古早味台灣原味 (已結業)

今日係星期五，同同事放咗工諗住搵個地方食個飯吹下水，銅鑼灣有好多餐廳都食過，想試吓食新野，上OpenRice search ,見到SOGO附近原來有一間台灣餐廳，評價都好似幾好，我哋又咁啱係附近行完街，諗都唔使諗即刻上咗去。上到去發現環境都唔錯，暗暗地幾有情調。一坐低我哋就睇Menu ,都有幾多唔同菜式，小食、正餐、甜品到飲品都充滿住台灣風味。有好多都唔會係一般台灣餐廳見到。我哋兩個人，叫咗個花枝蝦餅、雙色台灣腸、台南擔仔麵、一杯台灣凍烏龍茶，一杯奶蓋紅茶。侍應仲好貼心咁同我地講如果想食甜品最好落單嗰陣叫埋，如果唔係好容易會賣晒。於是我哋都叫定咗兩個甜品，桂花酒釀湯圓同手工綜合芋圓。個花枝蝦餅非常之好食，好鮮味，炸得剛剛好。至於雙色台灣腸，一款係普通台灣腸，另一款係黑色嘅墨魚腸，食落其實同普通台灣腸冇太大分別，但有少少墨魚汁味，都幾特別，味道好正宗。我杯奶蓋紅茶嘅奶非常多，喜歡多奶嘅人有福了！而且呢間餐廳嘅奶蓋嘅奶味同一般其他我飲過嘅奶蓋有少少唔同，我覺得好似有種雲呢嗱雪糕味喺度，哈哈，大家都可以試吓！主菜擔仔麵份量比想像多，一人食完一碗都幾夠飽，佢個湯汁都幾好飲我飲咗大半碗XD，麵都

每年都總有啲時間好想去台灣於是成日都周圍搵台灣菜食安撫下冇得去台灣既心今日約左朋友去銅鑼灣食古早味起正銅鑼灣旺區 但價錢一啲都唔貴Menu仲有超級多選擇講得出既台灣美食幾乎都有最特別係連火鍋都有不過今次想食其他小食所以就冇叫到滷水小食拼盤3拼滷得好香好入味腩肉半肥瘦 唔太油膩豬耳爽脆彈牙上海白菜仔比想像中更出色上湯好夠味 但又唔會過咸白菜仔吸哂上湯好好食好想連個湯都飲埋手抓餅煎得外表鬆脆 食落又帶少少煙韌佢既做法似蔥油餅多啲但都幾好食魯肉飯is always my favourite 今次要左豬軟骨魯肉飯魯肉份量夠多 唔會太肥/太咸味道同口感都ok豬軟骨夠脆 煮得幾入味讚！朋友話未食過麻油雞 於是叫左個試下個湯微辣 食完暖笠笠 夠哂補身烏雞都幾鮮甜 兩個人ko哂成煲甜品要左手工綜合竽圓好彩兩個人叫一份share食都好大份竽圓大粒得黎唔會太粉配埋紅豆珍珠綠豆食 口感好rich仲有仙草 完全滿足哂十個願望一人仲叫左杯野飲朋友要左洋甘菊花果茶佢話幾香 同出面個啲唔同我要左黑糖薑汁奶茶真係可以飲到三種味道薑汁唔會蓋過左黑糖既味道仲可以飲到奶茶既茶味正！.好滿足既一餐推薦大家黎古早味食下

