吉壽日本料理 (已結業)

好耐冇食！即興同朋友黎食，地點就腳方，好方便就喺旺角近地鐵出口我平時經已食大左條腸既關係，比較大食，晚餐食任食邊/放題要回本真係完全無難道架一上到去，環境唔錯，坐嘅位都好舒服，環境值得不錯，乾乾淨淨，啲位又唔會覺得逼，無撞手肘，我地好彩仲有窗口位例牌咩款式都有order紙上有唔同種類既刺身三文魚紋路清晰，超厚，咬落肥美個人最喜歡就係北海道帶子，三文魚， 北寄貝刺身夠晒碟切好新鮮，三文魚又肥美又郁切， 值得一讚 北寄貝食落鮮甜爽口串燒方面，我就最鍾意牛舌，最重要係一啲都唔靭，點完一輪又一輪牛舌食落彈牙，口感十足一定要點呢個雞軟骨都正卷物壽司選擇非常多，加左黑松露既味道特別正同份量唔會太大，一啖一口岩岩好，可以試到唔同款式先切合到食放題目的其中最鍾意係黑松露帶子，黑松露同帶子真係絕配個人覺得壽喜燒都幾正，值得點黎試下炸物、天婦羅都唔錯炸雞翼年糕必點呢個都正, 好JUICY牛柳粒好入味菠蘿放題必食際左雪糕雪條仲有現成既甜點，太多款揀基本上試唔晒完全冇漏單，點幾多幾少，就係跟點單紙咁俾幾多你呢度既選擇非常多，而且出菜速度好快，店員又好勤力清枱整體來講，覺得性價比超值，但啲嘢食又幾唔錯，食到捧住

4個人食到成肚氣…開始點12串牛舌，來到得四串，仲要三催四請先來到，一共寫佐四次單來得兩次食物有次仲係最後服務員俾單陣先再催得第二次。啲服務人員態度可以講係非常積極，見到張檯乜都無走埋來幾次問啲食物係咪未上，跟進佐幾次。味道來講不失不過，第二次來啲食物同第一次差別幾大，不過個羊鞍同個蟹粥幾正之前已經同事食飯來過一次，第一次非常好，但今次個上菜速度同漏單扣單真係有啲誇張，真係水準大跌希望真係跟進下個出品部睇睇有無問題

吉壽日本放題呢一個餐廳嘅名字 已經聽過好多次但一直都沒有機會 入去入面食野 今次同我同行朋友想食日本嘢就走咗入去兩個人食放題一入到去覺得個裝修真係非常華麗 入面嘅座位全部都金光閃閃 裝修靚嘅程度唔可以同其他放題一概而論 所以即使未食嘢 感覺都好好食物方面嘅選擇有好多 例如串燒, 壽司, 喎物, 熟食, 燒物, 手捲 應有盡有 琳瑯滿目 而家啲放題嘅點菜紙 就全部都放曬喺呢一個folder 入面我哋兩個人總嗌咗兩轉刺身 正呀 有玻璃蝦，三文魚刺身，北寄貝，墨魚，甜蝦 等等 值得一提嘅即係嗰啲玻璃蝦刺身 非常厚肉 同埋鮮甜 我一個人就已經食咗20隻哈哈除咗刺身之外 呢間餐廳嘅壽司亦都好有特色 好多款式嘅壽司都淨係可以喺呢度食到。 例如 芝士蟹子太卷 鵝肝帶子壽司 燒三文魚太卷 除咗呢一類型嘅壽司以外 其他傳統正常嘅壽司亦都做得非常出色 我最鍾意就係火炙三文魚壽司你間餐廳入面有另一樣嘢最好食嘅就係鰻魚 就係中一條鰻魚切開一舊舊 去逐片逐片咁食 對於鰻魚控來說 簡直就係天堂飲品同埋甜品就可以直接出去攞 我大力推薦朱古力雪米糍 同埋意大利芝士餅 呢兩個食物真係好邪惡好食

