古早味台灣原味 (已結業)

約朋友食飯，walk-in 這間，等了一陣就有位啦！好似係無線藝員好的食肆，飲食節目有介紹過。上菜都唔係等左好耐，這個海鮮粉絲煲，味道好香，算好多料，這個當飯食一流。蚵仔煎好多蠔仔，而且蠔仔好新鮮，這個汁不會太多，剛剛好。我好怕出面好多舖頭都一大堆汁，蓋哂蠔仔味！這個宜蘭蔥餡餅，非常好食，朋友食了一啖，就叫我快d試，蔥味好香，而且皮不會太厚，脆脆的，係可一食再食的小食這間價錢不算貴，但質素有驚喜，可以再Encore, 下次再試其他菜。

台菜真的百吃不厭，今晚再和好友嘗試新台式餐廳，雖然吃七點，但到達時已爭不多坐滿了人。到達才知原來旺角也有分店，能開分店証明食物水準應該不錯，因此我和朋友都放心準備大吃一餐！吃台式餐廳我總會點薑母茶，感覺在台式餐廳飲的特別正宗！而我安求要少甜店員也很貼心地做到！鹵肉飯當然是必點菜式，鹵肉很充足，鹵水味也調較得很好，飯量足，十分不錯蒜泥白肉也是我的摰愛，每間餐廳做的也有些許不同，每次吃也會充滿期待，這裹的很合我口味，醬汁濃而不膩，瘦肉和肥肉比例很好，每口也很美味手撕餅是最近我很喜愛吃的，餅皮煙韌，每口香氣，即使是我們兩個女生也能把這個餅吃完！鹵水拼盤可選組合，我們選了這三款，豬大腸的肥膏已被去掉，吃時內疚感也少很多！另外也點了一個冷盤和菜，味道也相當不錯！最後點了芋圓作甜品，芋圓口感煙韌，我們兩人吃過也大叫滿足

今日一行兩人想食台灣野，就見到呢間台灣菜餐廳，位置喺銅鑼灣，地鐵站行過去都好好方便。我地都真係好肚餓，叫左好多野食。叫左涼拌木耳，滷水拼盤，豬軟骨滷肉飯，蒜泥白肉，手抓餅，炒A菜，三色芋圓紅豆沙。夏天食呢個涼拌木耳真係好開胃，木耳爽口，少少辣辣地，酸酸地。滷水拼盤我地揀左滷蛋，雞翼，豬大腸。全部都滷得好入味！大腸尤其出色，好香口，一啲都唔會膩！雞翼肉質都好滑！正！豬軟骨滷肉飯，大大碗，超抵食！豬軟骨煮到非常入味，啲軟骨無牙都咬到。飯多，滷肉多，再配埋豬軟骨，真係好滿足。蒜泥白肉，絕對係厚切，入口即溶，配上蒜泥，啖啖肉。手抓餅都好有台灣風味，唔會太油，一定要趁熱食！炒A菜炒得好夠火喉！而且啲菜好新鮮，食咁多肉一定要配返碟菜既。三色芋圓紅豆沙，真係清甜入心。芋圓相當有咬口，做飯後甜點一流。飲品方面我叫左熱烏龍奶茶加珍珠，茶味相當濃郁，甜度適中。餐廳都相當多人排隊，最好book位先！食物味道方面都好出色，價錢亦好合理，都推薦大家去試下。

Book枱時話留枱10分鐘，用餐時間2個半鐘。宜家好少限時既餐廳有甘長用餐時間。可以慢慢食之餘又有時間可以傾下計。3個女仔食量不大，所以叫2個主食加啲小食就好了。叫左個豬軟骨肉燥飯，豬軟骨啲肉偏硬，完全吾心意，而啲肉燥就系偏多肥肉，食落比較笠同油牛肉麵不錯，麵質有咬口。開頭望落以為得好少麵，原來碗底深，都吾細碗。 鹽酥雞也不錯，乾身吾油，不過肉質吾算滑。炸豆腐都系乾身吾油，小雲吞就無咩特別另外叫左3杯野飲(無影到相)，我既荔枝烏龍不錯，但朋友既蜂蜜綠茶就偏甜，好似好多糖漿甘，另一杯百香果綠茶就又酸又甜，麻麻地。

一提起台灣，除了諗到濃烈的人情味之外，更有好多令人讚嘆的美食，從滷肉飯、蚵仔煎、珍珠奶茶、虱目魚、甜不辣、加熱滷味、貢丸、鳳梨酥、藥燉排骨、胡椒餅......應有盡有，數之不盡。在台灣，美食就是種態度！可是返到香港之後，要再嘗到地道台灣味，似乎就沒那麼容易了。今日特意請教了居港多年的台灣同事，請他推薦一下台灣人都會吃的本地台灣食店，他介紹了位於銅鑼灣的古早味台灣原味。Menu上有很多選擇由冷盤、小食、小菜、海鮮、湯品、連火鍋、甜品和飲品也有，真的什麼也想試一試。小吃系列叫咗廚師特選～花枝蝦排，油炸後整個金黃酥脆，每一口除了有花枝的彈性口感之外，更有蝦肉的鮮甜，真的非試不可。再來一個麻辣拼盤，有肚絲、豬耳同腎片。這個麻辣拼盤不是太辣，愈吃愈過癮！醉雞卷一上枱已經聞到一陣陣花雕香氣，醉人又芬芳，啖啖肉啱晒怕骨嘅我，這個冷盤好味又滋補！干貝櫻花蝦荷葉飯, 蒸籠一打開，荷葉香及糯米香瞬間飄逸出來。櫻花蝦鋪滿整個荷葉飯，看起來澎湃豐盛。

