吉列牛忌廉烏冬專門店 (百樂中心) (已結業)

聽聞呢度嘅套餐抵食又大份就同朋友嚟一試一份吉列牛定食配咖喱忌廉烏冬套餐只係$246咁抵 唔知味道又如何呢！一上枱見到真係好吸引炸牛扒粉嫩嫩咁超靚 吉列皮都幾薄身 由於牛扒只係輕輕炸過所以都會附上鐵板比顧客自行再煮熟啲因應自己嘅口味去調教 又有得玩又有得食講返件牛肉 肉質比較有嚼勁但係肉味非常香濃 有驚喜！套餐會附上Wasabi同埋沙律汁仲有一碗飯同埋麵豉湯之後就到呢度令一款主打菜式咖喱烏冬加上厚厚既忌廉口感非常得意 好滑身！烏冬煮得非常爽滑彈牙 配料可以揀雞肉或者牛肉 味道唔錯 值得一試！

其實一直都好想試吓日本最近嘅大熱吉列牛吉列豬扒就成日食 吉列牛就真係未試過所以就特登去咗食我哋特登嚟食吉列牛 梗係要開返個吉列牛定食啦 都唔算好貴＄148 有個黑色嘅鐵板俾我哋燒返熟啲吉列牛 所以食嘅時候絕對係熱辣辣 好正 雖然比吉列包住 但都食咗出咗新鮮牛味之後就叫咗個秘製蛋卷 蛋卷入面充滿着芝士成個畫面好治癒之後就叫咗個牛舌雞肉棒 口感都幾特別然後就帶咗個帶子蜆肉蟹子釜飯帶子本身已經煎得香香脆脆而且再加上蟹子嘅口感 真係好好食

呢道嘅名物係吉列牛同咖哩忌廉烏冬所以我都係揀佢地～不過啲釜飯都好吸引咁！又想食菜，又想食肉煙鴨胸沙律就啱哂 🥗鴨胸厚切好食，沙律菜都夠哂多同新鮮咖哩忌廉烏冬原本啲忌廉螺旋紋係挺身啲實物同 menu 都幾 match，不過影相影得耐就無咗咁似本身係畀白雪雪嘅忌廉覆蓋哂夾起啲烏冬就會見到個 contrast，哈哈 😄烏冬好彈牙，咖哩味好濃郁，但係唔辣～我杯紫薯 latte 好好飲 👍🏻甜度啱啱好，仲有勁多 cream 🤣吉列牛定食好豐富！有沙律、麵豉湯同前菜，擺得好吸引啲吉列牛幾大件，而且份量比預期多 😋最好玩係自己燒啲吉列牛，其實燒一陣就 OK外層嘅吉列好脆口，牛肉就軟滑兩種口感加埋好好食！👍🏻

吉列豬扒食得多，但依家連吉列牛都有～同埋係來自韓國，唔係日本，期待！每一枱都已經放左小火爐鐵板係到吉列牛定食 $148吉列牛上枱見到每塊仲係紅當當，想要幾多成熟自己話事，我就中意食生啲，兩邊各燒3-5秒就食，炸粉勁薄但又唔會唔夠香口！牛肉嫩滑！食完一舊接一舊咖哩忌廉烏冬(牛/雞)   $78個賣相好似好一般，唔吸引咁，但一撈，入面烏冬已經有滿滿咖喱，好creamy，咖哩唔辣但不失其香，烏冬彈牙，一個人食可能有啲膩，同朋友share就岩岩好Kobekyu秘製蛋卷　$68個人覺得正常芝士蛋卷都會整得好食，因為芝士，而呢間都唔例外，芝士就係算多，不斷拉到絲紫薯Latte $45呢個就好一般，有紫薯味但好淡……而且都比較稀、比較水，可以不用點平心而論野食係唔錯，由其係個吉列牛，可惜一點既係，店員態度好一般，廁所好似蒸爐咁焗……

