吉壽日本料理 (已結業)

其實食來食去既放題提供既食物根本就差不多9成都一樣，真的是大同小異，一來很多吾同名既放題都是同一個老闆，所以入貨都基本上是一樣既suppliers，唯獨是有些收貴D既就可能有幾款比較特別既食物供選擇。依度對我黎講都係一般既收費，吾算貴，最好既地方係D員工都好有禮貌，上菜快冇漏單，所有食物水準都很好，新鮮夠熱。雖然依度D枱吾係好大，但員工收碟很密。其實食野service 好緊要，所以依個係我下次會再去既原因!

放題classy 今次其實第一次食吉壽。雖然店面幾大，但都好多人。今次去食就只係同友人兩個食，所以都好似慢慢揀，揀揀食。吉壽既種類都幾多下，刺身既種類都幾多下。刺身方面三文魚都幾唔錯，但係油甘魚就係啲啲雪藏味...但其他都唔錯，不過不失。而熟食雞軟骨同牛舌都係無得輸，好惹味！最令我覺得驚喜係，呢度火炙壽司都幾唔錯下，不會過油，剛剛好。如果有更多選擇就好了！！！！甜品方面比較少。無乜特別 所以無試。但竟然發現有yogurt雪糕.....但係唔知點解有啲油油地咁，所以食左小小就無繼續。野飲選擇都唔太多，有點可惜。Overall speaking，呢間放題作為放題係好唔錯，好多選擇！幾岩一班人黎。Come and try !!

喺香港, 放題嘅選擇真係唔少, 起碼有幾十間. 而吉壽呢, 價錢算中等, 但overall個experience又算唔錯. 餐廳幾大, 以我所見, 大部份食客都坐得舒舒服服, 對比有啲好迫夾, 或者枱與枱之間距離好近嗰啲, 吉壽呢方面已經win~~食物方面, sashimi真係算唔錯. 好幾樣都頗為肥美, 而我個人覺得, 一定唔可以錯過嘅係油甘魚, 池魚王同埋劍魚腩. 油甘魚本身好鍾意, 可能有bias, 但池魚王同劍魚腩咬落去真係好有滿足感, 有鮮味亦有少少油脂味, 真係幾得~~由於sashimi真係幾唔錯, 我真係食左唔少, 變左其他食物就冇食咁多. 不過都有少少可以推介下, 包括壽司嚟講, 鵝肝帶子呢個組合ok, 鍾意呢兩樣嘅人應該會幾滿足. 另外個鹽燒三文魚腩比我想像中好, 原先我其實係tick錯左, 不過嚟左之後都食啦, 以免浪費, 點知燒得幾香, 放埋口邊時已經聞到個香味, 算係意外驚喜.另外就係蟹柳天婦羅. 有啲人可能會嫌係cheap嘢, 但我覺得呢間嘅蟹柳天婦羅真係幾好, 唔知係炸嘅油溫呀, 炸嘅時間呀, 個粉呀定係咩喇.最後仲有個菇都值得一提. 送到嚟嘅時候香噴噴,

吃到飽的任食放題，一大班人聚餐的好地方，吉壽的炸物種類不算太多，但食物也很高質素。這兒有熟食部，一到達的時候點完食物後，便立刻到熟食部拿一些沙律先吃，椰果的份量也很多，車厘茄是原粒會比較好，喜歡吃它的*實淨*口感叫了一個很吸引的芝麻雞翅，配上烘香過的芝麻， 表皮烤得焦香金黃所以十分香口，但略嫌有小許油膩，是不得不點的邪惡小食這個烏冬加了海帶，配上麵鼓湯，如果有豆腐就好了，烏冬爽口彈牙不會煮得過淋，好像是讚岐烏冬來的。沙律醬配上蟹壽司，味道十分夾，而且口感豐富，是用了蟹棒做的，更像蟹肉的口感。個人比較偏好吃完刺身熱食後吃水果，所以沒有嚐到吉壽的甜品。西瓜和菠蘿和哈蜜瓜也很香甜，而且冰過所以也很冰涼。

