合益泰小食

營業中

休息中

深水埗出名多美食，前後左右附近總有一間好食嘅，而合益泰小食就出名滑捋捋腸粉，家陣因為二人限聚令關係，排隊時間會比平時長，今次我就排左二十幾分鐘，不過為左食唔緊要啦🤗呢間鋪頭除咗有堂食之外，出面仲有一個櫃整外賣，所以會有兩條隊！而挨近鋪頭個條隊就係排堂食嘅，外面個條先係外賣，唔好排錯啊！就算堂食定外賣，豆漿都係自己攞杯裝嘅👆🏻杯同蓋就係放喺旁邊👍🏻既然出名腸粉，咁一定要試下，滑捋捋細細條🥰，有咬口唔會一pat pat！另外見到餐牌寫住12蚊3粒燒賣，心諗咁貴4蚊1粒應該有啲料到，又叫埋試下😹😹😹結果無令人失望！！類似平時係茶樓食嘅咁(豬肉個啲)，啖啖肉又香，認真好味😋另外嘅豬皮魚蛋就正常水準，鍾意食嘅都可以試下！

去開深水埗順便試埋呢間好多人排隊嘅腸粉店，佢賣得咁平，當然熱辣辣要企後巷都要食啦！➡️ 腸粉 ($2一條，$10起)⭐️⭐️⭐️⭐️ 店旁有個店員專做企街食嘅客人，一有人叫先即場喺個蒸鍋攞腸粉出嚟剪比客人。腸粉份量好多，食落又香又滑嘟嘟，口感唔錯。為配合各人口味，想要幾多醬都可以同店員講。雖然只係企後巷食，但完全食得出地度嘅街頭風味，醫肚一流！ 合益泰小食 地址📍: 深水埗桂林街121號地舖 .............................. 味道😋: ⭐️⭐️⭐️⭐️ 抵食💰: ⭐️⭐️⭐️⭐️💫

Rice roll is definitely a must try Street food in Hong Kong and I read that this is recommended by Michelin! So we decided to try it when we visited Shum Shui Po!It is very smooth and with a strong rice flavour! You can see the rice being mounted at the store, and then it was steamed immediately, no wonder the flavour is that strong! I would suggest people to share it cause the portion is quite large and better decide which size you want (cause you may be scolded if you are too slow!)

雖然細細間唔起眼，但係經常大排長龍，作為深水埗居民由細到大都會幫襯。最出名一定要食嘅就一定係腸粉，非常滑溜，配上各種混醬兩個字形容-美味😋 $16有八條，唔貴，做下午茶一流！其他魚蛋燒賣蘿蔔豬皮就中規中矩，冇乜特別。順便隨便食下都OK嘅

今日經過開深水埗就嚟食 合益泰。因為疫情關係舖面少左一半以上嘅位置，當食要企係外面等位，有位先可以探熱入座 。呢樣做得好好，原本仲擔心位於深水埗舊區一間老牌粥店究竟會唔會做好防疫措施呢？答案係令人非常滿足。入座後依舊叫咗中腸粉多麻醬、大豬皮蘿蔔、豆漿。腸粉冇失禮，依舊咁滑咁香米味。麻醬都係一絕，香滑！如果要食到條腸粉有冇米香，一定要襯熱同食冇沾到甜醬嘅腸粉。麻醬會突顯腸粉嘅米香(個人想法only)。而如果要食腸粉嘅滑，就要等食到最後，凍左嘅腸粉。熱食嘅話冇意思，因為熱嘅腸粉一定係滑，但如果你等佢凍左，就係見真章嘅時候(個人想法only)。豬皮爽滑，不過蘿蔔就令人失望。雖然蘿蔔冇渣冇花心多汁，但係唔甜，仲有澀味。真係令我好失望。我食左合益泰年資唔多，10年。佢地以前嘅豬皮蘿蔔真係好好食，豬皮爽滑大塊，食落過癮，蘿蔔冇渣清甜多汁。不過今次食嘅係唔甜，仲有澀味，我懷住呢10年嘅感情食落去，最後都係食剩。其實唔止今次，我係呢2年內係合益泰食嘅蘿蔔都有呢個情況。所以我今日決定同收銀嘅姐姐講！(因為佢相對比較得閒同我都要埋單)收銀姐姐好好，佢冇鬧我😂同埋佢都好有心聽我呢個客人嘅feedback。希

