吉吉點 (已結業)

有個老朋友住係觀塘, 星期六搵佢tea 一tea, 走到宜安街見到呢度有間新點心舖就入去試下啦!門面光猛新淨, 佢賣咖啡 + 點心, 但因為我唔飲咖啡, 所以淨係叫咗點心同鐵觀音.有幾款點心我覺得好得意好好味, 有一款叫"真心愛梨", 個皮煙煙unun (唔識打), 裏面係暖暖地, 甜甜地的梨, 口感好有趣亦好好味  另外仲叫咗個"蜜瓜脆脆", 外層好脆, 裏面係軟Q的蜜瓜味夾心 , 如無估錯應該係新鮮炸的因為好脆, 個夾心仲係熱辣辣 (條脷有少少燙親, 所以最好攤凍先食)上面係兩款甜點我最愛的 (可能女仔都鍾意食甜野:balloon 其餘仲叫咗D傳統點心(蝦蛟燒賣個D), 同埋叫咗碟尖椒魚肉水準都唔錯! 坐咗一個鐘因為有人等位唔好意思再坐, 埋單一人幾十蚊算抵食, 下次會再幫襯~!

今日攞野比朋友，見去開觀塘就去探我最愛嘅吉吉點。蜜瓜脆脆卷＄20，第二次食依然覺得好好味，雖然啱啱食完飯無耐，但係依然口痕要去買翻個嚟食。＄20/3個，感覺冇上次食咁脆，同埋油咗啲，可能今次係外賣而唔係堂食嘅關係啦，不過餡料豐富，蜜瓜味依然好濃郁，外脆內軟，推薦食佢，一定要食堂食～*

母親大人鍾意食點心, 今日難得放假, 就search下屋企附近有咩好食. 搵搵下就見到呢間吉吉點. 就行過去試下啦.其實間舖位置係街市隔離, 不過就要係旁邊條斜路上少少, 都算方便. 一入到店感覺唔似平日個D茶檔, 而係比較新一派的裝修. 野食方面, 佢有傳統的蝦餃燒賣, 又有新式野食. 首先叫咗D傳統點心先:- 蝦餃/燒賣: 有半份可以叫, 一蛊兩件, 我同媽媽二人剛好. 蝦肉同豬肉都彈牙新鮮.- 牛栢葉: 個味道都係同一般茶樓一樣, 不過D汁唔會傑tat tat, 而牛栢葉的軟硬啱啱好, 唔會痴牙又唔會太淋, 值得一讚- 蝦腸: 皮夠薄, 可以望到裏面D 蝦, 夾上黎又唔會爛, 蒸得啱啱好然後試咗D新式點心- 蕃薯包 – 初時我地無諗住叫, 怕好”溜”, 但店員推介, 我地就試下. 一黎到個包都幾大, 我仲怕食唔晒, 點知個包好軟熟 (唔係平日個D好實心的包), 用甜番薯做餡, 食落好香唔會溜, 真係值得一試, 好好味- 蜜瓜脆脆卷 – 綠色的外型, 外脆內軟, 甜甜的密瓜味, 做得好好的一個甜品後黎仲叫客鳳爪排骨飯, 都是一些standard 野, 但水準唔差!

飲茶、吃點心在香港是飲食文化之一，Rain 星期六、日久不久也會去茶樓一盅兩件以往要吃點心都要日間去茶樓，但現在晚上也有一些專賣點心的店舖了!!這天跟朋友去位於牛頭角的吉吉點，這些店舖的點心一般最少兩件，不似平日在茶樓見到的四件...人少少去這些店舖吃點心比較划算喔~可以試多一點不同的點心 三重芝士酥 (三件)外皮超酥脆及灑了不少的芝士粉，而內裡包了一些肉粒及芝士汁吃下去是感到不是太搭的，非常有創意，還不錯啦~ 蝦餃 (最少2隻)這兒的蝦餃不是很大顆，是一口一個的份量，蝦餃皮還算皮薄黏韌，可惜略為不夠晶瑩剔透~而蝦仁份量不少，吃下去是爽口彈牙，蝦餃內更是有肉汁的...讚!! 燒賣 (最少2隻)小時候每次去飲荼，燒賣都是我必點的點心...燒賣包了份量不少的豬肉，都溢出來了，而表面用了一蟹子作點綴燒賣除了豬肉外，還有蝦仁，豬肉跟蝦仁配合起絕對是互相輝映，不會搶過對方的風采~ 蒸排骨其實個人頗喜歡吃排骨，雖然要吐骨，但超美味的!!個人最愛是七分瘦肉三分肥肉的排骨，這樣就剛剛好~只要沒有蒸過火，肉質軟稔嫩滑，又不會太過油膩，就很好吃了