放工諗住同個b去配眼鏡。點知一出銅鑼灣地鐵站就落大雨，在沒有雨傘的情況下，我地選擇食個豐富晚餐然後返屋企。唔洗點dup雨就飆咗去地鐵站口對面嘅京都廣場，成棟大廈都係食嘢，睇咗陣相同openrice，終於揀咗食小吃嘅台灣嘢，可以叫多幾樣，豐富d我地叫咗好多嘢食九層塔手抓餅 $20超九層塔手抓餅抵！又香又酥！好食到要爭！鹽酥豆腐 $28見有手指公，因為想食其他雞菜式，於是叫黎試下，好好味！外脆內滑！無甩粉！花雕雞 $88啫啫煲上，勁惹味！陣陣酒香，雞煮得啱啱好！份量都多！花枝蝦排 $38好抵！因為真才實料，好彈牙！外面脆卜卜，新鮮炸係最好味！碟底無油 so nice涼拌木耳 $28醋酸味適中，清清地，配煎炸濃味食物一流。水煮桂花魚 $198桂花魚魚片大大片！無骨、又滑、唔腥！屬高質水煮魚！裏面有好入味嘅豬紅！正！仲有腐皮同芽菜（無豆架！Good）食食吓都幾辣！但真心好惹味！食曬飲品叫咗被胚芽奶茶$16 唔太甜、有茶味甜品叫咗手工三色芋圓$38刨冰+綠豆，簡直係透心涼！食完水煮魚，覺得零舍好味！芋圓有蕃薯味、芋頭味和紫薯味，有好多粒，亦好煙韌，呢個甜品都幾抵食！今餐真係好豐富

今日好友帶路，話要帶我地去食台灣菜，解解想思病！😂😂就係銅鑼灣地鐵口對面，位置方便唔難搵。上到去餐廳個feel好有特色，走過呢條石路就入到去餐廳喇！環境唔會話好明亮，氣氣很好。適合我地坐底係度傾下計食下野。食物種類都好多，搞到我地花多眼亂！😉叫左兩道前菜小食： 麻辣肚絲🌶🌶即是豬肚。辣辣地的涼伴小食，十分惹味開胃。豬肚很有嚼口！麻辣味夠，所以食落不會覺得有陣羶味。餐廳推薦菜：炸花枝蝦排🦐去到台灣都很喜歡食炸花枝丸，炸物類。而呢道菜就特別，花枝 cross over 炸蝦排。兩種都係好爽口彈牙既食物，但兩種口感！熱辣辣很好吃，炸得很脆！！ 再沾埋辣醬，更加好味！餐廳有很多款燉湯： 經店員介紹後，點了：四神鍋！配料超多：豬腸 薏仁、芡實、淮山、茯苓等等！好足料。養生既四神湯，有很濃郁的藥材味 能夠癖去豬腸的腥味。都幾大鍋，飲到成5-6碗！！仲叫左個新竹炒米粉！！很大碟的米粉！炒到好香，好夠乾身！不會話油淋淋。有d菇類，蝦乾，雞肉，洋蔥……等等，令到個米粉更加香！唔錯。👍另外仲叫左 台灣出名的 麻油雞🐔由於麻油雞也是其中之一的養生食物，所以餐廳選用左含有更高的營養價值烏雞去烹調。食落雞味更

今晚同朋友黎左呢間台灣野晚飯，餐廳開左唔係好耐，平日都好多人，坐滿哂仲要等位。野食選擇非常多，揀左好耐決定要三寶牛肉麵，鹵肉飯，糖醋燒魚，蔥餡餅同雙色香腸~三寶牛肉麵好大碗，有牛展，牛筋同牛肚，牛筋同牛展都好淋好入味，面質彈牙，唔錯。而鹵肉飯夠哂夠汁同鹵肉，不過飯粒有點淋~好中意呢個糖醋燒魚，魚肉嫩滑，個汁酸酸甜甜好開胃！而蔥餡餅韭菜餅比較少見，煎得香口，皮薄，入面塞滿蔥。雙色香腸就係煎台式腸吧，不過不失，用黎送鹵肉飯都唔錯。整體呢度食物選擇夠多而且價錢都抵食，可以再黎xd

今晚預早同朋友慶祝生日，壽星女話想食古早味台灣間店的食物作為生日飯，一於満足佢要求啦！餐前小食叫咗個涼拌木耳，木耳大大塊，有咬口，夠爽！台灣手抓餅，內有少量蔬菜，不油膩，好味！蒜蓉炒A菜，A菜係台灣好有特色嘅蔬菜，食落好懷念係台灣旅行時，每餐必叫的正菜！店內炒的A菜好爽，菜本身又好甜！好好味啊！醉雞卷，陣陣醉香味，冇骨，方便我唔多喜歡𡁻骨頭嘅懶人食！啖啖肉，又滑溜，正！古早羊肉麵，因朋友不食牛丶所以叫咗碗羊肉麵，一上枱，陣陣羊肉香，羊肉係一嚿嚿，不是一片片，滑而且不羶，麵條係刀削麵，真的好配呀！湯底又清甜，不油！養生雞湯，中藥煲制，飲完個身暖笠笠，果然好滋補養生！我叫咗舒壓洋甘菊花果茶，好香花茶味，還可以無限添飲！朋友叫咗桂圓紅棗茶，真材實料！甜品時間，手工綜合芋圓，有紅豆，綠豆，地爪圓，芋圓，仙草，珍珠，一碗包羅萬有，好滿足呀！朋友餐生日飯，大家都食到好飽飽，好滿足呀！

