古早味台灣原味 (已結業)

銅鑼灣有座商場 入面有好多野食啊😍入面有韓國野 有日本野 有四川野 同埋台灣野！好耐都無食到台灣菜 所以就試下！鹽穌雞$38雞肉雖然油炸完，但入面鮮嫩多汁！吾會過硬 同埋調味吾重！無咸味！建議快d食 吾好擺咁耐啊蚵仔煎$52哩款台式傳統夜市用左樹薯調調製出的粉漿，外酥內Q！入面鋪滿蚵仔，但無咩菜，口感香口！台灣小香腸$38有紅色同黑色 但我吾識分哩兩款有咩分別！ 口味偏甜 同埋肉質肥瘦適中 飽實❤️❤️鹵水拼盤$68 三拼叫左豬耳 腩肉 雞翼！ 超意料之外！ 全部都好入味 浸到淋哂！ 雞翼淋得黎都好滑！份量好大！ 有成4隻！腩肉都吾會太肥 豬耳好有咬口！ 😝嘉義雞肉飯$50入面好多雞肉鋪係白飯上面，配埋炸蒜同埋醃製既黃色蘿蔔乾，相當下飯！ 傳統火雞肉就比較無咁滑嫩 環境好暗 好舒服～建議大家都過黎試下

今日係星期四平日夜晚，同一班姐妹嚟食台灣菜，最後揀咗嚟食古早味，餐廳地方好細，到京都廣場五樓一出lift，店員就話我地等第二張枱，叫我地喺門口等，但最搞笑佢地唔會派票，叫我地搵一個人去前面排隊，明明下張枱到我地，點知一排就排咗超過30分鐘，我見後面排緊嘅人全部走哂，大家都唔耐煩了。1. 滷肉飯（$50)、豬軟骨滷肉飯（$75)價錢差廿五蚊，但其實份量差唔多，只係一個用大碗，一個用細份，滷肉份量唔夠多，撈唔哂啲飯。2.啲珍珠唔算好味，而且隔咗一陣會好硬，係價錢平（$16)3. 芋丸超級唔得，無味之餘，明明我叫凍嘅，但芋丸仲係要熱，只係將芋丸放喺冰上面，啲冰一融咗就變水，無任何糖醬/湯，完全唔掂...

原味 // 墨魚香腸 ❤️ ($38)評分：8/10.好有「格調」嘅台菜餐廳，燈好少所以好黑😅 呢個兩色香腸感覺幾抵食，特別係呢個價錢有咁多塊算好唔話得。雖然知道其實不在乎係因為廚師嘅刀功出色先可以兩條腸切到咁多塊(?) 兩種香腸都唔錯，啖啖肉，唔會硬👍 挺好的台式魯肉飯 ❤️ ($45)評分：5/10.魯肉飯十分之普通，冇特色而且魯肉我覺得唔太正宗，又係個種醬多過肉n 倍嘅配方。其實佢極其量只可以算係肉燥飯而非魯肉飯。外表亦好平凡。味道雖然唔難食但唔推介大家花錢試。似乎佢地係小食比主食整得好味嘅餐廳

放假前約friend食飯，放底個老公是常識吧，2條女就係又怕肥又貪食嘅我哋就揀台式嘢'古早'，依間餐廳係銅鑼灣地鐵站對面嘅商業大廈入面，地方都裝修的ok,仲有個酒吧位眼見有唔同嘅酒，可惜今日無酒意，唯有下次先去飲。餐廳都好多人食都要等位，好彩冷氣都夠，未坐底就已經諗要食咩，因為我哋都係眼闊肚窄嘅人，所以目標都係小食類，可以食多幾款。一開始就叫個細嘅小食併盤（有5樣揀3款），我哋就揀咗雞翼，蛋同埋五花腩味道都ok, 有個花枝丸，嚟到熱辣辣咬開除咗彈牙外，仲有好大粒魷魚係裏面，一個鹽酥豆腐，外脆內軟又唔會太咸，炒咗個乾扁四季豆，上面有D醉肉夾埋一齊食剛剛好，一個蚵仔煎做到跟台灣一樣，底係蛋面有好多葱花同蚵仔，一人一杯飲品我就叫咗個奶蓋咖啡，面有一層厚厚嘅奶蓋少少咸 max埋杯咖啡飲落好滑又唔太甜仲有杯胚芽奶茶都ok

