古琴雅苑 (QRE Plaza)

營業中

休息中

平日夜晚7點嚟到已經好full咁好多人，好彩我地都有檯，不得不讚經理嘅服務態度實在不錯，同朋友都食得好開心🥰🥰·一入座問飲咩茶，都好熱情推介瑰荔堂煌，姐係玫瑰荔枝茶，幾特別嘅，飲出好香玫瑰味🌹·✨烤北京填鴨半隻🦆 $185每檯都必點嘅招牌菜式❤️👍🏻，北京填鴨賣相好duck🦆用個鴨仔碟裝住😆配料有薄餅、京蔥、青瓜、哈密瓜、京醬、蜂蜜黃梅醬食北京填鴨先食一口酥（雖然我後尾先食），姐係鴨胸皮，有五塊，點一點砂糖食，入口啖啖都係鴨油🤣我食咗一舊就唔敢食，滿口油😂但個北京填鴨堅係高質，個籠裝住12塊薄餅，每一塊之間都有張蒸紙隔住好方便👍🏻自己diy，擺上填鴨同各種配料，塗上兩種醬，捲埋嚟食，薄餅皮夠薄，填鴨皮脆肉嫩🥰🥰薄餅同鴨肉份量都好足下🤣，餐牌話配料原來可以添加，宜家先留意到🤪·✨風味松子魚🐟 $238好鍾意呢味，平時唔鍾意蒸魚，但如果係呢種魚就好鍾意😍，個魚炸得好脆，仲介開一粒粒咁，個汁又酸酸甜甜，好啱胃口，我連魚頭都試下食，見佢炸得咁酥脆咪試下，不過條魚再大條啲就好啦🐟·✨花雕醉雞🐔 $79朋友想試呢個，雞肉都嫩滑，作為小菜嘅佢份量唔算多，酒味可以再重少少🤏🏻·✨蟹粉扒小棠菜 $138蟹

❤️好耐冇同爹哋媽咪出外食飯喇，難得放寬咗四人堂食，帶佢哋食最鍾意嘅中菜，記得之前喺另外間分店食過，當時大家都對啲菜式都好滿意❤️我上網搵吓，發現原來佢哋喺灣仔都有分店，咁近，梗係要再食。✨烤北京填鴨 半隻～配料有青瓜、哈蜜瓜、京蔥，醬料有京醬、蜂蜜黃梅醬，店家好大方，全部都可以免費添加👍記得以前會有師傅過黎喺面前切，但係而家因為疫情關係，就會係佢哋嘅廚房即叫即切，呢度係廚房採用open kitchen，見到廚房燈光光猛非常乾淨，咁就放心得多👍✨砂鍋雲吞雞～一打開就見到大大隻雞肉，店員仲會幫我哋分好雞湯同雲吞，加上紹菜煮嘅湯頭，特別清甜，呢啲天氣感覺零舍滋潤。✨蔥油海蜇伴黃瓜～海蜇係上海嘅特色菜，食落爽口彈牙，呢度嘅醬汁有香醋、醬油、麻油、蒜蓉，但因為海蜇本身係冇味，配合呢個比較濃味嘅醬汁，反而就啱啱好。✨招牌擔擔麵～擔擔面係Daddy去到菜館必叫嘅菜式，鍾意佢有濃厚嘅花生味，遠距離已經聞到香氣撲鼻，呢度係用上比較粗條嘅上海麵，食落辣辣地，爽口彈牙。✨京醬斑球～呢度嘅班球炸得好脆口，醬汁微酸甜甜地，好開胃，令人食完想再食多件😄，如果斑塊再厚身啲就好了，會食得再過癮啲。✨紅糖桂花湯圓～一碗有

