吉吉點 (已結業)

特色點心店，有很多很多的新式點心。這個綠色的東西，口感像鄉鈴，十分香脆，推介。這個像漢堡包，其實就是炸曼頭，中間加上一片肉，就像漢堡包，非常有趣的作品。其他的炸物也出色，炸雲吞，脆口而肉嫩。返而正正經經的咸水角就不過不失。

今日難得工作時間都有得抖抖, 正所謂偷得浮生半日閒, 即刻過去揾老婆食過Lunch先, 行過間見到間紫色招派既吉吉點, 其實我本人對紫色係特別有情意結的, 再加上我亦喜歡點心, 就擔粗粗入去試下啦.入到去睇餐牌, 發覺D野食都幾特別, 有中西混合既感覺, 但由於只係Lunch, 我地都只係試下幾樣野,鮑片冬菇鴨胸荷葉籠仔飯 - 鴨胸俾我感覺係屬於西餐一派, 但估唔到配埋鮑片冬菇蒸飯, 又出奇地夾wor青芥牛肉漢堡 - 完全無諗過中式點心會出現漢堡, 仲要配青芥, 真係唔係個個啱架, 我老婆都無乜興趣, 結果我一個人食哂, 結論係好好食, 牛肉新鮮, 配青芥令人感覺無咁油, 好清新.蝦餃 - 典型中式點心, 亦係我既喜愛, 蝦皮鬆軟但唔會一夾即爛, 蝦肉鮮甜, 唔係用D死蝦, 讚!! 鐵觀音咖啡 - 鐡觀音飲得多, 咖啡都飲唔少, 但兩者溝埋, 其實真係飲唔出有特別~~有機會都會再同老婆黎試下其他, 好似血燕千層糕及黑毛豬腐皮卷等等.

前幾日觀塘上堂，經過呢一間食點心嘅鋪頭，因為肚餓同埋未食飯，walkin 入去食，好彩唔駛等好耐。佢menu上面好多點心都係特色設計，尤其一個包片鴨胸荷葉飯，真係全香港所有酒樓都冇呢一個餸，荷葉飯好香，食落去每一粒米都好香！而且份量夠飽肚！飲品我叫左一個鐵觀音咖啡，因為好特別，味道好香，口感唔錯！因為人少叫唔到咁多嘢食，仲有鬆糕、燒賣，感覺唔普通，落足心機！雖然地方細咗少少，但上菜都好快，店員嘅服務態度亦都好好，有笑容有禮貌有耐性。當時手機無電冇影相，下次一定會帶朋友來食！

Lunch餐餐食外賣飯盒食到無乜引，出去貢下抖下氣。行到宜安街街市附近見到呢間鋪仔個招牌閃閃下，開頭重以為係按摩果D招牌，原來係食點心，行到上去見唔駛等位就試下食。呢度個餐牌幾特別，好多點心都未聽過，我就穩穩陣陣叫左叉燒腸，鳳爪排骨飯，點左壺普洱，實行扮下D阿伯嘆一盅兩件。落左單後個伙計話全部野都即叫即整，可能要等一等，問我飲唔飲湯，我梗係話好啦。係赤小豆粉葛鯪魚湯，有湯渣，火喉十足，唔係加水翻煲果D免費例湯，好過平時外賣飯盒果D多多聲。叉燒腸不過不失，夠滑但個皮厚左D，鳳爪排骨飯穩穩陣陣，都算足料。食完嘆埋壺茶夠鐘返公司，$45Lunch食到人情味算係賺左。下次試下唔係Lunch過黎食其它點心再report.

瓊金流沙飽朋友帶我黎呢間吉吉點，話食點心，去到門口都唔覺得佢地有點心食，裝修似Coffee Shop多D。睇睇點心紙，上面有傳統的點心，蝦餃，燒賣，腸粉，馬拉糕，亦有特別的款式，青芥鮮牛肉漢堡，蜜瓜脆脆卷都係佢地推介。除左傳統中國茶外，佢地重可以飲花茶或者咖啡，我地兩個就叫左壺花花世界，入面有繡線菊，粉紅玫瑰花，杜松子，可以增強新陳代謝機能咁話。點左燒汁煙鴨胸腸粉，血燕薑汁糕，，腸粉幾滑，鴨胸配腸粉都唔錯，唔駛次次都叫叉燒腸。血燕薑汁糕薑汁味好濃，唔太甜，煙煙韌韌。流沙飽嘅奶皇起沙重有好香咸蛋黃味，而且真係熱辣辣流出黎，推介必食!有別於傳統點心店，好食之餘又有coffee shop氣氛難怪我朋友一定要黎呢度。如果佢地可以搬去開揚D嘅鋪，生意一定會好得多。

