古早味台灣原味 (已結業)

我係睇咗TVB嘅深夜食堂我先去嘅，仲要等左一個鐘。以為係明星推介啦一定都唔會好差，點知其實真係⋯首先肉操飯，啲花椒八角味道太重令到滷肉飯有啲失真，但係滷肉飯已經係最好味嘅一款。跟住到滷水拼盤其實味道都唔錯，但係個大腸咬極都咬唔斷，雞翼好似住左好耐，令到個texture好硬，但唔係好入味，同埋應該係喺微波爐度叮過嘅先上菜跟住呢鹽酥雞係最失敗嘅菜式之一⋯⋯因為咬開來啲雞肉好老而且一啲都唔鬆脆。仲有我哋帶咗沙茶牛肉，其實都唔想嘥野，但食咗兩舊就冇食啦，牛肉同乾炒牛河啲牛肉完全冇分別、仲要冇沙茶味同埋仲有我哋仲有嗌左個手抓餅、個餅超硬、自己喺超級市場買急凍嗰啲自己整都好味過佢最後我哋本身想Order我哋最鍾意嘅芋圓都冇啦最後因為實在太失望了

今晚到銅鑼灣京都廣場5樓「古早味」吃台灣原味傳統美食，一入去見到門口條隊排到好長，心想係好食先至咁多人等👬👭👫座位寛闊，坐得幾舒服😌這味也是這裡很熱門受歡迎😃菜式，蚵仔煎！最重要是蚵仔裡面無沙，吃入口蚵仔好滑又鮮甜，幾好味，如果外邊煎得更脆口就好了。我們看見很多人吃宜蘭卜肉，於是又跟吃點等一味宜蘭卜肉，果然入口外脆內軟，外皮炸的粉皮無油膩味，入面的肉片很滑，吾怪之得咁多人點這味，果然無跟錯😊五味雞🐔！上枱的特色有五種醬味，芥末、 薑蔥、豆醬、甜酸……，雞肉不肥，肉質爽滑，喜歡吃雞的你，不妨一試😃沙茶炒牛肉！ ！份量十足，價錢只需七十多元，自己買牛肉都差吾多咁嘅價錢，自己下廚都要這個成本。牛肉很淋又滑，配上沙茶、大蒜、紅椒，好有廣東菜的傳統中厨特色，價得你一試😋甜品方面，我點了綠豆沙三色芋圓🍨！綠豆好大粒，芋圓又滑又煙韌，是台式甜品代表廚作，不過個人略嫌糖水太甜，最好可以選擇甜度，咁食甜品都可以食得健康啲...最後又來了台式傳統飲品，胚芽珍珠奶茶，好多好大粒珍珠，真材實料，配上胚芽好香，鍾意吃珍珠的你就一定吾好走雞🐥

看到電視節目介紹，又見餐廳有不少人排隊，以為一定好好味。試過之後覺得其實一般，不如期望般突出，不過價錢很合理。最令我失望的是侍應漏了下單（我和旁邊那張枱同時都漏單！），前後等了接近一小時，即使侍應態度良好但也抵消不了我們心中的怨氣，我恐怕不會再來了。

台灣野香港真係開好多，今日就嚟到人氣旺盛嘅古早味食dinner😌 等左20分鐘就有位，最好就book定枱啦！先揀左個台灣牛肉麵($55)👅幾惹味，麵質煙韌又帶麥香😎牛肉軟軟又易咬👍🏻👍🏻 另一個要左嘉義雞肉飯🐥好多雞絲係面，仲有d爆左嘅蒜片👅口感一流🐥🐥 小食要左個涼拌青瓜，都幾辣！酸酸地好開胃😋😆 另外甜品要芋圓，好豐盛嘅材料🍨🍨底部嘅紅豆綠豆都甜甜地👼🏻芋圓好有咬口！飲品要左國寶茶，幾甘香

香港人喜歡到台灣的理由， 不外乎食、食同食。 我對台灣的興趣不大， 但間唔中都會掛住當地食物。 今晚朋友帶我到銅鑼灣 食台灣菜，佢話呢間食物唔貴、味道都幾好。 裝修幾 Modern，唔太有台灣feel 。燈較為昏暗，比較適合同朋友或拍拖黎食飯， 由於坐位唔算太多，有心黎最好訂定枱。 比著平時既我一定會點 ，不過今日朋友話想食小食，所以我地以小食為主。見到餐牌上有 $148 我指定要食，因為聽講好補身架。台灣人出名懂得養生，冬天進補會飲麻油雞湯。熱辣辣一大窩，用上較黃油雞平和的烏雞取代，加上大量薑片 (個人覺得薑多左小小)，入口相當辛辣，滲出黃酒香氣，麻油唔夠出。                            為左進補，我一個人飲左三大碗，飲完已經感覺到成身暖晒。 炸花枝丸$38 粒粒好似乒乓球咁大，相當彈形，唔算太油膩。 手抓餅 $20     去過台灣都知，手抓餅係當地人既早餐。我記得可以加入不同食材，例如肉鬆、炒蛋、火腿 … 唸起都想食。 而呢個手抓餅賣相一般，未必可以引起人食慾。 不過味道還可以，咬落富酥香，加了香蔥，所以特別香口。台式滷水併盤有五花腩、滷水蛋和滷水雞亦