想試好耐架喇.次次都揀左其他野.今日同個囡黎試.入到去.地方空間好夠.唔似其他台灣野好迫咁.態度仲好親切..今日食午餐.餐仲跟埋飲品.仲可以半價食廚師小食😍😍我叫左肉燥雞扒飯.台式腸.珍珠奶茶..！雞扒好鬆軟..肉燥可以甜返啲就好了..腸仔微暖..珍珠奶茶用外賣杯裝..好好丫.飲唔曬直接帶走.我發現行入少少有個私人正方形類似日式食飯既檯位.岩曬大班朋友傾傾計...服務都好好.好體貼..下次黎試佢啲麵先

入到餐廳有古色古香既客棧氣氛，7點左右仲有少量位置，但過後開始有人龍，要等一陣，所以建議早d黎食。有林林總總既台灣小食，價值可觀，eg雙味香腸，手抓餅，豆沙餅，醉雞等。叫左大雞排滷肉飯($75)，紅燒豬軟骨麵($60)，花枝蝦餅($38)，宜蘭蔥餡餅($28)，細滷水拼盤($68)，奶蓋紅茶，養顏玫瑰花果茶。蔥餡餅有4件，煎得脆，一咬d肉汁流出黎，因為仲熱，所以食個陣要小心會熱親，肉少菜多，比例剛好。花枝蝦餅炸得好脆，但唔油膩，而且炸粉好薄，而蝦肉彈牙，配埋甜酸醬就冇咁熱氣。雞排滷肉飯d滷肉份量多，個人覺得滷肉比雞排更好食，雞排少少乾，不過個外皮唔厚唔會皮肉分離，值得一讚。麵食湯底有陣酸酸既味道，因為落左酸菜，令整個湯底好濃郁。加上豬軟骨有3大件，夠入味，又"林"，個人鍾意食硬身少少既麵條，所以尼間餐廳既麵食合我心意。細滷水拼盤有3款配料，大腸，豬肚，豬腩肉，雞翼，滷蛋，豬耳，揀左頭3款。豬腩肉我覺得口感同豬軟骨有d似，但豬軟骨多左d軟骨，而豬腩肉有層層肥油，唔同口感。豬肚切得唔會過幼，而份量多。玫瑰花茶用茶壺盛起，底座有蠟燭煮熱，自己斟，有個細細既透明杯。陣陣花香味，一壺沖到勁多杯，

又去搵野食，好耐都冇去銅鑼灣食野，心血來潮想去尋覓美食🤣🤣唔打唔撞黎去古早味，好耐都冇食過台灣野，一心其實相比台灣之下應該冇甘好食，點知就真系大錯特錯，真係喜出望外，俾到好大既驚喜我。地方其實唔難搵，mtr一出5分鐘內就會黎到，上到黎就可以入座，可能已經差唔多9點，晚飯時間都過左，所以唔洗等位店員一俾menu我地睇，真係大開眼界，好多好多野食。令我有種通通嗌哂既感覺，但又廢事浪費食物人闊肚窄，所以嗌左6樣野。麻辣拼盤份量多而且多辣味，係真正既麻辣啊，有腎片、豬耳同麻辣肚，三款都好爽口好食炸花枝丸同鹽酥雞唔會太多粉亦唔會太油，新鮮熱辣滷肉飯同台灣有得(揮)真係冇得彈，滷肉同飯份量配合得岩岩好，又唔會太肥，淞得非常之入味黃金炒飯粒粒分明亦有好多台灣腸粒加上粟米同紅蘿蔔絲，唔會好dry蒜味炒白菜仔 好多菜而且口感岩岩好 唔會好淋，真係冇得頂😂總括黎講真心值得推介，竟然冇人介紹境況下可以食到唔伏既野。真係世界級正💪🏻

