古琴雅苑 (QRE Plaza)

營業中

休息中

真係超級失望，咩事個片皮鴨可以咁難食。我地叫一隻片皮鴨，落左個時個侍應話烤鴨要等15至20分鐘，唔夠5分鐘，北京填鴨已上檯，但點解咁少？ 得一碟？ 我地叫一隻喎。侍應話另外個半邊仲切緊，要等陣上。當時已經心知不妙，一食落去，皮係淋晒，已經唔熱。問佢點解，佢話片皮鴨唔會熱，問我地明唔明？ 唔明呀，就係唔明先問你點解，你問返我明唔明？ 真係我食過最難食既片皮鴨，仲話出名？ 到底話好食個d 人， 係以咩準則？成碟片皮鴨肉又硬，痴線。真係好難食。

好耐冇食片皮鴨，放工都同事去食！先點茶，有玫瑰荔枝茶！啖啖既玫瑰味再夾雜荔枝香氣，清新 好飲～古琴酒糟烤北京填鴨半隻店員介紹師父把酒糟放進鴨身，鴨會更香～配料好豐富，有青瓜、京蔥、哈蜜瓜、烤鴨醬和蜂蜜黃梅醬，唔夠仲可以refill！鴨脆身，油香肉嫩， 啖啖肉，連埋卷餅皮一齊食，好滋味！份量好足，三個人每日分到３—４件～另外仲整成一口酥，鴨胸皮趁熱點白砂糖食，人口即溶！蟹粉蓋飯呢個真係大堆！面頭鋪滿蟹粉蟹肉蟹黃！！飯底有蔥花、蛋、毛豆，撈埋黎食真係好食！啖啖都食到蟹黃味😋

叫了個二人套餐,食物質素不錯, 包括半隻北京填鴨, 頭盤, 餛飩湯, 四季豆和炒飯, 最後還有甜品, 所有食物都屬於中等之上. 雖然只是半隻北京填鴨, 份量已很多, 填鴨的配料非常足夠和不錯, 頭盤有兩類, 包括水晶肉和雞絲粉皮都做得很好, 四季豆也是中上之作, 連最簡單的炒飯也做得很好, openrice訂枱送的腰果露也幾好, 座位安排也算舒適, 枱與枱之間的距離還算可以, 餐廳的衛生也算不錯, 唯一美中不足的就是賣單不能用OpenRicePay.

星期六嘅晚上同兩位朋友一齊去尖沙咀嘅呢間古琴雅苑~上到去真係座無虛席 非常爆場🧚🏻‍♀️🧚🏻‍♀️好快 店員就安排咗我坐窗邊嘅卡位🫶🏻🫶🏻卡位嗰邊就比較鬆動~望過去完枱就好似迫啲啦👯‍♀️👯店內氣氛都比較熱鬧 所以講嘢都要大聲少少😂不過有唔少人揀呢間舖頭慶祝生日🎂而且佢哋都唔收切餅費所以同一家大細或者長輩慶祝生日呢間係幾好嘅選擇！🍰講返今餐嘅重點！烤北京填鴨$368-全隻🦆本身睇落份量好似唔係好多咁但係其實都食得好夠食！首先餐廳提供嘅配料同埋醬汁都有好多！有酸梅醬、甜醬、砂糖、青瓜、京蔥、哈密瓜……第一次見食北京填鴨會配上哈密瓜🍈不過識落甜甜地都幾夾！另外佢哋配料唔夠個可以再添！之前有食過其他嘅北京填鴨佢哋嘅皮會比較乾而呢度就冇呢個問題每塊皮都會用紙隔住所以完全唔會黐埋一齊🤏🏼包嘅時候每塊皮都保持濕潤度💧💧💧鴨切得都好好！唔會「散修修」☝🏻鴨皮非常香脆 呢個價錢食到呢個質素嘅扁皮鴨真係幾抵！😋😋另外我哋仲叫咗其他嘢食~呢個小籠包見好多人都會叫🥟但係嚟到就覺得味道普普通通啦🤧🤧同一般茶樓差唔多除翻開都要十幾蚊一粒㗎🥹不過有一個細心嘅位就係 每一個小籠包下邊都會有一塊蘿蔔墊住🤲🏻咁就唔會有因為塊