係銅鑼灣想食平dd真係1d都吾簡單，行過見d人地派傳單，拎完一睇發覺呢間既價錢都好合理，於是二話不說就入左去食，我同朋友2個人就叫左蒜泥白肉，鹽酥豆腐，早味牛肉麵，炸花枝丸同台南擔仔麵，至於飲品方面就叫左黑糖薑汁奶茶同水蜜桃紅茶！先黎既係小食蒜泥白肉，個蒜泥味道好好，而且方量吾少，好足夠，白肉吾會好硬又或者感覺好油，配上蒜泥食令入口更清新，不過愛清淡既朋友就略覺得有點少鹹！另外，個鹽酥豆腐真係必食，佢外表雖然炸過，但完全吾會有層好厚既炸衣，相反薄薄的炸衣包住裏面仍然相當滑嫩既豆腐，帶來驚喜既口感，相信呢個菜色真係大人同小朋友都會喜歡！必點！炸花枝丸都相當吾錯，入口彈牙，炸既時間剛好，相當不錯！主食方面，台南擔仔麵價錢相當平民，女仔都夠食，調味幾好，不過我比較喜歡麵條更硬身！而古早味牛肉麵都相當好，湯底用了不同藥膳，感覺好健康，牛肉多又大舊，好扺食，大食既男人都岩！飲品方面，黑糖薑汁奶茶真心推介，兩種味道估吾到放埋一齊估吾到咁夾，而且不算好甜，好養生！而朋友都話佢杯水蜜桃紅茶都好飲，吾似出面成日飲親果茶既死甜feel,開胃又解渴降溫，好適合而家夏天熱辣辣既日子！overall黎講呢間台式

好耐冇去台灣旅行，最掛住一定係台灣街頭小食啦！所以今晚就一定要食下台灣野嚟滿足一下自己。呢間台灣野叫古早味。古早是從閩南語衍生而來的台灣俚語。形容食物用傳統做法，有傳統風味的意思。首先叫咗兩杯嘢飲有百香果綠茶同奶蓋綠茶，百香果好清新而奶蓋綠茶就有好濃郁嘅奶香！蒜味鹽酥雞粒好香口鬆脆，又熱辣辣，好好味！炸花枝丸，大大粒，又有真嘅墨魚肉粒係入面好，好𡁻口！鹽酥炸豆腐，外脆內䁔，豆腐好滑溜，食到唔停口！(唔記得影😅）涼拌木耳以為係前菜冇諗過會咁大碟呢個涼拌木耳有少少似四川嗰種麻辣咁，好開胃！台式滷肉飯個汁好好味，滷肉肥瘦分明，整得真係唔錯，有台灣嘅風味!蒜蓉炒A菜食咗咁多肉類點都要叫返個菜，菜夠新鮮，簡單用蒜蓉炒已經very good!兩個人食完咁多野已經食唔落甜品，叫咗杯降脂桂花國寶茶，立刻消滯解膩。今晚真係好滿足丫，好似去完一轉台灣掃完夜市咁樣,yeah!

最近唔知點解成日都好想咬珍珠🤔趁住朋友約我食飯呢個機會揀咗嚟呢度食台灣嘢，順便飲返杯台式飲品冬瓜茶清清甜甜咁，好消暑解渴；珍珠亦都煙韌。廿蚊唔洗大大杯又有得坐，好抵最出名嘅台灣小食之一，當然要點！外脆內嫩，肉質唔嚡，好香口一般嘅涼拌黃瓜都係蒜蓉味比較重，但呢一碟係以椒鹽為主嚟做調味，少少香辣得嚟都幾清新一放低喺枱就聞到濃濃嘅羊肉味麵條煙韌有咬口，而湯底就係好香濃藥材味，唔怕羊羶味嘅人必試

今日約咗舊同事出嚟聚舊，佢話想食台灣菜，又要行sogo嘅感恩節，所以就約咗喺sogo後面嘅京都廣場上面食古早味台灣菜，同埋餐廳嘅裝修好有格調優雅，環境幾好 。睇下menu發覺呢度啲小食都幾地道，價錢以銅鑼灣地段來講算好平仲有。比較特別嘅就係呢度竟然有川菜好似水煮魚， 麻辣拼盤等等 。由於時間尚早， 我哋未係好肚餓，佢又趕住要去濕平，我地就主要係叫啲小食。天氣咁熱梗係叫番杯炭燒烏龍奶茶，加珍珠就加$3，勁多珍珠。杯奶茶幾香茶味同埋奶味唔會太過份，比起好多珍珠奶茶專門店仲好， 同埋呢度又可以揀加奶蓋。舊同事唔飲凍嘢要飲桂花茶， 據說好清香桂花味唔太甜賣相都幾靚。另外叫咗幾個小食包括係醉雞卷，鹽酥雞，滷水拼盤，醬汁茄子。鹽酥雞做得唔錯，好鬆脆，雞肉都尚算嫩。茄子呢比較意想不到，原來佢係暖暖哋，我地原意為係冰涼嘅，如果可以凍食相信會更好！ 鹵水拼盤$68有三拼好大碟！但醉雞卷就酒味不足，但係雞卷上面嘅杞子就好香甜酒味，如能相同重手來落酒煮雞會更好！舊同事見到menu有川菜同上海菜，本來係想食水煮桂花魚，點知原來今晚係冇桂花魚，所以就轉咗要個糖醋鱸魚！鱸魚炸得好香脆酸酸甜甜好開胃，我地連骨都食咗

