒好多款都可以試吓唔使驚食一件就飽 其他乜都食唔到 我覺得最特別就係鰻魚可以獨立係一個上好多其他放題都冇最重要佢仲係即燒拎完過嚟仲係熱辣辣同魚生一樣都係入口即溶冇喳萬眾保持到鰻魚味豬軟骨同燒鰻魚一樣拎過嚟嗰時都係啱啱燒好 熱辣辣好有咬口 人蔘雞湯傾計傾到口乾唔可以永遠都飲凍野所以就去攞咗碗湯黎飲人蔘味好重 不過都好潤喉鍾意飲湯人士可以一試最後叫多個烏冬打底烏冬有口感唔會一夾上嚟就散最後就食埋乳酪雪糕飽飽之外就埋單再去行街了唔可以唔講呢間放題有個兜俾你放骨咁樣就唔會食到成枱都係我覺得呢個設計非常好其他好多地方都唔會有總結平日繁

好一段冇去食放題今晚同男人去食返餐今次選擇左係旺角既依間-吉壽我地本來約左7點半但行街行到攰早左上去個姐姐都俾我地入座照計返兩個鐘頭食距分左好幾個區都有差唔多100張枱可能時間早，入座既人都唔太多一入座第一件事係叫野食有十張唔同既野食紙選擇都唔少最先食既係刺身全部都好新鮮三文魚 帶子 帆立貝 希靈魚 由甘魚冇雪味 食完一定encore 叫左個海鮮蟹粥唔係好夠熱🙊味唔太濃但都可接受既雞翼蜜糖味好濃雞軟骨俾我折左串 口感好好牛柳粒好有牛味 唔太咸 好味燃燒菠蘿 好甜 又係要encore 牛舌串 以為會好腥 但唔係喎 距加左啲海鹽帶出左距既味道炸吉列蠔新鮮炸起熱辣辣蠔仔細細但都好食Encore 雞翼仲有牛油粟米好香牛油味分量少少咁 又叫咗碗湯烏冬又係細細碗佢用嘅係軟身嘅烏冬軟硬度適中湯底清清地試完湯烏冬又想試吓冷烏冬但係冷烏冬唔係原本諗嘅樣係有少少失望依個我冇食但男人食左距話少少辣叫大幾件壽司細細件一口壽司兩個人去食得唔多不過如果成班人去既話都應該幾好見距有啲大枱好岩一班人去gather 啲職員都friendly食物都上得快下次可以再去食過

呢日我地去完海洋公園出返黎，諗起平價時段d放題都食得過喎🤣一行6人揀左吉壽！9點入場，係會餓死，不過平d吖嘛😂一到去啲嘢飲都飲得七七八八，不過完全夠飲。而且出邊啲冷盤都會繼續fill👍🏽👍🏽所以唔使擔心以為平啲價錢會冇乜嘢食。我竟然失策唔記得咗影但係我哋六個人第一round嗌既刺身！！我喺臨走之前都嗌左刺身食，依然係夠凍，賣相👍🏽我哋都嗌咗個牛乳鍋，每人一細碗試吓都幾好，真係有牛乳味架！芝麻雞翼真係要推介！雖然就有d熱氣，但係我哋真係覺得佢太好味😂😂唔嗌對唔住自己呀！熱辣辣，又香又脆，而且隻雞翼唔會炸到好乾，仲係好juicy!!!!焗帶子！佢係用咗沙律醬做調味，酸酸甜甜，焗起嚟好香！

返左幾日工終於到friday night，呢晚一早book左同個朋友去食吉壽放題，吉壽呢間放題以前讀大學果陣成日黎食，對上一次黎可能已經兩、三年前了，不過估唔估到好多樣都無乜變，同以前差唔多，除左食物既選擇進步左之外。餐廳環境:枱面大細還可以，係接受到既，張枱仲放到好多野食，除左落order點單之外，出面仲有個common area可以自己拎野食，有冷盤同部分熱盤都有，飲品櫃好齊全，野飲超級多選擇，個人覺得烏龍茶最岩配放題哈哈！食物選擇:除左剛剛提到出面既食物之外，可以點既order紙都多款既，around都有十幾張，壽司、手卷、刺身、炸物、串燒、火鍋呢D全部都一定有，黎食得放題，一定要試多D叫多D haha！刺身大大話話都有成十幾款架，個人覺得三文魚、希靈魚、赤海蝦、玉子同帶子一定要叫，呢5款我覺得係fresh得黎味道係唔錯，魚類入口都有新鮮既感覺，絕對唔腥，講起兒家都想再食哈哈！壽司同手卷都唔錯架，不得不讚既係手卷個size係一啖既size，等我地可以食多幾個，要試緊係試海膽啦，真係好好味，一D都唔臭，入口即融。壽司花之戀我係有encore的，佢個比例岩岩好，個人覺得食多幾舊都無所