為食嘅我見到餐牌又樣樣都想食喇! 今次仲要同埋為食姪女一齊,我哋實又叫到成檯都係 落order 之前我哋已經再三提醒自己唔可以浪費, 同埋預咗會打包做明天午餐嘅心態下去揀嘢食的! 結果我哋樣樣都想食嘅情況下叫咗五款嘢食係唔知揀咩好嘅時候職員就主動介紹我哋食晚市先有並且供應量唔多嘅干貝櫻花蝦荷葉飯同埋多人食嘅醉雞卷!聽到供應量唔多而我哋又有機會食到嘅, 咁就梗係唔會錯過, 一於order 佢哋推介嘅呢兩款食物再加多三款小食! 咁樣先可以試多啲食物同埋帶飯吖嘛!講返啲食物味道先~醉雞卷$88~雞卷已去骨,咬落去啖啖肉,好嫰滑,有酒香之餘又唔苦,夠晒入味,確係唔錯干貝櫻花蝦荷葉飯$88~荷葉飯送上檯時香噴噴嘅荷葉香同蝦香隔成個身位都聞得到! 荷葉飯填滿一整籠, 飯面佈滿櫻花蝦, 飯裡又有肉腸,菇等等, 口感都幾豐富, 起初都擔心糯米飯會濟, 但食落又唔覺, 又唔油膩, 唔覺唔覺我哋每人都食咗兩小碗, 仲有一半可以留來做明天午餐, 所以呢籠飯原來都幾多, 幾抵食! 甜不辣片 $38 ~ 煙煙靭靭, 幾有口!鹽酥豆腐 $38 ~ 外脆內滑, 再配埋啲椒鹽, 唔太食豆腐嘅我, 都覺得幾好食, 一

見到「古早味」呢三個字，令人好想即刻食個肉羹，飲杯波霸奶茶。但銀根短缺唔想花錢去環島遊，近近哋，原來銅鑼灣都有正宗台灣嘢食。多得京都廣場樓下位姐姐推介，今日就摸到嚟「古早味台灣原味」喇！打開個MENU，好似真係環島遊咁。因為感覺上台灣任何地區嘅美食都可以搵得到。鹽酥呢兩個字，充滿魔力。所以第一時間要個鹽酥雞先！上枱熱辣辣嘅鹽酥雞，咬落勁香脆。香口嘢得一味點夠，嚟多個花枝蝦排先。好彈牙係第一個感覺，咬落仲有一粒粒花枝粒，煙煙韌韌咁，幾過癮。麻辣唔一定要食川菜。台式麻辣亦另有一番風味。好似呢個麻辣拼盤，食落諗起台式滷味，香料味濃，加上辣辣哋，講真佐酒一流！但係今晚唔想飲酒，反而想飲珍珠奶茶！叫番個黑糖奶茶加珍珠先！唔知係咪加咗黑糖嘅關係，味道真係特別香濃。跟住呢個醉雞卷就厲害喇！可以話眼見枱枱都有叫一碟！咁梗係唔執輸要叫埋一份。果然係好味，淡淡嘅酒香，加上啖啖肉嘅雞，色香味俱全。主食就叫咗干貝櫻花蝦荷葉飯。一上枱，見到佢鋪滿櫻花蝦，當堂食指大動。真係有大大粒元貝喺面頭呢。啲飯食落有啲似糯米飯，QQ的，仲有台灣腸粒喺裡面，加埋荷葉嘅香味，平時唔添飯，但今日都要食多碗先得！食咗咁多肉，點都要食

尋日約咗朋友喺銅鑼灣交收淘寶貨，為咗要慶祝我哋滿載而歸，我哋決定要食一啲特色啲嘅晚餐! 畀我哋誤打誤撞，見到呢間古早味台式小食，於是我哋決定去試下!台式飲品梗係要仙草奶茶，呢杯奶茶配上仙草又creamy又滑!花枝蝦餅，真係好好食，外面脆卜卜，裏面蝦膠打得很勻循，又熱又爽口， 份量十足都係只收38元，真係好抵食花雕雞煲，有啲似啫啫雞，酒香撲鼻，而且雞肉很滑，配上西芹絲，薑蔥，非常惹味! 而且很大煲我們二人差點食不了!櫻花蝦荷葉飯，櫻花蝦鋪滿整個荷葉飯，顏色及賣相十分吸引，荷葉飯煙韌，加上台式香腸肉，味道好夾!椒鹽豆腐，細細粒外皮粉漿不算太多，但很脆，裏面仲係非常之滑，廚房很有功夫呢度食物，上枱都係熱辣辣，肯定係即叫即做，而且價錢好抵，真係有驚喜!