今日一早book定位去食吉壽日本放題，講起食放題就開心，真係勁多嘢食，而且好鍾意依間餐廳坐得好舒服，座位好闊落，我們5:45就到達，食早一轉，價錢平啲。但真的要提早book位，這裏人氣鼎盛， 5:45那一轉也是滿座的。一坐低就急不及待劃紙仔，又有壽司啦刺身啦熱食啦，真係睇到眼都花晒。肥牛鍋，兩個人份量剛剛好，牛肉新鮮壽吉燒汁好好味刺身三文魚帶子都好新鮮，啖啖肉，可惜兩個人叫唔到多還有我最鍾意食嘅天婦羅蝦，蝦肉爽口燒雞翼都好正，雞翼好嫩滑燒鰻魚有驚喜，成條鰻魚燒到好香，啖啖肉咖喱蟹，估唔到有成隻蟹鉗咁多，蟹肉新鮮的，唔會霉。仲有炒雜菜，次次都要食烤蝦卷，壽司絕對拍得上日本餐廳，是高質的還叫了很多，沒有影出來，還有一大半的餐廳位置作自助區，過百款嘢飲，甜品啦，沙律吧，還有碗仔翅，咁嘅價錢，真係平靚正之選👍

去旺角行街， 攰攰地又想同朋友擦返一餐勁的，食放題當然就係不二之選。咁啱就近雅蘭中心，所以又選擇吉壽放題，貪佢夠平，食物質素又好，真係不二之選。最鍾意這間餐廳的就是他的卡位設計，差不多全部都是卡位，坐得非常舒服，椅背夠高，私隱度非常之好，我們兩個人去，張枱好大所以食得非常舒適。餐廳店員服務態度都好好，一坐低，就介紹自助餐區，嘢食Menu等等。和一般放題一樣，都是有過百款嘢食俾你揀。我最鍾意就係出去自助餐區睇吓有咩好嘢食先，飲品有大概六個雪櫃位，甜品，雪糕有差不多10款，還有沙律區，熱食區，見到有個炒烏冬好似好好食，還有雞煲，快啲攞嚟試吓先。真係叫咗好多嘢食，影相都影唔晒，我特別鍾意食鯖魚，佢每次都笑得好靚，魚肉還保持嫩滑鹽燒大蝦，蝦都非常之新鮮，唔會好似其他咁霉曬，所以我encore了兩三次，還有蒜片牛柳粒，牛柳粒炒都好香，唔會痴牙。少食多滋味，每款點要少少，過口癮，他的刺身真的要試，因為非常新鮮，帶子好爽口。好鍾意他的甜品，切到細細舊，就算飽都會食得落，甜品都好多款，這裏只是三分之一，木糠布甸好香。全部都不會太甜。非常滿足的放題之夜。

今日同朋友一齊去左旺角吉壽食放題，環境企企理理，我地坐左卡位，坐得相當舒服。呢間放題有刺身，壽司，炸物，串燒等等可以任食，野飲任飲，冇點漏單。自助小食區有唔同嘅沙律，栗米，車厘茄，炸薯格，葡撻同埋章魚小丸子；葡撻幾好食，第一批好快已經比人拎哂，但隔一陣就refill番，酥皮夠鬆脆而章魚小丸子好食過出面小食店賣嘅，大大粒都幾足料。熟食叫左白酒煮蜆，清清地，蜆都冇咩沙黃金焗帶子，喜歡忌廉芝士的話可以一試，味道十分濃郁蒲燒鰻魚調味夠，再乾身少少更好食。刺身類既三文魚腩夠新鮮，一d腥味都冇。甜蝦，泰式生蝦，赤蝦都好鮮味。榴槤炸彈，鐘意食榴槤嘅可 以試下榴槤炸彈，一咬落去級軟心同好香榴槤味，可惜最後太飽有食到好多粒。野食order左好快都上到，店員有禮貌，整體不錯

