吉壽日本料理 (已結業)

約一位同樣喜歡日本菜嘅朋友食飯，放題最啱我地咁大食收費非常合理，如果早放工或唔介意夜食，收費更加優惠以為星期三晚上唔太多人，點知都爆場，好彩有book定位，我地約7:30到點餐紙：沙律，生果及甜品都係自取凍櫃有雪糕，雪條及雪米糍飲品有成個櫃可選擇，另一邊有少量熱飲刺身共有十八款可選，非常多，淨係蝦刺身都有三款，款款新鮮帶子算大粒，之前食過其他同等價錢放題的好細粒右下角沙律係自助吧度夾，未上餐前可以頂頂肚又開胃火炙鹽燒三文魚腩入口即溶，唯一有點嘅壽司就係呢碟👍🏻熱炒海鮮好惹味，尤其泰式炒辣蟹，蟹鉗啖啖肉，每隻都預先打碎哂黃金焗帶子啱哂芝士控海鮮粥鮮甜👍🏻有蝦又有蟹，一鍋都唔少，建議尾聲先食，否則好快飽

星期日約左姐姐同姐夫一齊食放題，我地都好耐冇食日本野，特登搵左呢間好評放題準備食返夠本。餐廳環境乾淨，我地坐嘅卡位以一個舊小提琴做裝飾，上面的弦線真的可以彈出聲音，很有趣。點食物紙有好多款，令人心思思，想試哂佢地。點完第一輪食物就可以出去拎飲品同前菜，呢度仲有梅酒清酒任飲，而我見到有乳酪雪糕可以自己㘉就自己整左杯特飲。呢度有好多飲品，我就簡左呢隻韓國桃味酒，好易入口，好飲。第一輪刺身到左，擺盤好靚，仲有乾冰出下煙。帶子、三文魚同油甘魚都好鮮甜，好味。呢度嘅燒物同炸物都唔錯，上桌時好夠熱，味道正常，我同家姐都覺得燒菠蘿好甜好好食。第二輪嘅剌身擺盤就冇咁靚，但刺身都係好食嘅，亦冇漏單。呢求嘅芝麻雞翼超好食，熱辣辣香噴噴，好脆口，肉滑有肉汁，食過返尋味。因為我地早去，星期日食6點到8點都係228。呢間放題質素唔錯，服務員態度真心抵讚，好有禮貌! 而且冇咩漏單情況，服務員都會主動問你有冇野未黎，唔洗人三催四請，好欣賞呢點! 係好值得一試嘅放題。

食了好多次，食物種類算多，刺身新鮮，相信都受歡迎，所以比較多人，但好彩坐得都不太逼。地點都方便，近地鐡。第一次食在中環分店，公司聚會，當時舖面不大，都有點逼，但分店已關門，現得旺角店，希望可以再有分店在香港區，中環就更好，更方便我。食過咁多間放題，要我推介一定係呢間！

依家去食放題，好多格局同野食都一式一樣，不過嘢食嘅質素都可以好參次。吉壽算係數一數二，嘢食好食，坐得舒服，而且食物選擇多嘅放題。我哋去食嘅時候已經係九點。但佢唔會因為食得夜，而冇晒d野食，起碼放喺出邊嗰啲嘢食，我哋見到佢又周不時都會添返👍🏽👍🏽👍🏽刺身我哋就嗌咗兩輪，費事食唔晒，咁就晒野。佢啲份量唔會比少，而且夠晒凍，好新鮮！大家真係要試吓佢d刺身蝦！！佢有虎蝦，不過我硬係覺得泰式食法會滋味d🤣🤣🤣日式牛肉鍋都係必點！！湯底好甜，豆腐好滑，而且牛肉份量都好多！亦唔會太老！一口牛🤤🤤🤤永遠冇伏！好冧又夠晒味！佢串燒都有好多款揀！雞軟骨！must encore!!有時好怕佢有陣味，但呢到完全唔會有！好少放題會有海膽食，呢度有海膽手卷！而且細細件，唔會食到太飽。顏色唔係特別鮮色，不過絕對唔係臭味海膽。食得太多肉，都要嗌下啲粟米平衡返🤣🤣🤣最後就食返條雪條。捧住個肚走🤤🤤🤤

