吉吉點 (已結業)

特登大圍入觀塘食點心, 可惜無花茶,茶芥無菊花.足料養生老火湯:雪梨海底椰,5舊雪梨1舊豬肉但就無見海底椰,湯偏咸,雪梨也只有咸味,飲完沒有清潤只有口渴感, 1分錢1分貨.流沙飽: 雖然流沙少少乾,不太滑身,不太甜,但最推介此項蜜瓜脆脆卷:一咬落蜜瓜蓉衝出來,好甜蜜瓜味香濃,食完1件幾濟.煎雲石馬蹄糕:黑芝麻溝馬蹄開粉整,皮沒有煎脆,芝麻味重有馬蹄的咬感,不會好甜,不過不失的健康之選。西班牙黑毛豬腐皮卷:篩走過多沙律醬,脆腐皮包住紅蘿蔔青瓜火腿,靠豬肉的咸味,食完彼飽.灌湯餃:湯咸少少，可以接受早茶8am-11am消費20可加$2食碗粥下午茶2:30-6pm消費$28加$2食多款點心

今日又要去觀塘見個客, 搞掂後當然又去幫襯我最鍾意食的吉吉點. 作為舊區, 觀塘真係幾多野食, 但以菜館為多, 如果係1-2人小店其實唔算多. 有次有個客帶我去呢間吉吉點食過之後就愛上, 自此耐唔耐都會去食下.佢D腸粉好滑, 今日我食咗牛腸, 佢會用少少生菜包埋係腸粉裏面, 而且仲會切好一舊舊比你, 等你唔洗食到le 咁 hea, 每一舊腸粉都好足料好多牛肉. 一咬落去食到牛肉的嫰滑同生菜的爽口, 口感好好. 而最重要係, 佢d味道唔會太甜, 又唔會太鹹 (同埋我食唔出佢有味精)另外我叫咗個鱆魚雞粒飯, 其實每次都會食一個蒸飯, 佢係蒸到D飯好香, 但又唔會過油, 而且飯粒仲可以保持爽口, 証明唔係翻蒸再翻蒸.呢間點心店價錢適中, 而且坐得幾舒服, 最緊要D野食好味, 會繼續支持!

成日在附近坐小巴見到呢間店的招牌 睇食評都好多人讚終於今日有老友陪我去試試午飯時間剛開有兩個位地方不算太大,枱與枱之間距離太壓迫地方都算乾淨企理點心紙一目瞭然，都知無酒樓果啲炒粉麵我地都係食大路點心蝦餃，燒賣同牛肉燒賣算是唔錯了 ,蝦餃大粒熱騰騰的牛肉就一 般,唔夠彈牙坐得感覺吾舒服,又見到人地門口有人等位都係埋單走，總算試過呢間我唸在下午茶兩點後會好些總知感覺食物就是普通到吾普通整體嚟講唔算吸引，好友相聚想到茶樓嘆番一盅兩件，因為太迫講說話不方便食而且坐位太少，食完趕著走的感覺這形式失去了那種中國人的傳統飲茶文化朋友未有食物到得閒影相我話貪得意在開飯啦寫食評所以比咗一些相是呢間店食物同環境只係影得幾張,大家不防分享一下

今日跟老媽子去探個親戚, 中午一齊去食飯然後親戚話去食點心, 原本以為去酒樓, 後黎佢帶咗我地去呢間吉吉點. 佢係宜安街街市側邊, 雖然唔係旺街, 但我地去到都差不多滿坐, 望落都係附近街坊幫襯, 同D職員都有講有笑.雖然有d隱敞, 但咁多人幫襯一定有原因, 親戚就話佢D點心係即蒸, 師傅手功唔錯, 所以keep 住都有唔少人幫襯. 我地今日四個人, 叫到成枱點心. 我個人覺得最好味就係佢個腸粉, 我地叫咗蝦腸, 佢個皮的確好滑好薄, 夾上手唔會爛, 而且餡料豐富蝦肉都好彈牙, 好好味!佢個牛肉球都好唔錯, 佢比起一般酒樓的牛肉球無咁"鬆泡泡", 顏色係深色D而且食落幾有質感同牛味豐富, 老媽好鍾意!另一樣就係我最鍾意的馬拉糕, 好鬆軟好香, 而且唔會過甜.佢其它點心都好足料同埋幾新鮮, 價錢合理而且環境都幾乾淨, 唔怪之咁多街坊幫襯.