今日第一次去左吉壽食放題 (旺角)，食5至7。裏面環境都唔錯，地方闊落，我地坐左近窗既卡位。枱上已經放好骨盛，濕紙巾同足夠嘅紙巾，清潔度都幾好。 我地總共叫左4，5輪野食，野食都嚟齊哂。 呢間放題主打日式食物，刺身，壽司，炸物等等，熟食種類就唔算好多。刺身類叫左三文魚腩，油甘魚，北寄貝，劍魚腩，𩶘魚，甜蝦，泰式生蝦，赤蝦；雖然劍魚腩有dd腥，但其他既刺身都冇腥味。壽司就叫左，花之戀，煙三文魚，池魚王，馬刀貝..壽司細細件，可以試多幾件唔同款嘅，魚壽司食落冇腥味，其中池魚王，馬刀貝鮮味最出。 熟食叫左鐵板大赤蝦，都算大隻，出面就甜甜地，但都食到蝦嘅鮮味。炸物就叫左炸蝦天婦羅，新鮮炸起，唔算太油。炸蠔就有d油，不過一至兩件都覺得唔錯，蠔都幾香，冇沙或者好重腥味。 自助小食區有唔同嘅沙律，鳳爪，仲有炸薯格，葡撻同埋章魚小丸子。 因為食野嘅人客都唔少，d野去得都幾快，但都有定時補上。野飲就有各色嘅茶，道地，康師傅，汽水啤酒，湯等等都有唔少種類可以揀。 雪糕就多數係雀巢，仲有d mochi. 早d擺出黎，到溶溶地個時食好食，特別係朱古力味幾好食。

性價比超高嘅放題耐唔耐就會book一次日式放題食，今次就去旺角嘅吉壽嚐鮮～入去發現比較其他放題黎講，吉壽地方更闊落有空間感，裝修亦具豪華feel～menu選擇好多，除左最基本嘅壽司，刺身、仲有燒物、沙律、手卷、天婦羅、煮物、串燒、中式靚湯、甜品、同埋一品海鮮料理、完全符合晒唔同人嘅口味同需要～🤤三文魚刺身厚身肥美，食落入口即溶👍🏻甜蝦、帶子、蜜汁鮑片都有一定的水準，最推薦嘅係三文魚刺身、帶子，花之戀，賣相誘人，仲要食落好新鮮，一d雪味都冇～雞軟骨、焗羊架、牛油粟米、牛柳粒、整體來說全部恰到好處，牛柳肉質唔錯，嫩甜👍🏻羊架朋友話肥瘦得宜鮮嫩多汁且羶味唔重～天婦羅蝦炸漿唔算厚，炸的也酥脆～超鍾意酥炸榴槤、香脆可口而不膩人，咬落一口爆漿、外面酥脆裡面榴槤味濃郁、好味😍甜品有泡芙雪糕等等～～當然飲品梅酒清酒還有很多我地都冇食到，下次帶多一個胃去先得哈哈😄整體而言真係唔錯，waiter雖然很忙但係態度十分好，服務過程亦冇漏單情況出現，吃貨表示非常滿足😍

小編上次去吉壽已經係好耐之前，個陣放題仲未咁百花齊放，而吉壽好多人去，但位置非常之逼，坐得仲唔舒服過坐係快餐店😂😂 所以對吉壽個印象麻麻，之後都無考慮過去吉壽食放題幾日前同另一半相約食晚飯，另一半想去吉壽食放題，小編心諗：唔係掛，不過另一半想去，咁小編梗係捨命陪君子上到去發現原來吉壽已經大裝修左(其實可能大裝修左好耐，不過我好幾年無去)，位置非常闊落，我同另一半接近八點上到去，可能無咩人，所以被安排坐4人座位，而4人座位坐4個人應該都唔會覺得逼刺身劍魚腩同甜蝦有驚喜虎蝦就麻麻，偏細隻無虎蝦味，唔似其他放題既原頭虎蝦黑白松露好夠味，另一半坐係對面食，我都聞到陣味鰻魚，好肥美無咩骨燒左口魚邊好好食燒帆立貝就麻麻雞翼有驚喜皮燒到好香好脆，但d肉都仲係啱啱好小編無食，單純影下辣味三文魚有驚喜海膽都好食，不過舊海膽細舊左少少仲有好多無影相小編覺得天婦羅既炸粉有待改善 我整走曬d炸粉食，入面d料係好食既同埋美中不足係燒比目魚無曬好想食會有少少漏單既情況出現，不過上菜好快，所以發現漏單就可以好快再叫，唔洗等好耐先確認係漏單要讚讚吉壽既員工 做野快但唔會無禮貌，吉壽老細請到好員工！