台灣餐廳係香港越黎越多, 對於我呢個台灣fans黎講絕對係福音, 比較少係港島食台灣食物, 今次終於去呢間係銅鑼灣既台灣餐廳, 地理位置好方便, 一出銅記地鐵對面馬路就係。餐廳一出lift見到係全黑色具時尚風既設計, 當中又帶有古色古香既元素, 幾符合餐廳古早味既主題。下午茶時份黎, 比較疏落, 清靜得黎正合我意。先來一碗牛肉麵吧! 雖然我唔太食牛肉, 但牛肉麵正正係台灣食物代表之一, 要試下係咪真係咁古早味, 不能不點返碗牛肉麵。呢到既牛肉係三大片牛展, 比較少見用牛展作牛肉麵, 但正正我最中意就係牛展, 牛展本身帶爽勁, 就如平時食開, 但與別不同之處係呢到多一份鬆稔軟身口感, 牛展要做到鬆化證明有花時間去炆, 湯底幾濃, 有點偏咸, 牛肉味唔濃, 反而係麵條幾特別, 非常粗身, 平時好難得食到咁有韌性既麵條, 令人留下深刻印象。本來想叫滷肉飯, 但呢到無細size既, 所以轉投其他小吃既懷抱!醬燒茄子 $28呢到小食大部份都平價, 廿幾蚊有交易, 呢到茄子頗有驚喜, 首先茄子份量幾足, 切成幼條, 每條都浸於醬汁, 十分對胃, 入口先係醬汁惹味既甜, 然後就係茄子軟綿口感, 微微

曾經在九龍區食過一間叫古早，九龍果間超好食，銅鑼灣也開左一間古早，我們要去試下台灣野環境好古色古香，好舒適湯麵有嚼口，俾人感覺偏硬，麵無味酥炸雞扒雖然香口，但食完後一陣陣古月粉或葫椒粉由口腔浸出午市套餐有送兩小食食完好飽珍珠彈牙，奶綠不太濃厚牛肉牛筋好爽口，但麵條需要改善熱飲的珍珠奶茶，隻杯好大隻好味有待改善

去銅鑼灣搵表姐食晏，佢帶左我去呢間食台灣嘢，話好正宗，正唔正宗我唔識分，但好好味我就食得到五味雞，成隻雞髀，有五小格醬汁，甜、酸、麻、辛、香，拼到成個彩虹🌈咁，賣相點至$38？！個鷄唔點醬都食到鷄味，掂紹興醉蝦，$78可以有酒落肚，有大蝦六隻，仲要隻隻有蝦糕，兼彈牙，加上啖啖紹興酒香，呢味係我number one之選香煎黃魚，好味呀～～～～全條魚外面炸到脆哂，但入面D肉仲係滑㗎，小人表達能力差，請看圖去感受有幾好食甜品叫左紅豆燒餅，小鐵板上碟，可保持燒餅乾身及熱度，睇得出佢哋自家製造，個餅薄得嚟食到一層一層皮，有鬆化口感，紅豆蓉也夠滑，如果甜度低返D就更加完滿降脂桂花國寶茶，成套茶具成本都唔平，相信老闆係個有心思嘅人，桂花分量都好足，加多一次熱水都飲到桂花香我一路寫一路回味每一樣入口嘅食物或飮品，都令我心思思想再幫襯。

呢間台灣餐廳喺五樓，出左電梯冇reception counter, 反而喺一條燈光柔和，地板鋪左四塊大磚嘅走廊，少左一份商業味道，多了一分從煩囂走入悠游嘅感覺。一邊落地玻璃夠光猛，另一邊燈光柔和同埋有VIP房。叫左碟紹興酒醉蝦，有8隻，蝦肉彈牙，入口時啲紹興醉咇入口裡面，好味道。侍應推薦牛肉麵，話啲麵喺直接叫工廠做，冇幾耐碗牛肉麵就上枱，外表睇冇乜特別，但啲麵條好特別，size好長同埋又夠煙勒，唔似外面食嘅台灣麵，侍應推薦夠專業。

一入到歺廳感覺充滿新鮮感，坐位係bar 台，非常有格調前菜當然點叫台式炸穌雞，炸到鬆化入口香脆，呢碟凍盤的醉醺醺蝦就惹味了，蝦肉鮮甜，而且以花醮洒釀製，花功夫煎豪餅，實在是質是名不虛全，煎到不油膩，配上烤汁，啖啖的蠔仔，相對入味另一碟啫啫雞煲，非常足料，爆香蔥䓇令雞肉質變滑，這碟歺廳主打台灣菜呢台式飲料特別選擇多，有奶蓋烏龍茶，呢杯茶以茶葉沖泡，荼葉原來是以頂級烏龍茶葉，最后加上奶令飲下去時，不會有苦澀味最后有涼粉芋圓，芋圓口感彈牙，冰涼透心