我真的很喜歡吃點心，特別是有特色的，間中心癮起會上網Google 一下，看看所到點有沒有點心可以吃。自從全日點心店的興起，對我來說真的是天大好事，因為由早到晚都可以去吃點心了。那天有事到觀塘，突然想吃點心，從openrice 找到位於觀塘的吉吉點，就決定去試試。一坐低，看見餐牌上有湯，我這湯水少的無飯主婦，想也不想便點。這天是青紅蘿蔔煲瘦肉，喝下去感覺說有味精，火喉夠，很有家的感覺。蝦餃是我必點的，這裡的蝦餃餡料份量不少，蝦也彈牙實淨，就是外皮差一點。脆炸蜜瓜卷是貪新鮮點的，外脆內軟，中間有點煙韌，口感很好，蜜瓜餡香香甜甜的，是我喜歡的口味。我愛香口的點心，其中最愛春卷，這裡的蒜香春卷炸很不錯，夠香脆之餘，不會有太多油，餡料亦不會很少。不記得多久沒吃過灌湯餃，很懷念，這個湯很濃很鮮甜，餡料很足很豐富，好味道。牛柏葉很多地方都有，但弄得好吃的真的不多，這個夠軟熟易咬，非常入味，汗料又夠惹味，明知難消化也不願停手夾完一塊又一塊。最後這個外表極像番薯的點心作結，真的是番薯餡的包呢，我是很怕吃包的，也覺得這個包又香又鬆軟，內裡有份量頗多的軟綿綿番薯蓉，真的要說句：又香又甜又好吃。因為點心款式多

呢間吉吉點，我從朋友口中聽講過，d人話好好食，我都心思思想試，但平時真係好少去觀塘，今日約左客去觀塘見面，終於可以一試了。其他點心燒買牛肉牛柏葉腸粉，都同大酒樓果d冇乜唔同，上菜時夠熱夠香，份量亦沒有偷工減料！整體都滿意！要讚既係蜜瓜脆脆卷，外脆，內又熱又香濃既蜜瓜豆奶，超級搞笑有創意，好味。觀塘的朋友，誠意推介呢間吉吉點！

誰說三兩姊妹吃飯不能來個一盅兩件?今次搵食搵到牛頭角的吉吉點去~小聲：其實是好友一直跟我大推這家中式餐廳啦，好奇心又重，個人又愛食，怎會不受影響呢~XD一入門就見到這家餐廳貼著「點心之藝術」，叫我十分期待呢~餐廳的坐位不多，最多只可容納大概二十人。餐廳的最入面就已經是廚房了~當然啦，廚房附近還貼著不同的推薦食物/飲品啦~小聲：這邊蠻有趣的，中式點心店有咖啡的，感覺有點點Fusion的啦~XD蟹子燒賣皇 ($17/2粒)吃中式點心不能缺少的食物之一，很喜歡這個「吃不到可怕肥豬肉」的口感，加上新鮮爽口的蝦，味蕾感受著鹹香，叫人食指大動~吉吉蝦餃皇 ($17/2件)蝦餃是不可缺少的，這個嘛，皮薄餡靚，外皮滑溜的，入面就用上肥瘦均稱的豬肉，還有大大隻的蝦，一口咬落去，感覺超豐富的~而且一點也不油膩，多吃一隻也沒有罪咎感呢~XD手工布拉腸粉 ($20/碟)布拉腸粉是最能看到廚師工藝的食物之一，這個腸粉十分滑的，加上點點豉油調味以後，味道UPUP的~!!咩咩甘薯包 ($20/2個)看上去樣子有點點趣緻吧~把這個包包分開兩邊之後就立即聞到很香的甘薯味，食落去的時候帶點清看的，而且甜甜的，連包也有甘薯