自從屋企樓下酒樓執咗粒, 已經好耐無食過點心了. 今日同朋友偶然經過觀塘呢間吉吉點就入去食下, 估唔到比我地搵到間好野!我自己好怕食點心好油膩, 同埋而家好多點心都加咗好多味精同糖, 搞到好甜同埋食完好口渴, 但呢間D點心都幾真材實料, 完全食唔出有味精亦都無口渴, 真心值得推介.雖然點心選擇唔夠酒樓多, 但勝在每樣都好味.老火湯足料好夠味, 份量夠晒兩個人飲.燒賣大大粒, 豬肉同埋蝦都好爽口彈牙.濃湯浸時蔬 - 呢個濃湯d湯仲好味過老火湯, 我地直情拎黎飲, 哈哈.佢係奶白色雞湯, 用黎煮菜同埋菇好正, 夠晒味!蝦腸 - 腸粉皮好滑, 而且餡料好多好新鮮, 用料唔會姑寒, 每一舊好晒裏面都有大大粒蝦肉係裏面. 正!最可惜佢離我屋企都幾遠, 不過放假得閒都會黎捧下場

上回吃了幾款點心也算勝價比高，今次再度光顧試試其他美食。   Q版錦鹵云吞 - 新鮮即炸熱辣辣脆扑扑，蝦肉味濃，只是醬汁有點怪怪，沒帶點甜酸甜酸，怎麼像錦鹵云吞?!  薑蔥牛栢葉 - 這個味道和造型跟其他酒樓沒些分別，只是可以再"冧些"吧!  燒汁鴨胸膓粉 - 粉皮薄但又充滿濃濃米香，鴨胸嫩滑，相信點腸粉豉油效果更佳！ 桂林牛肉球 - 牛肉球吃得出是自家手打，彈力十足不會"鬆包包"...好味!  古法馬拉糕 - 這個可不要再吃了，賣相有點失望（不像古法），吃一口是熱騰騰但"鞋十十"

 位於牛頭角的「吉吉點」, 小店在小巷裡面, 一點也不好找。竟然小店內坐滿客人, 門外也有客人在等位。心想點心應該滿有特色才能吸引這麼多客人。小店內不太大但枱放得密密麻麻, 加上櫈都是沒有背椅, 所以用餐環境不是太舒適。侍應只有2位, 因此服務不太周到。店內有個掛牌"Dim sum & coffee", 這就是點心店的特色, 因此這裡提供一些有特色的咖啡, 例如柑桔咖啡/鉄觀音咖啡/榴槤咖啡。可以侍應回复因人手不足所以咖啡要等三十分鐘以上, 令不少客人失望而回。點心選擇都豐富, 但新派特色點心不見突出。吉吉蝦餃皇$17(2只) 每次飲茶必食的點心。呈上時竟然有一隻已經破開, 賣相大打折扣。味道不太多驚喜。$17 2只不太便宜。古法馬拉糕($18) 質感鬆軟, 味道不太甜。蒜蓉蝦春卷($26) 皮脆餡料豐富。手拉腸粉($20) 沒有期待的米香及順滑的口感。濃湯鮮竹卷($22) 湯底味精相當明顯, 幸好鮮竹卷餡料豐富。桂林頂級鮮牛肉球($23) 牛肉球質感有彈性, 不是死實實的。流沙包($20) 流沙包熱烘烘, 咬下去咸蛋黄汁湧出來, 賣相對辨。包鬆軟, 咬下去有咸蛋黃的香味, 不錯。沒有

