古琴雅苑 (QRE Plaza)

營業中

休息中

一向中意吃片皮鴨的我們來到這間在灣仔既鴨店試一試，嚐過坊間唔同既片皮鴨，多數都中伏，一係太油，一係鴨臭，一係凍既，但今次唔同，係好食既一開波即點片皮鴨半隻，一個雞絲粉皮，一個金腿奶油津白，一客小竉包。最好全散叫，可簡自己中意既食物（不點套餐，因為有點不岩食，而且貴一點）我們點了分量太多，建議叫多點人一齊share或叫少一二碟菜。雞絲粉皮：正常，麻醬唔太漏，粉皮比較幼。片皮鴨：賣相精美，分量大，另有一碟小鴨皮（太油），配料繁多，最正有哈蜜瓜絲夾住吃，好夾好清爽，鴨肉啖啖濃津白：不錯，建議剪開一點，太大棵，分開會比較容易夾來吃。小竉包：等了45分鐘，蒸過龍了吧，肉咸得濟，搞到醋滴唔滴都得，皮又厚，下次可不叫。最後因為用Openrice book枱，送左2碗糖水（甜甜的糊，幾好飲）食完$500埋單，算豐富，好味，飽肚個人感覺評分：食物味道 - 食物賣相 - 餐廳環境 - 店員服務 - 性價比 -

呢間嘅烤北京填鴨都幾出名！嗰日就同咗屋企人嚟食飯☺️個片皮鴨烤到個皮好香脆 肉質肥瘦適中 好嫩滑 食落好甘香💕再加埋哈密瓜🍈青瓜🥒同京蔥 配埋甜醬捲埋食 真係好清爽 好好食😋

朋友介紹呢間食鴨，話環境靚，坐得舒服，當日先打電話book 位第一道菜，係必食烤鴨，我哋4 個人，叫左一隻鴨，份量都多，有青瓜，哈密瓜，大葱和醬，配料可以任叫。 塊皮好薄，好黏，成日痴住手套，唔帶手套食，可能好啲。第二道菜，雞絲粉皮，啲皮唔會太厚，ok好食。第三道叫左小龍包，普普通通，食落去冇湯汁。第四道叫左松子魚，炸得好脆，太酸，我麻麻地

晏晝好想食片皮鴨，就嚟咗呢間😋😋😋酒糟烤北京填鴨半隻 $188入口啖啖肉，有肉有皮，重鴨油香味😋😋😋 另上一小碟一口酥👍🏻👍🏻👍🏻👍🏻呢一啖絕對唔建議夾嬤嬤皮，咁至係原汁原味😋😋😋無錫脆鱔 $88估佢唔到咁好食，食到脆卜卜，一條條好似蝦條🤩🤩🤩南翔小籠包 $68多汁嘅小籠包，一口一隻啱啱好🥰螞蟻上樹 $85炒粉絲一啲都唔容易，煮得唔好就會癡底，呢個啲汁恰到好處，又唔會太多，每一條粉絲都有掛汁😋😋😋

母親節👵🏻過咗冇耐，話咁快就要踏入六月，係時候準備定父親節🧓🏻食咩啦！同雙親食嘅話食中菜就安全，古琴雅苑主打京菜同滬菜，菜式唔油膩，份量適中，人少少都可以食到多款菜式，而且環境清幽，坐得舒服，幾適🈴️同兩老黎用膳。🌖烤北京填鴨（半隻）$188呢度嘅北京填鴨🦆有純鴨皮同皮肉相連嘅食法，純鴨皮係全隻鴨最厚皮嘅鴨胸位置，半隻北京填鴨只有五件鴨胸皮，店家建議蘸砂糖/蜂蜜黃梅醬食用。鴨皮烤得鬆化無肥膏，配上砂糖口感特別，入口即溶🤩；皮肉相連部份唔會乾柴亦唔會太肥，放於薄薄嘅鴨卷餅上，配上青瓜/京蔥/哈密瓜等配料，加入京醬或蜂蜜黃梅醬，多種配料同醬汁可以配搭出多個組合，令每件鴨卷都可以有微小嘅分別唔會食到悶。以上配料同醬汁均可免費添加，就算放曬所有配料都唔怕去一件鴨卷上都無後顧之憂🤪。🌖至尊拼盤 $198拼盤由五道冷盤前菜組成，分別為花雕醉雞、雞絲粉皮、烤夫、青瓜、肴肉，每道分量少少，食多幾款都唔怕食唔落其他菜式。花雕醉雞表皮偏薄又爽滑，雞肉嫩滑，酒味適中唔會太重；雞絲粉皮醬汁充足，粉皮順滑，雞絲唔乾，如加入清瓜絲加添口感會更好；烤夫入味，味道恰到好處，唔會過鹹；青瓜爽脆，外皮唔會巉口；肴肉晶瑩，果