5.1周圍都係人🤦🏻‍♀️ 所以做完運動就早d落causeway bay dinner🍽 好彩7點左右未爆，晏d都full house lu👶🏻👶🏻 之前就食過呢間lunch,高性價比又好味，所以今晚就再嚟食🌞🌞 我地先點左份宜蘭餡餅($28/4pcs)😌 細細一件，肉餡豐富帶蔥味，不過冇乜味，而且煎得油左小小，皮夠薄都ok😃😃😃 另外仲要左花枝蝦餅($38)🍤🍤🍤好彈牙，又香口，兩下就食哂嚕👨🏻‍🍳👨🏻‍🍳 小食仲有拍青瓜($28)🥒🥒酸酸辣辣咁，好開胃！份量都幾多 👍🏻 主食叫左番茄牛肉麵($60)🍅🍅好有驚喜！牛肉好腍，又重牛肉味但唔騷嘅👅 麵質非常有口感，配上濃郁湯底好惹味👅💋 另外仲叫左新出嘅干貝櫻花蝦荷葉飯($88)🦐好！大！盆！ d蝦干超級多，每啖都食到，入面有d干貝令個飯更有咬口😽 飲品要左奶蓋綠茶($23)🍯奶蓋幾creamy 又厚實 呢個價錢好抵！洋甘菊花茶($35)🍵🍵一路熱住飲 暖胃消濟🌼🌻

朋友極力推薦這所新店因為我都幾鍾意食台灣菜位於銅鑼灣地鐵站對面真係超方便👍🏻另外好似新開張冇幾耐所以鋪頭都好新淨同埋裝修設計都好特別餸菜價錢非常大眾化👍🏻👍🏻👍🏻食物好多元化出乎意料有好多選擇有台灣小食，有火鍋，甚至有佛跳牆😵有平有貴，任你選擇👍🏻✨☝🏻☝🏻☝🏻花枝蝦餅真係炸得好鬆脆，熱辣辣！唔油膩，非常滿意😊☝🏻☝🏻☝🏻味醬茄子以為係冷盤，點知係暖暖地！最鍾意係有蒜蓉同少少辣椒吊味份量好大碟，前菜價錢真係好抵食🤣☝🏻☝🏻☝🏻酒煮杞子大蝦（冷盤）蝦好大隻、新鮮和爽甜洒味很濃郁，沒有令人失望👏🏻☝🏻☝🏻☝🏻醉雞窩雞都好滑，炒得很乾身和惹味！☝🏻☝🏻☝🏻牛肉麵原來係刀削麵，都軟身容易入口👏🏻牛肉都好冧和大件如果湯再熱啲同多啲就更好😂☝🏻☝🏻☝🏻玫瑰果茶總結：食物質素好好，價錢大眾化，招呼亦很周到！

星期五朝早十一點幾到，成間店得五個員工，仲有一枱兩人食客，搞到有啲擔心伏唔伏😂一坐低唔夠三分鐘，侍應就企定喺隔離問食咩，我定話再睇下先，但佢係都唔走，洗唔洗咁心急😂咁唯有好快咁嗌咗個魯肉飯😅同一個雞扒魯肉飯。五分鐘後飲品到咗，好大杯～$8一杯。冬瓜茶比較甜，不過不失。檸檬冬瓜茶唔係鮮檸檬，味道唔夾。.呢到食物份量好大～魯肉飯$55（午市套餐包小食：豬耳同椰菜）豬耳唔錯，椰菜係泡菜味。魯肉都好多，唔會太甜。.豬扒魯肉$75（午市套餐）豬扒比較細，得四片同好薄，但估唔到幾好食！豬扒好軟身同脆，唔錯！.最後食唔完，加$1要盒拎魯肉飯走。總結黎講雖然食物份量多，但價錢略貴，食物味道不過不失。