吉吉點都是一個奇趣的名！去到，發現更有點心，咖啡，花茶，養生湯⋯⋯等不同東東！因為這天是晚上，沒有點咖啡來試，反而試了一壺花茶叫甜蜜回憶。味道不錯，因為有甜菊葉的關係，真是甜甜的！當天我們叫了不少點心，但重點推介有幾款灌湯餃雖餃內沒有什麼湯，但勝在餃內沒肥肉，但個湯實在十分好喝，加上有蟲草花，味道鮮美！咩咩蕃薯包本來不知是什麼來的，一來到，個外形極似蕃薯！包中間是蕃薯蓉，味道很香，是包中不錯的選擇！流沙飽奶皇起沙還有好香咸蛋黃味，是熱辣辣流出黎，推介必食!薑汁千層糕夠煙勒，可惜薑味不夠！重點推介 － 老火湯這天是青紅蘿白粟米煲豬腱無味精，真材實料，豬腱很滑，整個湯連湯渣都清埋！

行完apm就周圍行下今日的觀塘轉變真係大，原來我都好耐無泥過呢一區，行下行下見到有間裝修報緻得都幾「骨子」既食店，我就即管試下啦，反正對腳已經好累了！一睇個點餐紙，心諗咁搞笑，又點心又咖啡，上網見大家多數推薦個蜜瓜脆卷同鐵觀音咖啡，好啦，就叫泥試下先。首先一定要講下個蜜瓜卷，真係好好食，我本身都好鍾情蜜瓜味既野，好似食緊固體既蜜瓜豆奶咁，外面好脆，中間又軟又熱好好食呀、為左呢個卷我會返轉頭，如果可以開分店開得近我d就好了。之後叫左個螺雞燒賣，都ok,夠熱，因我好怕點心唔夠熱，不過唔知係咪食左個覺得好好味既卷，宜家食咩都會覺得有比下去既感覺⋯😂講埋杯鐵觀音先，咖啡配茶出奇地夾，飲落去係咖啡味出先，之後有茶味慢慢滲出泥，又消到食點心既油滯感，最緊要係拉花好靚。總括，有下次，一個人慢慢坐下食個下午茶或者同三五知已吹下水都係不錯的選擇！

Tea time 偷偷溜出黎食個late lunch~之前同同事都有黎過哩度食野，但係無post到，今之'番桌'試啲未食過嘅先~ 咩咩蕃薯包 好攪笑，個外形真係好似個薯仔呀，連色水都似埋喎~創意爆燈!！!一撕開，好多蕃薯餡~外而嘅黑色食落味道似可可粉，蕃薯餡少甜，個包味道帶少少甜。整體唔會過份地甜所以好得喎~ 叉燒腸 都係果啲野啦，味道係ok嘅，餡都算ok多,哩個就無乜太太特別囉！

在澳洲生活久了 都很想念香港既點心 剛剛得知台灣朋友首次來港 更加要帶佢地去食d特式點心啦 咁我搭地鐵就約見朋友帶佢地去 觀塘區我自己都好少去.不過唔緊要用google map都能方便快捷地到達.. 同朋友坐下來幫他們點菜..叫了一個 蜜瓜脆脆卷 超濃郁的蜜瓜香味 外皮很薄, 而且鬆脆..點了一個 瓊金流沙包 ..古法馬拉糕 都好正统的點心 尤其流沙包 好香好濃郁的流沙..超好吃的 鮑片冬菇鴨胸荷葉籠仔飯很有趣的組合~味道不錯!!鮑菇與鴨胸很匹配~讓荷葉香味滲入飯中超香的喇台灣朋友都就好正好好吃~下次又朋友從外地來也可以帶他們去吃吃看喔 。

