吉吉點 (已結業)

好耐都無嘆過點心, 今日放假特登入到黎觀塘就係想試下呢間手工點心. 正正係宜安街紅Van站條巷仔, 雖然唔係正大街, 但紫色招牌好搶眼, 唔會好難搵. 我地去到雖然已經過咗午飯時間, 但仍然都好多人. 好彩我地兩位都有位坐!呢度係手工點心, 侍應同我地講咗D點心即蒸所以要等一陣, 當然沒問題! 上到枱果然D點心無令我地失望.棉花雞 - 有別於一般茶樓食到的棉花雞, 呢度係用上湯浸住上, 配料好豐富, 雞件好滑而且無雪味, 棉花雞用的是魚肚, 不是豬皮, 而冬菇同娃娃菜吸收咗D湯汁, 非常好味!鳳爪 - 呢度D鳳爪蒸得好好, 入味得黎唔會爛, 而且汁料都唔會杰撻撻, 食落去有口感, 味道唔會過甜. 好有質素!(跟住食食下唔記得影相 )燒賣 - 燒賣好大粒, 裏面有大大粒蝦肉, 而且豬肉打得都好彈牙!牛肉腸粉 - 見到有朋友仲紹過, 真係好唔錯, 腸粉皮夠晒滑, 又唔會蒸到爛晒, 厚簿適中, 而且餡料好豐富, 切好一舊舊先上碟, 唔會食到哩晒Hea, 都有Heart 的一碟腸粉!

飲茶食點心不是早上專利,依家飲茶再無時間限制.那晚同妹做完gym後,回程都十多點,有D餓餓地,經過見到宜安街街市旁斜路(不太顯眼)有間點心店~吉吉點,當然入去醫肚.餐廳裝潢以灰色牆為主,配黑白椅,地方企理光猛.* * * 首先來了吉吉蝦餃皇每籠有二隻蝦餃.煙韌不厚外皮,包裹鮮彈牙的大大蝦仁,而蝦彈牙鮮美口,勁足料.* * 頂級鮮牛肉腸粉腸粉滑嫩,但有點厚皮,裡有牛肉及菜,算可口好味呢!* * *千層珍珠雞千層珍珠雞,樣如其名,有一層糯米一層雞餡,非常貼切.細份糯米雞, 兩口食完,內餡有雞肉,冬菇及花生等,味道還可以.這店有特別咖啡及花茶飲,因晚上飲後怕SLEEP 不到,只有待下次早點來品嚐呢!

星期日一訓醒已經係下午一點完全屋企人叫咗我去飲茶但我拍極唔醒不過佢地飲完都買埋外賣返來呢間就叫吉吉點有我最愛的點心蒜香排骨粒粒肉骨而且入味唔會太多骨而少咗份肉香而且有軟骨啱哂我喜歡啃骨的人另外屋企人話叫咗2款最受歡迎點心有牛肉球同燒賣牛肉球有濃濃的陳皮香而咬落口感較實因為牛肉比例高而且唔食到松肉粉味而燒賣的肉香更濃有菇香同蟹子的彈牙口感而且每粒都好大粒屋企人知我最愛食甜品連飲茶都買甜品返來有楊支甘露同奶凍楊支甘露D花奶好香滑芒果同西柚分量頗多不過我個人覺得可以再甜多少少奶凍入口濃裂食落入口即溶又唔會太甜岩岩帶出奶香拍得住D甜品鋪

已經不是第一次吃這間店，這間店已經是我和大少爺的落腳點。因為在家中附近，價錢亦相宜，當想不到吃什麼的時候就會選擇這間店。店面很少座位，但不算太擠迫，員工亦尚算有禮。點心款式都m不少，而且有別於一般常見，一些是創意點心。點心是即叫即蒸，每一籠都熱哄哄，等侯時間仍在接受範圍內。點了共四籠點心。很喜歡這個蒜心蝦餃，蒜味不算太濃，吃完也不會口臭，餃皮很彈牙。餡也不少。👍👍鮮竹卷跟棉花雞也不錯，但有點咸 份量也足！最後這個鴨胸荷葉飯真的十個like👍份量、香、 味俱全。不太咸不太淡，剛剛好，每粒飯都吸收了鴨胸與荷葉的精華。相都來不及影就已經吃光光

今日成班同事做野做到唔得閒放lunch 唯有叫外賣見到有吉吉點個單張有外賣咁就叫點心做lunch 了由落單到送到office都係6-7個字左右都好有效率燒賣好大粒$17/ 2粒 肉量好多唔會只係粉團蝦餃 $17/2 又係行大大粒路線一粒起碼有2-3隻蝦而熱門食品牛肉球就好香 而且食到牛肉質地唔係普通貨色而一碟應該有3粒我同事一開盒已經啪咗一粒了另外鳳爪都係好正隻隻十分厚身 又唔會好似外面酒樓果D甩皮甩骨D醬又濃下次得閒再親身飲埋茶先

