吉吉點 (已結業)

朋友之前介紹過話呢間點心店好食, 今日咁啱過觀塘拎野, 就走過去試下. 佢間舖頭位置係宜安街街市則邊條斜巷仔度, 即係食蛇個邊轉上去, 雖然唔係大街但都唔算難搵. 不過唔為意就好容易行過咗唔知.今日我得一個人, 叫咗簡單野食, 包括鳳爪排骨飯, 牛腸同埋馬拉糕. 三樣看似簡單的食物都做得好唔錯.鳳爪排骨飯, 先講個汁, 唔似平時食到食排骨飯面頭有層杰tat tat 的油, 呢個飯望落乾爽, 鳳爪皮完好, 唔會蒸到溶晒爛晒, 排骨肉質都新鮮. 而飯粒都好爽口, 而且食到啖啖排骨香味, 加少少豉油點緻一下就已經好好味牛腸就好軟滑, 皮薄但唔會爛, 餡料新鮮亦好足夠. 而馬拉糕係我細個最鍾意食野食. 呢間馬拉糕都蒸得好好. 口感好鬆軟, 甜度亦都啱啱好. 食完點心飲啖熱茶, 實在係一個好享受!

已經有成個月無去飲茶, 尋日見朋友share 佢係呢間吉吉點心店食野話唔錯, 見得閒就同咗呀媽去飲下茶.雖然唔係酒樓, 但呢間點心店一樣有得開茶, 一樣用籠仔蒸點心. 見佢點心紙都有幾多選擇, 我地兩個人唔食得咁多只係叫咗5籠點心 + 一碗老火湯. 即蒸點心果然係唔同D, 每樣點心都新鮮蒸出黎, 皮同埋肉餡都唔會爛, 而且肉質都可以保持鮮嫰彈牙. 每款點心都有佢好味之處燒賣皇 - 大大粒, 一口都食唔晒, 蝦肉同豬肉分佈平均, 豬肉肥瘦都適中, 咬起上黎有豬肉香味又有蝦肉鮮味, 唔錯蝦餃皇 (半份) - 蝦餃皮好簿, 有透明感, 雖然皮簿但夾上黎唔會散, 仍保持一定煙韌度, 餡料夠豐富, 充滿咗成粒蝦餃蒸排骨 - 呢幾年去酒樓都好少叫蒸排骨, 是關好多時都食到雪味或類似梳打粉的味道. 見呢度係手工點心所以大膽試下, 果然無令我失望. 排骨肉嫰, 無雪味, 汁料唔會傑tat tat, 而係清清地咁伴係排骨底.老火湯好夠火喉, 而且湯料都好多, 一碗湯夠兩個人飲.呢間點心幾真材實料, 味道唔會太鹹或者太甜, 我同老媽子食完點心都唔覺得口渴, 應該係無味精之選. 埋單一人幾十蚊, 抵食!

今日做野做到好夜, 放工就好想搵個舒適點的地方坐下休息下. 之前Lunch 行過想入去食但太多人無位, 今日放工就去踫下運氣.見餐牌有好多精緻點心都好想食, 但得一個人真係食唔到咁多. 所以叫一個飯同一個點心. 飯方面本來想食蒸飯, 但見到有荷葉籠仔飯就好想試一試!估唔到夜媽媽都搵到間好味點心, 下次黎會試下其它點心

