台灣館 (已結業)

呢間台灣館位於得寶商場1樓，餐廳幾大，一整排座位靠窗邊可以睇到外邊。餐牌好豐富可以揀啲菜式有小炒、雞煲、烤魚、火鍋等，我啲鍾意食辣，揀麻辣烤魽魚：份量十足，魚好大一條，魚肉細嫩，味鮮美。配菜也十足，有萵筍、海帶、豆芽、蓮藕、大蔥，耐心等火烤一陣，麻辣更入味，食得好過癮！黃金日本南瓜：南瓜係北海道南瓜，軟綿甘甜，南瓜炸完後裹上鹹蛋黃，讓南瓜更加鹹香好味。台式滷肉飯：滷肉份量好多，滷豆腐、滷蛋滷汁入味，滷肉飯好大一碗，兩個人食唔晒。飲品夢幻雪香珍珠：好吸引人，strawberry味，黑珍珠很有嚼勁，加埋香脆啲雪香片，很好喝。綠茶拿鐵珍珠奶茶：呢杯唔會好甜，淡淡嘅綠茶味同拿鐵啲香味，加埋有嚼勁啲珍珠，唔鍾意太甜啲人可以揀呢杯。

得寶商場前排翻修，新開左好多新餐廳，今次黎嘅就係隱於1樓一角嘅台灣館。呢到位置要行入啲，見到薩莉亞右轉直行先見到👀餐廳裏面好大好寬闊，而且卡座數量唔少，而且仲要係窗邊，窗外車水馬龍，窗內安閒自在，兩個世界。如果下午5-6點黎到，有機會睇到日落喔🤭餐廳裝修主要係簡約風，呢個小熊紙巾盒好得意😍酸菜珍珠斑 $63估唔到係咁大一盤原條魚上，配菜都唔少，有酸菜、蓮藕、豆芽☺️而爐下面係有兩個蠟燭仔🕯️一直燒住，睇住佢滾。魚肉食落依然係滑，魚骨又唔多，有都係長骨，吐骨都唔難，食得出條魚係煎過兩個邊，廚房有花功夫炮製👍🏻滷肉飯 $48（午市套餐配飲品）滷肉飯食台灣菜必定有，而且呢到滷肉係37肥瘦比例，唔會話太肥好油膩，但都唔會話因為全瘦好韌唔肉香，呢個比例啱啱好🤤草莓珍珠奶茶 套餐飲品+$12特飲珍珠煙煙韌，我無特別少糖少冰，但唔會話好甜，甜度啱啱好，餘韻仲有陣士多啤梨清香😋冰🧊就如肉眼所見咁樣得一層，唔會話成杯嘢飲半杯冰，值得一試👍🏻總括而言，中等價錢，食物質素唔差，又有高質環境同服務，值得黎食👍🏻btw呢到仲有早餐係8am開始🤣

今次行過得寶商場，見到間新開既餐廳，入去食個lunch試下先😎餐廳裝修簡單、平實，野食方面以台式小炒、台灣麵為主，另外對比其他餐廳比較特別既係，有雞煲、炸魚同埋火鍋，都幾岩一班人聚會🥰牛肉🍜：湯底幾重牛肉味，刀削麵相對硬少少，但係較咬口😇牛肉軟硬適中，同埋炆得好入味，一咬即開。白蘿蔔入味之餘無渣👍軟硬岩岩好。不過份量對💁🏻‍♀️黎講，都算多，🙎🏻‍♂️食就岩岩好士多啤梨珍珠奶茶🧋：顏色好粉好夢幻，味道不錯，珍珠食落煙韌😍有驚喜香芋珍珠奶茶🧋：好飲，甜度岩岩好，有少少杯芽係上面，好有益呀😍鹽酥雞飯：雞扒炸得外皮酥脆，入面多汁👍不過份量都幾多😂💛係咁差既經濟環境下，真心份量多好抵食

知道德寶開咗呢一間新嘅台灣料理「台灣館」，平時行天橋經過見到早餐$28好似好抵咁，你次次經過匆匆忙忙都唔記得咗可以行過嚟食，今日終於記得行過嚟試吓啦，早餐價錢都唔貴價錢大約都係$40樓下都幾抵 我就叫咗個扒餐雞扒😍😍配腸仔煎蛋！仲配一塊多士，雞扒煎得好香脆，唯一有少少缺陷，就係我唔太鍾意食美極，食落就知落左美極醬油，失左少少分，腸仔就係有啲偏鹹，煎蛋都有金黃色嘅邊，係我最鍾意嘅煎蛋🍳😆整體味道都不錯，格價都相宜👍🏻盛惠$38～加油小店😘

地方夠大，坐位好舒服，店員服務好好，餐牌好多選擇，我首選係台灣牛肉麵，濃厚牛肉湯底， 味道同係台灣食嘅一樣，飲品又多選擇，珍珠奶茶茶味夠香，珍珠軟硬適中，味道好好，所以一定會再去，可以感受到台灣感覺👍🏻👍🏻

好開心得寶商場開左一間好地道既台灣餐廳，居民有福了，絕對推介，我連續幾日試左佢既早餐下午餐午餐，每樣食物都有驚喜，唔駛再幫襯貴到死既茶木👏👏👏👏👏首先，珍珠奶茶，好重茶味，泡打得好好，好好飲，跟餐一定要試。鹽酥雞排飯$48雞好滑唔會乾柴，好岩怕熱氣既人，因為佢果皮唔係豪大大果d脆到死既皮，我覺得冇咁熱氣，同埋飯都配左滷肉，好正。之後，早餐既新竹米粉配上滷肉真係好惹味，原來可以咁好食👏👏👏👏我係連續2日都去左食，一樣水準😋😋$28仲有埋洶滷蛋同豆腐，不過我個人就唔太喜歡食呢個豆腐，但滷肉真係讚。最後，佢地係台灣師傅煮，台灣旅行感覺返哂黎，大推🤗🤗🤗

平時放假我都瞓到好晏，然後食咗一個早餐，到咗三點先會食個下午茶。最近發覺屋企附近開咗一間台灣野，就去試吓好唔好食一行入去環境比較舒適，因為新裝修嘅關係，光線亦都好充足，卡位望住觀塘道，特別寫意。我叫咗一個下午茶餐雞絲配滷肉飯，另外可以揀選三個小食，我叫咗番薯炸魷魚鬚香腸。總共只需41蚊，十分之抵食。呢個飯不過不失，唔算好滋味， 需要配合姜蔥去食比較入味。反而呢個小食比較出色，雖然份量唔大，三樣小食都係新鮮製造，番薯仲係好熱，魷魚鬚亦都好大條好香口，香腸配合蒜片去食， 另有一番風味，香腸食落唔會食到好鹹嘅感覺。整體而言價錢十分之經濟，我會推薦呢三個小食一定要食。

今日去食午飯，叫咗招牌牛肉麵，牛肉份量足夠，仲有麵底可以選擇，我點咗刀削麵👍 最後再叫咗九份綜合三色芋圓甜品😋整體環境舒服，當日我坐喺卡位可以望到觀塘道，環境開揚。

正宗台灣菜，好食。如果食得辣可以加辣，亦可以少辣。推介台灣牛肉麵，麻辣雞煲，酸菜魚（仲可以選擇鐘意嘅魚）早餐仲有折，午餐有好優惠套餐晚餐懶得煮飯外賣有折，方便快捷。