一向都好鐘意食台灣野 見到呢間食評唔錯 行開銅鑼灣就過嚟試下😁一入到嚟 真係有d嚇親 裝修好modern 而且仲有bar檯 格調幾高級 座位都好寬敞舒服 有別於平日對台灣店個種平民嘅印象 幾impressive☺️酥炸花枝丸入面真係大大粒魷魚 好香口 口感都好好😆跟著主菜叫左豬軟骨湯麵 前菜有豬耳同油麥菜豬耳都幾薄身爽脆 油麥菜幾惹味香口講返碗麵 麵條好彈牙 唔會太粉 而且切嘅厚度剛好 唔會太厚麵入面仲有兩舊好大嘅豬軟骨 炆得幾淋 湯底都好特別 好似有陣陳皮味 唔會太咸最後叫左杯黑糖薑茶 好大杯 姜味好香 但唔會蓋左d甜味😊係銅鑼灣嚟講算係幾抵食 可encore!

裝修好似有情調既酒吧咁，座位多，坐得舒舒。紅燒牛肉麵湯底味道好好，濃而不膩，有三四塊大牛肉，牛肉滷得又軟又香，肉質細嫩，，用牛𦟌部分比起牛腩/牛根冇咁膩。麵條係粗身個種，掛麵力十足，非常彈牙。 台灣刈包一直都好想試試台式既刈包，今日終於有機會啦，軟綿綿既饅頭入面有兩片極厚切既五層肉，五層肉好入味，充滿了滷水既香味，好正，配埋雪菜同莞茜既酸酸地香味，味道好配合，好好食。宜蘭卜肉見到個名咁得意就試一試，原來係有三種口感係入面，炸到香脆既外層入面有軟軟既麵團，而麵團入面就有豬肉，口感不錯。奶蓋綠茶 茶香奶滑，綠茶味好特出，奶有充足打過，非常細滑。

轉左工之後喺銅鑼灣返工又要尋覓下呢區有咩好食想食台灣野又唔想食啲連鎖式嘅同事介紹正正係公司後邊嘅一棟大廈放咗工幾個同事一齊去聚會小食叫咗酥炸鹽酥雞炸得好香脆有冇骨一粒一粒，好似唔夠攝牙啦另外小食所有紹興醉蝦原來係凍盤嚟嘅濃既紹興酒味，爽甜嘅蝦主菜有三杯雞係一個鍋上，至少有半隻雞嘅份量，又香嘅薑蔥，醬汁非常啲野味台式擔仔麵，可以係二人份量，面質夠爽，有香口，肉噪味濃配芽菜同埋蛋蚵仔煎非常之新鮮，地道同有台灣食嘅風味四神湯藥材湯，但係飲落去非常之滋補材料充足最後仲叫綜合芋圓甜品，有地瓜圓，芋圖 紫薯 手工製 好煙韌 有𡁻口炸地瓜圓非常之香脆珍珠奶茶，珍珠有𡁻口葡萄柚紅茶，清新又酸，好開胃之後見到隔離嗰枱有叫台式打邊爐下次一於試吓

本人自認係超級台妹一名，每兩個月都要飛台灣一次回下鄉。但轉左新工未有大假，搞到本人嚴重思鄉病發。男友話佢同事介紹左佢一間台灣餐廳話同我去試。老實，我好少係香港食到好正宗既台灣味，但思鄉症太嚴重就姑且同你去食下啦。見到個menu都好surprise,因為佢有好多菜式你平時係香港台式餐廳一定見唔到紅燒牛肉麵店員話，湯底加左藥材去熬四個鐘以上的最鍾意係呢啲麵，煙韌之餘仲掛到湯汁。湯底果然下左功夫，味濃但係非常清。牛肉肥瘦平均，一咬就散，燘得夠爛宜蘭卜肉入面包住豬肉片，外脆內軟麻油炒腰花呢味係我係台灣小炒店一定要叫。麻油味超香，腰花完全唔腥而且啱啱熟珍珠奶茶主打係用煲茶整而唔係茶精。果然唔止得個甜字，飲到最後會有陣陣茶香炸地瓜圓台灣夜市大家必食啦。熱辣辣上枱，煙韌程度直迫台灣三色芋圓同綜合芋圓一個熱食配紅豆沙，一個凍食配涼粉鍊奶。芋圓真材實粒，粒粒都食到芋頭碎。呢間堅係高質台灣菜。係我思鄉既時候我一定會再黎醫我個病架

Since I’m a big fan of TW, so whenever there’s new TW restaurant in Hk I must go to try. We’ve ordered quite a lot of dishes to try this Shop’s quality. The minced pork rice is quite good as the pork isn’t too oily which is very soft. The deep fried squid ball and chicken is a must try. However, the Taiwanese style soy sauce with wine chicken is a big disappointment, as there’s no wine taste and doesn’t smell good, we told the waiter and remake another one for us, there’s still no taste of t