一到星期日要同亞爸亞媽飲茶但又遲起身，見堅耐冇去飲茶就找下觀塘有冇一些24小時都有得食的點心店，之後找到觀塘街市附近有間叫"吉吉點”點的地方，最後一行4人大約4點鐘到達剛剛好有位，全間大約10張左右的4人桌坐滿了。看到裝修都比較新式和播的歌都係廣東新歌，待應都係勁新潮look。。亞媽仲以為去左剪髪店，看到餐紙都有不少選擇同特色野，當然我地最留意到有咖啡（榴槤味，鐵觀音味之類）和手工啤酒（呆左，竟然有啤酒係點心店），最後我地叫左2輪點心再加1支手工啤酒。其實坐都係比較迫同桌細張，所以千萬不好一次過叫晒野食黎。而茶都有分幾種，但最好一坐下即講，如果吾係就會比普利。叫左之後大約十分鐘就黎左第一輪點心。灌湯餃：一般味道，湯吾夠清，餃內的材料吾多同吾入味。鳯爪：不錯，鳯爪醬汁入味同有少少辣，下面的花生都好淋同入味。蘿白糕：推介好味道，煎得夠香又夠脆口，甲起來又吾易爛，蘿白味道重再加海鮮醬好味。棉花雞：棉花多又入味，雞肉滑嫩。味道吾咸剛好。手工啤酒：有2款手工啤酒選擇，而今次選係用6款麥制成，所以味道偏濃但吾苦，這裡賣的價錢已比其他店價格便宜一點。各款點心：蝦餃都多蝦肉但只有2粒都吾平（因為＄17

從小到大都好鍾意食點心. 鍾意佢個樣靚同埋一口一粒好多選擇. 演變到今日已經越黎越多花款. 而食點心都唔再局限係上酒樓一大班人咁樣.其中一間新式點心餐廳就係呢間吉吉點, 設計成高檔茶餐廳的格局, 坐位係以四方枱為主, 節省位置又適合返2-3人家庭或三五知已. 佢的賣點係手工點心, 用料新鮮, 我同Baby 食過都覺得唔錯. 蝦餃燒賣飽滿爽口, 蝦同肉質都新鮮; 鮮竹卷個湯夠濃味, 食唔出有味精; 腸粉夠滑夠多料; 個老火湯都煲得唔錯, 同樣地飲唔出有味精另外仲有以下兩款我特別鍾意的:

我見其它食評已經講咗好多有關不同點心, 而我今次想寫的就係"腸粉".其實腸粉要做得好唔易, 最考功夫就係個粉皮. 近年上酒樓食, 已經好少食到似樣的腸粉, 今日誤打誤蹱入到黎呢間點心店, 竟然發現好物!腸粉皮夠薄夠滑, 夾上碗唔會爛! 其實呢點好重要, 因為如果係翻蒸再翻蒸的腸粉, 夾上碗一定會爛的, 所以新唔新鮮都可以由個皮度講到出黎.其次係D餡料, 我今次叫咗牛肉腸粉, 裏面D牛肉一D都唔故寒, 每一條都好飽滿 (原本有6件, 我食咗一件), 牛肉味好濃, 無D奇怪雪味, 底部仲加入少許蔬菜, 增加咗成個腸粉的口感同埋無咁膩. 鼓油方面, 味道調得剛好, 唔會太咸搶咗牛肉的味道, 亦不會過甜令到佢變咗甜點.舖仔細細一D都唔起眼, 估唔到食到有水準的腸粉!

是日同老豆飲早茶做孝子, 一早就黎到吉吉點開定茶喇!雖然呢度有好多新派點心, 但因為爸爸份人較傳統, 所以都係穩陣D叫D傳統點心好叫左的點心包括有蝦餃, 燒賣, 牛栢業, 蘿蔔糕. 蝦餃同燒賣隻蝦都好大粒, D蝦夠彈口, 肉質都幾嫰滑, 唔錯.牛栢業都好夠味, 但唔會太咸, 軟硬度都適中. 而蘿蔔糕就整得好夠蘿蔔味同好香.不過我爸就最欣賞呢度的鯪魚球同埋牛肉球鯪魚球口感夠彈牙, 完全無猩味而且魚肉比例做得好好, 夠實淨之餘亦唔會太硬. 炸到層黃金香脆, 好好味! 不過佢配芥抹沙律醬, 爸爸話佢自己就鍾意傳統D配蜆蚧. 我就覺得沙律醬都好好味另外一款我爸都好喜歡的就係牛肉球, 食落牛味就好濃郁, 唔會有雪味亦都無梳打粉味, 食得出牛肉係幾新鮮的. 因為牛肉雪得耐, 拎返出黎會無左個種彈牙感覺. 而呢款牛肉球就比到一種新鮮的口感. 所以我爸特別喜歡 

