吉壽日本料理 (已結業)

之前聽屋企人講，話呢間放題質素好好，今次終於抽到時間試下一入到去即刻周圍睇下有咩野係可以即刻拎嚟食呢個係一個沙律+水果吧，好多選擇呀其實個吧隔離之後仲擺左D章魚小丸子同葡撻，2樣試過味都唔錯之後再睇下個飲品櫃。。一睇真係不得了。。因為勁多飲品揀呀，有紙包有罐裝，絕大部份都係香港出嘅飲品，最驚喜係有得任飲啤酒啱哂酒鬼們再望下我最鍾意嘅甜品櫃。。除左平時有嘅布甸，仲有D芝士蛋糕可以揀呀仲有個雪糕櫃都不得了。。除左有平時食開嘅雪糕牌子，最驚喜係有得揀雪條，連榴槤味都有喎雪糕櫃隔離有個自助嘅軟雪糕機，除左軟雪糕仲有乳酪可以揀，旁邊仲有朱古力、棉花糖等可以揀最貼心係佢竟然有埋個熱飲櫃，照顧埋唔鍾意飲凍野嘅人，值得一讚叫野食啦勁多款式嘅食物可以揀首先係最期待嘅刺身一食就知夠新鮮，同平時食嗰D好唔同呀除左刺身，D壽司都係必試，連我個小朋友食完都俾哂like 仲叫左個龍蝦沙律&吞拿魚嘅手卷試下，好味道我地仲叫左好幾款熟食試下樣樣都好正..但可惜眼闊肚窄唔可以試到咁多點飽都要食甜品，最推介係雲石芝士蛋糕小朋友就鍾意個牛奶布甸整體除左好味，上菜仲好快，呢個價錢食呢個放題真係超值，一定會再叫屋企人一齊食

平時去大喜屋食但看到這裡好多好評想來試下點的食物們都很快上碟了，很少漏單一開始覺得幾滿意但覺得魚生都沒有鮮味 有點失望但其他小食都不錯然後食還不到半小時 13:2x就有人來比單要比錢 還提醒我地3點要走人芝士雞翼好好食但服務態度麻麻地1.5小時內 被提醒4次 說時間差不多了但其實時間還有幾長3點走 但2點幾就要人最後落食物🌚還說要去拎甜品 好快就要收了我地都未食完 叫我地拎甜品.....最後我地連雪糕🍦 甜品都未食雖然食物是ok 但好趕時間咁 下次不會再來 食就去大喜屋食都好🤦🏻‍♀️

通常係旺角諗吾到食咩基本上就會揀食放題好耐無黎吉壽食 今次食多一次比以前相比 選擇多左好多連火鍋都有埋 變相更抵食不過今次我就無食了 覺得有啲飽即刻叫左一大刺身食厚切三文魚 又肥又大即甜蝦正都流即吞拿魚食左個凍盤 再食個熱壽司好吃耶 很有良心的說飯真不多 好少放題做到依點炸芝士小卷同沙拉烤菠蘿酸酸甜甜很開胃飯後甜品也有耶還有一大准雪糕可以選擇的總捨來說這家價錢不算貴 餐單的東西又多 份又合理如果每樣吃味道來說的話可以選擇他

有同事生日，佢地一早訂左旺角的吉壽食放題慶生，因為吉壽地方夠大又整潔，招呼同食物都吾錯，之前老闆請過我地食，大家都讚口不绝，所以今次就一致通過去吉壽慶生。自助區食物豐富，有沙律、熟食、甜品，飲品有熱有凍，又有常温的。更有啤酒、清酒等酒精類供應。放題首選刺身，先來一個刺身拼盤，三文魚、油甘魚新鮮肥美，北海道帶子、甜蝦、蜜汁鮑片等都鮮味十足。火炙鹽燒三文魚腩壽司，三文魚腩油脂豐富，用火燒過特別香濃，入口即溶。芝麻雞翼即叫即炸，金黃色的皮香脆，肉質鮮嫩。燒有機菠蘿，酸酸甜甜的，好醒胃。黃金焗帶子，用新鮮帶子，加上沙律汁，焗至金黃色，沙律汁酸酸地，帶子爽口，十分美味！御品蟹皇瑤柱海鮮粥，粥底夠綿滑，蟹鮮甜，蝦彈牙。最後食甜品，自助區有多款甜品，還有雪條雪糕等，記得去雪糕機自製一杯軟雪糕，考考自己的功夫。