片皮鴨半隻🌟🌟🌟你間嘅片皮鴨係小編食過最好食嘅，淨係食鴨肉已經感受到好香濃嘅鴨膻味。佢哋嘅烤北京填鴨師承北京「全聚德」，選用上乘北京填鴨，以傳統掛爐烤製，烤鴨新鮮出爐， 鴨皮真係燒得好香脆，冇多餘嘅油脂。小編鍾意將鴨皮沾上少少砂糖食，好似一個小食咁，油酥脆甜，集於一身。片皮鴨伴隨着唔同嘅配料，全部都係任添嘅。當中包括有一半嘅青瓜絲同埋哈密瓜絲。比較驚喜嘅係用哈密瓜嘅清甜爽脆可以完美中和片皮鴨嘅油膩感。東坡肘子另一個特色菜都係必點嘅！豬手真係非常軟腍入味，只係用輕輕力就已經可以骨肉分離。豬皮有厚度同時充滿滿滿嘅膠質🌟食落好黏口🥰骨膠原爆發！東坡醬汁濃淡適中，同豬手好相襯帶子賽螃蟹🦀️非常喜出望外嘅一道菜！一上菜已經聞到好強烈嘅蟹味😂真係冇誇張到！味道就係鮮甜嘅蟹肉同埋帶子配上蛋白👍🏻非常真材實料，唔會過分油膩，淨食同配飯食都一流上海小籠包皮薄多汁，做到一半小籠包嘅水準，不過不失腰果露腰果先炒香然後將磨碎，所以食得出腰果嘅堅果香，不過糖水黏稠度較稀，如果鍾意食稠身嘅就未必鍾意啦「雙親節 淮揚美饌頌親恩」餐牌除此之外佢哋仲有呢一個套餐，有二人四人六人八人同埋十二人餐大家都可以去試吓古琴雅苑 (

最近好想食片皮鴨，上網搵到呢間古琴雅苑好似幾正，所以去試下。叫左半隻北京填鴨、意大利黑醋排骨、無錫脆鱔。北京填鴨半隻HK$188佢呢個係連肉上，平時片皮鴨就只食皮，所以比起我想像中多肉食好多，睇落半碟細細但我足足食左兩籠麵皮先包得哂！半隻鴨全部起哂肉，HK$188感覺上好似都唔貴！叫半隻鴨就會有一籠鴨卷餅，大約數過好似10塊左右。如果食哂都唔夠，可以再叫HK$38一籠。鴨肉好厚，皮唔多脂肪，肉好腍，幾好味！佢有6款配料，包括酸梅醬、甜醬、砂糖、青瓜、哈蜜瓜、京蔥。呢6款都可以無限追加，所以我就點一籠餅皮都唔驚無配料可以夾，超正，可以夾勁多料唔駛慳住食！我鍾意傳統食法！沾上甜醬青瓜京蔥，好味！朋友食法係青瓜京蔥再加甜醬砂糖，極甜。意大利黑醋排骨 HK$98我個人覺得太甜，醋味唔強，甜多過酸，似甜醋味。排骨炸到脆身再沾上甜醋，係幾開胃，但我叫左幾樣都係偏甜，搞到好漏......無錫脆鱔HK$88估唔到佢係一堆炸到脆嘅鱔片，又係醬油+糖漬，偏硬身，好脆口，但又係好甜，所以話我唔小心點左3味菜都係甜的，搞到好漏..............食落好似醬油糖漬小食，鬆脆，唔似主菜食品。最後再叫左紅糖