唔係朋友帶都唔知度有間餐廳係街市隔離條巷仔度. 我同朋友兩個都鍾意食點心, 但夜晚想搵點心食其實都唔係咁易. 朋友知道呢間點心會做埋夜市, 就特登走去幫襯.首先叫咗碗老火湯潤一潤先, 係雪耳海底椰湯, 煲得好夠味而且應該無落味精, 唔錯!然後叫左個上湯鮮竹卷, 浸住鮮竹卷的湯好濃而且係呈奶白色, 我用湯匙撈起鮮竹卷連湯一齊食, 成個感覺好鮮甜唔會膩第一次食煙鴨胸腸粉, 佢用咗有少少咸味的鴨胸加少少蔬菜做餡, 外層有別於其它腸粉只用甜鼓油黎做醬汁, 佢係用有少少甜味的燒汁, 配襯起上黎都幾夾叉燒包外層面包皮鬆化, 裏面的叉燒甜度剛好不會過火, 而且汁料濃度都剛好唔會太稠我地後黎仲叫咗其它點心. 我同朋友都覺得幾好味, 原因係呢間D 點心料幾新鮮, 食唔出有雪味, 最緊要無落味精, 食完唔覺得好口渴. 下次會再幫襯

記得細細個樓下D舖頭全部都係小店, 個個老闆員工都好親切. 但慢慢香港就被連鎖式大集團攻佔了. 而家D小店都只能係舊區搵到.自己鍾意幫襯小店, 喜歡佢個度有人情味, 有誠意的出品. 因為大部份小店都無大量資金頂住, 可以生存到的其實大部份都係靠本身食物質素同埋服務.今日比我搵到間有誠意又敢創新的點心店. 位於宜安街街市旁斜路, 雖然位於食街, 但因為在斜巷, 不易發現, 但今日下午去幫襯都坐滿客人都是街坊, 心想應該不錯舖面乾淨企理, 似係茶餐廳格調. 點心方面, 有傳統蝦餃燒賣, 仲有比較特別的新派點心. 我地叫咗幾樣野:頂級鮮牛肉腸粉 ($22) – 用鮮牛肉製成, 一點雪味都沒有, 而且好彈牙同埋好滑, 腸粉皮薄薄一層, 夾上黎又唔會爛, 非常有水準! 鮑片冬菇鴨胸荷香籠仔飯 ($26) – 個名好長 XD 鮑片同鴨胸都大大片, 用荷葉包住黎蒸, 每粒飯都沾上咗荷葉清香, 鮑片同鴨胸的味道, 而且飯粉分明. 好爽口! 青芥鮮牛肉饅頭漢堡 ($31) – 用饅頭做漢堡皮, 脆脆地感覺得意. 相比起其它點心, 呢款比較Heavy, 但創意滿分! 其餘仲叫咗蝦餃, 燒賣, 鳳爪

香港地租金貴, 酒樓就越做越細間, 而且食物質素大不如前. 放假想搵個地方食下好味點心都唔係咁易. 今日朋友介紹黎咗呢間以手工點心做賣點的吉吉點試下. 店舖位置雖然不在大街, 但都好易搵, 一去到宜安街街市已經見到, 係斜路仔個度, 門口設有露天座位, 都幾搶眼.我地無Book 位, 11點左右去到好彩未到飯市唔洗等位. 我地叫咗幾款點心同甜品:1) 老火湯 – 足夠二人享用, 湯料都好多, 而且味道好清甜又夠晒味, 兩個人飲一碗都仲有淨2) 木魚燒虎皮尖椒 – 尖椒夠嫰, 食落清甜, 同最緊要無”榨”, 帶有微辣, 上面的魚肉煎得夠香, 加埋少少木魚絲豐富咗成個口感3) 濃湯北菇棉花雞 – 試咗一啖呢隻湯汁, 好濃的雞湯味道, 而且唔會杰撻撻, 因為湯夠晒味道, 可以帶出魚肚, 雞同埋冬菇本身的鮮甜味, 最後我地仲飲埋D湯4) 蜜瓜脆脆卷 – 呢隻甜品係第二度未試過, 所以叫咗黎食. 裏面係類似大良炸奶的暖心餡料, 外層係似紙米, 炸到脆脆. 食落去外脆內軟, 非常有趣, 而且唔會過甜, 又有蜜瓜香味, 味道同創意都很好5) 三層芝士酥 – 類似蘇皮的外層, 包住流心芝士. 同樣外脆