銅鑼灣，一個紙醉金迷的地方，有不少名牌出名的餐廳坐落於此，但想搵間平平地又唔太多人的好味食肆，就真係有d難。P.S. 銅鑼灣的foodcourt都多人到要等幾耐下四處奔波，終於抬頭望一望，發現有一橦樓上食肆，心諗多都都係放題/打邊爐果類食品，但無意間見到有間係食台灣野的—古早味。一上到去，門面簡簡單單三個字，但呢三個字卻充滿台灣風。小小decoration，有小小特式的門口，但因為係樓上舖，客人等候區唔算太大。呢個餅size唔太大，一口可以食曬佢。但蔥份量唔算多，蔥味個人覺得未夠濃。呢個小食做得非常出色，豆腐夠滑，外皮香脆，達到外脆內軟的口感。鹽味又調到剛剛好，唔會明顯太咸。最後食台灣野必叫的滷肉飯。其實一直唔識分魯肉飯、滷肉飯同埋肉燥飯。但呢個飯係我本人係台灣食過果種風味，一片片的肉，加上濃香的滷水味，整個飯絕對值得一讚呢間舖除左基本台式小菜外，仲有台式火鍋同台式甜品。當中包括芋圓係十分期待的，希望盡快可以再來試多次

台灣菜真係食極都唔厭，得閒就會搵台灣野食。"古早味"呢間餐廳名字，令我諗起台灣食物味道所追求既口味都是陣陣"台味"，即係食物最傳統味道既傳承。店內既decoration頗有台式高格調風情，起入店面經過兩邊有些木柱走廊做間格，牆上掛滿了不少台灣懷舊特色照片，店內以黑色為主要色系。用膳當晚為星期日，7點都未到，入座已8899，幸好快人一步仲有一個窗邊望街境既位。Menu有好多選擇，令我又產生選擇障礙症，台灣既特式都有齊，我都好例牌咁叫左幾樣次次都必叫既食物，再揀左d特色未試過既try try炸花枝丸新鮮炸熱辣辣基本上係無敵，花枝丸肉好扎實有點彈牙，無咩油膩感但又帶點鬆脆蒜味鹽酥雞呢個鹽酥雞味道呈波波狀，可以一口一個，外層酥脆，有鹽，胡椒的味道，雞肉嫩滑可口。一粒一口夠脆又唔會油膩，炸得頗香脆，撒上少許椒鹽調味粉，更見惹味。宜蘭蔥餡餅香蔥混合麻油既香氣，蔥肉皮薄彈牙、新鮮豬肉&青蔥內餡，皮薄餡多內裡塞滿左餡料，煎到黃金外皮帶脆口。趁熱食有爆漿口感，就算放涼左漿汁都吸入左係脆皮中，巧口唔膩，呢個堅正干貝櫻花蝦荷葉飯荷葉鋪墊係底部，荷葉香&糯米香瞬間飄逸出來，整體香氣好足。櫻花蝦、干貝、炒香既香

台灣同香港一樣咁多街頭美食，隨便都講得出十種八種到來古早味可以食返各種美食，唔使下下飛過去都食到了！👏🏻👏🏻金牌台灣啤酒金牌台灣啤酒最好飲，來這裡完全沒有抗拒既理由，叫返兩枝過下口癮！蒜味鹽酥雞蒜味香濃，細細粒香脆可口蚵仔煎味道都唔錯，唔太厚，比較喜歡上面既汁，似茄汁又帶有小小辣，不過蚵仔沒有台灣的多！養生雞湯飲完即時覺得有補身效果，藥材味稍重好好飲。雞又滑，份量都唔少架！😋👍🏻糖醋燒爐魚脆卜卜特別好食，魚肉唔會熟過龍乾晒，還有伴碟既三色椒，好充足既水份好好食！我地兩個人竟然都食得晒！紅豆燒餅呢個味道幾好喎，唔算甜，餅皮雖然比較厚，但都幾脆手工三色芋圓(熱)有紅豆/綠豆選擇，因為芋圓都有飽肚感覺，太飽會食唔落，所以要早小小order😆

