吉吉點 (已結業)

素來不太喜歡去酒樓飲茶，因為覺得酒樓好吵，但又幾鐘意食一盅兩件，所以都會偏向于去點心店度飲茶，一來安靜好多，二來好多點心店的點心都會比較特別。好似觀塘呢間吉吉點，細細間，只有幾張枱，啱曬我喜歡安靜食嘢嘅人下午茶的話仲有優惠，滿28可加2蚊點心，抵。馬拉糕一直都系哦嘅至愛，呢個馬拉糕都好鬆軟，味道不會太甜，啱啱好！不錯！蝦餃我真係未食過用蒜心包的，其實原來都系咁夾蝦肉好同蒜心都系咁爽口，仲多咗蒜心嘅香味，外皮都幾煙韌，正！這個煎堆仔不得不推介！外面密密的一層芝麻，未食已經聞到香味，一啖落去，外脆內軟，入面嘅奶黃熱辣辣的流出來，重點系他做得不會過甜，味道剛剛好！真系必食！呢個酥香紫薯餅外層系好酥脆，一啖咬落去，系可以酥脆到散曬，入面嘅餡好幼滑，但系對於我來講有點過甜，一定要食一啖，飲啖茶，其實也不錯！一不留意，發現甜嘅點心叫得有點多，哈哈，呢個蜜瓜脆脆卷，味道好fresh，外面炸得好鬆脆，入面系超級熱辣辣，但不會太甜，系好特別嘅味道。飯類我地都點了這個鴨胸蘑菇荷葉飯同排骨鳳爪飯，分量好足，味道不過不失，荷葉飯好香！鐘意食中式點心但又唔喜歡酒樓吵雜嘅可以來呢間試下，都系即叫即做，新鮮都好味

好一陣子沒有吃點心，忽然心血來潮。這家藏在後巷裡的點心店，有咖啡、花茶、手工啤酒，來個中西合璧，頗特別。位置不好找，幸有主題紫色的閃燈，如明燈般為慕名而來的食客指點迷津。小店不大，但整潔企理。牆上寫著「點心之藝術」五個大字，正是小店的宗旨。除了點心鐵腳－蝦餃燒賣腸粉馬拉糕，還有不少充滿創意的新式點心，如青芥鮮牛肉饅頭漢堡、燒汁煙鴨胸腸粉、西班牙黑毛豬腐皮卷等。喝咖啡可以去一街都是的咖啡店，中西合璧的咖啡才是重點，有柑桔咖啡、洋甘菊咖啡、鐵觀音咖啡和榴槤咖啡。隔離枱的遊客，點心配黑啤，這叫生活態度。足料養生老火湯－木瓜雪耳燉豬𦟌是日老火湯是滋潤的木瓜雪耳湯，常配的雞腳被換成豬𦟌，少了骨膠原，但不吃雞腳的人比不吃豬𦟌的人多。湯水很清，有木瓜的清甜。雪耳爽脆，炆腍的木瓜仍帶微甜。湯內還有不少南北杏，都幾足料，份量夠分成兩碗。古法馬拉糕不及創意點心般驚喜，但要把最傳統的款式做得滿意，其實更難。剛蒸好的馬拉糕，震震下，熱呼呼的，特別好吃。有淡淡蛋香，只帶微甜，充滿氣孔，超鬆軟。芝心咸水角流心芝士似乎是大勢所趨，由港式芝士丸、日式芝士撻、奧地利麵包，在日常生活中植入式洗腦，連傳統的咸水角也不能倖免

