合益泰小食

營業中

休息中

難得開返夜巿，又好耐冇食過又香又滑的合益泰腸粉，今日便入去再次品嚐啦！點知。。。😑平時我食開元朗的5蚊4條腸粉，質素還可以，咁嘅價錢已唔會有乜要求，所以如要畀貴啲都，我只會買合益泰（10蚊5條）就係2買佢的佢又香又滑！但今次真係食得好失望，腸粉纖瘦（簡直比我平時食的腸粉份量少1半）, 仲要唔香唔滑，沒有了以前食。到的豬油香滑！有點鞋口囉！甜醬又稀水咁！只係好在啲醬汁和芝麻可以任落 但啲醬完全冇封蓋，女弓唔衛生囉！尤其今時今日的新冠肺炎問題就更應注意衛生啦！雖然話係深水埗小食店，但唔等於可以咁架嘛！唉。。好失望，以往又香又滑的合益泰腸粉已不在了！咁嘅價錢，我寧願食返元朗5蚊4條好過，仲大條好多啦！唯獨係個白粥幾好，軟綿綿唔水似返個粥！$7算抵食！

本來一間平平無奇的街邊舖.慕「米芝蓮推介」之名而來一試.結果有點叫人失望.腸粉算滑外,整體見不到比其他街邊檔有何分別,也不算優勝.細、中份量差別又不明顯其他食品:燒賣、粉果、炒麵....其實也不標青服務、衛生更不值一提沒有街坊店的親切,阿姨們待客口吻和態度也十分麻麻.上手客離開,枱面污漬,三催四請,也是「來緊啦」(只顧下單)老實說,感覺不過是一般過一般的食肆,不明米芝蓮的標準,令我質疑米芝連推介的可信性

次次經過都好多人所以都冇試過食今日同老公出開嚟辦年貨仲要落好大雨本來諗住都要擔住把遮企喺路邊食點知原來而家有堂食😮(定係一直都有?😂)仲要咁啱一入到去就有位超好彩😎諗住叫碟大腸粉加6粒燒賣就算姐姐推介不如叫夠$20腸粉有豆漿送偷聽到因為聽日就收爐啦佢哋😝所以要清咗啲嘢佢叫完好快就有嘢食🤩腸粉真係好滑！而且枱面仲有甜醬豉油芝麻可以自己任加而且份量都好多$20幾抵食至於個燒賣我覺得仲出色！每一粒都好大粒有淡淡的冬菇香而且仲有一種香味又唔似芫茜🤔我唔知點形容😂總之就好好食！加上佢個辣油非常之香！非常之辣！至於杯豆漿就冇乜特別唔係話特別重豆香但又唔會太甜都飲得過嘅作為一個土生土長香港人點都應該要試吓呢啲本土小吃

早兩日來食早餐，發覺呢度D腸粉好好食，今日放假，因太太好鐘意食，所以今日突登同太太，過深水埗食腸粉。腸粉的質感可以說超級滑溜，大量芝麻醬，再加上甜醬，可以說是我食過最好食的腸粉

深水埗係隱世美食天堂，一場嚟到梗係要食合益泰嘅腸粉啦。佢嘅腸粉真係無敵，入口滑嘟嘟，配上特製嘅芝麻醬，甜醬同豉油，呢個混醬組合加上香口嘅芝麻一齊食，真係食到停唔到口呀！特別係佢嘅芝麻醬好香濃，唔似坊間嘅咁稀身，落極都冇味。至於佢個魚蛋就大粒嘅，但冇乜魚味，冇咩特別，所以可以不叫來食都得，留返個胃食下其他。同埋店舖嘅座位與座位之間的位置較為擠迫，加上疫情關係，所以都係快食快走。不過之前試過外賣返屋企食都好味，如果想慢慢享受嘅都可考慮外賣。

細細個爸爸就帶我黎食呢到既腸粉! 隔左咁耐都係咁好食!今日就帶男朋友黎試下食!一去到都見到幾滿座, 不過因為都係輕食,大家食完就走,唔會坐得耐,所以基本係不停D人出出入入入到去緊係食最出名既腸粉腸粉好滑! 仲要係好熱!出面食過太多又硬又唔夠熱既腸粉啦..所以呢到對我黎講係超好食!仲要有D芝麻係面, 加我最愛既花生醬(不停地狂落XD)懷念細細個爸爸揸車去深水埗帶我地去食呢到既腸粉用竹簽一舊舊咁叉黎食~ 特別有一番風味呀!