說來慚愧, 出咗黎工作之後已經好少同屋企人飲早茶, 有假期都想瞓晏D. 今日的起心肝, 同爸爸媽媽出去飲下早茶, 呼吸下清新空氣. 本身諗住去樓下的酒樓近近地, 但難得早起身, 不如去遠少少搵下D 好味D的野食. 去到觀塘宜安街呢間手作點心餐廳, 試下久違了的手作點心味道. 呢間舖頭幾得意, 裝修似係Café咁, 環境幾舒適. 而且有戶外座位, 如果一個人黎的話一忠兩件嘆杯菜都唔錯. 因為雙親大人都比較喜歡食傳統點心. 我地叫咗蝦餃, 燒賣, 灌湯餃, 牛栢葉, 馬拉糕等傳統點心蝦餃 – 蝦肉彈牙, 皮薄但好爽, 好味!佢有半份(2粒)可以叫, 燒賣 – 豬肉好香, 唔會過甜, 味道啱啱好, 大大粒好豐富  同樣地可以叫半份(2粒)灌湯餃 – 灌湯餃係香港已經好難食到, 原因為多工夫而且成本高, 而且未必整得好味. 而呢間灌湯餃做得好的一點係佢湯夠濃. 裏面D料新鮮, 原本清湯再配合多種唔同食材而成的味道, 好濃郁! 牛栢葉 – 牛栢葉唔會太硬, 味道適中, 啱晒老人嫁食 馬拉糕 – 可能因為情意結, 我真係好鍾意食馬拉糕. 食落去軟綿綿, 甜甜地, 好親切的感覺手作點心最吸引

9月3日突然有一天假期就約左去觀塘做facial扮靚靚，做到大概2點幾， 個肚餓到扁，搵埋男人出來食野。近排流行cafe shop， 觀塘都唔少，當我地係大街小巷搵食期間， 離遠見到間紫色嘅舖，睇落好有情調， 哈哈～就因為依個原因， 決定食依間😆😆😆行近去先知道係食點心，wow~又係我最愛，個心已經諗緊要食咩😄😄等左大概10分鐘多啲，就有位嚕~ 整體環境ok， 不過有啲逼， 啲櫈有啲硬，不過唔緊要， 食物質素行先。👍👍望住個menus， 心大心細樣樣都想食， 但男人話自己食左野， 所以唔叫得多… 😫😫最後叫左啲出面比較少見嘅食。點心方面，叫左Q版錦繡炸雲吞 、鮑片冬菇鴨胸荷葉籠仔飯(原本話飽嘅男人自己話要食㗎)、蜜瓜脆脆卷同埋漢堡包。 等左一陣就上左漢堡包， 原來個包係用饅頭做㗎， 好特別!!! 個饅頭脆，但塊肉有啲乾，不過我比較鐘意饅頭點念奶食最正~ 雖然係咁，但都值得嘗試! 試埋個Q版炸雲吞 ， 我超鐘意， 細細隻， 唔會好似酒樓啲食到成枱碎，而且細細隻可以點好多甜酸汁，正到震~~輪到蜜瓜脆脆卷，蜜瓜加牛奶， 有啲漏有啲油， 但我都食左2件，哈哈～最後到鮑片冬菇鴨胸荷葉籠仔飯， 係