今日放工和女兒往朗豪坊shopping，晚飯時間又到，女兒說好耐都冇食放題了，想起附近有間吉壽日本料理，食放題好抵，食物質素不錯，招呼又好，突然好想去食，行出朗豪坊就見到吉壽，好方便。位於胡社生行5樓，一出𨋢就見到好多人等位，我們立刻登記加入等位行列。店內座位是卡位，地方整潔，坐得舒適。並設有自助區，冷盤、熱湯、甜品、飲品(包括酒精飲品)等，還有自助軟雪糕機。吉壽的高質素刺身是回本首選，我最愛的三文魚爽滑，厚切又大片，魚油甘香。原粒帆立貝都好大粒，新鮮又鮮甜。赤海蝦和泰式生蝦好爽口。御品鮑汁燴花膠，這個不過錯過，花膠份量都幾多，口感滑溜，骨膠原豐富，鮑汁調較得濃郁惹味！香草紐西蘭羊鞍，熟度剛剛好，鮮嫩又入味，沒有羶味。火炙壽司也不錯，鹽燒三文魚腩，三文魚腩經過用火輕輕一灼，魚油更香濃。蒲燒鰻魚，烤過的鰻魚塗上蒲燒汁，十分惹味！花之戀，三文魚刺身卷位壽司飯，中間加入沙律醬，加上蟹籽，好美味！另外還有千島吉列大蝦卷，壽司飯卷住吉列蝦，加上千島醬，之後再加上蟹半籽，吉列蝦香脆，有口感，，千島汁惹味！多款甜品中我最喜歡奶凍，甜度適中，口感滑溜。

香港有唔少放題餐廳，都食過唔少，趁星期二旺角冇咁多人，時間早，一於去試下吉壽。5:00pm-8:00pm係特價時段，星期一至三既話，做緊每位$208，可以任食兩小時，勁抵。食物不外乎刺身，壽司，煮物，串燒，炸物等等。呢度勝在上菜快，基本上可以唔停口，不斷落單不斷食。最值得推介既係吉列炸蠔，外面超級鬆脆，脆卜卜，裏面粒蠔爆汁，超級肥美，正。刺身方面，三文魚係必食，比起一般既更厚身，入口即化。帶子，北寄貝，螺片，魷魚，八爪魚都好鮮甜。店長推介既油甘魚， 劍魚腩，池魚都唔錯，完全冇雪藏味。鍾意食蝦既，仲可以有多款選擇，泰式生蝦，甜蝦，赤海蝦，都好爽口。壽司，卷物，手卷方面，火炙三文魚腩壽司，蒲燒饅魚壽司，蒜香帆立貝壽司，各有滋味。想食多d蒲燒饅魚既話，有得淨點。花之戀，三文魚薄片配蛋黃醬蟹籽，口感一流。吉列大蝦卷既千島醬個人覺得濃左d。鰻魚忌廉芝士卷，芝士味好出。海膽手卷好滑溜，細細卷，一手就拎得到。而煮物中既黃金焗帶子，作為人氣食品果然名不虛傳，帶子新鮮清甜，同香濃柔軟既芝士好夾。日式雪花牛肉鍋，甜甜既湯底浸透入牛肉片中，非常暖胃。鐵板牛柳粒熟度啱啱好，叫左一客諗住得幾粒，點知有好多，可以

颱風走咗，緊係要食番餐豪嘅~ 依間吉壽一出旺角站就到，交通非常方便，好啱一班三五知己黎落腳。食物種類豐富，有自助同點紙。自助嘅係前菜同甜品，點紙嘅有刺身、壽司、串燒、炸物、鍋物等等。一黎緊係率先試下刺身，每款都非常鮮甜，特別係三文魚，甘香嫩滑，帶子肥美飽滿，而八爪魚片口感爽滑，簡直一流！壽司方面，個人比較推薦鰻魚忌廉芝士卷同吉列大蝦卷，估唔到鰻魚同忌廉芝士可以咁夾，而脆口嘅大蝦配上鬆軟嘅米飯好有口感。依度嘅手卷都幾出名，唔係因為夠大，而係因為佢只係手指嘅大細，咁就唔洗太浪費，抵贊！最驚喜嘅係牛油蘑菇雞翼，睇落同普通雞翼冇分別，一咬發現入面包住咗勁多蘑菇。自助區可以自己夾沙律、涼拌小菜、水果、飲品、蛋糕仔、雪糕雪條等等，仲放咗一部雪糕機同埋配料，俾客人自己DIY整雪糕。