幾日前係OpenRice 訂咗個8人餐外賣自取，約星期日晚上6點鐘取貨，6點05分見OpenRice app入面轉左做已經攞得，咁我6點20分上到去餐廳拎，點知個侍應同我講未做好等一等，如是者6點半6點40分6點45分都分別追唔同侍應佢哋靜係識講大話一個就話就快整好，問佢幾點就話再等一等，我追一追一個就話今日full house 所以慢左一個就話頭先煮錯左，要補做一個就話OpenRice app個顯示係自動轉，唔代表真係整好左大佬，我訂6點拎就係要避開餐廳忙嘅時間，大家好做，晚市未忙就做定外賣先，定係廚房落左場唔肯早開工，你可以早啲打俾我講，做錯左碟菜嘅話，我見堂食客啲菜係咁出，咁點解唔做我個碟先。總括來講，食物質素正常，無食評講到咁好，偏細份，最差係成班侍應係度講大話hea你，買咁多食評同like，唔係真材實料嘅餐廳，浪費客人時間。另外見到堂食位好窄，堂食都免了。

間唔時忽然就會好想食片皮鴨，今次趁平日收半日就去古琴雅苑平日lunch 易d book 位仲有折添！亦有推出夏日嚐鮮套餐。叫半隻試下～ 烤北京填鴨 半隻$195 片皮鴨分左好多派別，呢度每片都會有肉跟皮，所以肉佔比例會較多，另附一碟鴨酥～ 包入去片皮鴨內脆卜卜滿口油香！配料亦較講究，有哈密瓜砂糖等7碟值得一讚係即使凍左，都一樣好味，無皺、唔脆等等情況～花雕醉雞 例$85酒香唔會過濃，雞肉有彈性南翔小籠包算鮮嫩多汁，美中不足係痴埋左一邊，拎起時皮好易爛擔擔麵 湯底有超濃郁花生香，掛湯力強。

一行六人於13/8到灣仔古琴雅苑食生日晚飯,一去到分配了六人卡位座,侍應已講明是用餐時間兩小時,兩位粗聲粗氣講唔鹹唔淡嘅廣東話招待,叫了一個六人套餐,但上菜次序十分混亂,連飯同甜品都上埋,坐了個半鐘到最後才上烤北京填鴨,上到枱仲凍晒添,D鴨又無味,之後一路食,阿姐一路執枱,又要邊食邊埋單,問心講其他食物嘅質素都尚算可以,如意大利黑醋骨及密汁燒火方配荷葉包都好食,但感覺好似去咗茶餐廳一樣,又要畀侍應催枱,侍應服務如茶餐廳一樣,以380蚊人均消費,可以有更多嘅選擇,感覺不好,唔會再有下次幫襯!!

地方舒服, 座位及餐桌都夠大. 半開放式的廚房, 可以看到廚師們如何處理食物, 這可以增加客人對餐廳衛生的信心.燒汁鐵板野菌牛肉 (138$)份量正常,一開始睇落去覺得好似無咩特別, 但食落先知入味得好緊要, 牛肉同菇都非常入味, 一般餐廳通常係牛肉無味反而外面汁有味, 姐係點汁食咁樣, 今次呢道菜係個牛肉本身都好入味 不需要點汁都好重味. 所以係d汁已經入晒肉入面.烤北京填鴨全隻 (388$)作為招牌菜必點, 份量算多我覺得夠4人食如果全隻, 如果2人食我建議點半隻.佢有d瓜之類雜菜可以包住黎食, 口感會清新d可以中和鴨多餘的油味.當然都可以就咁食, 味道都唔錯, 外皮偏脆鴨烤得比較香, 肉味都重, 唔需要點太多醬都可以. 餐廳有另配甜酸醬,但我喜歡不點醬食, 原汁原味.蜜汁燒火方 (198$)燒火方係我眼中姐係類似金華火腿既食物, 因為味道比較相近. 口感算係爽口帶小硬, 本身味道很重所以餐廳有配荷葉包夾住黎食, 會可以中和返太濃既味, 我建議係配埋荷葉包食, 比較好食.值得一提係佢既荷葉包本身都好好味, 口感上鬆軟, 本身帶小小微微香味. 2種食物十分夾.花雕醉雞 (85$) 湯