經朋友介紹..位於銅鑼灣耀華街3號(吉列牛忌廉烏冬專門店)，吉列牛同忌廉同埋烏冬點樣加埋一齊會好食呢？！成班都話去食過好食，我都一於去試下！睇完曬menu開始點餸！先黎個吉列牛定食，估唔到係我最鍾意有得玩有得食的，因為要自己親自放上去店舖提供的專用石爐上,再輕輕燒熟大約兩三分鐘就食得，外脆內軟牛肉相當入味，我覺得食牛肉五至七成熟便可以了！跟住嚟過我最疑惑的咖哩忌廉烏冬(我揀咗牛肉)外表好特別好吸引第一次見全部忌廉面，撈勻佢一試好味到不得了，十分嫩滑烏冬彈牙！呢個係我至愛的蒜片牛舌，燒得啱啱好少少燶好好味！再嚟過韓式醬油炸雞 好好味嘅韓國醬料風味加上芝麻粒的香味配搭得非常好！呢個係味噌蟹蓋紫菜飯團，又有得玩,要自己親手做，用匙羹將蟹膏放入飯團內用紫菜包好黎食，蟹膏極之新鮮配飯團食原來都好好食！呢個係連骨豬肉腸配上醬汁，真係好食到骨都損埋！呢個係香辣忌廉雞肉炒麵，又係一樣淨係個樣都極之吸引，第一次食炒麵係會咁嫩滑的辣味又啱啱好！呢個係定食入面嘅炒牛肉！飲品就叫咗紫薯latte,同Citrus Ocean!總括嚟講畀我好豐富嘅體驗 食物新鮮好味又有驚喜，值得我再介紹畀其他朋友！

開心吉列牛，依間野其實我之前已經食過但近期佢開咗分店，見冇乜人排隊就一於試吓依個，佢有幾個二人餐俾你揀。今次我就揀咗個吉列牛二人餐，一個吉列牛定食加咖喱忌廉烏冬。吉列牛上枱時係半山生熟，牛肉略紅。佢會提供一個小鐵板我哋只要把吉列牛放上煎熟每面大約20秒，就食得啦！牛肉有輕輕奄過，煎完之後嘅吉列牛10分香脆，再加埋佢有提供醬汁俾你點。送飯一流，而且去嗰個小鐵板其實個火力唔係好大， 牛肉唔怕會過分煮而過老。咖喱忌廉烏冬影相一流，咖喱味偏濃，微辣。。加埋忌廉會中和左咖喱嘅辣，啱啱好。不過如果個烏冬有多少少料會再好d。。另外我叫咗個蟹膏飯小食本身聞落去好似腥腥地，但食落去蟹味好濃。值得一叫。不過佢哋嗰個蒜片牛舌就麻麻地，唔係好熱之餘同有少少難咀嚼。不過大致上整餐其實都滿意，但佢因為係現場燒，但通風唔係做得特別好，所以食完件衫會有少少味呢。

見到個名就知道呢度主打吉列牛雖然係韓國餐廳 但係又做得幾到位比起日式餐廳一啲都唔輸蝕吉列牛定食 $148雖然唔知道用上嘅牛肉係乜嘢產地但係牛肉品質唔差 性價比十足牛肉以吉列手法做到約三成熟之後客人就可以係鐵板上面只係調校生熟度牛肉幾油脂分布平均煎熟左之後入口都幾嫩口配上左餐廳提供嘅醬汁同芥末送飯一流朋友點左原條鰻魚蟹籽釜飯 $128鰻魚比起一般食開嘅比較爽口彈牙但係食得出鰻魚嘅鮮味而且上枱時竟然同點左火既蠟燭上興住個飯保持溫度 非常窩心雖然餐廳係韓國菜但係感覺上又有啲日式所以喺度可以食到唔同種類嘅fusion菜式 新鮮感十足