古琴雅苑烤北京填鴨(半隻)黃金明蝦球砂鍋雲吞雞無錫脆鱔鴨鬆生菜包南翔小籠包價錢💲: $185/ $188/ $168/ $88/ $98/ $62好味程度😋: 3.7/5服務🍴: 4/5環境🗾: 4/5性價比🥢: 4/5回頭率😚: 3.7/5-真係好耐冇食過片皮鴨啦，今次就去到呢間古琴雅苑試試佢。佢哋而家仲有個最新春季餐牌，入面有唔同套餐，適合唔同嘅人數去食😋 但係因為我有啲想食嘅嘢係套餐入面冇，所以我就揀咗散叫。-我哋三個人去，叫咗半隻烤鴨🦆比較特別嘅係，佢哋有一個部份叫一口酥，油脂感比較重，同埋黃梅醬同砂糖食，可以減低油膩感，幾香脆，咬落即刻化開😆 鴨肉片得好平均，皮同肉的比例好適中，又夠薄，配埋特別的哈密瓜一齊包來食又幾好食😚 仲有，呢度嘅餅皮呢度嘅餅皮超級薄，係我第一次見過咁薄，所以食多幾塊都唔會覺得太飽🤪-除咗片皮鴨，我哋都叫咗幾個餸。1️⃣黃金明蝦球🦐 蝦球都幾大隻，用咗拉油嘅方法去整，所以外層食落比較軟，出面係包住滿滿嘅鹹蛋黃，超級邪惡🤣 2️⃣砂鍋雲吞雞🐔 大概可以分到四碗，湯底幾鮮甜，雲吞皮薄餡料滿，菜亦都煲到好淋，係雞肉因為煲過湯所以會少少柴🤔3️⃣無錫脆鱔。將啲鱔切到一條條炸

朋友話想食片皮鴨，就佢哋放工揀咗灣仔呢間食淮揚菜既古琴雅苑，食北京烤鴨😆🦆佢個玫瑰荔枝茶好飲😍🔸花雕醉雞🐥醉雞醃到好入味，有酒香但唔會太濃味，恰到好處😋🔸意大利黑醋骨估唔到熱食上菜咁快呀👍🏻 落單5分鐘就到😂 初頭仲驚係咪一早炒好左，結果一食落去熱辣辣，醋汁未食已經聞到好香，酸甜開胃，肉質夠稔唔會韌😋 份量剛好夠3個人食，唔洗怕太大份食唔落其他野🔸蟹粉豆腐🦀愛蟹人士必點🦀🦀 食蟹粉嘅餸最怕就係期望多多蟹粉，結果就得個丁丁🙄 但餐廳完全冇令人失望!! 毫不吝嗇 勁多蟹粉🤤 大啖食極都仲有👍🏻除咗蟹粉仲有絲絲蟹肉，十分推薦！🔸烤北京填鴨（半隻）🦆店員建議先食「一口酥」，即係鴨心口塊皮最脆個位，點糖/黃梅醬食，好香口！鴨肉份量都好多，鴨皮酥脆，鴨肉唔算多脂肪足夠我哋3個人食！北京烤鴨的配料有青瓜、哈蜜瓜同京蔥以及醬料有京醬同蜂蜜黃梅醬，最正係呢啲食晒可又免費再添😍😍哈密瓜係比較少見既配料，我都係第一次食，連同烤鴨食，甜甜地幾清新，平衡左油脂感。🔸十三香濃家雞🐥雞件好大件，食落有咸香味，帶微辣，都幾惹味。佢個「春日尋味 歡聚古琴」啲套餐menu都幾抵食，不過朋友有一兩樣野想食，最後都係散叫😂下

好耐之前已經聽過我朋友講灣仔有間唔錯嘅中菜餐廳，叫做古琴雅苑。因為疫情掛關係，平時都係買外賣多。今日就決定去買個外賣黎試試。我係OpenRice 訂左個古琴鴨肉炒飯。拎到番黎一打開，睇落又無乜特別，普通炒飯一個。但一食落，真係不得了。佢啲炒飯粒粒分明，每一啖咬落去都好惹味。個飯唔重鑊氣，唔算好油，啲飯好好咬口，配合埋佢啲鴨肉，真係一流。呢個四十幾蚊既鴨肉炒飯好過好多出面茶餐廳/大排檔既炒飯質素。試左佢個炒飯，大概都估到佢其他菜式差極有限，下次再覆桌👍🏻