雞扒滷肉飯 (7/10分)塊雞扒新鮮炸起的👍🏽而且一啲都唔油膩.個人認為要嚟送飯反而有啲可惜㖭...滷肉就一般啦.勝在唔似得有啲舖頭一味死鹹.亦都唔重味精...而且個飯都幾大個下.唔係太大食就2個人食1個都夠.嗌多啲小食食下仲好豬軟骨滷肉飯 (6/10分)個人口味嚟講就炆得唔夠腍.而且食多2啖仲覺得有點臊味...不過勝在夠大舊囉.整體都很平平😑醬汁茄子 (5/10分)其實個餐牌仲有一個家鄉燒茄子.不過小弟見呢個係小食.心諗份量可能會細啲所以叫咗呢個.不過都出奇地算大碟.只可惜係一碟好一般嘅蒸茄子咁😞真係除咗茄子味之外就冇其他味道了😓啱晒清淡一族嘅朋友蒜泥白肉 (7.5/10分)成晚最驚喜竟然係呢個🤗鍾意食蒜頭嘅朋友一定要試下呢個餸.雖然係冷盤.但係個汁超級惹味.同啲半肥瘦豬肉都幾夾😋啲豬肉都算幾厚身下.都可以列入飽肚加餸之選整體 (6.5/10)對鍾意食台灣嘢嘅朋友嚟講都可以多個選擇的.服務都唔太差嘅.但係想坐耐啲傾下偈就未必係一個好好嘅選擇了

因為想食牛肉面，於是試下呢間，午市價錢算合理（銅鑼灣黎講）。試左原味牛筋牛肉面，蕃茄牛肉面，珍珠雲吞和蔥饀餅。第一樣上菜係珍珠雲吞，原本諗住叫花枝蝦餅又賣晒，椒鹽豆腐又賣晒 （重點係1300過少少就已經呢樣無嗰樣無啦！）於是乎職員推薦珍珠雲吞，黎到賣相已經唔多吸引，成碟野勁多麻油，咬落去仲衰，乜味都無，淨係得雲吞皮，完全無饀，不知所謂。我寧願返屋企食灣仔碼頭小雲吞。第二樣: 蔥饀餅，個樣正常，咬落去好熱仲嘟汁添，點知食落又係唔對路，啲蔥又老又鞋，唔好食。雖然有4件，但係我同朋友一人一件已經收口。第三樣: (主菜) 牛筋牛肉面。賣相都正常，一飲個湯咸到爆炸，再試牛筋咸到成堆鹽入口甘。從未試過牛肉面甘難食。連20碗牛筋面都好食過佢。第四樣:（主菜）蕃茄牛肉面。比原味牛肉面無甘咸，但完全無蕃茄味，又係唔討好之作。成餐只可以用難食黎形容，唯一只係杯珍珠奶茶份量比其他地方大杯。

之前去接男朋友放工，一齊喺銅鑼灣食飯。呢間台灣野食雖然係樓上舖，但都好多人，好在嗰日都算早去，6點幾左右，佢地淨係限時用膳，如果再遲d就要排隊排好耐。紅燒牛肉麵($55)，足料，粗麵，湯夠濃。台南擔仔麵($35)，比牛肉麵細碗，但都好足料，幼麵。九層塔手抓餅($20)，夠香，都幾大塊，唔算太油。三色芋圓($28)，熱食，紅豆沙糖水底都算唔錯，但芋圓煮得麻麻，太軟。綜合芋圓($32)，凍食，好過熱食嗰個好多，多料d，而且芋圓夠煙韌好好食，推介。價錢唔算貴，幾抵食。

早幾天相約朋友到銅鑼灣古早味(台灣)聚一聚。位於京都廣場5樓餐牌上有不同的菜式，甜品相當吸睛。蚵仔煎口感非常接近台灣的，軟QQ的，配菜用上韭菜，比我想像中合拍，蠔仔也滿多，非常好吃。古早味牛肉麵牛肉煮得非常嫰滑，肉味甚多，古早味的湯頭帶有台灣藥膳排骨的感覺，令手打麵更好吃，值得推介。蒜味鹽酥雞整份炸得滿酥脆，雞肉不會炸得太乾，蒜味濃一點更佳。養生雞湯這個與韓國的有一點不同，湯頭味道清香帶甘，人參味重一點，雞肉嫰滑。紹興醉蝦(凍)凍吃是必須的，每隻蝦都很入味，帶酒味香，肉質鮮甜。奶蓋烏龍，解解口渴，口感不錯甜品時間到，點了桂花酒釀湯圓及手工綜合芋圓，桂花酒釀湯圓的味道非常適合我，桂花味道及酒香蠻濃，湯圓QQ的，個人覺得叫丸子較為合適。手工綜合芋圓(走珍珠)，整體味道不錯，份量滿多，個人覺得芋圓再軟一點更佳。