全港有咁多間放題，只係有幾間可以keep到水準，放題的評價在意幾樣準則：食物新鮮程度，食物多樣性，食物到齊的準繩度，侍應的服務態度，吉壽係做齊以上準則的放題。呢度食物選擇貴精不貴多，先講刺身魚生好新鮮好厚，三文魚油脂分佈又平均，加上碟上加了乾冰，侍應會不時加水以放煙霧效果，美感十足！不同熟食都熱辣辣，我個人推薦全雞翼同炸生蠔，羊鞍十分大件好味！壽司手卷唔係我地目標範圍內，但都每樣叫左少少，海膽手卷色澤好，又新鮮！外面仲有不少前菜小食任攞，地方廣闊唔怕擠逼，又有我最愛的技豆，食到咁上下同朋友放慢速度，飲下啤酒食下枝豆！睇到有好多野飲呢，成個便利店咁選擇多到！食物以外，侍應服務態度真係一流，我仲記得有一位侍應非常熱情，同每一枱客人都有傾有講，全部食物又好快到齊。今次的放題體驗好完滿！大滿足！！

吉壽大約係好耐之前一路都係我去開既放題餐廳, 不過有一段時間轉左會, 最近又想試返因為價錢方面真係比較公道。間舖個位置唔算易搵, 不過搵到雅蘭中心呢個地標就好快知道佢係邊度, 所以約人可以先約去果邊先行1分鐘就到。由於時間早左少少，我地未到6點已經入座, 職員都好均真俾返我地個半鐘時間食。首先要讚一樣野係呢度侍應取單係非常快, 當你張單放左檯面上唔夠1分鐘已經過到黎落單。魚生一如既往都非常新鮮之餘上菜都好快, 尤其北海道帶子真係超級大鮮甜。另一個亮點係佢既炸野, 基本上全部都係要必叫既, 因為都係新鮮滾熱辣出現。另外女性朋友都欣賞係佢地既甜品, 作為男仔既我已經投降一半之際, 佢地已經啟動左女人獨有既第二個胃, 非常犀利!遲D好似有夏天優惠, 到時試下先!

2018.7.8（日）約左同友人食放題吹水敍舊，之前同朋友試過呢間吉壽都話好正，於是再encore!縱使店面好大～客容量超高～但永遠都勁多人排隊食～今次同友人食6:00-8:00pm, 盛惠$228+1一位！店內基本上除左落單點餐食主食外，其餘都係以自助形式歡迎自取！由飲品，雪糕，手唧乳酪雪糕，甜品，生果，冷盤都係自由選取，仲好貼心有熱飲添！而且各樣的款式都好多選擇。第一round當然要來一客刺身拼盤，擺盤好精美三文魚，甜蝦好鮮甜，北海道帶子係超肥美鮮甜！超值得推介encore!再來炸物同燒物，一口牛柳好惹味個牛油粟米不錯但略嫌乾了點。雞軟骨串同燒牛舌都好味。而個醬燒雞翼亦好惹味，但我個人更建議食吉列芝麻雞翼，芝麻雞翼整到外脆內軟，香口juicy! 值得encore!但比起芝麻雞翼，我更愛紫心香芋丸，真係超超超超好吃圓滾滾的又可愛，外脆內軟，香口煙韌，香芋甜味超夾。個人消耗左半打另外，黃金焗帶子個汁都好好味，細細份可以叫多幾客，炸蠔也不錯，但一口芝士就有些失色，無個種拉絲芝香味。虎蝦天婦羅同皇帝蟹棒天婦羅，新鮮香脆另外兩樣我們狂encore 的是燒菠蘿同翠肉瓜。兩樣都燒得好juicy!