港島吃貨系列🎏 — 古琴雅苑✨ 男士見家長必到🤣#90cp中菜篇 #90cp灣仔篇➖➖➖➖➖唔知有冇男士見家長嘅時候諗唔到食乜呢😂 去傳統酒樓可能又覺得太old school 但係又唔想有失體面 諗起都覺得頭痕🤢 近排小編就嚟咗呢一間出名食片皮鴨嘅餐廳 位於灣仔利東街附近 無論係地理位置或者係餐廳格調一啲都唔失禮😌 食完飯仲可以去利東街影埋相🤣美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ 烤北京填鴨 (半隻) $185嚟到當然要試吓佢嘅北京填鴨🦆 食主菜之前佢會有個 “一口酥” (其實即係鴨嘅皮) 佢係配砂糖同埋酸梅醬一齊食 食落酸酸甜甜 口感極之鬆化 入口即溶😎 而主角片皮鴨雖然淨係叫咗半隻 但都算多肉🤤 比較有驚喜係配佢嘅酸梅醬加哈密瓜 成件事好清新 酸酸甜甜 食得多都唔怕漏😍 呢個絕對係必叫嘅菜式！🔸 風味松子魚 $238如果你鍾意食酸野 呢碟松子魚配飯啱晒你😌 賣相望落已經好吸引 食落佢個魚都煮得唔錯 而且冇骨食落啖啖肉 酸酸地愈食愈開胃😋 個汁拎埋嚟送飯

記得我媽咪之前講過話想食北京填鴨，今日趁着係佢生日，一家人諗住去食中菜，諗起之前有朋友推薦過呢間幾好食，所以就帶埋屋企人過嚟試吓！😆🐤烤北京填鴨（半隻）$185要講呢度嘅招牌就一定係烤北京填鴨啦，見到呢度嘅擺盤都好有心機，仲特登用一個鴨仔形狀嘅碟裝住，睇落去好可愛。呢度仲會送埋鴨卷餅同埋其他小菜，包埋一齊食嘅話感覺啲配料會蓋住填鴨嘅油膩感，一啖入面有配菜嘅清新同埋填鴨既味道，可謂係必點嘅一道菜！😋😋🐥砂鍋雲吞雞 $168原來佢哋最近宣傳緊《春日尋味 歡聚古琴》既菜單，有二至八人嘅餐單，仲有一啲精選菜式，包括蟹粉豆腐、蟹粉扒小棠菜、東坡肘子丶風味松子魚同砂鍋雲吞雞，見到咁吸引就點左其中兩道。呢個雲吞雞嘅湯底鮮甜有好濃厚嘅雞湯味，而雲吞感覺應該有豬肉同魚肉，見到口感更佳，味道不錯！🥬蟹粉扒小棠菜 $138本身只係諗住點菜食，以為同出面嗰啲都差唔多。但呢碟餸見到好比落足心機！蟹粉偏澀，感覺似羹嘅質地，但真材實料，入面有蟹肉同蟹膏，再配上清淡嘅烚小棠菜，食落去啱啱好！🐟京醬班球 $132京醬原來係一種北方嘅調味，配上炸魚球，感覺味道鹹甜適中，易啲醬味濃郁。呢度嘅班球亦係真材實料，用新鮮嘅魚塊炸

自從發現咗小朋友好鐘意食片皮鴨，我成日都搵有咩好地方食，最後試咗位於灣仔嘅古琴雅苑，真係無黎錯！佢真係捧住個大肚腩走，個樣超滿足，係食咗勁多勁多野！最驚喜係小朋友有得叫兒童餐，仲有畫筆畀佢畫畫添！原來佢地啱啱轉咗新餐牌，主題係「春日尋味 歡聚古琴」，可以單點或者揀選有2-6人套餐。今次我地就叫咗必食嘅北京烤鴨，同埋單點咗當中幾款必點菜式😋！北京烤鴨～鴨肉皮脆肉嫩，呢度嘅配料同醬料比出面有少少唔一樣，最令我驚喜原來夾哈蜜瓜係好出色，味道非常清新，消除肥膩感！鴨件沾上蜂蜜黃梅醬，酸酸甜甜都好好味！另外仲有一小碟一口酥（淨鴨皮），侍應教我地沾上少少砂糖食，酥脆之餘入口即溶！砂鍋雲吞雞～湯頭非常鮮甜，雞味濃郁。蟹粉豆腐～有好多蟹肉，幾鮮味，用黎餸飯👍🏻風味松子魚～係我最鐘意嘅一道菜式，醬汁酸甜，配以菠蘿、松子、青椒、洋蔥，口感豐富，賣相色彩繽紛，食落脆卜卜，小朋友都會鐘意食！兒童餐都一樣豐富，小朋友最欣賞桂花糕，邊食邊讚！呢度環境同坐位都好舒適，仲會有bb櫈提供，啱晒帶小朋友黎！