呢間點心食過幾次, 每次黎食都保持到水準, 所以真係要比個好評佢. 呢間餐廳係正紅Van 小巴站隔離, 次次放工搭車都會經過, 有時收工收得夜無飯食就會黎呢度幫襯.呢間點心店最好味的就係佢個腸粉, 今日就食牛肉腸, 腸粉皮做得夠薄同埋夠滑, 夾上手又唔會爛, 保持到腸粉皮有個口感. 而且餡料都好豐富, 做得好唔錯, 咬落去好彈牙而且好有牛味, 值得推介!其次就係佢個蒸飯, 今日我係食佢個鳳瓜排骨飯, 餸放面, D精華味道滲咗落去個白飯度, 最值得况的原因係佢唔會油膩 (係出面食過好多次, D排骨太肥, 整到個飯好油). 而飯粒都蒸得好乾爽, 軟硬度適中.一個人食叫個腸粉同蒸飯都差唔多, 天氣凍凍地我仲叫多碗老火湯飲下. 老火湯煲得夠火喉同埋幾真材實料, 飲落舒服又唔會鹹, 正

早陣子介紹過「安安燒」，今日就要講一下它的姊妹店「吉吉點」，是一間點心專門店。主打一些創意點心，它比一般點心店特別，就是這邊會有花茶喝，又有一款鐵觀音咖啡。當天跟朋友來吃，地點不算易找，也找了好一會兒。如果你比較相熟觀塘、牛頭角地帶就應該沒難道，哈哈！我們點了六款點心，印象最深是千層薑汁糕。我自己是薑汁愛好者，平時連豬腳薑的薑都會通通吃光光！這款千層薑汁糕整體做得不錯，夠煙韌，很有口感，帶有淡淡薑味，若然薑味可以重一點、辣一點就更好！另外，一籠兩粒的蝦餃都不錯！大大顆的，豬肉跟鮮蝦比較也拿捏得準確，入口感覺良好，蝦肉爽口彈牙，蝦餃皮薄，如蝦餃皮的摺位摺得更工整會比較好，這樣才可顯示出師傅的手藝。其他食物都不過不失，除了牛肉腸粉水準差一點外，腸粉拉得很厚，入口黏嘴，吃起來粉粉的，牛肉也過老。新派的一盅兩件愈開愈多，要突圍而出，就要保留傳統之餘，有不同的創新。「吉吉點」可算是中規中矩的點心店，價錢亦不算親民，但仍是可以一試。希望下次再光顧時，記得一嘗蜜瓜脆脆卷、鐵觀音咖啡。蝦餃。千層薑汁糕。牛肉腸粉。店名：吉吉點地址：觀塘宜安街7號財利大樓地下E舖

同同事咁啱經過巷仔見到有間茶餐廳就行過去Tea 一 Tea, 望下Menu 原來係食點心, 即管入去試下! 餐廳面積不大, 但裝修都唔錯, 乾淨企理坐得都幾舒服.而且下午茶都幾抵食, 有$2換一個點心. 我地叫咗幾款點心食.1) 鍋貼 - 個皮幾薄幾脆, 裏面D餡都好豐富, 咬落去熱辣辣好多肉汁2) 馬拉糕 - 我地係用$2換的, 原本諗住會係細細舊, 點知上到枱係Standard Size, 水準都唔錯, 幾香幾鬆軟3) 鮑螺雞燒賣 - 其實我地叫個時唔知咩黎, 以為係黃包皮, 用鮑螺雞黎做芯. 上到枱原來係傳統個隻燒賣, 即係豬肉球上面放上唔同材料黎食 (好似鵪春蛋燒賣咁). 豬肉彈牙, 上面D料都大大塊, 幾好味4) 牛肉腸粉 - 我個人覺得腸粉係最好味, 皮夠薄, 又唔會爛, 餡料都夠多, 食落去好有口感