與友人在官塘區吃飯, 發現這間新開的點心店, 於是試一試~在門口看見有CCTVB的員工卡可有9折優惠~可惜我們都不是這點心店比平常的寛闊~職員見到我們同行有大肚婆, 還安排我們坐在角落, 安全又安心~坐下, 原來這家店是安安燒的分店來的~看看餐牌~有不少特色點心 很有趣!!飲品更有趣!!有啤酒~咖啡~~但朋友不能喝酒, 下次再試啤酒吧!很濃郁的蜜瓜味~外皮很薄, 而且鬆脆!!愛吃甜點的朋友一定要試試!!馬拉糕$18~很鬆軟但流沙包......有待改善!!没有流沙之餘, 奶皇餡亦不滑. 最令人失望的點心......正確來說, 應該叫浸湯餃!! 餅內並無湯汁, 還有點乾, 没鮮味......但湯蠻好喝的......挽回一點分數吧~很有趣的組合~味道不錯!!鮑菇與鴨胸很匹配~但荷葉香不夠......可多焗一會, 讓荷葉香味滲入飯中會更好吃!!另外, 我們還叫了例湯~$23老火湯~料足火侯夠!!而且很大碗, 足夠2人份量!!一定要叫啊!!特色點心的IDEA不錯, 但仍有進步空間!!希望下次再去會更好吧!!

去開附近探親戚，上完屋但就一齊落街搵野食啦！佢話食過呢間吉吉點唔錯就帶我嚟試下我叫左甜蜜回憶（花茶），我見到隔離台點左花茶d茶具好靚於是我都叫返個試下先。我比較怕好濃既花茶味，會覺得有加工feel，而呢到既花茶係淡淡既花香味感覺好清新唔錯呀！燒汁煙鴨胸腸粉，好特別呀！第一次食呢種中西合壁既野食，食落都幾夾！同埋如果中意食煙鴨胸就會中意食，因為腸粉冇乜味夾埋一齊食就冇咁'漏'啦～青芥鮮牛肉饅頭漢堡，佢係用饅頭嚟做漢堡包個包，中間就夾住舊鮮牛肉漢堡同青芥末醬咁既，舊牛肉要整到唔會死實實但又冇散晒都幾考功夫架，都個醬都ok架唔錯不過個青芥末味就濃左少少～蟹子燒賣皇，一客兩件既燒賣皇蒸好熱辣辣擺上台面好吸引呀！都幾大粒，估唔到入面既蝦都幾多同彈牙～芝心咸水角，見到係芝心就即刻點～齋食咸水角都悶啦食左廿幾年，加左芝士好味呀！芝士愛好者又唔怕熱氣一定要試呀！極品血燕鮮奶凍，身為女仔既我緊係要試下，燕窩加奶凍，燕窩唔會孤寒比得少，奶凍奶味夠濃夠滑！我親戚果然冇介紹錯～～

地點有些難找，門口在巷內，花了5分鐘方找到。裝修新派簡單，鋪面不大，約30座位，但茶不錯，茶有茶味。蜜瓜脆脆好味，蝦餃大大隻，燒賣足料，馬拉糕都不錯，可以再來。

「為食星球人覓食之旅（4）」這次星球人覓食到巷仔裡面，走上斜路幾步就會看到紫色門牌的「吉吉點」～*食物好新奇：1）蜜瓜脆脆卷：外形係青綠色，望落去好春天。食落口卜卜脆，很crispy，有好濃郁嘅蜜瓜味。2）鐵觀音咖啡：中西合璧，感覺新鮮，飲落喉嚨好舒服，但未必個個接受唔到嗰種after taste，個人黎講係OK嘅。3）手工布拉腸粉：腸粉好嫩滑，值得等待。4）古法馬拉糕：咬落鬆軟，但始終搵唔返細細個食嗰種懷舊馬拉糕嘅味道。P.S. 小小店鋪有柔和燈光，幾relax的格局。但檯同檯之間通道比較窄，身形較龐大的會坐得不太舒服，而且餐桌的擺設太密太近，要同班friend暢所欲言或講秘密就不太可能了～*