放題之王又出動了，今次又做MK妹，去MK食放題，因為多選擇，香港旺區我真係差唔多間間放題都食勻哂，因為我每星期都最少食一次放題的.....心癮好大..... 今次幫襯左一間叫吉壽日本放題嘅餐廳，入到去好多張枱好多位，好似係行緊迷宮咁。呢度啲刺身都好新鮮，同埋啲壽司都好好味，拍得住出面的連鎖店! 愛蝦之人一定要試，呢度剩係蝦剌身已經有3款, 赤蝦、甜蝦同埋泰式生蝦都有，個生蝦汁正到爆，同泰國鋪食的一樣咁正，不得了!!壽司叫左少少, 不過不失~我叫咗兩件燒羊鞍入面肉質好juicy又唔會太鹹，面頭有少少支然好香呀有D影得唔靚, 想俾大家睇下幾多肉汁~HEHE我朋友減肥準備結婚嘅，但係佢都覺得啲嘢好好食，減肥都要食好多刺身，最正係呢度有花膠叫，佢都食咗兩兜，話希望影片wedding嘅時候皮膚好啲 ~~ 另外一樣想要推介嘅就係燒海蝦，真係非常之大隻，肉質非常彈牙同埋爽甜!我覺得超好食呀!!!!但係好快呢就截咗單喇，咁就冇得再加單了......唔怪得知每一張枱都叫咁多啦 ....喺出面除咗又一杯一杯現成嘅雪糕之外，仲有一部軟雪糕機，今次做緊蜜瓜雪糕，非常之香呀!!我同老公一人都食咗一杯，我朋友就係

大K 咁難得約到女神去食飯 撐枱腳 , 梗係要搵一間似樣又好食嘅餐廳! 千祈唔好俾女神有壞印象 今次帶咗女神去食日本放題! 呢間日本放題一入門口就見到人山人海 仲有海量嘅飲品雪櫃，仲有雪糕。即係喺佢門口嘅 甜品已經夠你開心一個鐘。 梗係啦女士們嘅甜品永遠都係另一個胃㗎嘛!日本放題當然唔少得嘅就係食刺身。 正值夏天係池魚的旺季 , 夏天都唔食鹹魚刺身就真係走寶啦! 當然要呢度嘅詞語是神絕對冇令大家失望。 除此之外 , 估唔到嘅劍魚腩都有驚喜。肥瘦 恰到好處， 新鮮好味，絕對出乎意料之外!仲有大K非常喜歡呢個燒羊架， 半肥瘦嘅羊肉再加埋燒到恰到好處嘅廚師。 簡直像美食上巔峰。另外 一個夏天必然嘅選擇海膽。 要分別海膽新唔新鮮好簡單! 只要睇下個顏色就知道。 大家睇下啲海膽呈鮮黃色，帶小小紅。呢啲就係最靚最新鮮海膽 的顏色， 所以一口氣食咗四個仲有其他本創意壽司 絕對睇得出廚師嘅手板功夫到家!

好耐無食日式放題。放題最重要係魚生夠新鮮好食，今次選擇真係無錯！首先講下地方，呢度非常大，容納人數不少，不過座位唔會太逼，我地坐旁邊卡位，都幾自成一角，可以好好地傾計。首先就係重點——— 魚生！三文魚、赤貝、帶子、劍魚腩、甜蝦...全部都有高水準，非常新鮮呀😄😄👍🏻 仲encore左兩次🤭 不得不提小魷魚，非常甜美。一口海膽手卷。份量岩岩好，唔會太大食完滯左食吾到其他野。即做即握，紫菜仲係好脆身，讚！壽司方面只淺嘗三文魚、左口魚，水準都不錯。仲叫左其他小吃。燒菠蘿，甜粟米，沒有令人失望。吉列蠔，蠔味十足，炸粉薄薄的，咁就唔會比油香蓋過左蠔味👍🏻芝士波波亦是不錯吃。自助水吧任飲。總括而言，非常滿足好吃的一餐呀！放題之選！

那日閒日放假，阿媽真係唔想煮飯，成家人幾個齊齊食放題，我同媽咪講想食旺角放題可以行陣街再去食，我未食過就下佢Book呢間，估唔到閒日星期四都咁爆場。入到去格局都OK播，有卡位，有飲品櫃，甜品櫃，雪糕雪條櫃，沙律Bar，正合我，最愛周圍攞野食先夠爽架。我最鐘意食火炙夀司，呢度火炙款式唔幾好味，好似係醬皇帝蟹棒，鵝肝帶子，京蔥三文魚腩等都好食，呢間出品不錯。刺身也很新鮮，最重要佢上刺身係快，我地叫了5次，5次都快上。那晚的池魚王，赤海蝦，甜蝦，蜜汁鮑片，帶子，八爪魚，立魚都好食。至於串燒類質素平均，我特別推介燒虎皮尖椒，好有辣椒味，都好辣下，重有燒比目魚，魚味濃，好食過燒鯖魚。另外個燒鰻魚，個燒汁做得惹味，鰻魚肉質也新鮮。炸野我覺呢處D雞翼好味，無咁油。我同Daddy特登留定肚食雪糕甜品，有自己整雪糕，有我愛的紅豆雪條，大腳八，又飲埋自助梅酒，呢間真好味。