對飲茶一般既你 要黎呢間試下喔😗因為我覺得呢間雖然係茶樓既感覺 但入面既點心賣相其實都好得意 我同朋友就去左呢間食 發現d名同個賣相都好吸引 例如 蜜瓜脆脆卷咁 我本身對卷物都冇咩興趣但因為佢係綠色而又食落去脆脆地 我都覺得甜甜地😃另外仲有一個叫做鐵觀音咖啡 可能有人會覺得個味好似好怪咁 但其實又唔係想像中會太苦 感覺好難飲😌 帶埋屋企人或者多d黎食都好架 試多d唔同既新野 唔洗食黎食去都係食個d 賣相都吸引啦😂唔洗咁dry😏

前果幾日同朋友上完堂,想食D小食,跟住經過呢間觀塘既點心鋪,果日星期4,3點左右唔洗等咁耐就入得,入面有又點心食又有飯,可以滿足晒想食飽又唔想食太飽既人,入面既點心外觀唔錯,但食落...都幾好味WO(牛栢葉,鳳爪,,灌湯餃, 奶皇包芯煎堆仔,鮮牛肉球,蝦餃)呢D基本既點心其實比一般酒樓來講好很多,因為入面既味道唔同,好似奶皇包既奶皇香濃既汁,雖然有D熱,但食落好香口,同一般既奶皇包好分別,大家可以不仿試下,仲有既老火靚湯雪梨海底椰煲好味道!呢個湯底配台雪梨既美味真係好好飲。灌湯餃 又係好大隻，雖然好熱攤左好耐先食到， 但新觧出爐又好好味。最有特色既應該係蜜瓜脆脆卷,帶綠而軟脆脆既卷,甜而可口,中意食蜜瓜既係十分好推介既點心

今日難得早起身，搵埋夠爸阿媽一齊去飲下茶，食個點心享受下，relax下。我想搵下有冇d特別d既餐廳去食呢d傳統既點心。又比我搵到呢間，交通又方便。呢間餐廳主打fusion咖啡，點心同埋足料既老火湯。非常適合我地呢d又鍾意創新又想健康既人去。       首先我地叫左鮑片冬菇鴨胸荷葉籠仔飯，其實我望到個名覺得真係好奇怪，西式同中式既野點夾呢?但係一黎到又真係出奇地夾飯燈充滿濃濃既荷葉味，正到爆，份量又足 好飽肚。      仲叫左鐵觀音咖啡，望落去相信大家都覺得係好特別既飲品，非常創新，飲落係好舒服，唔會有互相搶味既問題，掂阿!返屋企個陣都想試下自己整黎飲，哈哈。    當然唔少得係老火湯啦，平時係屋企又冇時間自己整黎飲，佢d老火湯真係好足料，完全飲唔到有味精。同平時係茶餐廳個d咩例湯真係差得遠，完全唔係同一個level。

星期六的下午，兩個人的 late lunch。想起這裡有中式點心，就來試試。試了: 馬蹄芝麻卷: 煎過的，但太油了。蜜瓜脆脆卷: 好像炸完放了很久一樣，不太熱，而且太油膩了。瓊金流沙飽: 沒有太流沙，失望。蟹子燒賣皇:一般般。鮮牛肉球: 還可以。燒汁煙鴨胸腸粉: 腸粉算滑，燒汁同煙鴨胸個味好夾，是這麼多點心中最好吃的。  湯: 比想像中好，夠味道，分量多，兩個人飲都夠分。手工啤酒: 一般，沒什麼特別。鐵觀音咖啡: 好喝，有特色。不過，不明白為什麼一定要點茶，因我們兩人都各自點了飲品，不想點茶，但店家一定要收茶錢。雖然只是三元，不過，被強逼的感覺不好。小店，桌與桌之間擺的很密，不會坐得太舒服。服務生都不太有笑容，好像不太想做的樣子，所以不會想再來。