去深水埗試下出名既腸粉 openrice search到呢間係滑滑腸粉 試完油渣麵就順便試呢間 堂食要等位 因為好多人 而且地方少同好迫 要撘枱 坦白講腸粉係失望 因為麻醬唔香好水完全包唔到腸粉 雖然自己可以加其他醬 但其他醬加埋都覺得好淡味 腸粉有點彈牙既感覺 而我本身喜歡淋身同滑 所以個人口味覺得麻麻燒賣三粒12蚊 ok既 大大粒 但無特別蘿蔔好食 真係好甜 可以一試辣魚蛋 無特別整體來講 價錢除了ok之外 都真係無咩特別 唔一定要特登黎食 試一次就算

到現時為止, 食過最好味既港式粥舖。 好食到連薯片叔叔退休都要拖老婆黎食。佢既腸粉好味到出晒名係人都知。 佩服老闆咁多人都堅持到用這款豬油腸粉, 仲要佢既特製醬，這種味相信只有正宗香港人先造得出和食得出。 我試過外國既, 台灣, 大陸, 甚至自家研製, 都做唔到這個味道。 而且，即使香港本地, 可以keep到這種味道既腸粉真係買少見少啦。 我朋友叫左皮蛋艇仔粥。 雖然我都好鍾意食皮蛋艇仔粥, 但唔講唔知, 其實佢既白粥先係精髓。 朋友一聽我叫白粥即刻嚴棄，但講真, 我覺佢個白粥真係好綿滑, 這個白粥真係比我覺得食完會元氣十足。 唔知點形容, 真係感到好正氣, 雖然清淡, 但食完真係好滿足。有機會真係推介黎試下。 正宗香港味粥舖。

深水埗好多野食 ，但第一次試呢度嘅既腸粉，老實講食腸粉唔單只係淨係腸粉本身，醬料都係主角。一食落口⋯嘩滑DoDo，感覺到每一條好薄身再卷成腸粉會食到好香嘅米味好出。剛剛好既醬料，不咸不油 。排隊都值得正

假期出街,搵食,天氣狂熱今天鎖定目標出去深水步搵食第一站先到專門食港式腸粉既專家合益泰小食 Hop Yik Tai有人對佢有彈有讚,我自己就覺得佢的確比較好食米芝蓮街頭小食推介之一最大賣點係佢既混醬食法~我地選擇排隊入座食,座位一樣有用膠板分開有各種既港式小吃,粥,炒麵,豬皮魚蛋,燒賣牛肉粉果唔係獨沽一味賣腸粉既就算有名氣都好,價錢都非常抵食化算腸粉16蚊8條,上碟時只配麻醬另外芝麻,甜醬就由食客自行添加混醬精髓就係食到香滑既醬汁,混合香口芝麻粒甜醬既醬香麻醬香氣就令本身平凡的腸粉變成最美味既港式代表小吃深水埗桂林街121號地舖G/F, 121 Kweilin Street, Sham Shui Po

車胎人推薦小食， 好多年前未上榜已經試過。 今日黎到深水埗再試， 但略為失望食完蛋牛治先再食腸粉， 少飽所以淨係買左10蚊5條腸粉。腸粉係滑， 但麻醬唔香而且好水， 掛唔住係腸粉到， 每1啖基本上都係甜醬味道，我個人就覺得好普通， 同我多年前印象中味道落差好大。 可能真係出左名就水準跌左我個人覺得柴灣bb雞蛋仔仲好食， 最少我食完我仲想再去食。意外小插曲， 之前個客人同姐姐有拗嗌， 唔知嘈d麥野， 個客人就冇咩講2句， 反而店姐姐好勞氣， 話完2句又再話。 感覺唔多友善。