朋友同我慶祝生日，因為樣樣都想食，所以決定黎食放題，我地一早訂左位，唔洗等就可以入座喇我地被安排坐卡位，夠闊落，有私人空間，可以放心傾計喇侍應友善咁同我地介紹下部分自助食物擺位後，我地就開始落單喇刺身必定係放題不可或缺的重要食物，呢度嘅刺身色澤鮮豔，油甘魚係我最愛，鮮甜而且唔腥，夠厚身食落去有口感海膽手卷雖然size細細，不過紫菜夠脆，海膽甜美炸物 天婦羅 芝麻雞翼，都熱辣辣，食物夠熱真係好加分架肥牛野菜鍋 - 食咁多煎炸油野都叫個菜食下，呢個鍋我地總共叫左兩次，因為湯底甜甜地，煲到菜都好入味，而且肥牛又食落唔會好老我地掛住傾計都唔係食左好多野，不過整體我同朋友都對呢餐飯非常滿意 再加上員工有禮的服務 一定會推介比朋友

好耐冇食放題啦！今次朋友加人工所以嚟咗食放題慶祝！我哋星期日食晚市，揀咗五點半呢個時段，因為比較易book同埋最抵食！我哋好肚餓嘅關係，一坐低已經不停咁點嘢食啦！都有成10幾張唔同款式既食物揀一黎梗係食刺身先啦，刺身嘅選擇都幾多！我哋嗌咗三文魚、甜蝦、赤蝦、帶子、玉子、鮑魚片等等，刺身幾新鮮，唔會有浸雪藏味！而且上菜嘅時候亦都好靚又好食！炸物今次都叫咗好多炸物。芝麻雞翼非常香口，好好食，好食到我哋嗌左兩 round！炸蠔炸粉唔會太厚，啱啱好！天婦羅都炸得好香口，全部都係新鮮熱辣上枱，幾好啊~~手卷手卷好迷你，唔怕會食飯食到好飽。而且款式好多，好似海膽、龍蝦、辣味三文魚呢啲都好特別，好好食！值得一提嘅係海膽手卷海膽嘅份量都幾多！避風塘炒蟹呢一個泰菜式係放題比較少見，蟹炒得好入味，唔會太辣，蟹肉亦都好多，好惹味！串燒牛舌串燒好香，有少少黑椒同埋檸檬味，更加錦上添花！飲品方面真係唔錯！除咗有個大大嘅雪櫃任攞之餘，仲有免費清酒同梅酒！梅酒果香甜，味道亦都好濃郁。下次黎會再飲！今餐好滿足！值得一提既係，今日嗌左嘢食之後大概5至10分鐘已經陸續嚟到，欣賞佢呢度上菜速度快，唔會曬咗啲時間，因為食放題

今次假期去行街，肚少少餓臨時決定再去食。三文魚同北海道帶子好新鮮，燒牛舌、羊架、芝麻雞亦同泰式炒蟹十分惹味服務好環境舒適、性價比高嘅放題，值得再去品嚐。。。。。

好耐冇食放題 約左三五知己食返餐 終於約到 一坐低我地就好快手咁拎放題簿落單 好多頁 都幾多選擇 當然必點嘅係刺身啦 其實我地樣樣都有點 燒物 卷物 手卷 小食 鍋物 炸炸炸 樣樣齊個場又大 啲staff 服務態度好好 舉高手就即刻收你張放題紙 夠快 同埋有個staff 做野好上心 好認真 好funny👍🏻👻難得做放題事侍咁忙都做到服務好叫左好要多刺身 都好鮮甜 又岩份量 三文魚 甜蝦 帶子 款款都有質素👍🏻仲叫左燒三文魚 黑松露蝦壽司 海膽手卷 花之戀 呢幾款都好有驚喜 海膽係意外地一啲都唔腥 仲要佢係小型 唔會要你食好多飯叫左個香辣牛肉鍋 蟹 都夠味 唔un 不過可以再辣啲燒半架👍🏻👍🏻👍🏻每人食左3件好多天婦羅炸炸 Really yummy 仲有芝麻雞翼 炸蠔呀😍😍係咁掛住食影太少相仲有個場都幾大 自助吧有好多熱食 小食 超級多款飲品 雪糕雪條 乳酪 雪米滋 豆腐花.....🐥唔記得lu

