古月

營業中

休息中

走進這名字頗為古雅的餐廳，給人的感覺卻是很新穎及親切。這個枱墊完全表現了現代感。這一對胡椒及鹽樽又不失優雅的一面。不過這些放在枱上的波子卻又很有趣，完全跟食無關，卻放在枱的正中央。雖然不是佔了很多地方，卻是在第一眼及經常看到的位置出現。前菜的第一款是辣魚蛋。細細粒，不算辣，然而吃不出魚味。有點遜色。另一款前菜就很不同：炸雞翼。單看外表已知道有多惹味，味道也真的很好，加上外脆內軟，真不錯。主菜是咖喱雞飯，是經典的東南亞菜色，而也沒有失望。咖喱味香又不會太辣，而雞肉也十分柔軟，加上薯仔更是一絶。最後來一杯班蘭味拉茶。班蘭味很淡，而奶茶較甜，不太懂欣賞。

肉骨茶的藥材味道不算很濃，頗易入口；排骨肥瘦適中（個人喜歡偏肥的排骨，落單時可告訴店員），湯裡還有原個蒜頭，比較少見，很容易便送了一碗白飯。環境和服務俱佳，只是地點比較難找一點。

黎到哩間店既最大原因就係因為我家姐就住隔離，拎外賣上樓方便快捷。而且門口又張貼好多飲食雜誌訪問過既資料,所以就把心一橫一入就講:要個辣椒板麵拎走，點知佢話店舖整係辣椒板麵吾可以拎走，我就唸好耐，最尾都係决定叫辣椒板麵。因為店舖既人員同我講驚拎走會令麵張著，影響食物味道。 圖中見到店員會比一罐辣椒醬比自己添加辣度，令喜歡辣既我極其開心。另外魚乾仔都為辣椒板麵加上更豐富既口感。 但係當我食到底既時候就發覺好多油係底，個人認為店主可以落小d油。$48蚊一個咩肉都冇既麵，抵吾抵真係見人見志。我就覺得食一次就夠，另外佢加送個個湯只係胡椒加水既混合體，我個人認為一般般。 不過店員服務態度好好，令我感覺好舒服。

Happy Friday永遠係整個星期最開心的一日，心情靚*^O^*胃口好♡約下朋友仔食午餐最好不過，朋友介紹呢間古月，星馬菜，話好好味。好在黎得早，即時有位，午膳時間人多，搭檯係理所當然！叫左兩碗滷麵，兩杯熱拉茶。講番店的裝潢，好有魄力的感覺，皆因牆上畫滿了很多可愛的畫！全部都古靈精怪，係等待食物同時，可以欣賞下，人都快樂起黎！面到了，有一隻雞腳，鹵豆腐，鹵肉三小件，鹵蛋半隻！面好似用粗身油面，但呢隻面冇油，冇咁肥，鹵肉有幾層，肉腍，皮冇豬毛，至愛collegen♡♡所有材料很入味，雖然係鹵面，但是不鹹，輕微的甜，好滿足！拉茶比我之前感覺係超級甜，因為去過馬拉飲過！印象麻麻……誰不知呢杯小小拉茶，合我心意，有奶泡，有點綠色物體在上，不深究……喝一口，完全對拉茶改觀！重奶味，有丁丁澀味！不是好澀，係調較得幾好*^O^*

其實黎過古月食過2次晚飯，上2次經驗都吾錯，今次竟然有新菜式，好食到要同大家share。之前都覺得古月個menu選擇比較少，成班朋友黎左2次已經試左大部分菜式。「肉骨茶」同「辣椒板麵」，冇得頂，特別辣椒板麵，香港好似得呢到有得食（食後google過）, $48，值得一試。講返今次個重頭戲，本身今晚係想再會一會「辣椒板麵」，老闆娘話有新菜式，多左好多小食之餘，仲有「Nasi Lemak」,鬼識Nasi Lemak係乜咩，老闆娘解釋係「椰漿飯 」配有江魚仔同炸雞亦。有新野當然試新野。椰漿飯一出，嘩， 賣相相當吾錯，碟上先放一大片荷葉既物體，先再放食物。個白飯超香椰子味，不過本身就冇甜或咸味，但只要撈埋個醬（吾記得問係咩醬）夾埋個魚仔同花生食。。。。。冇得頂。。一淡接一淡食，停吾到。個炸雞亦都吾錯，超愛。有個示意: 個醬係辣既，加上炸雞亦，「Nasi Lemak」算係比較熱氣，但都吾會阻到我再黎食。