合益泰的腸粉在深水埗區無人不識，以往的合益泰無時無刻都是座無虛席的，這天早上經過，見店內顧客不多，又是受疫情所累。店子側門有店員即剪腸粉，專供外賣之用。我有點趕時間，本來也想外賣腸粉，但見該店員雖然帶着手套，但剪腸粉的是她，收錢的又是她，同一隻手既收錢又拿腸粉剪給客人，我就改為堂食了，因為堂食的腸粉是由主廚房供應的，收錢則由櫃檯負責，似乎比較衛生一點。腸粉送上，只配了醬油和麻醬，其他醬料放在枱上，由顧客自行添加。我下了甜醬、辣醬和芝麻，接着便吃起來。腸粉水準依舊一流，爽滑彈牙，配上醬料，真的是非常好味。若到深水埗，真的不容錯過。其實這店還有粥、炒麵、燒賣、糯米卷、魚蛋、蘿蔔、豬皮等食物出售，不過我覺得最好味的還是鎮店之寶：腸粉！

美味嘅食物唔一定要去高級餐廳、5星級酒店先食到有時平民化嘅食物都可以好美味好似呢間合益泰小食店咁 每次去深水埗都一定會食佢個腸粉唔好睇以為同岀面10蚊4條啲腸粉一樣合益泰嘅腸粉 最大賣點係豬油製 熱辣辣又香又滑腸粉我就最鍾意配混醬 咩都落下 豉油、甜醬、麻醬、辣醬 夠入味又重口味嘛雖然店舖環境 唔算好乾淨 座位都唔算坐得舒服但食物味道已經贏曬除左腸粉 佢仲有魚蛋、燒賣、粥品等等 其他港式小食大家有興趣嘅 去開深水埗 一定要食喔

深水埗滑嘟嘟腸粉😊呢間腸粉係深水埗必食 😋4條都係20蚊樓下 仲要佢真係好滑☺️行過整2條過下口癮就最岩😚 •佢嘅醬汁啱啱好唔會太多唔會太少，食落完全唔會濟！極力推介

慢活完個早餐，到下午就出去買野，經過深水埗就一定想食合益泰，但次次都好多人，排曬隊，入面又坐爆曬，話食話食，食左成年都食唔到皇天不負有心人呀今日經過居然無排隊，仲要有位座，真係開心到飛左入去阿姐仲非常好人，見我拎住好多野就叫我坐2人檯，叫野喇，叫左一碗碎牛粥、一碗及第粥、一碟大腸粉、一碟豬皮蘿蔔+魚強再+2杯凍豆漿腸粉依舊滑到吉唔到好好味、2碗粥超多料、豬皮無毛、蘿蔔夠入味、魚蛋都幾彈牙下既。講地方就坐得無咁舒服架喇，但講美味就真係無得頂，食左咁多野都係$92，真心抵

冷風蕭蕭，走過熙來攘往的街道，遁著一絲的蒸氣來到這在角落的店。店外的人龍一直都在，要吃總得排隊。這𥚃的腸粉只有大中細，以條數相分。走到檔前，要一份細的。女工聞聲，左手伸進旁邊的鐵櫃一把抓起躲藏在內的腸粉，不用數的，右手拿著利剪，先下後上再中間，三聲，腸粉便軟軟的散落在碟上；左手沒有閒著，先把旁邊的櫃蓋上，右手拿起豉油往碟𥚃倒，再放麻醬甜醬芝麻，插上竹籤，一手遞腸粉一手收錢，全程不過十餘秒，清脆利落。眾人接過腸粉即便躲進旁邊的巷子裏，面壁低頭，一條接一條的把腸粉送入口。腸粉每段兩吋長，厚半吋，表層沾上了紅啡黑，內心仍是雪白。直著啜了一條入口，豬油瞬間包裹口腔，膻香明顯，及後麻香鹹甜緊隨；咬下去爽彈軟糯，一不留神便滑進喉嚨𥚃。轉眼間，吃畢，豬膻香夾雜甜醬的味道在口內蕩存，少膩，沒有果腹之感，心靈卻已滿足。走出小巷，店前人龍依然，巷內的人也沒有減少，川流不息。在寒冷的天氣中吃上溫熱的東西總能令人精神為之一振；也許人們來買的不是腸粉，而是心靈上的一點慰藉。