古琴雅苑 (QRE Plaza)

營業中

休息中

位於灣仔嘅古琴雅苑，出名食北京烤鴨，今日另一半心血來潮，同我講不如提早慶祝父親節先😄所以就決定咗今日嘅晚餐地點喺呢度。一坐低，店員就俾咗款餐前小食，係酸蘿蔔貢菜，凍冰冰脆卜卜好開胃。✨京醬爆肉絲配荷葉包～京醬嘅味道比較香濃，旁邊配了京蔥，就咁食會太濃味，所以我就另外叫咗荷葉包，夾黎食啱啱好👍✨北京填鴨半隻～招牌菜，一如既往嘅好食，皮脆內嫩，今次都冇失望。最鍾意沾上酸梅醬食，酸酸甜甜，而且有啲酸梅絲，好特別。✨揚州水晶牛肉～清爽嘅豬手肉加上高湯製成嘅啫喱，食出爽滑感。✨雞絲粉皮～呢度嘅粉皮又薄又細，好滑溜，醬汁香麻味充足，份量就多咗少少，下次叫佢醬汁另上先，就可以自由調較多少。原來店內都有淮揚美饌頌親恩套餐，價錢都幾抵，而且套餐一個價錢，仲包晒茶位，下次要帶埋屋企人再嚟😄

今日提前慶祝父親節，跟爸爸一起吃高質中菜。看到有「雙親節淮揚美饌頌親恩」8人餐有14樣菜好吸引，可惜我得4個人🤣所以還是散叫環境寬敞舒適，裝修古色古香木系風格，中國風古典背景音樂。茶位$13@位，前菜小食$15，另收+1服務費#烤鴨 #片皮鴨 #北京烤鴨 $185 半隻鴨卷餅皮薄得來堅韌，肥美的鴨皮充滿鴨油香➴ෆ⃛另有哈密瓜、青瓜、洋蔥、砂糖、甜醬等片皮鴨拼盤配料，半隻份量比想像中多|ᐕ) ⁾⁾推介#松子魚 #風味松子魚 $238上菜快，鱸魚新鮮，肉質結實。外層炸至脆口配上甜甜的酸甜醬，非常邪惡。份量夠4個人分，推介#蔥油海蜇伴黃瓜 $79爽脆厚身的海蜇很入味，伴醃製爽口青瓜很過癮，推介#花雕醉雞 $79份量細，皮厚肉嫩，雞味濃而且花雕酒入味，好吃#羅漢凍 $38中藥味果凍涼透心⸜(* ॑꒳ ॑* )⸝感覺可以清熱氣#螞蟻上樹 $85惹味辣炒爽口粉絲不會很油#蟹粉扒小棠菜 $138新鮮菜煮得夠淋，略嫌蟹粉味道不夠出色。價錢小貴#小籠包 #南翔小籠包 $62小籠包跟餃子皮一樣厚，有別於其他小籠包，感覺一般(꒪꒫꒪`*)服務質素：7/10環境舒適度：8/10ᶘ ᵒᴥᵒᶅ個人口味評分：7/10

古琴雅苑烤北京填鴨真心推介👍🏻皮脆肉香🤤半隻鴨2個人食其實剛剛好，其中一小碟係鴨皮點糖，咁樣食法真係好特別，解左油膩感之餘係口腔既Aftertaste亦都好強烈🤩今次就叫左2人餐-半隻烤北京填鴨-涼拌粉皮-雲吞湯-奶油津白-古琴鴨肉炒飯-桂花糕值得一提 -桂花烏龍- 茶味好清新，鍾意飲茶嘅朋友可以試一試😍奶油津白冇影到相🙈，食左咁多肉食返個菜清一清個油膩感。食完半隻鴨已經好飽，炒飯就打包返屋企啦🤣整個環境好舒適，唔會太擠擁。不過當晚比較多人，稍為有啲嘈吵。搭正食飯時間(7-8點)記得預早book枱啦😌今次就放工時間(未夠7點)去，Walk in都有位，服務方面都有4分啦。