最近我在觀塘工作，一家人打算晚上去觀塘附近進食，路經觀塘街市旁發現有間吉吉點頂級手工點心專門店，我地看見好有特式，好多街坊來食，今晚決定去食下點心。搵到地方來食點心，環境算靜，令人期待的點心，menu都算多點心，開始要叫，食下才知味道如何。爸爸愛食潮州靚粉果，皮夠簿，許多的餡料，花生及豬肉等，大家都爭來食，食得好開心，點小小辣醬，更惹味。媽媽叫了千層珍珠雞，飯香軟，材料有小小肥肉仲好夠滑，輕輕荷葉味走出來，一家人一人食小小好溫暖。哥哥愛食吉吉蝦餃皇，叫了2份的份量，蝦餃皇確實是大粒，叫蝦餃皇當之無愧，蝦又多有咬口，要讚。家姐叫了密瓜脆脆卷，未食過綠色的脆脆卷，創新的點心，細佬都話好得意美味，香濃的密瓜味流出。我叫了傳統的豉汁蒸鳳爪，熱食最正，辣辣地的蒸鳳爪夠入味，鳳爪都算軟滑，女士會比較喜歡。妹妹愛食蒸古法馬拉糕，剛出爐夠熱最美味，濕潤又軟又滑，各人都要爭食一點。弟弟叫了濃湯鮮竹卷，鮮竹卷食得多，有濃湯的鮮竹卷未食過，鮮竹卷入面的豬肉，咬一口確實彈牙，弟弟連濃湯一起食完整碟。 

上個禮拜, 又出黎牛頭角見客,一條友唔知食咩好,又唔想食茶記,諗起上次食過呢間點心都幾好味,就係牛頭角地鐵站行過黎食,話遠唔遠, 話近唔近,大約行8MINS到啦,一坐低, 店員就介紹左新出既臘味燸米飯,D飯唔會好霖, 煙煙UN UN,有D臘腸, 潤腸, 炒得都幾好, 香口,一人份量, 唔會太多都唔太少, 岩岩好鍋貼一啖落去,好多汁, 好好味,皮又唔會太厚, 有D地方真係食皮多過肉,肉就細細粒, 皮就鬼甘厚,好彩呢到唔會, 啖啖咬到肉,但有D熱,所以要小心D食蒜芯蝦餃第一次食同聽蒜芯,一開始叫, 以為真係一粒粒蒜頭,原來食落又唔係, 幾得意, 都唔錯,個皮好薄,蝦好彈牙, 唔止一隻蝦,皮薄餡靚因為得自己一個, 唔食得多,如果多個人,就可以叫多幾樣點心,唯有下次再黎食過啦

就黎聖誕公司提早放假, 見得閒就同呀媽去飲下茶. 本來諗住去酒樓但又唔想等位, 結果搵搵下搵到呢間點心餐廳都幾多好評, 就決定去試下. 我同呀媽就乜都食, 見網上最多好評個D我地就試邊D 1) 蝦腸 - 腸粉皮夠薄同好夠滑, 上枱時佢係已經切好一舊舊唔洗我地用筷子去夾開. 而且真係每一舊都有一隻蝦係裏面, 蝦肉爽口彈牙又大隻, 好足料! 2) 馬拉羔 - 呢個馬拉糕比我想像中無咁甜, 但好啱我媽口味, 佢話平時個有時會太甜, 而呢個甜度做得幾好同埋好鬆軟好香 3) 蜜瓜脆脆卷 - 呢個我見好多人都推介, 我地都點咗一個黎食. 佢個口感幾特別, 外面係炸到脆身, 裏面就好似大良炸鮮奶個奶芯咁滑嘟嘟, 但好重蜜瓜味, 係一個唔錯的甜品, 值得一試 4) 牛肉球 - 牛肉球質地比起平日酒樓食個D結實同埋深色, 應該係好足料 (平時食到鬆身而且淺色個D無乜味) 食落彈牙有牛味. 另外仲叫咗個老火湯同排骨飯, 兩者都好味無乜味精

做完野已經8點幾, 放工好肚餓, 行下行下去到宜安街個頭搵食. 見到有間餐廳幾光猛就入去試下. 呢間係點心茶餐廳, 裝修幾好而且幾乾淨, 仲有即磨咖啡飲. 不過幫襯個時已經係夜晚, 所以都係飲返普洱配點心.天氣涼涼地, 叫咗個老火湯飲暖一暖胃先. 今日試呢款係烏雞湯, 飲落夠火喉, 飲唔出有味精味, 而且都幾大碗, 好有呀媽靚湯感覺. 我仲叫咗個臘味糯米飯, 諗住飽肚D. 糯米飯屬一人份量, 上面有臘腸同潤腸, 飯身爽口, 而且有臘味香味, 做得唔錯. 另外仲叫咗個蒜芯餃同埋鍋貼, 蒜芯餃個皮夠薄, 裏面餡料豐富而且蝦肉彈牙.雖然舖頭唔係大街唔係咁就腳, 不過食物唔錯, 下次都會再過黎幫襯.