生日月梗係瘋狂食生日飯，今餐食我另一至愛片皮鴨☺️☺️烤北京填鴨(半隻)片皮鴨唔會切得太厚或薄岩岩好，最重要係啲肉唔會烤到乾爭爭！鴨皮香脆，上菜時會另外有一小碟鴨皮，待應姐姐教我哋點砂糖食，入口即溶！除咗一般嘅片皮鴨配料青瓜、京蔥同甜醬外，仲有哈蜜瓜同特製嘅蜂蜜黃梅醬，口感相當豐富仲可以帶出鴨香，而哈蜜瓜嘅清甜令到整體冇咁漏😋 最抵讚嘅係每塊餅皮都有用紙隔住以免痴埋，幾貼心！☺️古琴酸菜魚 (每位)一坐低就見到佢新推出「夏日嚐鮮」set menu，懶得諗食咩最岩食呢啲，但份量好似都唔少，所以我哋單嗌兩位份量嘅酸菜魚，原來係咁樣一碗上🤣 魚嘅份量比想像中多，肉質仲要夠晒滑，湯底亦好夠麻同酸🫣南翔小籠包皮唔會過厚，仲要一咬即刻爆汁🤤要記得小心熱😂招牌擔擔麵🍜個人幾中意呢款麵，夠彈👍🏻但花生味可以再重啲會更好！

古琴雅苑最近推出夏日嚐鮮套餐，有多款開胃菜，最近天氣熱，胃口不佳，一於試下！當中的烤北京填鴨師承北京「全聚德」，烤得皮脆肉嫩，師傅即席片鴨，特別有食慾一定要先食「一口酥」每隻鴨只有一小碟，加糖食口感特別酥脆，烤鴨配上清新的青瓜、京蔥及哈蜜瓜，配秘製的蜂蜜黃梅醬或者京醬，以餅皮包裹，口感豐富燒汁鐵板野菌牛肉 牛肉鮮味，燒汁加上洋蔥，令牛肉添甜味，鐵板保存到溫度，食落特別惹味和嫩滑。風味松子魚魚肉切好，炸得外脆內軟，酸甜醬汁，令胃口大開，加上松子，更添風味~店內環境寬敞，乾淨企理，職員細心又有禮，下次再嚟！

花雕醉雞同出面茶記差唔多。。。限時兩個鐘，食得比較趕。加上舉手好耐都冇員工主動回應你整體嚟講，服務質素差、環境淺窄、又嘈雜，咁嘅價錢，食茶記嘅質素，冇下次。佢哋一晚做兩場，所以啲員工都比較趕，根本唔會有時間幫你加到茶，或者睇到你舉手。中呢個價錢唔抵食。

今日收工同屋企人去左位於灣仔嘅「古琴雅苑」食烤北京填鴨😋好耐之前已經食過一次，好想再encore好耐啦！今次就帶埋屋企人一齊食😋夏日嚐鮮套餐(四人A餐)松花皮蛋拌豆腐雞絲粉皮花雕醉雞烤北京填鴨(半)宮保雞丁津白雲吞湯風味松子魚金腿濃湯煮津白古琴鹹肉菜炒飯杞子桂花糕今日主角當然係北京填鴨啦！熱辣辣嘅超薄皮 包住鮮嫩多汁嘅填鴨皮連肉，一食入口真係一種享受😎之後就要提下個風味松子魚，酸甜嘅汁，好開胃呀！條魚仲啖啖肉😋正！