之前喺韓國同日本都食過依種吉列牛扒，但係喺香港就第一次試。餐廳位於銅鑼灣樓上都幾方便，而且價錢唔貴，所以都好full。吉列牛定食如果將佢同日本或者韓國嘅比會有啲失望，不過睇返依個價錢，都唔會expect係咩靚牛扒。我個人鍾意食比較生嘅牛，所以燒幾秒就食得。略嫌個炸皮太咸。牛嘅份量有大概10件，兩個女仔share食都夠食。咖喱忌廉烏冬咖喱偏甜，就算唔食辣嘅朋友都食到，拌上面頭嘅忌廉，食落好香滑。南瓜薯餅有四大件，新鮮就係好香脆，南瓜餡香甜軟滑，鍾意食炸嘢嘅一定要叫！

一個吉列牛定食 $148 有一大塊吉列牛放上熱石板煎完都依然好鬆化沙律醬好creamy定食仲有一個加咗飯素嘅白飯凍車厘茄，奴豆腐，少少沙律菜食完個定食已經夠飽另外叫咗個牛油蜜糖單骨雞翼牛油味好香，附一片雕花嘅檸檬如果檸檬俾多啲會好食啲

吉列牛呢排越黎越多餐廳有做~但講到我比較喜歡既地方 始終都係呢間.原因係價錢不貴, 但質素又唔錯!呢間既吉列牛, 份量正常, 係成個set 咁上, 會有好多其他既野食, 列如沙拉 和 湯等.望落去我覺得都算好豐富, 仲要味道好味, 飯比較香, 牛係整到大約2-3成熟,俾客人自由加熱的!蛋卷都係我比較中意食既食物之一 味道微甜,口感比較軟, 唔似日式玉子咁實心,點小小沙拉醬幾好食的.呢個係咖哩烏東, 只有面層先係忌廉, 底層全部都係curry黎.味道唔錯, 只係我叫既係牛肉烏東, 如果牛肉多返小小會好d因為佢係牛肉碎溶左入湯汁上的.

同男朋友係Time Sqaure睇戲，之後有點肚餓，記得之前朋友係facebook話幫襯過，話呢間餐廳好正而且係銅鑼灣，就趁難得過香港島更係要去食餐好啦店員安排我倆坐好後，我們發現高層嘅景色真係唔差，可一覽跑馬地球場。還送上大瓶茶給我們 超細心 叫左杯熱嘅韓國蜂蜜紅棗茶潤喉又滋陰非常啱我，唔太甜做到剛剛好。吉列牛定食 $148 性價比高，牛扒香濃牛味，吉列嘅粉漿薄薄地一層包著牛扒，由紅紅變成淺啡色，剛熟嫩淋可口 ! 細心位係可由客人自己燒，因為覺得太生可以整熟一點，一點都唔嚡！ 牛裡脊肉黑糯米炒飯 好高喎，成座少山峰咁，第一層係菜絲，之後洋蔥絲，牛裡脊肉肉質地好滑，最特別竟然還有小蝦仁，微微辣味配上炒過嘅黑糯米飯，真係幾特別。KOBEKYO秘製蛋卷賣相一般但味道幾正，因為蛋卷內藏好多好拉絲嘅芝士，另整個蛋卷更有層似口感！

吉列豬扒和燒牛肉吃得多, 兩者結合倒是第一次試(其實已經出現了一段時間吧)。先來一道小食, 味噌蟹蓋飯糰, 蟹膏味道新鮮濃郁, 用紫菜包著飯團一起吃, 就像吃軍艦壽司一樣。吃完飯糰還有蟹膏剩下, 如果多幾粒飯糰就好了。咖哩忌廉烏冬, 整碗烏冬被忌廉滿滿的覆蓋著, 未吃之前還有些顧慮會否太濃稠, 幸好忌廉味其實不太重,拌咖哩烏冬都不會蓋過彼此的味道, 只是感覺有點單調猶如印尼炒飯只有咖喱醬沒有配料。當然, 吉列牛才是主角。我們叫了吉列牛定食, 吉列表面下牛肉其實是相當生的, 視乎喜好, 放在爐上炙燒片刻。有別於到扒房吃medium rare steak, 個人認為這個接近medium well的效果較好, 既有燒肉的香味又有足夠熱度,再者一份定食有很多件, 可以試試不同生熟程度的感覺。吉列牛, 食法有新鮮感, 不過牛肉的質素其實只屬一般, 然而價錢不算高, 一試亦無妨。