好難得出深水埗，食番d 地道野，呢間腸粉n 年前食過一次，突然好想食佢個麻醬，今次試下堂食先。✨環境比想像中好左，野食又唔貴。黎到先食個熱辣辣腸粉，唔知點解好似無乜麻醬咁，撈混之後都唔係好食得出麻醬味🤨。 見ar 姐咁忙，枱面又無就由佢lu, 不過腸粉係滑身同埋鍾意佢幼身細細條幾掛汁，好食但無去到所謂驚人級數。✨個牛肉球一黎到個樣其實都唔係太開胃，唔知係咪蒸得太耐，暗暗黑黑沉沉咁。個質感係軟爛，雖然有d 馬蹄叫有d 誠意，但有陣怪陳皮味，真係頂唔順，食到變樣🤢。✨粉果個饀係正常既，但個皮又係蒸得太耐，一個字「韌」✨呢餐最好食估唔到係蘿白，腍甜入味索晒湯汁，另外個豬皮係一個字「硬」✨粥品味道正常，廿蚊黎講幾多料，如果黎剩食個粥同腸粉，個人會無咁hard feeling✨最後食埋個燒賣，心情直插落地獄😊咩黎？ 無味既。。。又係淋patpat 咁， 唯有加d 豉油，咸到high high~~ 呢間野其實真係好一般，最好食真係舊蘿白，豆漿同個腸粉，應該都唔會再黎。最後要講多次：個牛肉球同燒賣真係好好好好好難食

🎈腸粉(大) $16佢啲腸粉真係唔話得👍🏻滑過出面好多小食舖🙈最appreciate嘅係佢會擺定啲醬俾你加😎不過唯一缺點就係佢冇放麻醬係枱面☹️🎈魚蛋魚蛋係完全唔掂☹️可以唔使嗌😂😂🎈牛肉球牛肉球不過不失 又係可以無限添喼汁😂🎈燒賣燒賣普通都係咁啦😂🎈豆漿(凍)豆漿正常🙈唔會過甜過淡過稀😎都算做得唔錯🙈

深水埗系平民美食好地方, 車仔麵, 魚蛋, 燒賣, 腸粉都有, 今日係食出名既腸粉,黎到舖都有幾個人要排隊, 側邊都有人在立食中, 因為外賣無即刻食放耐左會無咁好味. 腸粉分細、中、大碟，分別係$10/5條、$12/6條、$20/10條, $2條堅抵食, 腸粉無其他腸粉的'行' 粉味, 腸粉一層層有彈性而唔會太實, 加埋腸粉阿姐比例完美嘅混醬:芝麻醬, 豉油,甜醬組合, 簡直係世界級超級腸粉,  腸粉每一忽都要點到充滿醬汁, 平時我3, 4條都食唔哂, 今日5條腸粉就咁比我秒清, 諗定下次要買10條.....拎埋個餐盒黎裝. 溫馨提示系要有心理準備:如果立食,  舖頭側面有系巷仔仲有坑渠, 對面系公厠, 外面系鐵皮屋舖人來人往. 

小朋友停課，趁佢哋喺屋企網上上課，我同老公仔去樓下食個極速早餐🤣🤣🤣食最高人氣嘅合益泰小食埋嚟睇埋嚟揀款式眾多，價錢優惠，任君選擇🤣🤣🤣睇吓我嗌咗啲咩兩丁友，少少哋嗌住4樣嘢食先啦混帳腸粉係佢哋嘅王牌小食，我同老公仔都唔客氣嗌咗大份的。又大份又好食，超正，食到我同老公仔舔舔脷😋😋😋大大隻珍珠雞，都係$6雞咋由細到大我都非常喜歡吃珍珠雞，所以我覺得呢隻珍珠雞超好味 魚片粥又係我的至愛，大大碗，粥底又綿又滑，魚片又多又大塊。不過唯一的缺點就係，啲魚片好多魚骨🙈大大粒牛肉球，新鮮牛肉打制而成，咬落去，啖啖肉又Juicy，呢個都係必食推介，三粒大大粒嘅牛肉球，都係$12咋！極速早餐食到呢度，係時候返屋企湊馬騮仔了🐵