今日lunch 要過去觀塘比張單個客, 順便過去食埋野, 收到張傳單介紹直安街附近有間點心餐廳, 見近近地就走去試下. 去到餐廳1點半, 蹱正飯市好多人, 見D人係度等位, 我就決定上埋個客度交低D野先再落返黎. 後黎再去兩點幾見唔洗等位就入去食喇.我叫咗碗老火湯, 一碟蝦腸粉同埋馬拉糕, 老火湯好大碗, 煲得幾夠味, 啱晒我呢D平時少飲湯的打工仔. 而蝦腸就好滑溜, 裏面D餡夠多又夠爽口, 切好一舊舊唔洗食到le 咁hea, 兩樣都好啱我心水, 而個甜品馬拉糕都好正, 糕身鬆軟又熱辣辣, 好有傳統味道! 本身想叫多碟野食但已經飽飽地, 快快手手又返去開工下次再食過!

在Openrice四處搜尋，大發現這家小店...一於來尋味11:50來到，只有一檯客; 我們坐下便點些自己最愛，不知不覺15分鐘已有半數入座率了。蝦子餅愛吃叉燒包、蝦餃、燒賣那些傳統點心，我則愛吃...好吃！蝦餃，一籠2粒(最鍾意)，比正常大一點點。餃皮有些彈性，混入了筍，蝦肉也鮮味！燒賣，同是一籠2粒，樣貌跟味道均沒有叫人驚喜，只是安守本份吧！叉燒包，包蒸得干身肉餡醬汁豐富，包身不黏牙。芥末鯪魚球，真不知怎麼形容，入口跟兒時吃的很接近，配以芥末沙拉醬入口清新。即叫即炸，魚肉彈牙！鮑片(其實是螺片)鴨胸荷香飯，螺片和鴨胸沒什麼特別，米飯也沒因此多添味兒。倒是荷葉香氣全透到米飯裏，米飯粒粒分明，是我愛吃那种這家小店雖裝修簡約，但其食物質素、環境、服務可稱得上勝价比高！

呢間吉吉點係我婆婆屋企附近, 其實我地一家人都成日幫襯. 貪佢點心好味又就腳, 侍應都好nice 好有親切感. 同埋最特別係呢度個師傅會每隔一排就推出新點心, 我地次次去到都會捧下場.首先我地每次去到都會叫兩碗老火湯飲, 佢D湯煲得好濃而且無味精, 真係呀媽級靚湯, 我地屋企少煲湯, 所以每次一定會黎飲佢D湯, 佢每日都會唔同款, 都係D時令湯水, 而家秋冬季就會多咗D滋潤湯水. 好正!另外我地都好鍾意呢度D腸粉, 每次都叫. 佢個皮做得好薄同好滑, 而且餡料都好多, 最重要係佢會有D蔬菜係裏面, 食落清新爽口又健康, 我地特別喜歡牛腸同蝦腸.今次我地試咗佢個酥香紫薯餅, 屬於甜點類, 佢係用酥皮做外層, 裏面係紫芯蕃薯. 佢個皮做得好脆, 而個紫芯蕃薯好軟滑, 暖暖地咁口感唔錯, 而且食得出個紫芯蕃薯係原味, 唔會有種人工甜的味道, 而係有種微微甘甜的味道, 做得幾好! 期待下一次又有新點心推出!

位於牛頭角的「吉吉點」, 小店在小巷裡面, 一點也不好找。竟然小店內坐滿客人, 門外也有客人在等位。心想點心應該滿有特色才能吸引這麼多客人。小店內不太大但枱放得密密麻麻, 加上櫈都是沒有背椅, 所以用餐環境不是太舒適。侍應只有2位, 因此服務不太周到。店內有個掛牌"Dim sum & coffee", 這就是點心店的特色, 因此這裡提供一些有特色的咖啡, 例如柑桔咖啡/鉄觀音咖啡/榴槤咖啡。可以侍應回复因人手不足所以咖啡要等三十分鐘以上, 令不少客人失望而回。點心選擇都豐富, 但新派特色點心不見突出。吉吉蝦餃皇$17(2只) 每次飲茶必食的點心。呈上時竟然有1只已經破開, 賣相大打折扣。味道不太多驚喜。$17 2只不太便宜。古法馬拉糕($18) 質感鬆軟, 味道不太甜蒜蓉蝦春卷($26) 皮脆餡料豐富手拉腸粉($20) 沒有期待的米香及順滑的口感濃湯鮮竹卷($22) 湯味精鮮竹卷餡料豐富桂林頂級鮮牛肉球($23) 牛肉球質感有彈性, 不是死實實的。流沙包($20) 流沙包熱烘烘, 咬下去咸蛋黄汁湧出來, 賣相對辨。包鬆軟, 咬下去有咸蛋黃的香味, 不錯。沒有期待中的出色, 環境太壓迫不