話說我有鋪癮，就係一個星期at least 要食一餐壽司，唔食就會好唔安落。多數我就食元x同板x，初頭百零蚊落樓，之後二百零蚊，近排唔知點解一個人食到三百零蚊。既然係咁，諗諗吓就不如放個平題，起碼有限數。搵過咁多間，旺角嘅吉壽算幾平。一個人放題，個胃有限，唔可以亂嗌，攤開哂啲點餐紙慢慢諗。出面仲有個生果bar，有個甜品區，有湯，有幾種熟食。所以如果我話你知呢度食物有過百種選擇係冇誇張。如果喪屍打到唻，除咗超市，吉壽都係一個避難嘅選擇唻。趁嘢食未唻食件出面嘅生果同章魚燒先。西瓜係甜嘅，章魚燒都係熱嘅。燒元貝，雞軟骨，燒菠蘿，牛柳粒，鰻魚，炙燒左口魚裙邊。剔幾多件佢真係俾足幾多件你，出餐咁快唻講賣相都唔錯。始終得一條友唔嗌咁多，不過我見隔離檯啲刺身的確係大盤大盤咁上。之後食返個香甜嘅牛油粟米，我以為我會飽，但係未。居然有得嗌蟹粥。入面有足一隻細蟹同一隻大蟹殼。埋單先係218。個人唻講我覺得熟食，尤其燒物幾唔錯。

好耐好耐無食放題,就揀返去開既吉壽,book左7點半,7點4去到員工話930一定要還枱,然後比我地早左入去,應都坐滿左8成呢度好似全部都係卡位,就算2個人都會比卡位,梳化都坐得舒服以前第一輪刺身都會落好多食到浸晒水都未食完,所以而家只會逐少逐少落,呢度既帶子係原粒上,唔似其他切到好薄比你雞軟骨串好似比人偷食左咁…花膠無食但聞落幾香,天婦羅粉薄脆口,好食!唯一唔鍾意既係帶子每次比好少,一大盆既時候更少,右上係單點20粒,左下係10粒,一樣係比少左,而壽司上既刺身好薄但味道ok羊架夠淋身好食,海膽手卷細細件好正!飲品好多選擇但無影到,橙汁先生一開始已經得返十幾枝無refill過,榴連雪條係大馬出,好難食XD埋客每位218加一 好似比之前平左

每個月食放題自助餐廳都會想起吉壽，至少每月都會吃一次！價錢每位218$抵絕其他日式放題，而且不馬夫。好食程度絕對是款式多，有任飲（溫暖的熱飲區），甜品（食得人個種），沙津bra ，自助雪糕機，多不勝數，而且坐的位置不會迫，舒服😌很滿意！食得最多次的一間

好耐無黎食過依間吉壽放題啦，多左好多新款菜式！！！環境舒適兩個人都有卡位坐！燒鯖魚，有個酸酸微微既汁沾黎食重好味，好多魚油好香口！！！炒什菜燒鱈魚柳，真係好好味，個燒汁甜甜，食落好軟綿綿，一定要再單再單再再單！！！炒蝦，好野味好香，用黎炒既蝦都好新鮮，唔黏殼蝦肉仍然爽彈既！！！韓式壽司圈依到有得食！！！雞軟骨，但食落似雞肉位多d，無咩咬骨感！！！牛乳海鮮鍋，d海鮮令個湯底好鮮甜！！！胡麻冷麵！麵質入口煙煙韌韌好有口感，成碗野冰冰涼，一流！！！炸生蠔同榴槤球，個榴槤球朋友食完講野坐對面離遠都嗅正，即係用料十足！哈哈！！！推介鵝肝帶子壽司，依個配搭味道好夾！每件壽司都整得細細舊，一啖一舊，唔會食膩，可以試多d款式，唔錯！！！燒羊架刺身拼盤，同朋友兩個都唔食魚生既，所以無點魚生，成張刺身單都有幾多選擇，甜蝦，榮螺，八爪魚最鐘意食，全部刺身都好新鮮！！！最後服務方面值得讚下既，d員工好有禮貌同好健談有趣，做起野又夠敏捷！！