第一次黎食 晏就兩點幾唔算太多人 即刻有位 試左個咖哩面同三色奶茶 個湯底好香 辣度適中配埋啲海鮮同鴨肉絲幾好食 三色奶茶好特別 本身以為用椰糖會好甜 但飲落又岩岩好 又香又滑值得一試 下次會再黎食試埋個辣椒板面同其他野

早兩日原本打算去同一條小巷內嘅牛肉麵，點知佢哋沽清湯麵，咁啱行前幾步見到有間新餐廳，就入咗去試試喇~(此店不設下午茶時段呢,兩點半好似係截單時間)裝修比我感覺唔似係北角內嘅一條老街，裝潢有d似soho區小餐館呢！牆上壁畫配合返餐廳嘅星馬主題同食物，幾有心思，而壁畫我估係畫上去，因為近門口仲有一隻未完成嘅蒜頭公仔(lol)招牌麵喺撈麵嚟嘅，麵質唔係爽身嗰種，軟軟的，食落有種油渣麵嘅油香包裹住，加上半生熟嘅旦汁，食落口麵條會變得滑身d,再加少少付上嘅湯，食落無咁漿口，很不錯呢！咖哩麵麵質似我地平時食開嘅油麵質地，湯頭濃郁，配料有小蝦，魷魚等，配埋一勺有少少鹹香嘅辣椒油，辣度適中食落更香口。咖啡奶茶咖啡同奶茶喺杯邊都有灑上糖霜，杯中綠色嗰d(我估係咖央)所以等一下有d好似過甜，不過再飲落去其實裡面唔會太甜，啱啱好~我個人認為奶茶好飲d😊PS: 成間店個氣氛好舒服，店員都好nice呢~ 

第一次寫食評亦不得不寫，雖然owner去過好幾次新加坡，马来西亚，好希望owner睇到呢篇食評會改進，不妨再去多幾次新马。無影到餐牌，裡邊确係好少选擇，大多数都係新加坡既飲食，马来既飲食就得幾款咋飲呢杯Teh Tarik(拉茶=拉奶茶，但味道极其量有d似港式奶茶)似飲紧港式奶茶，owner可以係吉隆坡或鄰近既mamak檔(妈妈檔)飲到香滑既Tea tarik我係为呢碗辣椒板麵而黎，更希望俾呢個价錢可以食到食開既味道，结果只可以話止到渴。干辣椒酱仲有好大既進步空間。本应係苟紀湯係可以中和返食辣椒既燥热，但唔係人人都鍾意個陣味...我想可能係呢個原因而變化为胡椒粉湯...係香港食咖哩我都唔報乜希望，心想呢度係專食星马菜既，點知試落都係失望。其實味道尚算有d新鲜感，始終同平時係食到既咖哩唔一样。而我失望既係個餐牌寫明Mr.Lee咖哩雞，应該係chinese recipes，點解會變左马来既印度人煮咖哩既口味??? 有機會去马来既妈妈檔食印度煎饼(roti canai)，指定要咖哩酱汁(印度煎饼既配酱之一)。總之試過就明。新加坡肉骨茶我見到有人寫話唔好食話係飲紧胡椒湯或湯底唔係食過個款，事实係

炸雞同辣椒雙丸都麻麻，兩樣野各廿幾蚊 我同友人都不喜歡這個肉骨茶，胡椒味搶掉了所有味道。。這個肉骨茶味道跟以往飲過的都不同。。個招牌麵都是一般。撈左後感覺太黏。。。但個辣椒味幾香。。餐廳提供的辣椒辣味剛好食左咁多野。都只覺麻麻，只會推薦這三色奶茶，價錢30蚊，但茶味香濃，花奶比例剛好，入口很滑很香，茶味也停留在口腔，強烈推薦!!!!

香港好少地方有肉骨茶，見新開咪嚟試下，住開北角既好容易會搵到！ 晚上冇餐要散叫，一人一個飯+餸 每人一百蚊唔過份！但份量係晚市嚟講就.... 同埋個肉骨茶同我去沙巴嗰時飲嗰個差太遠了，一個充滿藥材味道而呢個就充滿楜椒！ 而咖喱淨得個辣字！應該唔會吸引我再過嚟了！

在北角發現一間明星食堂。 我order 左肉骨茶, 三色奶茶...,好好食!!!肉骨茶有好淋的蝴蝶腩, 好香的胡椒味, 用來送饭真係好正。 三色奶茶好滑, 好似係拉茶.... 比茶歺廳奶茶的茶味一d都唔輸蝕。下次我想試下d咖喱麵...