對吉吉點抱有好大期待，特別係下午茶時段既兩蚊餸。尼一見其實有小小隱蔽，搵著一陣。間舖係很小一間，但入邊出面都有枱可以坐。我入去坐低，五半度，冇乜人，僅開左兩張枱。諗住落單，感覺到阿姐唔係幾熱情，因為我一個人，加茶位要滿28蚊先可以加兩蚊餸，即係話淨野食要滿25蚊先得。叫兩碟我自己一個食唔洗，所以只係可以叫一個大於等於25蚊既餸。簡左一個最貴既牛肉饅頭漢堡同慢加兩蚊楊枝甘露青芥牛肉饅頭漢堡：等左一陣，饅頭漢堡先上黎。本以為很大份，估唔到很細份，算喇，岩係我小鳥胃，但係瞬間覺得31蚊唔抵咯⋯⋯⋯饅頭係炸既，很油，牛肉好細一舊，同埋佢芥辣醬加左太多，成個饅頭漢堡全部都係芥辣味，總之，食完尼一碟我好後悔叫左尼個，最貴就算，唔好味又咁heavy，食完唔知做幾多運動先可以消耗讓我安心。楊枝甘露：唔知咩楊枝甘露可以整得咁慢⋯可能係兩蚊餸，所以唔係幾大碗，不過唔緊要，頭先咁heavy既饅頭漢堡食完想食d凍野。尼一碗好甜！加左太多淡奶，越飲越口渴，但碗入邊都係幾足料既，好多芒果，其他就冇乜特別了總之，對尼一間我很失望，係openrice上口碑唔錯，結果卻⋯可能係我冇簡岩野，下次有機會再去簡其他試一下咯，

一直以來都鍾意幫港式小店, 有親切感之餘, 食物比較用心製作. 最近朋友介紹試咗一間位於觀塘的特式點心小店非常唔錯, 值得推介比大家!講緊ge 就係呢間係宜安街街市隔離的"吉吉點", 店舖位於巷仔但非常衛生, 裝修簡潔, 以Modern 茶餐廳做主題. 主要係2-4人枱為主. 我同老媽子兩個人去幫襯, 星期六Lunch 時間坐爆滿, 大部份都年輕街坊. 同店員都有講有笑.同一般點心茶餐廳唔同, 呢度除咗傳統點心, 仲有D特色點心同埋有即磨咖啡, 花茶等供應, 都幾啱年輕人口味. 因為媽媽喜歡食傳統點心, 所以叫咗以下呢幾樣**牛肉腸粉** 餡料好豐富, 牛肉嫩滑彈牙, 唔會有疏打粉味, 腸粉皮夠薄同埋夠滑, 好味!**鳳爪** 呢個鳳爪好味在於個汁料唔會杰撻撻, 而個鳳爪都唔會蒸到爛晒, 可以保持到鳳爪的口感, 做得唔錯**鮮蝦蒜芯餃** 個皮做得好薄, 有有透明感. 蝦肉彈牙, 蒜芯都好爽口無榨, 食落味道清新我自己叫咗杯Mocha, 雖然係街坊店心舖頭, 但值得一選係咖啡都沖得好香濃, 拍得住咖啡店的水準, 好有Heart 的一間小店!

住牛頭角的朋友話新開左間點心舖，特登帶我黎試下，佢話呢度有一樣點心一定啱我食，講到神神秘秘咁，就放工黎試下啦。茶錢三蚊一位，可選普洱，香片，鐵觀音同菊花，是日揀了普洱，香濃夠熱。吉吉蝦餃皇 $17蝦餃皮薄餡靚，啖啖鮮蝦，夠油水。蟹籽燒賣皇 $17入面有豬肉，冬菇，鮮蝦等，咬落肉鮮菇味濃郁，用瘦肉較多所以咬落唔會一口油，好味。瓊金流沙包 $20一客三個蒸得有點乾身，內裡餡料不太流心，好在咸蛋同奶皇比例唔錯，調味亦沒有過甜，還可以。頂級鮮牛肉腸粉 $22有意外驚喜呢，用的不是芫荽，而是用上菜苗，雖然唔多，但食落爽甜，牛肉腸打得滑溜，加上甜豉油香口，整體感覺良好。蜜瓜脆脆卷 $20呢個就係朋友話好啱我食嘅點心，有咩咁特別，就係內邊個餡係蜜瓜鮮奶，食落好似陽光嘅蜜瓜荳奶咁，又香又甜，外面炸得香脆，果然好啱我口味喎，哈哈酥香紫薯餅 $26鍾意紫薯嘅朋友叫左呢款甜品，外皮鬆脆，但紫薯餡略微淡啲，食唔太出紫薯香。小店免加一。