• 吉壽日本料理 •• 旺角彌敦道655號胡社生行5樓 •食放題已經好似同朋友既一種默契咁，幾個一齊行完街拎住勁多野一齊話去食飯，都無講食咩但大家對腳都係同一方面行去胡社生行，真係好好笑！至於依間吉壽我對佢既評價次次都係正面既，食物新鮮，上菜快，服務好，唔錯！！！**鮑汁冬菇炆花膠，炆得好入味，花膠炆得好淋，好漿口！！！**甜蝦好鮮甜好新鮮！！！**海膽手卷，依到飯既份量係岩岩好一口一淡，唔怕浪費，因為實在太多人係為左食上面既海膽！！！**炒雜菜，個調味濃，唔會太清淡！！！**刺身新鮮，最愛北寄貝.榮螺.帶子.甜蝦！！！**甜品除左雪糕雪條，大家一定要試下煙煙韌韌雪米滋！！！**飲品有好多選擇，汽水.奶.茶.，重有桃味果汁.蘆薈汁.酸奶，連啤酒都有三種，可以話係應有盡有！！！

琴晚我帶了我女朋友去了一間叫吉壽食晚餐.看了價錢都唔算貴，一個人200蚊有找.上到去全場爆滿，要等位. 個環境都唔錯，好乾淨，野食款類都好多！首先，刺身一定唔少得. d刺身都好生鮮..擺得幾好，賣相一流. 我地起碼食左3盤...送出黎既速度都好快，叫左唔夠5分鐘就送到埋黎...唔錯唔錯..叫左兩個煲食，一個海鮮，一個牛肉sabusabu..尤其係個牛肉煲，個湯真係好正，好味到我飲晒煲湯...起碼叫左3煲..飲到停唔到口..值得一試👍叫左d海鮮小食，例如，芝士帶子，蝦同埋鰻魚..個芝士帶子味道都好入味，尤其係好鍾意食芝士既我，我覺得好好味😋...蝦都燒得唔錯，d蝦都好新鮮，肉質幾實同埋d肉唔會痴住d蝦殼.鍾意食海鮮既人應該好明白..最後唔少得更係呢幾款，牛柳，雞翅同埋玉米..個玉米我女朋友食左3細碗，已經代表好好食..雞翅同埋牛柳都燒得唔錯，好入味...食埋呢幾樣真係飽晒...呢間真係唔錯，好多款式都係我地鍾意既...價錢又唔貴...下次再黎..

好耐冇食放題，又好耐冇見個朋友，就去左吉壽食入到去啲座位好舒服，一人一張大沙發，經理都好熱情幽默招呼我地又係每次放題必食嘅牛柳粒呢度嘅牛柳粒大大舊但唔會柴皮，每粒都好JUICY爽口，真係好好味!亦食左常點嘅雞翼外皮炸得好脆，仲好多芝麻，好香口又啖啖肉真係外脆內嫩架，正!壽司亦好推介，每塊刺身都蓋過晒啲飯，食得出新鮮，冇馬虎處理一啖食落去，幾有滿足感雞軟骨今次燒得焦左少少，不過整體都係脆脆香口嘅叫一份都岩岩好2人食，仲有得擠檸檬，完全冇油膩感整體黎講，吉壽呢間鋪最大特色係食物夠大件，新鮮亦好好味好適合鐘意口感嘅人，以後會再幫襯

行開旺角既朋友，一講起放題，心入面都會自然聯想到幾個名，而其中一間，當然係「吉壽」啦！未聽過佢個名既朋友，就等我為大家介紹下呢間，性價比高，歷史又悠久(當年中學雞已經幫襯，利申已工作一段時間)既放題點啦！食放題指定動作，當然係個刺身拼盤熱下身，兼影相打個卡。刺身既賣相精緻，師傅仲將d魚生砌左朵花，值得一讚佢既貼心。所有刺身全部都好新鮮，切得夠大塊，份量都跟足你落單咁比。我本人最推薦就係三文魚(絕對唔係個隻大陸垃圾虹鱒)，劍魚腩(爽口，肥美)同帶子(夠大粒，又夠鮮)！至於壽司方面，我個人鐘愛火灸壽司，所以五款都覺得無得彈！要係入面選的話，我會選蟹棒同鵝肝帶子！除左刺身同壽司，其他熟食係放題亦都係好重要既一環！不過花多眼亂既時候，我就選左我最鐘意既兩樣黎推介：焗元貝同浦燒鰻魚。對比以前食，焗元貝改左用錫紙托黎裝，雖然爽度減左，但料同味道都係保持以前食既一樣，唯一解釋到係省位左啦！至於浦燒鰻魚，佢雖然賣相麻麻，但味道認真一流而且夠抵食，平時出面食，70蚊個定食先得兩塊仔，宜家比你叫到夠，爽！最後，就係講講野飲、小食同甜品！野飲成間便利店咁，只差在你係度可以任飲！識玩應該會喪飲忌廉鮮奶。如果呢