腸粉,過得去, 算滑。 密瓜卷, 非常唔好食,居然有星星係招牌菜!, 油膩而無味! 鮮竹卷,還可以。 奶皇流沙包 ，流係流 不過無蛋味 唔香。服務態度麻麻, 佢地員工落錯單, 叫左佢都唔改番， 照上錯。座位好窄。

今日一個人食下下午茶，諗起e間野又衝過去啦。。。。記得上次見到有鐵觀音咖啡，平時係cafe shop日日都飲咖啡，但真係未試過鐵觀音咖啡，今次專燈黎試下，點知真係有驚喜😉😉😉點左虎皮椒（原本以為好辣😧）同埋鮮蝦腸粉（蝦夠甜，腸粉又滑，同某d大酒樓有得比）重有好多野想試不過得自己一個，下次可以再繼續😉

一個人既下午茶一定係飲下茶，今日咁啱經過觀塘，見到間紫色既點心店，外觀已經好吸引，見到又有點心食，又有咖啡飲，心諗咁特別既，所以就行入去試下喇😊一個人食得唔多，所以order左一杯鐵觀音咖啡，平時飲咖啡就飲得多，鐵觀音咖啡，真係好少有🙊講真好有特色，味道相當唔錯👍仲有灌湯餃，好大隻，好好味，好多汁，正呀😍蜜瓜脆脆卷，聽個名都覺得好特別，梗係要試下喇，最中意試新野，佢炸到好鬆脆，中間夾住蜜瓜餡，味道同口感都好好味😋其他既點心都好想試，例如:腸粉，牛肉球....所以下次一定要同朋友試埋其他😁大家下次經過不妨試試，好有心嘅點心店👍

又到食晏時間，食來食去都係差唔多，只不過硬係鍾意哩度有老火湯飲，哩度嘅湯完全飲唔到味精，而且好大碗。至於點心方面，同事就話覺得好食過隔離店，但我就覺得鳳瓜差啲囉，唔夠入味唔夠淋，但蝦餃同腸粉都真心好食嘅，因為好足料。蝦餃個皮夠薄又滑, 蝦肉一D都唔霉, 夠鮮甜.腸粉都幾好, 皮薄滑, 而食腸粉既靈魂---豉油亦都調得好好味!我真係好鍾意飲老火湯，但好明顯懶得成日煲.所以每逢晏晝想飲湯呢，我就黎哩度啦！

今日放假約媽咪去飲茶，之前聽朋友講係觀塘有間食fusion點心又有咖啡同花茶飲，覺得幾得意，就哄左媽咪去試新野。間店唔係當眼位，係小巷內，好有feel, 好似中環d 小店咁，最緊要係環境好乾淨！入到去都坐得幾舒服。睇order紙見到好多款fusion點心，傳統點心都有，咁可以就到媽咪食喇。 蟲草花灌湯餃，個湯底夠濃, 媽咪好like.手工拉腸粉， d 皮好薄好滑，仲整得好過d 酒樓.Q版炸雲吞配甜酸，夠熱夠脆，一啖過容易食過傳統大大件. 奶皇煎堆仔，我個人鐘意芝麻餡多d, 不過奶皇幾香. 古法馬拉糕，整得夠鬆軟，都ok . 鳳爪就普通少少，冇驚喜. 鐵觀音咖啡，似奶茶+咖啡，不過有拉花，成個mood唔同晒，飲落都幾特別。 我就試榴槤咖啡，好香榴槤味，估唔到咖啡同榴槤原來好夾，滿意！ 埋單先知原來唔洗加一，即時覺得好抵呀~~

之前係觀塘反工都見過e間野。。。但食lunch時間太多人啦。無時間等所以決定放工約男友一齊等但都唔係等得好耐（比想像中）唔試由自可，一試就愛上芝心咸水角（好似係e個名）重有個腸粉真係好滑牛栢葉又勁入味。。。只係個鳳爪比較上普通左少少可能太肚餓，有d忘記影相啦。。。重有好似叫左虎皮椒。。灌湯餃。。。重有重有重點之最個老火湯，對於我地e d上班一族又需要湯水ge就岩到爆