台灣菜真係吃不厭，不論係飲品定係菜色都好吸引。 得知銅鑼灣有間人氣店「古早味」，就想試下，中式裝修幾別緻。再打開個美輪美奐既菜單，種類多不勝數，見到款款都好想食，台灣大大小小既美食都差不多有齊，就連打邊爐都有。今次就冇食到d招牌菜，牛肉麵ar魯肉飯ar，因為見到太多特色新野，好想換換口味~五味雞雖然只係靠醬汁黎調味，但係肉一d都唔"鞋"，唔會好奇怪，而且同醬汁都好夾，幾特別。宜蘭卜肉一上枱 哇! 左聲，份量咁多既，粉漿唔會好厚食到啖啖都係肉，唔會好韌，鬆化。有d似小學小食部既麥樂雞(90年代)既口感，回憶呀~五味透抽係好爽既鮮魷加上秘制醬汁，底仲有芽菜，爽口彈牙酸酸辣辣咁。海鮮粉絲煲我個人係幾鐘意哩味菜，雖然簡簡單單，但係好夠鑊氣，好有係台灣夜市食大排檔 現抄FEEL,又夠重口味，正综合芋圓大大粒既芋圓， 煙煙韌韌，唔係一舊粉，好有口感QQ的，再加上仙草、紅豆、珍珠 刨冰底，唔會好甜岩岩好，仲透心涼，好好味!連台式飲品都有好多選擇，叫左杯奶蓋烏龍茶，好CREAMY茶味重，唔錯喔!堅抵食既台灣菜，佢會一次過滿足你好多願望，可以試下~

我同老公都很喜歡台灣, 更愛台灣美食. 早前才剛和家人去台灣旅行, 今日又突然心思思, 想食台灣地道小食, 就決定試一試這間台灣料理餐廳.沿著走廊往內進, 餐廳分成左右兩邊, 以木條屏風作間隔, 中央間有吧檯位. 新中式設計, 環境唔錯, 空間感足夠.菜式選擇好多, 可以叫小菜粉麵, 台灣小食, 台式小火鍋, 台式飲品, 任君選擇.奶蓋紅茶 $23近排好興既奶蓋茶,  用忌廉芝士打成泡沫, 覆蓋飲品上. 忌廉芝士奶味香濃,  加埋紅茶茶香, 超正!! 好好味!!主菜未上, 我已經極速飲曬成杯!! 好誇張!! 必飲呀!! 十分推介!冬瓜茶 $16唔會過甜, 都唔錯!蒜味鹽酥雞 $38鹽酥雞唔太肥膩, 真係即叫即炸, 熱辣辣!炸粉薄身, 外脆內軟, 而且充滿肉汁! 好味道!炸花枝丸 $38炸花枝丸好大粒! 食落仲食到一粒粒嘅花枝肉! 同樣真係即叫即炸, 熱辣辣! 好彈牙! 正呀!佛跳牆 (二人份量) $168超級足料佛跳牆, 有瑤柱, 鮑魚, 金華火腿, 栗子, 牛筋, 芋頭, 杞子, 豬肚同埋雞件, 咁足料都只係賣 $168!每款湯料都有兩件或以上, 絕對唔會出現爭餸食既情況!味道濃郁兼

又係古早，咁多人讚埋去棒吓場囉。唉。。。。點知又中伏，Oh No.......第一次光顧咋。上次試過同街上樓鋪三⭐,食完笑住落樓回味再回味。今日試依間食到呆呆濟濟，完全唔知自己食緊咩，無辦法再食，食剩哂。又齋比個午餐餐牌人，以為Lunch無其他選擇潻。由最基本嘅肉燥飯開始，我地點咗豬軟骨肉燥飯餐，炸雞扒肉燥飯餐。加芋香奶茶。飲品嚟先，放得太多冰啦，沖淡哂啲芋香味。豬軟骨，炸雞扒都無咩味道。啲肉燥淋上飯度，無鹹味又無甜味，係差緊啲唔知咩，點都吊唔到啲味出嚟。好有膠質，但由於無味。。。唔知自己食緊咩，所以食淨囉。值得一讚，價錢係貴啲啲，但套餐有埋小食再加埋有菜，有湯比你，咁都合理嘅。服務平平，衛生環境都OK.論食物，就好難叫啲客再返轉頭。