星期六同朋友晚飯，喺灣仔區冇book枱原來都幾難搵位😅誤打誤撞上咗去呢間食片皮鴨嘅北京菜，咁啱又有人cancel咗張大枱😋整定我要試一試佢😜店員非常熱情不停推介我哋叫四人餐，因為免茶芥好抵食😂但因為菜式唔太啱胃口，所以決定都係散叫自己鍾意食嘅😌🦆 烤北京填鴨(全隻) ($368)另外有得揀半隻($185)，不過我哋五個人share一隻啱啱好，總共有兩碟鴨皮同埋兩大籠卷皮🤤鴨皮入口即溶，豐富嘅油脂感覺，外皮非常之脆，包住青瓜、哈蜜瓜、大葱同京醬、黃梅醬捲起嚟食，會比較清新，邪惡感大減🤗 記得趁熱食，好好享受入口即溶嘅感覺🤤🐥 花雕醉雞 ($79)平時食醉雞好怕酒味太濃會苦，佢嘅酒味恰到好處，雞肉嫩滑入味，雪到好冰凍好正😋😋🐣 雞絲粉皮 ($68)芝麻醬濃淡啱啱好，個醬好食😌粉皮厚薄軟熟硬適中😋撈埋其實都唔會差得去邊，不過略嫌份量有啲少🤣如果可以大碟啲就更加好😋🍖 意大利黑醋骨 ($98)又係我最鍾意食嘅黑醋骨，新鮮滾熱辣上枱，味道酸酸甜甜，肉質唔會太硬，好香濃好惹味😋🥟 南翔小籠包 ($62)新鮮出爐熱辣辣，但係外皮略厚，肉汁亦唔算太出色😅🦀 蟹粉撈麵( $168)蟹粉嘅味道比較淡，唔係

我今次和家人選了這裏慶祝生日，因為都很久冇吃片皮鴨了 ，只是到入座後，職員有介紹套餐，全部野都啱食一於試吓花雕醉雞 雞皮酒味香濃 肉質結實烤北京田鴨半隻店員會介紹細碟係最脆部位建議點砂糖同吃，yummy片皮鴨包住蜜瓜同吃更加清爽香甜，有驚喜冰鎮鮑魚 伴以檸檬汁同吃，清爽彈牙 夏天食啱晒京醬大蝦 汁係濃甜帶咸，蝦肉爽彈津白雲吞湯 湯略咸了一點 雲吞肉味濃郁家人想喝酸辣湯 ，於是追加了酸辣酸味較濃，不辣的，怕辣的朋友可放心京醬爆肉絲 配以荷葉包同吃 餡料脆帶香濃乾煸四季豆 肉碎部分太鹹 送飯可能會好啲既風味松子魚 香脆魚肉味濃 醬汁也不會太酸上海炒年糕 油到食唔到住 打包回家諗下辦法先 不浪費食物最後送的桂花糕 清香而不太甜 Overall 食物整體都ok，下次會再來的

媽媽節剛過去爸爸節就快到各位孝順仔女諗到帶爸爸去哪兒未呢？今次中島介紹間餐廳好啱帶兩老上黎食餐好嘅—————————————————————依家餐廳做緊雙親節套餐優惠分別有2人 4人6人同8人餐啱曬唔同大細嘅家庭食餐飯中島睇過個套餐都幾抵食以4人餐為例有8-9道菜仲已經包曬加一同茶錢不過最後都係無揀套餐🙈但係都叫左套餐入面嘅其中兩個菜式北京烤鴨同京醬爆肉絲呢兩款都係有得食有得玩嘅菜式首先北京烤鴨擺盤精緻鴨片舖左喺隻鴨仔造型嘅碟上面餅皮喺蒸籠入面保持濕潤同溫度韌性夠👍🏻唔會放左啲餡料上面包埋就穿窿配鴨片嘅配料都係爽脆類特別鍾意佢哋有唔蜜瓜條包埋一齊食帶啲水果香甜又解膩😊京醬肉絲會連埋四件荷葉包肉絲口感似炸過帶啲脆口夾入去軟綿綿嘅荷葉包入面 一軟一脆小朋友應該會好鍾意食😂螞蟻上樹入面嘅樹(粉絲)保留到爽口又Q彈嘅口感色水好夠但又唔會死鹹條條分明 冇痴到一舊舊份量都好多用黎送飯一流帶子賽螃蟹冇其他地方食果啲咁油膩但係都好滑溜 加左帶子食到陣陣鮮味幾有驚喜 中島就鍾意就咁食🥰砂鍋雲吞雞個湯頭好清甜飲得到啲雞味滲左落個湯度而雲吞都好大粒 皮薄餡靚木耳絲增加爽口度 雞肉都好嫩滑雖然而加出面好熱 但