好耐好耐之前光顧吉壽 佢當時係開喺中環 唔經唔覺闊別多年 佢已經搬咗嚟鬧市區 重要地點超級方便 喺地鐵站嘅出口 步行一分鐘 搭𨋢上五樓(全層)價錢算合理 最早一輪五點就已經可以入席宵夜時段係最抵食嘅 不過要等到晚上十點入座才可以喺大堂嘅中心點 有冷盤自助區 亦有熟食提供 旁邊仲有大雪櫃放滿臨臨種種嘅飲品 有凍嘅 熱嘅 酒精類嘅 總之你諗到嘅都有行過少少有自助甜品區 有乳酪 時令水果 甜品 任食唔嬲食飯鍾意飲番幾杯嘅朋友仔 可以試下梅酒 酒精味唔太濃 容易入口頭輪刺身 極速送到我哋面前 選擇多而且新鮮 擺盤仲好有心思 非常精美由於刺身實在好吃 於是點咗第二輪 但係賣相同第一輪有點出入 但味道係冇分別嘅手捲細細件 兩啖可以食曬燒鰻魚 肉質肥美 啖啖肉炒蟹相當有鑊氣 蟹鉗位置有卜開 非常貼心燒羊架同燒海蝦做得非常出色 羊架好香香草味 肉質細嫩多汁燒海蝦 蝦肉彈牙 好香嘅燒烤味天婦羅即叫即炸 上枱嘅時候仲係熱辣辣脆卜卜 非常香口 入口不油膩餐廳仲有自助乳酪雪糕機 旁邊仲有自助配料提供選擇 味道酸酸甜甜嘅乳酪 十級好味

第一次黎吉壽幫襯 位置好好非常方便 就喺朗豪坊對面 地鐵站一出就係由於冇book位 又怕晏食等位要等好耐 所以五點半就前往 好彩真係早嚟 越夜越多人 好快就全場爆滿雪櫃嘅嘢飲 種類多到不能盡錄 可以媲美超級市場嘅雪櫃 支裝 罐裝 紙包裝 凍的熱的 任君選擇冷盤區 有提供一般嘅沙律前菜 蔬菜非常新鮮亦有日式小食及韓式小食 例如 日式八爪魚及螺肉 韓式辣泡菜 醃蘿蔔 等冷盤熟食區 本人最喜歡泡椒雞中翼 雞翼大隻肥美 帶點微辣 非常惹味刺身 魚生厚切 件件肥美冇根 入口即溶 而且無雪味壽司 飯糰大細均勻 上面魚生配料新鮮而且有光澤 款式都幾多 做工精細炒蟹夠曬鑊氣 肉質上算鮮甜 蟹粥 粥底煲得又綿又滑 有陣陣海鮮嘅鮮味牛舌爽口彈牙依然保持肉汁 非常好吃牛肉鍋分量唔會太大太多 汁底甜甜的 仲有金菇及時菜作為配料自助區仲有時令生果提供選擇手工製甜品食到尾聲仲可以出去拎雪糕雪條 或者有自助乳酪機平均二百蚊一個人 非常抵食餐廳職員值得稱讚 服務有禮殷勤 上菜時間快 沒有漏單情況出現

同男友行完街買完衫，就黎食放題啦，大家都行到又攰又餓，1⃣️坐低即刻係咁寫紙點野食。落單唔夠1⃣️分鐘，食物已經陸續送到，放到成枱都係。完全係食都食唔切🤣🤣🤣我地食左半小時都已經開始飽飽地慢慢放慢進度來。最終食到7點幾，出去自助區拎甜品雪糕 🍦食埋走人！埋單$506兩位 平靚正👍🏻👍🏻所有甜點都製作得很好，食落口完全唔覺太甜大人小朋友都適合 最愛3.6牛乳布丁 🍮total食左兩個 好食到停唔到口

今日因為要接一個朋友喺旺角放工見過時間咁野，不如睇下有冇啲抵食嘅放題記得以前食吉壽嘅時候，放題嘅餐廳都未係周街都係～依家餐廳裏面有好多不同種類的飲品 多左好多！現在連梅酒和清酒也有得飲，我都淺嚐左一下xD 味道都幾好，我覺得用來送壽司一流！食放題當然一定要孩子新鮮，令我好欣賞嘅係佢連北寄貝也有得任叫😝😝😝三文魚是厚切的，味道方面，也有豐富的完美。但味道較鮮的應該是帶子👍🏻。至於今日因為唔係好想食甜蝦，所以不知道味道，但看起來也10分新鮮！另一個驚喜就是這裏竟然有火炙左口魚壽司！而且個火炙能夠帶出左口魚的鮮味和油脂味！ 份量又唔係好大件！ 非常好！最後值得推介係佢個燒羊架。肉汁能夠鎖住在郁來，而且吃落沒有太大的羶味