今日特登帶左牛肉愛好者男朋友去銅鑼灣試吉列牛。其實我之前已經試過旺角店，今次銅鑼灣店一入去俾我嘅感覺都幾有格調，唔會有好大燒味。吉列牛定食果然冇失望，都係好有牛肉味，仲可以自己燒自己決定幾成熟，吉列皮就脆卜卜。不過唯一係個配菜，如果可以不時轉下就好喇。忌廉烏冬同秘製蛋捲都好好食，特別係蛋捲，入面啲芝士好juicy。忌廉烏冬兩個人分享食會好啲，一個人食好飽。最有驚喜竟然係海鮮薯餅，佢唯一唔好係炸得太濃，但趁熱食，好好食，入面啲薯溶好入味，配合炸皮，味道好好！而且價錢又唔貴，值得一試！

係韓國已經食過呢間KOBEKYU ,知道佢地係香港開左分店,我咁鐘意韓國梗係要搵機會黎試一試到底味道品質有沒有唔同.首先KOBEKYU 標榜他們用的是真正大理石紋肉，不會用任何人為製造添加劑針式注入肉內！絕不是偽造雪花肉!! 👍👍👍呢個係韓國特色,咩都寫得清清楚楚~~讚一入到去見到裝修 和餐具大致上同韓國90%相似,見到每枱都差不多有叫左吉列牛啲(吱吱)聲真係令我洗曬口水,但係抽煙系統可能就差小小,都有小小煙同身體有味道,不過最緊要食物好味叫左忌嫌咖喱烏冬,亦係最快上菜的,咖喱好香麵條好彈牙很好吃,裡面的牛肉很嫩味道很好。之後就來了列吉牛set因為我之前在韓國就有吃過 所以我不會太驚訝,但朋友就一直在說列吉豬有吃過,牛真是第一次,而且要再自己去烤一烤好特別。老實講我第一次也這樣反應肉質同是很嫩外脆內軟,非常好吃又好玩。兩個人可以share份量很足。還點了炸雞跟蟹糕飯團,同樣出色好味 ,蟹糕很香濃。真係食得好飽。價錢方面不會因為是韓國餐廳就跟外面一般韓國餐廳那麼貴,兩人我們吃了$400,仲有1找幾蚊,真係好味又很超值~~~~很推介

好友極愛吃牛，早兩日同佢去咗登龍街嘅牛扒吧食石燒薄切牛肉，吃完後大讚好味，所以趁佢離港前，決定再接再厲，而今次嘅 target 就係呢間韓國過江龍「吉列牛忌廉烏冬專門店」。據說餐廳喺韓國人氣極高，有十多間分店，而香港亦有兩間店舖，一間喺旺角彌敦道，而另一間就位於銅鑼灣耀華街百樂中心。作為港島人，當然係揀銅鑼灣店啦！由於選了個較早嘅時段，所以來到時，基本上無需等位，可以直接安排入座。餐廳佔地全層，店內呈長廊形格局，以深黑色和木色作主調，用餐區放了多張二人及四人檯，而靠窗位置就擺放咗一排曲尺形梳化位，設計簡約，令人感覺舒服自在。揭開用木板承托著嘅菜牌，除了有餐廳嘅兩大主打吉列牛和咖哩忌廉烏冬外，還有香辣忌廉雞肉炒麵、肥牛雜菜 Shabu Shabu、雪冰冷麵、牛裡脊肉蓋黑糯米炒飯、韓式牛肉飯和配菜等等，而另一份摺疊式餐牌就有釜飯、涮涮鍋、小食同飲品，選擇非常豐富。先來一個二人套餐 ($246)，套餐包括有吉列牛定食，配咖哩忌廉牛肉烏冬或香辣忌廉雞肉炒麵，選了前者，套餐包兩罐汽水，不過客人亦可以補差額升級至特飲。吉列牛定食份量十足，除了有一排大同一排細嘅吉列熟成牛扒外，還附有味噌湯、胡麻豆腐