一家人食飯最開心🥳佢地鍾意食鴨子🦆今次就揀咗灣仔嘅古琴雅苑 先來茶 $13/位 可揀普洱、香片、玫瑰荔枝、桂花烏龍 😋😋😋揀咗玫瑰荔枝，荔枝香味馥郁，好fresh 好清新☕️古琴酒糟烤北京填鴨 $185 半隻烤鴨皮脆肉嫩，油分甘香。除咗京醬、京蔥同青瓜，特別嘅係佢配埋砂糖、蜂蜜黃梅醬同哈密瓜，呢個食法好西式，法國菜嘅油封鴨都係配橙/黃苺醬，哈密瓜令我諗起Parma Ham..感覺好Fusion，好新穎，我鍾意❤️醬料配料完全中和左油膩感覺，做到肥而不膩👍🏻 （4.5/5）風味松子魚 $238 用嘅係鱸魚🐟絕對係功夫菜魚肉尚算嫩滑，不過鱸魚魚肉始終比較實，配埋糖醋醬酸酸甜甜，幾好味😋一定要趁熱食，再食第二舊已經凍咗淋咗（4/5）清炒鱔糊 $168 呢個真係要讚👍🏻鱔條好粗，好肥美，識落真係好爽口彈牙，呢個唔會有太多醬汁張住，但又好入味，真係有驚喜 （4.5/5）蝦苗鹹肉炆蘿蔔 $138好驚喜😋蘿蔔充滿着蝦嘅香味，好入味，鍋子好多蝦乾同有少量鹹肉，只有六件，有點不夠喉 （4.5/5）蟹粉撈麵 $168 兩位用蟹肉好細碎，蟹膏油香就好夠，但膏香就欠奉，我諗緊係唔係因為未到食蟹嘅季節呢🤔加咗少少浙

坦白講，又食片皮鴨🦆，真係好鍾意❤️，好似一個月都食到一次，要找尋香港🇭🇰唔同地方嘅片皮鴨嚟個比拼，都幾開心😃。呢間主打京菜嘅餐廳🍴兩間分店都係美食大廈嘅樓上舖，未必偶然想得起，但食物質素果然有返咁上下水準，每款食物都係食得出心機，絕對係有誠意🤓———————————————————————————🍽北京填鴨🐦💬呢度嘅烤鴨比較起來又多咗一份細心，除咗片皮鴨份量十足，鴨肉爽夾香之外，仲跟多一份脆鴨皮，蘸砂糖食最正😋.🍽風味松子魚🐠💬用上成條魚，炸到外脆內軟，魚肉超嫩滑，酸甜汁好出色，最後連魚頭都肢解埋😅.🍽宋嫂鮮魚羹🍲💬好好飲❗️超級夠熱又多料，芫荽、荀絲、鮮魚肉，如果冷天氣有一碗熱湯羹感受仲滿足😅.🍽意大利🇮🇹黑醋骨💬其實呢個係前菜，但覺得可以當主菜，餸飯超一流，味道剛剛好，細碟唔夠喉🥺.🍽蜜汁火方💬壓軸登場❗️一碟六件，用荷葉包包住食，加埋蜜汁超正，如果有多塊脆脆提升口感更開心😃.🍽金腿濃湯津白🥬💬濃湯完全入晒津白之中，好鮮甜，食完濃味再食返青菜🥬中和一下🤓.🍽古琴鴨肉炒飯🦆🍚💬炒到顆粒分明，鴨肉油香滲入飯之中，超級滿肚🤣