SAT早段去食,5使200蚊。刺身類:帶子: 厚身大隻, 算鮮甜, 但可以更好甜蝦: 無鮮味!!油甘魚: OK, 但5夠肥美三文魚: 正常SUSHI類正常, 魚生片偏薄,但都OK葡燒鰻魚大大件, 5咸,無骨, OK。牛柳粒最熱辣辣, 幾好食雞翼大大隻焗帶子連SALAD 醬幾好食CURRY 蟹好大隻蟹鉗, 5算鮮味,但啖啖似清酒煮蜆得3隻,以為係細,原來又唔細, 幾鮮味雞軟骨幾好味炸鮮奶朋友話好味羊架正正常常甜品淨係食左CHEESE CAKE, 一口一件,但好似擺左好耐朋友食左好多雪糕批總括來講, 選擇唔算多,不過價錢平過出面

之前聽朋友介紹吉壽食物選擇，都幾抵食，琴晚終於約左朋友去食，果然無令人失望。 餐廳都幾大，一入門就見到沙律區，熟食區，甜品區及飲品區，坐位又分ABC 3區，方便記住自己坐邊，出出入入都唔使驚搵唔返自己張枱。今晚我同朋友坐窗口位，唔錯 食物方面種類多不勝數，刺身類、壽司類、火炙壽司類、手卷類、卷物類、吉列類、天婦羅類、煮物類、一品料理類、燒物類、串燒類、海鮮宴類。真係要大胃王先可以試晒咁多款食物。本人作戰能力比較弱，食左2小時都未試晒咁多款，下次要再去食!好欣賞吉壽的壽司，細細粒容易入口之餘，令人可以多試幾款，唔會食一、兩件就飽。刺身好新鮮。本人至愛帶子，十分鮮甜天婦羅一D都唔油膩，食多幾件都唔怕熱氣芝麻雞翼，皮脆肉嫩，香噴噴。鐵板牛柳粒好好味，好JUICY!一餐完美的結束點可以少得甜品，吉壽的甜品自助區十分豐富，除左雪糕仲有雪米滋、乳酪、豆腐花、蛋糕等十數款，令人花多眼亂。好彩人有個甜品胃，否則的話如何消化咁多食物。有美食點會少左飲品，大雪櫃放滿左數十款不同飲品: 果汁、汽水、豆漿、不同口味的茶、啤酒、涼茶，應有盡有，必有一款啱你口味! 本人有少少選擇困難，係雪櫃前揀左好耐先揀到。餐廳

一排冇食放題又心思思，於是同朋友提前book左旺角吉壽日式料理試下 ，放題mode再次啟動😋😋放題當然離不開刺身、壽司、燒物、手卷、串燒、一品料理、沙律、甜品、火鍋、麵類、、中式西式日式任君選擇^ ^我們order了一大盤刺身，wow，賣相好誘人，仲要全部都好新鮮tim，三文魚雖然不至於厚切但係啱啱好，十分肥美且肉質細膩，帶子甜蝦蜜汁鮑片都鮮甜爽口👍中式豬骨湯超級足料，飲完唔會覺得口渴，仲有碗仔翅tim，忍唔住每樣都淺嚐，哈哈吃貨feel到幸福感滿溢～炸物一口炸榴槤貓山王超正，大蝦天婦羅炸粉啱啱好，酥脆口感～鹽燒牛舌、豬軟骨，鰻魚、鯖魚、一口牛柳粒吸睛得黎新鮮熱辣，我地真係食到停唔到口啊😍😍👍海鮮一品鍋、麻辣雞煲😍櫃內除左有好多不同嘅飲品任飲之餘，仲有日本清酒梅酒、沙律甜品應有盡有，鍾意食甜品嘅朋友唔留肚都唔得～真心覺得呢間d食物種類多不勝數，仲要係食物樣樣都吸引yummy , 價錢亦十分抵食，CP值超爆！下次一定會再去食～👍🏻👍🏻