門口~~~快少少難搵慨!!!係斜路條小巷到~~食夠28蚊加2蚊就可以食多樣以下架野~~都算有良心~~酥香紫薯餅 - 外脆內軟, 唔會太甜, 正 陣陣存架紫薯傳出黎~木魚燒汁虎皮椒 - 煎得夠香, 燒汁同木魚都好夾~D木魚係到飛飛下鳯爪：不錯，鳯爪醬汁入味同有少少辣， 再淋D仲正!!灌湯餃 有蟲草花~內容都幾足~~唔錯鮮螺雞燒賣 見個名咁特別 就試下 螺片都幾淋幾好!!!!!食得下!酥香紫薯餅  未咬之前!!!!!包得幾靚仔!叉燒腸~~正常發揮~OK慨薑蔥牛栢葉 勁多芫茜同夠晒淋~~~芥末鯪魚球同芝士咸水角估唔到個鯪魚球同芥末沙拉都幾夾~~~可以一試芝士咸水角 張傳統倔食物加入新元素~出奇咁好味~~再多D芝士就正~~如果拉到芝士C就爽啦~店內環境!!!唔叉慨!!!燈光都好足!!!

打包點心回家享@吉吉點 Gut Gut Dim Sum近幾年真的多了很多點心小店, 小舖沒有華麗的裝修, 價位卻很平實,而且不像酒樓只有中午才供應,令我隨時想吃都可以買幾款回家品嚐。外賣盛得好企理, 用膠盒放好, 就算冷了也可以叮返熱食。點了豉汁蒸鳳爪飯 $21, 比叮叮飯盒更抵食, 豉汁真係撈返一流,2,3塊排骨同鳳爪,鳳爪好入味又淋。想不到一個鮑片冬菇鴨胸荷香籠仔飯才 $27, 打開真的有冬菇鴨胸,而且米飯在蒸製過程吸收了荷葉香, 不可不食, 有水準。濃湯北菰棉花雞 $24雞塊沉在湯中吸了甜鮮, 肉也是嫩嫩的呀, 更有冬菇同樣厚2又吸了湯頭,個湯也不要浪費, 喝了幾口味道鹹甘。質素絕不輸酒樓出品, 有傳統點心外也有新派的小點心,買外賣時也見姐姐們忙於打包送外賣, 原來很受附近工廠區的上班一族歡迎。留意外賣盒一個一蚊。

其實店近牛頭角, 我行去都只是10分鐘, 上次帶阿女上興趣班發現,十幾數一碟點心, 通常接完佢放學就買回家一齊食。千層珍珠雞 $27 有2件, 都幾大隻同足料架, 包了肉碎冬菇及花生, 糯米都蒸到熟了有點黏黏,又吸了汁。要份湯湯水水的灌湯餃$25, 一大隻包了雞肉蝦同菇。湯底帶點中藥蟲草花味, 甘甘的又鹹香。酥香紫薯餅 $27 個餡真係用了紫薯蓉,個顏色已好看, 紫薯本身有甜度打到綿綿的, 外酥皮摺到好多層, 小朋友勁鐘意食。仲有流心包, 分開一半幾多餡料, 不過外賣放涼了就唔係好流心, 一客3個先$21。桂林頂級鮮牛肉球 $24大大球的牛肉, 肉質有彈性唔似混了很多麵粉或者水增加SIZE,牛肉球內更古了了馬蹄碎, 口感更爽淋上喼汁更惹味。$100就設外賣, $188就免費送, 下次等齊屋人叫多幾樣連街都唔洗出, 安坐家中等外賣。2母女食飽飽先100蚊, 平過上茶樓一半有多。