相片已代表一切，完全放唔到入口，聞落勁大陣燶味，最尾直接揼落垃圾桶🤬🤬🤬🤬😡😡外賣極之伏 第一次食 已經係咁 永不錄用🤬🤬🤬🤬🤬🤬😡😡😡😡

母親節嘅第二朝就要考試，唯有唔喺正日慶祝。於是，前日就同爸爸媽媽去呢間古琴雅苑，食我哋最鍾意食嘅北京填鴨，當係母親節晚飯。🦆烤北京填鴨（半隻）$185 三個人share半隻烤北京填鴨食好夠食。呢度嘅北京填鴨肉質細嫩，肥而不膩。鴨皮好脆之餘，鴨肉亦都唔鞋。加埋青瓜、哈密瓜、京蔥、京醬同埋蜂蜜黃梅醬，以好薄嘅鴨卷餅包住，就變咗一道人間美食。我個人唔太鍾意食京蔥，所以就冇落到京蔥。青瓜同哈密瓜嘅清新，鴨皮嘅香脆同油香，醬料嘅甜味，對我黎講缺一不可。一口咬落去，無論係味道定係口感嘅層次都非常豐富，令我一件接一件咁食。另外，店員亦都會切咗幾片香脆嘅鴨皮，可以就咁點砂糖食，估唔到竟然會有入口即溶嘅口感，食咗之後仲齒頰留香。🐟風味松子魚 $238松子魚係原條咁上嘅，然後店員會喺我地面前將松子魚剪開一份份，方便進食。松子魚炸得好香脆，估唔到淋上甜酸嘅醬汁之後都唔會變淋，仲係好脆。入面嘅魚肉亦都非常嫩滑，好好食。🥬蒜子干貝時蔬 $82呢個係我話一定要叫嘅，因為食咁多美食，唔可以唔食啲菜。而個菜我都希望係相對清淡少少嘅，所以就揀左呢個唔係炒，而係上湯嘅蒜子干貝時蔬。干貝份量都幾多，而時蔬係菜心。菜心軟硬度

最近特別想食北京填鴨，千挑細選之下嚟到古琴雅苑用膳。適逢母/父親節店家更推出咗特別菜單，絕對喺家庭聚會嘅好選擇👨‍👩‍👧‍👦• 午市四人A餐 $668🐓花雕醉雞花雕酒味香濃突出，雞肉厚身嫩滑😛🥒蔥油海蜇拌黃瓜清涼爽口嘅海蜇撈咗麻油、蒜蓉，喺一道幾開胃嘅前菜🤤🦆烤北京填鴨（半隻）雖然望落份量有啲少，但係加埋其他小菜，其實依個份量已經好足夠😗鴨肉燒得皮脆肉嫩，油脂感十足，附送青瓜、京蔥、哈密瓜等配料，唔少得必備嘅卷餅，包住鴨肉同配料醬汁食就係最正宗嘅食法，一口咬下口感勁豐富😋🦁紅燒獅子頭一客兩大粒獅子頭，每人半粒啱啱好！第一次食獅子頭，聽講做法好繁複，俾我嘅感覺就好似食緊中式嘅漢堡扒咁，味道一啲都唔油膩☺️🥬開水白菜菜就冇咩特別，不過食咗咁多肉嘅時候食下菜清清地都唔錯😌🍚古琴鴨肉炒飯聞落去好香，不過鴨肉比較細碎，飯炒得粒粒分明好有鑊氣😉• 風味松子魚 $238醬汁就好似咕嚕肉咁酸酸甜甜，原條魚炸得夠通透，裏上醬汁都唔易變淋，而且冇細骨啖啖肉，大人細路都啱食😌• 餐前小碟 $15