幾個月前食過呢度嘅放題，覺得質素非常之好，今次襯仲係新年嘅時間，就同屋企人嚟再食下呢度D野食留左成日肚，非常肚餓，坐低第一時間叫野食先叫完野食再出去睇下有咩食想健康D打個底，呢度都有D蔬菜可以食下先想濕下口都有湯同碗仔翅揀飲品數量好多，要左諗右諗先揀啱心水貼心地有埋熱飲，今日更氣涼涼地，最後喺度拎左野飲旁邊有埋雪糕同雪條，食完野先慢慢揀順便睇下有咩甜品好食，款式都多呢度出名快靚正，所以其實一落單，唔洗等好耐就有得食刺身夠新鮮，切得夠厚身，所以食到啖啖肉，夠口感壽司一樣好有心，因為唔係出面嗰D大舊飯塞飽人嘅，掉番轉佢整到細細件，我地可以每樣叫D試下又唔會浪費卷物同壽司都好正唔食生野都可以食熟食最後食得太飽，我都食唔落雪糕，淨係拎左少少蛋糕食下我地因為早食完就諗住早D埋單走，staff哥哥仲好好人提我地，其實仲可以食多陣，因為未夠鐘呢度服務態度好，真係食都食得舒服同開心D，相信隔一段時間我地又會再嚟

同三五知己約食飯，除左打邊爐之外就係日式放題，一講起日式放題，自然會霖起呢一間，呢間放題去得最多，因為呢度除左燒烤，鍋物，魚生刺身，甜品之外，應有盡有，所以我地好多時聚會都係揀呢度。呢度嘅食物質素都算可以，刺身個啲都幾新鮮下，而且種類又唔少，刺身方面唔會少嘅係甜蝦🦐同三文魚🐠仲有北極貝🐚，甜蝦都唔算細隻，幾大隻下，三文魚都夠厚，唔錯唔錯！呢度除左我自己中意食蝦🦐之外，其他朋友都係麻麻地，基本上叫到嘅蝦都係自己食曬，最高峰一個人食左三十幾隻🤣自己都覺得恐怖。最邪惡嘅係仲有榴蓮炸彈💣食完榴蓮炸彈之後捉住唔食榴蓮嘅朋友不斷同講野，真係摞距命😂😂😂大家出黎食野最緊要開心，而且呢度坐得都幾舒服，張檯夠曬大張，聚會一流👍🏻不過有個問題就係好多時都會漏單，有時就會好遲上，不過都可以體諒嘅，話曬客人都唔少，有待改善一下。

昨日和老婆去了朗豪坊 shopping , 行到大約五點左右就開始肚餓，老婆話想食放題，想起幾個月前食過的吉寿放題，我們到的大約五點，所以不用等位，好彩比較早來，因為大約五點半就差不多坐滿客人。眼見店内大部份都卡位，坐得舒適。店内設有自助沙律區，熱湯，甜品，飲品(有熱飲櫃提供)我喜歡食放題的原因，就係因為選擇夠多，非常適合有選擇困難症的我。去日式放題第一時間當然係食刺身啦，我們每樣刺身都點一些來試，上菜速度都好快，大約兩分鐘左右就到，三文魚大件厚切夠爽甜，原粒帶子刺身好鮮甜，赤海蝦夠爽口，其他刺身都好新鮮。還試一些特色寿司， 款式都好精緻，重點係寿司唔會比大舊飯，唔會好快食飽你，可以試多點其他款式。其他熟食和串燒水準都好好，所有串燒和羊扒等都有跟檸檬角，好有誠意和不計成本食完第一輪，再叫多一輪刺身和寿司等，上菜時間都好快。最後食埋雪條今餐就完成，有機會會再來。P.S.餐廳所有侍應都快手和態度良好