古琴雅苑 - 古琴拾味北京烤鴨很久沒和家人出去食飯喇，所以今日選了一間京式的中菜館，和家人食北京烤鴨，好好聚一聚，現在還有「春日尋味 歡聚古琴」套餐。古琴拾味 - 烤北京填鴨 半隻皮香肉嫩的北京烤鴨，油分夠、外皮又脆卜卜，用薄薄的餅皮加上哈蜜瓜、自家製蜂蜜黃梅醬、京蔥、青瓜包著，經典的京式味道。古琴拾味 - 風味松子魚 脆炸的松子魚，外脆內裡魚肉嫩滑，再配上酸酸甜甜的醬汁，十分開胃。古琴拾味 - 荷葉杭州雞 半隻 超特別的城方菜，上菜時已聞到陣陣的荷葉香氣，雞肉軟腍得很，很輕易就可以把雞肉和骨塊分開，雞肉嫩口又多汁，超級入味。木桶包菜飯 原個木桶盛著的飯類，炒飯炒得乾身、粒粒分明，而且有底味，加入配料如菜絲口感更豐富。南翔小籠包皮薄餡料滿滿的小籠包，熱騰騰，內裡湯汁溢出。高力豆沙香蕉綿綿口感的麵團包著甜甜的豆沙和香蕉，和雪白的糖粉，滿足的甜點。

同長輩去古琴雅苑食午餐，大家都哋食到滿心歡喜，舔舔脷！春日尋味，歡聚古琴！真係無介紹錯😋地方寬敞，我哋坐卡坐，坐位非常舒適。服務態度一流，而且好細心，值得讚賞。重送咗個兒童餐給仔仔，開心到飛起🎉，食到佢由頭帶到尾😂意大利黑醋骨用意大利黑醋真係令骨排的味道更有層次感，比一般的鎮江醋，口感更豐富，用黑醋真的特別有風味，一般的甜醋感覺較單一，意大利黑醋食起嚟真係唔同啲，惹味又開胃。宋嫂魚羹，魚羹味道好紮實，魚香味濃，羹嘅濃杰度度剛剛好，好滑溜。烤北京填鴨，鴨片非常的脆口，烤走曬填鴨的皮下脂肪，肉質好嫩滑，好有肉汁。最特別之處佢哋會另外上一碟名叫”一口酥”，係鴨胸最脆的皮，真係好脆口食落脆卜卜而且唔會覺得油膩，無得頂，配上薄餅同特色醬汁，真係一流。上海炒年糕，年糕特別煙煙韌韌，而且好軟熟。原來佢哋會將年糕煮時啤水，唔怪得知得咁好食啦。砂鍋雲吞雞，材料豐富，雞湯味濃甜品係桂花啫喱，桂花超清香撲鼻而且不太甜

後補慶祝情人節❤️一貫作風我哋會去中菜館食🥢今次嚟到灣仔依間古琴雅苑，目的就喺食佢個招牌烤北京填鴨🦆樓上店環境都幾闊落，新年期間人潮不算多，店內位置都很多未坐滿，今次我哋被安排去窗邊圓枱， 都幾舒適， 但如果喺卡位會更加理想一坐低就會比碟醃菜你，茶我哋選了桂花荔枝，好清香食咁肥膩嘅嘢啱晒主角就喺依個烤北京填鴨半隻，片剩咗嘅皮都會另上俾埋你，足料👍🏻 填鴨皮好脆口，充滿油香，肉質剛好唔「鞋」；另有齊各種配料（蔥段、青瓜、哈密瓜條、甜醬、砂糖、黃梅醬）捲埋餅皮食🫔我哋仲叫咗金銀炒鱔糊，鱔夠大條，啖啖都食到，配銀絲卷最夾😋另外仲有上海炒年糕，正常表現雖然好飽，但身為甜品控仲有第四個胃😍 香蕉高力豆沙有4粒，剛炸起食落仲暖暖，裡面香蕉豆沙餡都夠滿，好食！ 最後， 埋單時仲會送盒雜錦茶葉，我覺得好清香嘅桂花荔枝，仲可以帶返屋企慢慢嘆