今日放假約媽媽去飲茶，之前聽人講係呢間點心幾得意，就叫左媽媽去試新野~間店唔係當眼位，係小巷內，好有feel, 好似中環d 小店咁，最緊要係環境好乾淨！入到去都坐得幾舒服。睇點心紙見到好多款fusion點心，傳統點心都有，蟲草花灌湯餃，個湯底夠濃, like.手工拉腸粉， d 皮好薄好滑，仲整得好過d 酒樓.Q版炸雲吞，夠熱夠脆，一啖過容易食過傳統大大件.奶皇煎堆仔，我個人鐘意芝麻餡多d, 不過奶皇幾香.古法馬拉糕，整得夠鬆軟，都ok .鳳爪就普通少少，冇驚喜.鐵觀音咖啡，似奶茶+咖啡，不過有拉花，成個mood唔同晒，飲落都幾特別。我就試榴槤咖啡，好香榴槤味，估唔到咖啡同榴槤原來好夾，滿意！埋單先知原來唔洗加一，即時覺得好抵呀~~

雖然本人乜都鍾意食, 但講到每個月總會食幾次既就係”中式點心”. 尤其係放假同屋企人一齊, 就鍾意食下點心聚一聚. 自從買咗車之後, 放假都鍾意周圍搵食. 見雜誌之前介紹過, 今日有時間就黎到觀唐呢一間新派點心試下.裝修都幾靚, 格式係似新式茶餐廳咁, 唔似酒樓, 店面唔大, 我睇大約坐到30人左右. 我地一去到已經無位, 一場黎到唯有等一陣間, 十分鐘左右已經有位.入到去睇下點心紙,, 有傳統點心又有D新式點心, 我地就乜都叫D黎試下. 不過見人人台上都有一碗湯, 我地又叫碗老火湯黎試下.湯 - 湯很濃味, 而且無味精, 配料都好足, 啱晒平日唔多湯水的上班一族叉燒腸 – 粉皮很薄很滑, 而且餡料好多, 豉油唔會太咸, 好好味蝦餃 – 蝦好大粒, 皮也很薄很通透, 而且蝦肉彈牙, 唔錯炸鯪魚球 – 呢個炸鯪魚球係我母親大人話推介的, 炸到外皮脆一脆, 而且肉質非常彈牙, 亦都有好鮮甜的鯪魚味, 大力推介!川味餃 – 呢個餃係比較上普通的一款, 可能我本身唔鍾意食辣, 所以食唔出個種川菜味道.後黎仲叫咗個蒸飯同蜜瓜脆脆卷做甜品 (唔記得影相), 呢個甜品幾得意, 外層脆, 裏面似係大良

我和好友打算來到觀塘覓食，上網搜集觀塘的食店，被我發現一間新派的港式點心店，吉吉點頂級手工點心專門店是全日點心店，我很喜歡食點心，點心款式很多，對我來說真的太好了，以後由早到晚都可以去吃點心。 地點位於觀塘宜安街街市旁，交通都算方便，我和好友很快便找到地點，靜中帶旺，談天說地的好地方，不錯的選擇。 早上或下午茶時段一盅二件食點心，食滿指定金額，可以超值價$2換購精選食品，都算好抵。 店子雖小很有家的感覺，設計以環境舒適為主調，感覺很潔淨，氣氛自在輕鬆，食物質素蠻不錯，有傳統的點心，亦有特別的款式，我和好友選擇晚上來食點心都是第一次。 足料養生老火湯 $23很多的食客都會叫老火湯，老火湯是青紅蘿蔔煲瘦肉湯，火喉很夠，真材實料無味精，湯很清甜，湯渣都可以食，瘦肉很軟滑，栗米紅蘿蔔都不錯，值得推介。 蜜瓜脆脆卷 $20無論創意及賣相都非常突出，綠色脆脆卷似蜜瓜，外型感覺似春卷，內餡有蜜瓜，食下去很香甜又脆卜卜，帶到另一個新層次，吃得滿足。 木魚燒汁虎皮椒 $20外脆內軟，中間有點煙韌，好香有口感，加上有點醬汁，非常入味，進食時溫度微熱不會燙咀，味道剛好。 吉吉蝦餃皇 $17/2粒每次去飲茶必