生日壽星話好耐都無食過北京烤鴨，碌左幾間最後揀左古琴雅苑。北京烤鴨皮脆，仲特登分左小碟放最脆既部份提示我地要試左先，鴨肉調味唔會太濃，食多啲都唔會話好滯，平常出面好多食兩舊就滯到飽，呢度整得恰度好處，值得試下。小籠包皮有啲厚，湯唔多，略為失色，雖然味道上可以。上海炒年糕亦普普通通無乜特別。高力豆沙亦都係無乜特別，紅豆唔夠多同濃厚，無嗰種食埋甜品好滿足既感覺。整體還境同服務都好好，但係上菜有啲慢，一碟碟黎食哂再等一排先黎下碟，但特別要讚餐廳有留意到我地係生日飯有送到壽桃，而且幾好味！

想加料，除了燒味斬料，花巧fd可片皮鴨半隻，佢係肉連片拱片，另外會用一個人地裝薑容的盒放左近pat pat位的皮，我食Peking duck 就係鐘中佢皮包皮（夾餅包鴨皮）油香四溢，媽媽食到唔停口，仲有佢的配料除左䓤同青瓜仲有蜜瓜條，青新爽口又解膩！半隻三個人都係慢慢緊，下次可以挑戰一隻呀！果然太心急食一張相都無影🤗🤗🤗🤗外賣半隻一盒裝鴨，一盒裝夾餅，一盒裝配料，特別細心的係佢地用石紙袋裝住d鴨保溫，我回家起馬要半小時，所以都真係幾有用！

之前曾經叫過外賣片皮鴨，質素不俗。所以今次專程到門市試試。去到叫咗個4人餐，頭盤同片皮鴨質素都OK。點知失望就開始，因為用呢個app定枱，送一個小炒。嗰個味道唔係太好，而且全部都係D鵝頸位炒苦瓜。跟住嗰個宋嫂鮮魚羹，只係食到啲醋味，完全冇魚味，我哋四個人每人食咗一啖，就已經叫佢拎走。之後個經理就回左句，「你哋唔啱食啊，但我哋賣得好好喎」... 之後接着啲嘢食，個味道都係麻麻哋。炒飯太濕，個魚個賣相都唔係太好，味道都麻麻地，而且條魚好唔新鮮好散，炒牛肉味道一般般，個菜已經係最正常。最後連個桂花糕，啫喱粉嘅魚膠味好重，完全食唔到桂花味。總之一句講晒，極之失望，以後應該都唔會再幫襯。

@zithergarden 見餐廳最近推出左「春日尋味，歡聚古琴」menu就一於去試吓❤️未上菜前已經有花生 🥜 同埋酸蘿蔔 🥕 jeng!1️⃣ 😽 招牌北京填鴨 🦆 （half) $185本身有分兩款❤️分別係傳統嘅北京填鴨同埋古琴酒糟烤北京填鴨 因為唔係咁鍾意酒味就揀咗傳統嘅 片皮鴨上嚟以前會有一碟一口酥俾你配砂糖點 微炸過嘅鴨皮😍充滿鴨油 至於片皮鴨都算好薄身 配料（青瓜，哈蜜瓜，京蔥同醬料（京醬，蜂蜜黃梅醬）非常豐富💕仲可以免費添加！第一次試片皮鴨配哈密瓜條/黃梅醬 感覺清新冇咁膩😏而且餅皮薄得來都煙韌 每塊餅皮仲有紙隔住 好細心 唔會痴埋一舊2️⃣ ❤️ 蜜汁燒火方 🐖 $185呢個好有驚喜！😏💗💗 第一次試火方 佢係用金華火腿中品質優良的中方為主料 然後用冰糖水💕蜂蜜 🍯 反覆浸蒸幾個鐘而成 配上好似平時食叉燒嘅蜜汁😍鹹甜交替 仲有六片煙煙韌韌既荷葉包俾你夾住😚好味！3️⃣ 💛 黃金明蝦球 🍤 $188呢個大推！💯本身已經好鍾意鹹蛋黃 呢一個餸唔單止好有好彈牙嘅蝦 🍤 仲要每一隻都鋪滿左鹹蛋黃 邪惡得來又好味 😋 不過隔離啲菜就比較硬身 4️⃣ 🥬 蟹粉小棠菜 🦀 $ 138 蟹粉唔算多