男朋友話想食片皮鴨，收工去咗古琴雅苑北京師傅駐場，即場燒片皮鴨，感覺正宗啊！餐廳環境寬敞 古色古香嘅風格 坐得幾舒服北京菜上菜之前會有餐前小碟，酸蘿蔔或者鹹香花生🥜烤北京片皮鴨兩個人只係叫咗半隻嘅北京填鴨 $188口感外層鬆脆 肉嫩多汁 而且半隻嘅份量都好多除咗包住北京填鴨之外，仲有一口酥🤤係燒至脆身嘅北京填鴨脂肪層皮沾砂糖食 入口即溶！真係好邪惡啊片皮鴨可以自行加蘿蔔絲、哈密瓜條、京蔥等等除咗有片皮鴨醬之外，仲有黃梅醬酸酸甜甜，可以中和油膩感南翔小籠包 $68小籠包皮薄多汁，一咬開，湯汁流晒出嚟師傅好細心將蘿蔔皮放喺小籠包底夾嘅時候冇咁易穿🤣蟹粉撈麵 $168好多蟹粉蟹黃醬啊🤤將上海麵拌勻，非常掛汁而且蟹粉汁鮮味濃郁，食得出鮮甜嘅味道😋

限聚令終於漸漸放寛可以帶屋企人出街食好西！職員推介咗呢個期間限定嘅「雙親節 淮揚美饌頌親恩」餐牌裡面啲嘢都好岩我哋口味所以幾個餸我哋都係叫呢個menu嘅🤓🔸烤北京填鴨（半隻）$188嚟到第一樣點嘅緊係片皮鴨啦！鴨皮香脆酥化 肉質軟滑 好食！而且呢到配嘅烤鴨配料非常豐富～除咗蔥、青瓜、仲有哈密瓜微甜夾脆配酥香嘅片皮鴨包埋餅皮食非常夾～仲有一份要即食嘅「一口酥」配蘸著秘製的蜂蜜黃梅醬同砂糖好邪惡但超好食！！🔸至尊拼盤 $198花雕醉雞、青瓜蝦乾、四喜烤麩、雞絲粉皮、楊州水晶肉拼盤真係岩曬眼闊肚窄嘅我哋！特別推介係醉雞，雞肉滑酒味又唔會太重每樣前菜都可以試少少又唔驚太飽～🔸蟹粉蓋飯 $198蟹粉嘅份量super generous!!!蓋過曬炒飯底仲有多！蟹粉醬裡面有好多蟹膏蟹肉每啖炒飯都撈到蟹粉醬炒飯嘅質感一粒粒係我哋鐘意嘅口感🔸羅漢凍 $38雖然已經好飽，但都好想試下呢個啫喱最後真係冇失望！好重羅漢果味好正！配埋桂花蜜，完美完結呢一餐💕🔸玫瑰荔枝茶平時食中菜我都係飲水但呢個茶又幾好飲微酸嘅玫瑰味好開胃

屋企人鍾意食粵菜，知道古琴雅苑呢度出左個「雙親節 淮揚美饌頌親恩」既主題菜單，帶兩老黎食餐好既慶祝下雙親節❤️因為好多款小食都想試下，頭盤就叫左雙親節淮揚美饌既至尊拼盤～五道小菜有雞絲粉皮、水晶肉、烤麩，醉雞好滑好入味，刀拍青瓜睇落普通但食落出奇好味～有驚喜！呢度出名北京烤鴨，3個人叫左半隻試下～上枱已經好吸引，用隻鴨狀既碟鋪番d鴨片擺得好靚！仲附送左個一口酥，係好香脆既鴨皮，加d砂糖食好香口🤤包鴨既配料有我最鍾意既哈密瓜，配料同醬料仲可以免費加添，最貼心係d面皮每塊都用牛油紙隔開，唔會痴埋一堆好易拎👍屋企人鍾意食魚，係酸菜魚同松子魚之間揀左考功夫d既松子魚～條魚好大條，魚身起左骨炸到外脆內軟，啖啖肉唔怕哽骨😋最後叫左桂花糕做甜品，清清地換個口感，解解食完烤鴨既油膩感。呢度無論野食、環境同服務都唔錯，值得一提既係佢地既荔枝玫瑰茶好好飲，有別於平時酒樓叫到個d茶，好有荔枝香氣，好推薦👍