見Openrice 呢度D食評都唔錯, 而且有D特色點心. 我今日就同朋友特登黎試下.佢D點心有一半係普通傳統個D, 有一半係加入咗新元素. 我地兩個人食得唔多, 叫咗幾款傳統又叫咗幾款新點心試下. 傳統方面我地覺得個蝦腸粉做得好好, 皮夠簿同夠滑, 而且夾上手唔會爛, 餡料亦都豐富. 非常有水準! 而燒賣就好夠大粒, 豬肉彈牙, 味道亦都做得幾適中!新派點心方面, 我地叫咗個"青芥鮮牛肉饅頭漢堡", 原來係用啱啱炸起的饅頭, 切開兩邊, 夾住牛扒同埋芥抺醬, 加埋生菜做成一個迷你漢堡包! 賣相好吸引, 細細個用支牙簽拮住好靚. 食落去口感鬆脆, 裏面芥抹醬有種清新同刺激的感覺. 都算幾特別幾有創意! 另一款就係木魚燒汁虎皮椒, 我平時食開呢隻魚肉虎皮椒都會用鼓油點黎食. 而今次就反傳統用咗木魚同埋燒汁 (有D似日本做法) 黎食, 估唔到又幾夾喎! 甜甜地脆脆地, 青椒又夠清新, 好味!

見網上有人讚呢間點心舖好味, 今日特登黎試一試. 我地搭紅色小巴入去宜安街, 其實一落車就係, 不過如果由地鐵站行過去就有D遠. 今日星期六, 去到都幾多人, 好彩啱啱仲有張二人枱. 我地叫咗幾個點心同兩個甜點. 點心方面都做得唔錯, 蝦餃, 牛栢業同牛肉都好味. 因為係即蒸, 所以上菜前都要耐心等侯. 點心蒸出黎唔會爛, 保留到原有個種彈牙感覺, 而且食落都係食材原味, 甜鹹度適中, 做得幾好.我自己鍾意食甜野, 就特別鍾意佢個馬拉糕同埋酥香紫薯餅. 馬拉糕出籠熱辣辣, 非常鬆軟而且做得好香. 而另一個香酥紫薯餅係我第一次試, 外層係用咗千層酥個隻皮, 脆脆地咁樣, 裏面係用咗紫心番薯. 食落口感外脆內軟, 有番薯香味但又唔會太甜. 好味!

哩間點心嚟過幾多次，佢較特別嘅咖啡(如鐵觀音咖啡) 冇試因為唔鍾意飲咖啡，但其他點心都試唔少，有幾樣係必叫，例湯，蜜瓜卷，煙鴨胸蒸飯，腸粉等，水準長期保持倒，但都希望佢久不久有啲新點心推出保持新鮮感

有一日坐VAN仔落車時先到個易拉架,見到D點心好特別所以放假就約左細佬黎食下,叫左個豬肺湯, 雖然係一人份量, 但都好足料, 有大約4舊豬肺, 同埋好清甜,飲得出係無落到味精,蝦餃,大大隻蝦蜜瓜脆脆卷, 好特別, 之前未食過,因為細佬鍾意食蜜瓜,所以就叫黎試下, 不過食既時候要小心, 入面D料好熱,鳳爪排骨飯, 不過不失蘿白糕, 食到蘿蔔絲布拉腸粉, 真係好滑流沙奶皇煎堆,呢個食既時候都要小心,好好味,唔會太甜小小一間點心鋪, 但D點心一D都唔普通, 好有水準, 好味道