我和好友早前來過觀塘食頂級手工點心，無論食材的質素及廚師用心烹調的功夫令人刮目相看，每款的點心真材實料，非常用心去做，我對那家點心店留下深刻印象，所以今次定必前來光顧。吉吉點頂級手工點心專門店是全日點心店，點心款式選擇多，我帶同好友來品嚐美食是一個很好的地方。 地點位於觀塘宜安街街市旁，在小巷裡面，地理環境尚算方便，因上次巳來光顧，所以好易便來到，全日都可以一盅二件食點心，每次想起都想即時到來品嚐美食。 店子環境舒適優雅，地方很自在，有一份雅緻休閒，食物質素良好，傳統的點心，亦加入了新派的款式，吉吉點頂級手工點心專門店仲有咖啡提供，美食當前無法抵擋，按捺不住，吃得盡興一點，放縱一下自己，享受頂級手工點心的滿足滋味。 足料養生老火湯 $23秋冬季節飲養生老火湯補一補身，每日新鮮材料，熱燙燙的老火湯，材料足火喉夠，足夠二人享用，老火湯十分清潤，没有加入味精，湯渣都可以食，各種食材都健康有益，多吃都不妨，正合我的口味。 翡翠鮮蝦腸粉 $23即蒸的腸粉，皮簿餡料豐富，腸粉最考廚師的功夫，皮薄唔爛，晶瑩剔透，完全没有雪味及油膩的感覺，做得十分出色，顯出大廚精心及功力，上枱時巳切開6件，每一件都

沒有訂位的即興聚餐，揀左呢間小巷中的餐廳，老闆非常有心地係大街去小巷的地上，整左小光燈，引客人去餐廳(不過我唔記得影低）兩個女仔點左8樣點心 炸雲吞，一上檯就食真係好好味，點埋個醬汁，酸酸甜甜又脆口，但放多10分鐘就出油了：/ 呢個不得了，好好味呀木瓜味好特別，趁熱咬落去，d餡會流出黎，必試呀！ 相比其他，流沙奶黃包變得有點失色，奶黃唔夠流沙，一般般 雖然呢個牛柏葉好多莞茜，同好多配料，但味道好夾呀，加上牛柏葉又爽口，非常鍾意食 蒜蝦餃，用筷子夾既時候，個皮會黐住對對，煙煙un un,隻蝦都彈牙，不過我食唔出蒜味，定我睇錯Manu呢？ 煎堆，食得太快，忘記左試真d裡面個餡 又係另一個必食，本身我都好鍾意食炸饅頭，不過真係唔係間間酒樓有，呢個芥末漢堡真係要試呀，小小的漢堡扒，加生菜，再少少芥末醬，放落炸饅頭度，原來都幾match 如果用鍊奶唔知咩味呢 蝦腸，隻蝦好大隻，好彈牙架，我覺得$23好抵晚餐時段無收加一，都無限時，食物份量算合理，唔會太迷你，兩個人8樣點心係有剩既，好飽建議唔好一次點晒點心，因為上菜好快，上檯會好快凍，所以幾樣幾樣咁點，熱d食都好味

諗返起已經有成年無上過酒樓飲茶. 而家酒樓越黎越少, 想搵間食下點心都好難. 反而近年興起的點心茶餐廳, 大部份細細間反而保持到水準.呢間吉吉點就係其中一間. 係觀塘呢個競爭激列的小區做食肆, 一係鬥平, 一係鬥好味, 而呢間就係後者, 但價錢仍然好平民化. 由十幾蚊到廿幾蚊不等, 仲有老火湯同埋蒸飯, 鍾意食下點心又得, 叫個飯飲個湯又得.佢地個老火湯日日都唔同, 今日就係菜乾豬肺湯, 叫咗一碗, 份量夠兩個人飲, 材料豐富, 湯會連湯渣一齊上, 我自己鍾意食豬肺就叫侍應比多D渣, 正今日叫咗碟牛肉腸粉, 呢間腸粉都幾出名, 其實佢D牛腸, 蝦腸, 叉腸都同樣好味, 重點係佢個皮做得夠滑, 而且係即蒸, 所以夾上手都唔會爛, 而佢D餡都好多下唔姑寒.另外就係流沙飽, 佢個流心做得好香蛋黃味, 但質地會比較厚身, 唔會一食即刻好似水咁流出黎, 而係慢慢咁流. 層皮做得好鬆軟, 裏面熱辣辣凍天食會好滋味食完點心我叫咗杯咖啡嘆下, 點心餐廳好少有咖啡賣, 而且係即磨個隻, 我叫咗杯熱Latte, 飲落夠香濃夠滑, 做得唔錯!