好耐無食過放題，又見表妹考完試，帶佢出去食餐好少少。揀左位置超級方便嘅旺角吉壽放題！食放題每次都必定係刺先先。我地唔想太浪費，所以每樣只係叫左少少，但送黎GE時候同以往一樣砌得好靚˜好耐無食，味道無變，一樣新鮮肥美十分欣賞壽司，舊飯細細舊，一口入口唔會食飯食飽！點少少匙油，已經好好食！海膽手卷都係細細舊，而海膽份量都剛剛好一round刺身唔夠，叫多一round，除左大甜蝦之外，油甘魚味道都好唔錯！刺生魚生食完後，緊係叫炸物。表妹好中意食炸蠔，一次過叫左 3 round 成十舊，超誇張啊！咬一半睇睇，唔好太熟，好好食！！其他炸物都唔錯，好鍾意食炸芝麻雞翼，熱拿拿，肉很嫩啊！燒菠蘿好甜啊！可以解一解魚生的「漏」。鰻魚唔錯，可以叫埋海鮮炒飯一齊食好夾啊最後甜品飲品區，不過最開心係有yogurt，加埋棉花糖食好夾啊，仲可以拎住食住走！整體，咁耐無食，質素一樣咁唔錯，會再來食啊！

吉壽係放題中都可算係大佬，不過我都係第一次黎呢間食。我同朋友就約左星期五晚9點。好彩一早訂左台，唔係都真係有排等呀。入到去發現有好多自助小食區，當中最最最受歡迎既非炒蟹莫屬，我都唔執輸去左排隊。可惜都只係夾到一件。見隔離仲有田螺，唯有退而求其次選左田螺。食落之後發現田螺仲好食過炒蟹呀。蟹肉炒得勁熟，搞到好乾身。不過田螺就唔會啦。田螺個個大大粒，食落新鮮得黎又辣辣地，諗真過癮！搞到我都番左兜。講真黎食田螺都值回票價。吉壽真係好良心呀。呢度既選擇就唔算多，不過我就可以保證樣樣都好有質素，中伏位少之又少。👍🏻👍🏻👍🏻刺身新鮮，而且絕對唔會食到有雪味或過於冰凍。小妹特別推薦鮑片。鮑片味好鮮甜，質素真係高。我同朋友食完都再點！手握壽司都係飯細細件，絕對唔會話用飯塞飽你。仲要手握得唔錯。刺身當然新鮮啦！我仲點左鯖魚同曼魚。鯖魚就大大件，味道亦唔錯。至於曼魚就細件左少少，勝在呢度上菜快，在order 都好快到。有兩樣食物一定一定要推薦俾大家既，就係芝麻雞翼同有機菠蘿。平時小妹對芝麻雞翼就麻麻地，但見好多bloggers 都推薦呢度既芝麻雞翼就試點啦，點知一試就愛上，原來肚都幾full下都要再點多兩隻

好重要，所以要講三次，最鍾意食嘅泰式炒蟹冇咗坐抵羅嘢飲，然後點餐，搵唔到泰式炒蟹問人先知轉咗餐牌，嗰刻真係好想走人，奈何我地已經羅咗嘢飲好啦～既然咁就試下新出嘅魚肚羮，個名叫xx燴花膠？唔係好記得。我地有三個人，一次落單就寫3客。但每次嚟都只係得一小碗你話炒蟹嚟到一客三件都可以一人一件咁食，但魚肚羮都要人輪流一人食一啖？搞錯！食完全程合共點三次每次3客共只黎3小碗。認真失望唔知係咪廚房換咗人燒牛舌明顯比之前難食好多，好韌唔香口，其它同以往差唔多都OK嘅。不過呢排唔會再去