先講設計啦一入到去餐廳設計已經引人入勝，時尚的格調，裝潢，燈飾都加強了食物的吸引程度，特別是圖中的裝飾，走華麗的路線，的確不少年青人喜歡呢！甫一進來，就看見餐廳提供了乾濕紙巾，非常貼心！我點了不少食物，包括有白松露鱆紅魚壽司三文魚腩壽司黑松露赤蝦壽司蒜蓉牛油大蝦火炙壽司鹽燒三文魚壽司香燒鵝肝帶子而刺身有油甘魚、劍魚腩、𩶘魚、北海道帶子等。壽司方面，我比較推介白松露鱆紅魚壽司，它比黑松露還要香呢！而刺身方面，我最愛劍魚腩，很肥很美，盤上更有燈光，為食物增添神秘感！至於食物的味道，比外帶壽司水準高！而且分量十足，基本上點的數目都齊，亦無限客人點的次數。飲品和冰淇淋款式也是多不勝數。最後都吃飽飽的！值得一試！

今日同細妹媽咪喺旺角睇完戲，細妹就要求食放題，咁我就戴距去食過唔錯嘅放題。因為我鍾意呢間放題嘅員工服務好裝修好位置好，全部座位都係用梳化椅，好舒適！我哋三個女人都係刺身狂，所以瘋狂咁叫！-三文魚鮮甜肥美，帶子都係極鮮甜！！-另外推介泰式生蝦，個汁好正！壽司都係以三文魚為主無論係火焰定三文魚腩我哋都會狂食！呢度啲飯細細舊啱晒我哋熟食我哋鍾意食燒物呢度有比目魚啊！上碟嗰時熱辣辣而且d肉好甜燒靖魚-我媽媽最愛，塊皮好脆啊！另外我非常之推介呢度嘅-爆炒辣蟹，同出邊大排檔炒嘅真係冇分別！辣得來夠香飲品區-可見依度飲品有好多選擇，另外我媽媽好鍾意飲梅酒，呢度係任飲㗎！而且絕對唔差總括嚟講，食左成晚都冇miss過單，而且上碟快，食物質素又高，位置好舒適，係一眾放題來講，質素絕對係高絕對值得一試

最近婆婆成日同我講想食放題，見今日有時間，就搜尋左一間食評比較好嘅放題，而且位置方便，就係喺旺角地鐵站隔離非常適合婆婆所以就帶佢去試吓上到去已經好感大增！因為環境闊落啱晒婆婆坐！枱面上嘅枱燈都係用結他來做造型㗎！第一時間梗係叫婆婆最鍾意食嘅刺身先，meun見到有勁多選擇！-三文魚刺身好鮮甜！而且赤海蝦每一隻都卷好非常之細心！食完刺身就出咗去行一轉，見到自助吧嘅凍盤選擇多而且好吸引，有我最鍾意嘅八爪魚，仲有賣水果！食完凍盤就嚟到熟食，串燒！當然係嗌我哋最愛嘅燒海蝦串、雞軟骨串，可以無限食！因為加上海鹽食真係好正，而且上碟嘅時候熱辣辣！另外今晚最推介嘅熟食，就係佢！-炒辣蟹，鍾意食辣嘅真係冇得頂！而且係原隻蟹蓋上，必叫！黎到尾聲，我哋有一款小蜜必食嘅。-燒菠蘿，兩個人叫咗10件，然後秒清！超級甜呀！最後同婆婆食埋支紅豆雪條就完美左呢一晚。總括嚟講食物新鮮，員工有效率，位置舒適，下次一定會再嚟！

今日同班好友撐枱腳，約埋左一齊食放題。位於旺角朗豪坊對面小商場5樓。我哋約咗九點鐘食。經常食放題嘅我哋慣咗一開始就食刺身先。超開心，還會冒煙嘅刺身未食到可以滿足視覺先！可以見到刺身非常之新鮮排位整齊呢個帶子刺身冇得輸啦我都唔知自己食咗幾多件！值哂票價！呢度嘅手卷都好值得推介，尤其係海膽手卷！一個字正來到我地最期待嘅吉列食物，因為芝麻雞翼實在太好食啦！你睇吓脆到，裏面啲肉仲要勁滑！我嘅最愛榴槤炸彈同埋香芋球！真係好好食所有炸嘢我哋都鍾意~天婦羅蝦醬燒雞翼、牛油燒翠玉瓜、燒菠蘿-每一樣都讓我地欲罷不能菠蘿真係好甜！仲有呢個唔係到到放題都有嘅炒辣蟹！件件都有好多肉真係好抵食！辣者最愛總結係一定會再返嚟食！