🌸古琴雅苑📍灣仔皇后大道東202號, QRE Plaza, 19 樓今日出開港島做物理治療順便搵個喺中環返工既fd食飯 好耐冇食片皮鴨 揀咗一間食正宗北京片皮鴨嘅古琴雅苑👍👍就算平日lunch time都全場滿座 即刻叫咗半隻北京片皮烤鴨 烤鴨新鮮出爐 皮脆肉嫩 而且配料比一般都多 竟然有哈密瓜 出奇地夾 而且配料唔夠仲可以叫侍應加添😁😁而最特別係有一個叫一口酥 鴨嘅面豬登部分 油脂非常香 好好味!!!😍😍我哋叫咗一個拼盤 裏面有花雕醉雞 我最鍾意食嘅雞絲粉皮 豆腐雲耳 蝦乾拍青瓜 同埋水晶肉 全部都好入味 又唔會膩!!!😊值得一讚 係佢哋個桂花烏龍茶 有淡淡嘅桂花香 而且就算沖幾次都好濃郁 好有茶味😙而最後我哋叫咗一個桂花湯圓 落雨天配合一個充滿薑汁味嘅桂花湯圓真係一絕🥰👍👍👍嚟緊就嚟父親節 佢哋就有個頌親恩美讚佳餚 套餐價好抵食 可以帶父母親們享受一下😍😍

裝修好古色古香，同店名一樣咁典雅，第一印象唔錯！👉🏻烤北京填鴨(半隻) $188先食一口酥，即係鴨嘅面珠墩，點砂塘食，入口即融，鴨油香太正！烤鴨片厚薄均勻，外脆內嫩，用鴨卷餅包住青瓜、京蔥同哈蜜瓜，真係絕配！👉🏻砂鍋雲吞雞 $178份量好多，要以裝到7碗，個湯好濃郁，吸收晒雞肉嘅精華，連津菜都超入味，高水準之作！👉🏻至尊拼盤 $198擺盤好靚，最中意係雞絲粉皮、醉雞，仲有揚州水晶肉，全部都好好味！👉🏻帶子賽螃蟹 $138非常白滑嘅蛋白，再加一絲絲嘅蟹肉同瑤柱，一片片帶子，好鮮味！👉🏻南翔小籠包 $68共六粒，皮薄餡靚，多汁，正！👉🏻高力豆沙香蕉 $58炸得非常香口，熱辣辣，微甜嘅豆沙餡同香蕉，真係好夾！茶芥每位$13，桂花烏龍茶非常甘甜，好推介！見到有「雙親節 淮揚美饌頌親恩」套餐，好似都好吸引呢！

我同屋企人久唔久都想食北京填鴨🤤如果大家行開灣仔～又想食北京填鴨嘅話😚我會介紹大家去古琴雅苑🤓個度環境幾舒適😜未有疫情之前～枱與枱之間都有一定嘅距離☺️講返主題先😌呢隻鴨不得了～塊皮香脆，肉質唔會好嚡，又唔會過分油膩😇隻鴨未到之前～先會食到一口酥🤩係一塊特別酥脆嘅鴨皮黎嘅！點砂糖食～一口都係甜甜嘅鴨油香🤪過癮！隻鴨就用煙韌嘅薄餅包埋京蔥、青瓜、哈密瓜、填鴨醬一齊食🤩非常滿足！想就咁食可以點蜂蜜黃梅醬😉就好似平時食燒鴨咁😌另外呢度嘅砂鍋雲吞雞都幾好味😋兩個人去食嘅話～半隻填鴨加一鍋砂鍋雲吞雞啱啱好☺️食鴨食到有啲滯嘅時候😚可以飲啖湯，食條娃娃菜，食下雲吞咁😜爽！仲唔夠喉就食埋鍋入面啲雞囉🤣P.S. 試過銅鑼灣分店～始終都覺得灣仔分店整體上好食啲🤭古琴雅苑 (QRE Plaza) (灣仔)灣仔皇后大道東202號QRE Plaza 19樓

跟家人去了，提早預訂了餐廳，但是服務員好像沒有收到該訂單一樣，還安排了4個人坐一個很小的台，點的菜都不夠位置放，一次差的體驗。希望能改善一下，明明有大的台但是也不安排。

母親節當日訂了下午6點攞外賣，準時5點30去到等，5點45有外賣出，結果等到6點50分先有！仲要一路等，遲過我哋啲外賣都出哂，都未到我攞得，6:30個批都攞哂！問個經理都係話執緊執緊，執左20分鐘都未有，仲同我講話有做嘢，話催左！出唔到單唔好接咁多啦，即日訂OpenRice 既仲早攞過我，我已經提前訂！真心差，外賣7-8人餐份量超少，醉雞得4舊，牛肉得幾塊，所以糖水得4分一！仲加左錢要多一隻鴨！ 份量都超級少之前去過堂食所以先今次幫襯外賣，冇諗過差到咁，不會再幫襯！亦都不會再推介朋友去食，食北京填鴨食返金滿庭更好！ 永遠black list!