古琴雅苑主打江浙菜，喺度我哋品嚐咗以下美味食品。"烤北京填鴨"啲配料，有京醬，青瓜仔，京葱還有白砂糖，黃梅醬，最驚喜係竟然有哈密瓜，而餅皮好煙韌，好薄，但不會黐埋一齊，因 餅皮與餅皮之間有了張紙隔住，非常之抵讚。而上半隻鴨之前先上一小碟鴨皮，真真做到入口即溶。“涼瓜炆鴨架”，涼瓜脆脆哋又苦苦哋，配埋鴨架又係另一道美食，二者好搭。“南翔小籠包”，皮薄餡靚，又有D湯汁，幾好。“花雕醉雞”有濃郁花雕酒味，未食已醉，D雞皮亦好食，不會油膩。“揚州水晶肉”和“金銀炒鱔糊”都係久違的江浙，滬菜，份量頗多的水晶肉味道適中，入口舒適； 炒鱔糊的鱔肉絕不含糊，份量亦勁多，我同朋友都食到舐舐脷。

古琴雅苑相信唔少人都聽過食過，佢地嘅片皮鴨皮香脆肉嫰，而且切法皮少肉多，食落減少油膩感，加上配料設有哈密瓜柚子醬，非常獨特（配料任加），實在非常美味！除咗必食嘅片皮鴨，現時仲推出緊「夏日嚐鮮」餐目，有2-12人餐，亦有單點的精選菜式，當中有酸菜魚，叫左一個例嚐嚐，魚肉無骨嫰滑，配以大量酸菜及少量粉皮，味道清而麻，連啖湯都好好飲😋另外小籠包皮薄多湯，夾嘅時候要小心啲，想講下面墊底舊紅蘿白好甜，都好好食😋呢個一定要襯熱食，個皮凍咗就會變硬，如果未食最好用個蓋冚住先，保持濕度。花雕醉雞普普通通；津白鴨架湯熱好飲，但凍咗極咸😂；最後要講嘅係無錫脆膳😍非常香口香脆，炸到完全冇骨，甜甜地，好似食零食咁，實在太好食，不自覺一口又一口地吃。價格：茶芥（$13/位）餐前小菜（$16）古琴酒糟烤北京填鴨半隻（$199）古琴酸菜魚（$288）例南翔小籠包（$78）花雕醉雞（$85）無錫脆膳（$98）津白鴨架湯（$125）例

📍古琴雅苑Zither Garden @zithergarden近期好想食京菜 但係又想搵啲性價比高啲嘅餐廳~ 所以就同朋友嚟咗古琴雅苑🫶🏼❤️人均Around $100-200! 味道唔錯 想同大家分享吓！(///▽///)🐔雞絲粉皮 $75平時食上海嘢都會嗌嘅雞絲粉皮😚今次都唔例外 其實都幾足料 雞肉同埋青瓜都比起平時出邊多！🤪同埋胡麻醬偏重口味同濃味！重口味嘅朋友仔可以試一試！🫶🏼😚🍚雪菜肉絲炒年糕 $89通常食炒年糕都係食上海炒年糕 不過今次就叫咗雪菜肉絲炒年糕 味道偏向淡同清淡少少！(｡･ω･｡)🦆北京填鴨 (半隻) $188北京填鴨半隻嘅份量都已經好多 我同其餘三位朋友食都覺得okayy! 🫶🏼🦆不過食到最後發現唔夠皮包 所以可能你哋去食嘅話 可以一次包兩三塊入去個皮到🤣🤣🤣tmi添🥟小籠包 (6件) $68小籠包質素同出邊一樣~ 不錯！不過性價比比起出邊好似低啲(///▽///)大家自己衡量下！加埋茶芥之後total $519❤️四個唔係好肚餓嘅女仔覺得okay! 我諗如果你哋再嗌多少少嘢食都係人均around $100-200!🤪💋好似都有幾間分店！你哋可以book返指就腳