無意中在雜誌上看見介紹呢間星馬餐館(古月) 諗住搵日去食午餐，幾日後看見報紙上又再介紹(古月) ，所以急不及待地去左(古月) 食午飯！Order左個set lunch古月招牌肉骨茶：湯底味道夠濃夠熱又夠辣，排骨大大舊又淋又甜又好味！加18元轉飲冰梅橄欖汁：好特別、大大杯清甜又好味！

Funny decorations all around in this new funky store. gave a feeling of trendy and freshness!I was first drawn to this bowl of chocolate/granola like container on every table. Opened and took a swift, flavourful of spicyness! not the type you gag when you think of eating it, but the feeling of anticipation.Tri-colour milk tea: more sweet than teh tarik due to the bottom layer of sugar. Its good!Teh tarik: came in a funky box! Don't mistaken, there is a cup inside.Veggies to start (9 choy): just

最近在北角區開了一間新的特色小店, 主打星馬美食: 辣椒板麵和肉骨茶, 當中的辣椒板麵對小第來講是比較有新鮮感, 所以便盡快來試試。店子真的比較隱蔽, 在書局街盡頭的一條小巷內，店內裝修簡單企理，找了個位置坐下之後，便看看餐牌有什麽午餐可供選擇, 其實選擇不多, 最後當然是點了辣椒板麵午餐。樹仔葉湯: 原來個午餐係包一碗樹仔葉湯，是一碗清湯有二塊樹仔葉再加了墨魚丸及魚丸各一粒, 飲落帶小小胡椒辣味, 滲入了樹仔葉的甘香味道, 墨魚丸及魚丸也爽口彈牙。辣椒板麵: 到了主角辣椒板麵上場, 整碗麵表面鋪滿了各種配料包括有半熟蛋、肉碎、炸江魚仔炸蒜粒等等, 食之前要將麵和配料撈埋一齊, 一只半熟蛋入口幾滑，炸得脆脆的江魚仔, 非常香口, 加上辣椒佐料的香辣味，夠惹味, 板麵的麵身爽口。凍冰糖羅漢果冬瓜龍眼水: 夠凍冰, 是炎炎夏日的消暑佳品, 入口清甜, 清涼可口, 正正可以中和辣椒板麵的辣味。這店子是一間有心、有誠意的特色小店，店員服務態度親切, 而且整體食物質素中上, 店子環境也算寧靜, 加上辣椒板麵是香港比較小有的特色食物，值得支持。

自從數年前青藏牛肉麵於這裡冒起後, 錦屏街漸漸成為北角區的新食街。繼不久前開業的北豆串燒高湯麵後, 最新成員是古月。古月位於錦屏街的「街頭」位置, 屬這條隱蔽街道中僅有的其中一個「當眼位」, 不熟悉該路段的朋友, 只要從昔日人龍名店王記糖水那個彎位走進去, 便會到達該店。店子名字富中國/日本色彩, 想不到所出售的卻是新加坡菜式; 反而「檸茶」所猜的, 是個帶點玩味的答案, 就是跟店主姓氏有關, 而店子名字則是由一個「胡」字分拆出來, 不知又猜對了沒有?  店內環境跟名字所帶來的印象更沒關係, 卻是店方的隨心自由發揮, 整體形象可愛, 當中更有不少花過心思的細心位, 例如帶立體效果的雀巢和傳聲筒, 是這裡的拍照熱點。無論環境怎樣, 食品質素才是最重要, 首先來一客 香酥脆皮雞 ($28), 整體質素不俗, 炸得乾身, 調味適中, 只可惜廿八元的價錢換來六小顆雞粒, 性價比因而大減。湯類方面, 這裡只有魚丸湯、肉丸湯、腐皮湯三款選擇, 每款售價為 $25, 貪心的朋友則可以選擇 參參湯 ($35), 可以一次過滿足你三個願望, 無論魚丸、肉丸、腐皮均不是平日所吃到的行貨, 味道有別於一般