吉壽日本料理 (已結業)

同朋友食開好西，差唔多次次都係揀放題咁滯，大瀛喜啊大滿屋啊都食到厭晒啦，其實個人就唔咁亂試新野，怕中伏呀嘛，但朋友突然間興起又話想挑戰喎，所以咪陪佢顛囉。今次間野叫吉壽，一入落去係幾有驚喜，佢環境係幾舒服，空間較大，冇一般放題咁擠迫。入到去順便望埋個任食區，見到選擇都唔少，起碼飲品都有成幾個櫃，又有yogourt，前菜又有八爪魚螺肉嗰啲。睇吓Menu ,都算幾齊，刺身炸物火鍋都有，但冇乜海膽嘅選擇，刺身啲蝦都唔算話太大隻，不過都算OK新鮮。而壽司比起其他放題選擇真係唔係話太多，起碼冇乜黑松露嘅嘢揀，但好彩個人唔太鍾意放題食壽司，所以冇乜影響。甜品方面其實都有少少失望，因為選擇真係唔係話太多， tiramisu macaroons 嗰啲唔使講，不過算啦見佢自助部算多嘢食揀都補償番嘅😂你問我啲嘢好唔好食，我會話overall水準都唔錯，全部野都冇話特別令人失望，以咁嘅價錢我覺得係算抵食，起碼環境已經贏咗，仲要講佢嘅店員服務都好好好勤力幫你上菜拎單，唔會要催佢或者舉好耐手都冇人理你。未試過嘅真係可以一戰👍🏻