幾年前來過一次，沒有太深感覺，最近睇到多個食評，都話讚不如就食一次，反正價錢ok，普通一餐飯，唔洗食到咁貴，成3百蚊一個人嘅款極級放題!我當日早2小時前才book位，由於假日關係，只限2小時。所以就book左6點至8點，$228再另加一，食完都好尚早。大約5點45分上到去，職員叫我地等叫訂位編號。不過，同時有一枱人提早入去，轉軚限時1.5小時，就$198。不過我地覺得食得太急，最後都選擇貴少少喇!一入到去，就見到沙律區！我都夾左海藻，付味螺肉（忘記夾帶子群邊😩）旁邊有小丸子，唔知乜野炸物，小卷物。小丸子係新鮮熱辣辣，但咬落似薯蓉，同平時有分別，入面粒章魚都好細下。另外一邊，有碗仔翅，中湯，麻辣東風螺，豚肉炒烏東。鐵板大赤蝦，小辣加啲蕃茄味，都幾惹味!燒牛舌好好味，其後encore了兩次。黃金燒扇貝，如果喜歡沙律醬味，就可能ok，但我地就一般，反且如果有「牛油燒帶子」更佳!燒羊鞍，唔會成嚿肥膏。牛仔粒和燒菠蘿都可以。不過這款醬燒雞翼就唔太好，芝麻雞翼好食得多!花膠和雞軟骨都出現比少份量。雞軟骨好好食，一叫再叫!其實，我地都唔係叫好多野食🙈🙈一早超快就食左個蟹粥，還有燒海蝦串，蒲燒鰻魚雖然

依家香港既放題林立但係稱得上老字號既我相信吉壽一定佔有一席位初初放題興起果陣都有食過吉壽咁多年黎食過唔少放題最後先發現原來都係吉壽最好食==============================老實講，現今呢個年代既放題黎講佢選擇唔算多但食完之後就會明白咩叫「貴精不貴多」吉壽真係做到沙律、生果等等既自助吧款式都唔少，而且都幾新鮮見到咁多飲品唔講真係以為去左便利店飲品櫃雖然只有一個但我覺得呢個設計仲好過呢到一個果邊一個依家一目瞭然，幾好竟然仲有梅清同清酒自助雪糕機呢到唔係普通既雪糕，而係乳酪雪糕！！！食物眾多，我只重點介紹我覺得好食果Ｄ啦必食推介：芝麻雞翼！！！！！！！！！！！！！應該係我成世仔食過最好食既芝麻雞翼外皮炸得香脆，內裡保持肉嫩食果陣仲熱辣辣到有煙噴出黎真係必食難怪呢到咁多人推薦食放題又點可以冇刺身呢？呢到既刺身都幾新鮮我特別推介鮑片刺身新鮮，唔會乾身，有咬口，鮮味十足估唔到放題都竟然有蒲燒鰻魚食仲要非常肥美，又唔會有骨最後又點少得既至愛既煎炸野呢雖然我只影左蟹柳天婦羅，但係其實蝦都好好食佢最好既地方就係全部都係新鮮滾熱辣隻隻上到黎都係熱辣辣，香噴噴而且用料新鮮，Ｄ蝦爽口又

星期五响mk做完嘢，等老公收工一齊食飯，點知他突然要OT ，我唯有行住街等。一路行一路等，愈等愈耐，等到九點已經好肚餓，結果就諗到食宵夜放題天氣悶悶，食日本嘢就最fresh ！Yeah行到一身汗，見到呢個冰櫃，相當感動諗得出嘅飲品，呢間放題都幾乎有晒！突然覺得呢類食店競爭真係大，飲品少啲款式都唔掂而呢間簡直係超班，連清酒梅酒任飲！！酒鬼夫妻表示好開心！刺生鲜，種類算多，而且唔係行嘢，要知道帶子唔係間間都有！通常自助嘅前菜我好少食，但有我最愛雞翼少少都要試下！鰻鱼我平時又係少食，但見到呢個手掌咁長嘅鰻鱼又係唔試唔得，幾好味！我最愛呢個！！！！！！！！焗嘢又rich 又夠熱，正！！！！天婦羅皮薄，送酒一流！！值得一提係呢度用wasabi 好夠辣，我老公係wasabi 愛好者，佢都話宵夜唔好食咁多round 壽司刺食，費事太飽，但有👆牛肉鍋又點可以唔食埋？！尾聲嚟條雪條完满！！！

今晚到旺角食吉壽放題，一嚟到經理就安排我哋兩個坐卡位，10分舒適，環境燈光幾好。一嚟到就比出面啲嘢食吸引住，坐低就急不及待叫野食。刺身方面，我哋叫咗三文魚，帶子，甜蝦，同埋泰式生蝦，夠晒新鮮同埋肥美。熟食方面，鰻魚份量啱啱好，醬汁一流，芝士蟹柳燒帶子同芝麻雞翼係必食，皮脆肉嫩。炸天婦羅炸得乾爽，雞軟骨份量適中又又有咬口。壽司方面我哋叫咗黑松露蝦壽司同埋三文魚腩壽司，不過食放題唔想咁飽架都係叫少少就夠。 甜品方面有雲呢拿同士多啤梨雪米糍，仲有乳酪雪糕，飯後消濟一流。飲品方面基本上你講得出嘅都有，買單都只係二百幾蚊一個人，好抵食。