住喺藍田嘅我，放假唔想郁，想留係屋企叫外賣，係openrice search search下俾我發現咗一間點心外賣，望下個Menu，都幾多選擇。好！一於叫呢間。 普普通通叫左幾款點心: 吉吉蝦餃皇 2粒$18蝦餃皮薄，入邊嘅蝦亦都彈牙，如果配有辣椒醬更好吃，因為係屋企所以我點左自家辣椒醬令到佢好惹味。蟹子燒賣皇 2粒 $18燒賣啖啖肉，拍得住堂食嘅水準，比較鍾意既係佢可以兩粒兩粒咁叫，唔使一次過食咁多粒，又可以試多啲其他嘢。 蒜蓉蝦春卷 $27仲以為運送途中春卷已經唔再香脆，估唔到外賣黎到都仲脆卜卜，入邊嘅蒜蓉蝦都幾香口，仲附有醬汁可點。可能星期六叫外賣，等左好耐，等到有一刻以為佢漏咗單，不過最後都嚟咗。所以，如果想叫外賣都係星期一至五好喇，星期六日都係堂食罷啦！

車子要例行檢查, 送走她後在附近邊行邊吃；在吃完薑撞奶後便發覺對面小斜路上有點心吃。這點心專門店是全日免收加一, 點心價錢只是平均每籠售二十多元, 茶錢每位三元。茶葉可選: 香片、鐵觀音、普洱、菊花吉吉點作為點心專門店, 其賣點不單是手工點心, 還有養生靚湯、Fusion 咖啡、手工啤酒 及 花茶。點心都是即叫即蒸, 上檯時還冒着煙, 保證新鮮熱辣。桂林頂級鮮牛肉球  $24一碟三球, 算大球；肉質有彈性, 沒有鬆肉粉以致又散又腍的質地, 牛肉球內混入爽口馬蹄肉, 帶層次口感。鮑螺雞燒賣  $22一客兩件, 肉球上一件搭鮑螺片、另一件搭雞髀肉, 肉球也是打得爽口彈牙。吉吉蝦餃皇  (2件)   $17晶瑩剔透的餃皮下藏有鮮蝦與豬肉碎, 餃皮煙韌, 薄而不易穿, 蝦肉餡彈牙多汁, 味道一流。芝心鹹水角  $26口感脆而不韌的鹹水角, 內裏餡料有豬肉碎及芝士漿, 吃後覺得效果是出奇地夾!侍應生的待客態度誠懇夾細心, 在此進餐會很安心。

是日母親大人外遊, 唯有食自己. 去朋友舖頭探完佢就周圍行下搵下野食. 去到宜安街紅Van 店附近見到有間點心餐廳幾光猛, 就一個人去享受我是日晚餐了.餐廳裝修得幾靚而且好乾浄, 最有趣係佢有serve 即磨咖啡. 小妹叫咗幾籠點心, 一杯Mocha慢慢嘆. 估唔到呢間餐廳D Mocha 沖得幾好飲, 夠晒香濃, 做得唔錯!點心方面, 我一個人食得唔多, 叫咗個鍋貼, 蒜芯餃同埋鳳爪排骨飯. 鍋貼好好味, 餡料好多而且肉汁豐富, 皮夠薄, 煎到兩邊都金黃色, 咬落脆卜卜, 口感好好.蒜芯餃個皮都做得夠薄, 食落裏面餡料爽口, 蝦肉都好彈牙, 唔錯呀鳳爪排骨飯都幾好食, 飯粒爽口, 鳳爪排骨都好新鮮唔會有雪味

While we were waiting for minibus, we thought of getting some takeout to enjoy at home. The dim sum shop is kind of hidden in a small alley next to some minibus stops but it does have a pretty sparkling and shining billboard. The dim sum shop was surprisingly clean and neat inside with enough comfortable seating and a clean washroom as well! We found the price of this place was very affordable and they have all kind of traditional dim sum options. It was so amazing how the staff pack all boxes a