疫情下和限聚關係, 好久沒來堂食, 通常放工買外賣回家吃居多。 上周見同事3月生日人少少就決定堂食, 食番一次新鮮片皮鴨。 我們先叫了有半隻片皮鴨的4人午餐, 包哂加一和茶錢好抵。 因訂座關係, 店送一份醉雞(並不知情的), 4人餐都有醉雞, 變成有兩份醉雞, 只知openice訂有得儲pts。 到食店前剛巧收到分店生日優惠msg, 同老闆傾開, 佢話兩店都有做, 最後同事出示証件証明3月生日, 食完正餐, 老闆又送上每人一個壽包。 最後炒飯和壽包要打包走。 真心好抵食, 味道好, 老闆又友善。

係灣仔想食北京填鴨第一時間諗起古琴雅苑！最正係午市2人套餐$388有烤北京填鴨，🦆散叫$185半隻。另外跟餐有蔥油海蜇拌黃瓜，開水白菜，🫖包茶芥，免加一。另外我地加左個花雕醉雞（$79）。前菜海蜇拌黃瓜🥒味道較平和，冇點落醋，青瓜切得好幼。而醉雞就有驚喜，每件都好嫩滑，花雕酒味突出😋。北京填鴨嘅皮厚脂肪帶脆，用薄身嘅皮包住食，有酸梅醬等等調味，每人食到4件左右👍🏻。呢度裝修好有京菜風味，仲好有新春氣氛，有一邊可以見到師傅㓟北京填鴨，而卡位亦好寬闊。

今年新年假期雖然不像以往熱鬧但還有出去吃了一頓新年午餐應節一下 🧧☞ 北京填鴨鴨皮酥脆 味道也不錯特別欣賞配上哈密瓜既配搭 加上了清新的味道不同醬汁也有不同風味而且還有附上一口酥最脆最香的一口！☞ 藥膳花雕醉雞鍋真材實料 濃郁的雞湯伴著容易入口的藥膳味應該大家都能輕易接受喝下去有舒暢的感覺呢～ 哈哈☞紅油抄手惹味十足炒手比一般的更大隻吃完非常滿足！☞上海炒年糕煙韌控最後還要了炒年糕年糕口感軟硬適中 挺有咬口📍古琴雅苑 (QRE Plaza) (灣仔)灣仔皇后大道東202號QRE Plaza 19樓#lil_wanchai#hkfoodblogger #hongkongfood #hkfood #hkfoodie #相機食先 #hkfoodlover #hkfoodpic #香港美食 #hkfoodporn #hkig #foodporn #hongkong #food #hkfoodblog #hkgirl #홍콩맛집#香港餐廳推薦 #香港餐廳 #食評 #食記 #hkigfood #hkfoodie #hkrestaurant #hkfoodpic #foodiefeature #香港

烤北京填鴨半隻填鴨都夠4個人食，片皮鴨鴨皮好脆，肉質都好嫩，有黃梅醬可以點，我好鐘意佢個醬，酸酸甜甜咁。仲有好多配料，青瓜，蘿蔔，蔥，哈密瓜都有lmao。仲係免費無限任加，幾抵食。覺得大家都可以一試。風味松子魚我好鐘意食松子魚，十分推薦呢度嘅松子魚比大家，條魚炸到脆卜卜，加埋個汁簡直係絕配。送飯一流。重要係起曬骨，啖啖肉，好正。花雕醉雞酒味好香，唔係淨係得個苦味。雞肉都好嫩滑，同都幾入味。嫩雞煨麵見叫咗幾個咁重味既野，所以就叫個清清地既菜。balance翻下。整體黎講都唔錯。南翔小籠包 呢個小籠包嘅被唔算太厚，咬落都算煙韌，同埋入面都有湯汁，入面個餡味道都適中，絕對可以一試。