合益泰米芝蓮都拎埋其實真係長期排隊，但要食都唔係冇辦法，就係反其道而行唔好買外賣，就咁鏟入去堂食反而通常都唔使排，始終食包腸粉拮串魚蛋未必個個都話想就係坐喺度堂食。個個都知要嚟遞其實要食咩呢？要食一定係食個麻醬，咁食麻醬其實就係食咗腸粉呀。所以如果你，走麻醬，勸你不如唔好嚟。🙄因為個腸粉雖然爽口彈牙但係都係一般腸粉，但係麻醬呀，如果佢有得賣我真係想成支嚟買，自己食我仲會加晒勁多芝麻，又平又抵真係好過癮。😋另外我都會推介佢個豬皮，加埋蘿蔔，成兜呀其實都已經好飽肚，絕對係地踎之選。😎😎😎

深水埗名物，好耐之前食過一次今次難得黎到，當然要回味下四點黎到唔洗等直入坐低之後就越黎越多人黎到，好彩叫左腸粉（細）$10 +豬皮魚蛋（少辣）$19腸粉仍然算滑的，但感覺上就無以前咁好食難道蔴醬少了？還是真係變質呢？但細既份量都唔少，抵食豬皮魚蛋份量十足，依個價錢就有咁大碟估佢唔到辣汁好食，魚蛋大粒有少少彈，豬皮都爽既算係咁，但又未算得上好食總括黎講係抵食夾大件，但味道就普普通通以上食評只反映本人立場，如有雷同，實屬不幸

多年來經過合益泰小吃也過門不入，因香港的腸粉已没米味，只是吃加工廠制造的醬汁，今天經過見没有人排隊就一試合益泰盛名的腸粉。本人只點了腸粉，牛肉球和燒賣，當腸粉上枱一試後，一如過往般没有米味，因這腸粉是廠制，沒有米味也算是正常，卻不明白在此吃廠制腸粉要求口感滑，能有這說法就如只有布拉腸粉才有嫩滑口感，有此說法猶如入素食店吃安格斯牛扒。這類腸粉滑就必冇，但勝在醬汁有用心調制，麻醬有濃厚芝麻香味，而本人最愛吃的芝麻，竟是有以微火炒香芝麻。坊間只此一間如此作為。燒賣有肉味樓，不是街邊小食店燒賣只是吃粉團，至於牛肉球則絕對有驚喜，鬆軟肉球內有馬蹄肉粒，增加咬口層次，味道亦比很多連鎖酒樓高質數。所以吃後再點叫牛肉球和燒賣。本想叫粥同吃，但可惜此店沒有油炸鬼，本人覺得食粥冇炸麵，有如吃雞不吃皮，不如唔好食，所以最後我只點叫豆槳。若然下次再經小店，我也會再光顧，因為這能吃到童年時街頭食物的味道。

深水埗嘅飲食業近年發展蓬勃，百花齊放，幾年間就成為咗平民米芝蓮集中地。講到平民美食就不得不提豬腸粉、車仔麵、魚蛋、燒賣。以上美食都可以响合益泰搵到，作為平民小食店，佢唔係每樣都係咁出色。坦白講除咗腸粉外，其他水準好一般，所以今日集中講佢嘅腸粉 。堂食要排隊，每次要等幾耐吓。如果淨係食腸粉就最好立食，唔駛等。腸粉分大、中、細碟，分別係$10/5條、$12/6條、$16/8條（即$2/條），絕對街坊價。腸粉比坊間嘅幼啲，質感實淨有彈性，配以特製嘅香滑芝麻醬、豉油、甜醬、辣醬，每條腸粉沾上醬汁，入口滑嘟嘟，一口接一口。一碟大腸粉轉眼食完仲想食。講開醬汁，佢比坊間嘅稀，芝麻醬超香濃，放耐咗都唔會黏埋一嚿咁。如果外賣就最好自備食物盒，醬汁一滴不漏最後有個小提議：店舖對面係鴨寮街公廁，側面有坑渠，夏天嚟食都幾有「味道」，建議夏季入舖堂食，立食就最好秋冬季嚟會好啲。

山長水遠黎到深水埗，除左係為左去西九龍中心朝聖，仲係為左食下嘢！見呢間係米芝蓮推薦，價錢又咁平，就梗係要試下啦。排隊排左10分鐘咁，入到間店見到檯凳擺得幾疏，值得一讚。但佢嘅腸粉就認真麻麻地，首先唔嫩滑，咬落亦比較實，一層層嘅腸粉黐埋一舊，而唔係層次分明。唯一鍾意係有得喪落花生，所以食落都幾香口，不過呢一點普通粥麵店都有啦。至於個咖哩魚蛋，喺我已經對呢間店無乜期望嘅時候，佢係唔錯嘅。份量幾多，咬落都算係彈牙，個汁就一般般，有啲稀，咖哩味亦唔夠濃！