同友人行APM行到天昏地暗, 去到10點先知到肚餓想搵野食. 又唔想食food court, 就上網睇下有咩好食啦. 搵到位於宜安街呢間飲夜茶的點心餐廳, 二話不說即刻開車出發.因為已經夜深, 我地停咗係餐廳附近的標位, 非常方便.臘味糯米飯 - 糯米飯做到爽口, 臘味令到D飯好香, 煙煙韌韌, 好味牛肉腸粉 - 牛肉有牛味而且無雪味, 份量好足夠. 腸粉皮有米香而且夠薄, 食落好滑. 豉油唔會過鹹, 味道啱啱好黑椒豬手 - 好耐無食過呢味點心了. 是關豬手真係要花時間去忟, 忟夠時間先會淋同埋入味. 呢味黑椒豬手做得好好, 夠晒入味而且一D都唔韌叉燒飽 - 由細到大都好鍾意食叉燒飽, 暖暖地甜甜地好啱我口味. 呢度D叉燒飽個包皮做得好鬆軟, 而且叉燒汁唔會過份甜, 味道啱啱好, 正!香港地今時今日有得飲夜茶地方已經唔多, 有幸今日試到呢間好味手工點心, 觀塘區深夜點心首選呀!

今日出面又潮濕又有大霧，真係唔係好想出街食野，不過家中大人好想食點心，唯有睇下有冇得叫點心外賣。都知唔一定會搵到，要又肯送外賣上嚟，結果都搵到一間。 睇番佢都有好多種點心可以叫，又有飯類，湯等等。落完order等了又等，可能係星期六比較多單，大家記得要留意番，一係就外賣自取或者堂食，因為要比你預期到既時間多一個鐘先送到。 鮮蝦蒜芯餃 皮都幾薄，即使隔住餃皮都可以見到裡面的餡料，咬落去成口都係鮮蝦同蒜芯，可見用料十充足。 桂林頂級鮮牛肉球 牛肉球大大粒，肉質軟硬適中，牛肉有咬口，而且仲有另上既喼汁，即使係外賣制作都認真。 青芥鮮牛肉饅頭漢堡呢個其實同點心感覺有少少格格不入，不過見幾特別所以試下叫。果然，佢包既部分係用上饅頭既包，而中間既鮮牛肉都夠淋，加上青芥係幾惹味，但就係全部夾埋一齊食總係覺得有d格格不入。 江南俏鍋貼，火力充足，鍋貼表面帶有少少燶。雖然只係叫左三隻鍋貼，但係外賣都照顧十足，一樣有比到餃子醋。食既時候食到大量豬肉，而且有肉汁流出。 蒜蓉蝦春卷本身都冇預佢會好好食，因為外賣春卷好多時問題都係嚟到春卷皮唔脆，但呢個春卷比到驚喜我，外賣食落去都仲好脆，而且春卷幾厚身，咬

近年飲茶老店一間一間執粒, 換黎係大集團營運的酒樓. 有不少都係由點心工場運作黎的食材, 點心質素已大不如前. 今日有個住觀塘的朋友帶咗我黎呢間點心餐廳食手工點心, 果然有驚喜!呢間雖然唔係酒樓, 但環境舒適乾淨, 坐得都OK舒服, 店員都同茶客有講有笑, 份外親切. 因為呢度主打手工即蒸點心, 落單後要耐心等候.值得一讚係, 佢全部點心都好花心思去製作, 而且仲有D創意點心. 小妹食幾款點心都好好味呀!1) 蝦腸 - 腸粉皮夠薄夠滑, 而且唔會爛, 好有水準! 裏面蝦肉彈牙, 腸粉上枱時已經切好六份, 每一份都有大大粒蝦肉係裏面, 唔會姑寒, 優質!2) 鮮蝦蒜芯餃 - 蒜芯爽口無榨, 味道清新, 皮薄而且夠煙韌. 上枱時最好等一等佢微微攤凍先食, 口感會更好!3) 江南俏鍋貼 - 呢個鍋貼我個人好喜歡! 佢個皮做到好薄, 薄到癮約可以望到裏面d餡(見圖, 非常考功夫!) , 外層煎到金黃色, 咬落脆卜卜, 而裏面肉汁非常豐富, 一咬落去係會流出黎的! 呢個超級推介一定要試!