上星期日相約兩個朋友去sogo行下，有朋友介紹試下呢間古早味台式小食，位於五樓，環境都好舒適，侍應安排我們坐近窗口位置，可望到銅鑼灣車水馬龍嘅街景，超正！睇一睇餐牌，選擇有很多而且價錢十分之抵先來了百香果茶及仙草奶茶，百香果很鮮甜， 奶茶亦很滑。小食我們點了原味手抓餅，這個手抓餅真係似我去台灣嘅街邊小食，裏便有蔥花，而且並不太油，很乾身入口熱辣辣！辣味鹽酥雞，鹽酥佈滿雞件，很惹味！花枝蝦餅，真材實料，非常爽口！干貝櫻花蝦荷葉飯，淨係賣相已經攞滿分，荷葉飯密密麻麻嘅細小櫻花蝦，入口很脆，荷葉飯粒粒乾身，很有咬口， 裏面仲有一些好像是台式香腸粒，非常有水準！最後甜品叫了豆沙鍋餅，即叫即做，皮非常之薄而豆沙不算太甜， 鐵板上保持溫度 ， 好細心！這間古早味台式小食真係很有特色

呢間餐廳主打古早味，即係以台灣道地既手法去烹煮。係呢度，真係令我覺得好似去左一轉台灣咁，好多小食都好高質。同埋餐廳既環境令人坐得好舒服，可以同朋友仔一路食飯一路傾計。店員態度又非常之好，會推薦我地去食咩。有咩特別受歡迎！最後我地叫左洋甘菊茶，台灣香腸， 海鮮粉絲煲，嘉義雞肉飯， 蚵仔煎，鹽穌雞同鹵水拼盤。特別推介台灣香腸。呢個台灣香腸真係好好食，正宗台灣味，食落又唔會好似平時夜市果d咁油。令人一舊接一舊停唔到咁，如果有埋蒜頭就更加好，就咁食都已經好正。入面係入口即溶 都又吾會太油膩！仲有蚵仔煎，蚵仔好新鮮連埋蛋食，熱辣辣咁，好似係夜市食果d咁。份量都好大！煎得好香口！海鮮粉絲煲勁大份又入味，d粉絲辣辣地又有勁多海鮮，食到停唔到。好有大排檔口味總括而言都係值得推薦俾大家。解一解思鄉之情！

呢間表面平平無奇既台式餐廳，其實暗藏著好多嘅美食~呢排我地好仲意去啲樓上鋪搵好西，今次亦搜索成功🤭太肚餓了~~~兩個人叫咗醉雞卷，花枝蝦排，鹽酥豆腐，牛肉麵，都算多😛我要特別讚揚一下佢嘅醉雞卷雖然呢個小菜好似好易整，但係通常都會有雪藏味或者係有過重嘅苦澀味⋯⋯不過古早味真係整得好出色，好入味！而花枝蝦排炸得好香口，新鮮滾熱辣，咬開時仲見到花枝同蝦嘅肉，正阿！講起炸野我地仲叫咗鹽酥豆腐以為無咩特別啦，但真係唔差，炸粉好薄並唔油膩！仲熱到出煙🤤牛肉麵嘅湯底濃郁亦見到落咗唔少蔬菜去淆個湯底，所以濃味又清新~而且係用寛麵，十分彈牙👍🏽最後最後~我仲忍唔住叫多芋圓食，天氣咁食到心都涼曬呢間真係值得推介，價錢🤙🏻食物🤙🏻

係銅鑼灣唔知食咩好，黎京都廣場搵食就最好不過。有連鎖餐廳，又有火鍋同埋唔同國家嘅菜式任君選擇，今次就同朋友黎到古早味，試下台灣菜，古早味意思係用最傳統嘅方式黎烹調食物，一於就睇下係咪咁嘅一點事~一食台灣菜就會引唔住叫個牛肉麵試下，古早味蕃茄牛肉麵($60)同普通牛肉麵一樣價錢，緊係叫埋蕃茄睇下係咩味道。牛展有3塊，每塊都好厚又軟，而麵條係粗身，個湯底好濃但係唔膩。再叫咗個小食酥炸大雞扒($38)，雞扒一樣咁厚，炸到外面金金黃黃，睇到已經流口水，不過食食下會覺得好乾，個人覺得同埋牛肉麵一齊食會更加好。台式滷水拼盤(3件$68，6件128)，我地叫咗3款，係豬大腸豬耳同埋豬肚，滷水味唔會話太濃，濃度啱啱好，醃得好惹味，送酒一流。最後俾佢嘅甜品吸引住，叫咗手工芋圓配紅豆。芋圓有香芋蕃薯同紫薯，味道十足，又有口感，不過紅豆湯略厭甜咗少少。

相約友人於銅鑼灣購物 行街之前當然要食餐好嘅先有力啦！朋友想食台灣野 最後就提議左古早味！午餐時段似乎只有lunch set可以選擇，不過有麵有飯，選擇算多，多幾個朋友又可以另外再嗌小食share～絕對唔怕會唔飽！小編點左lunch set入面嘅酥炸雞扒魯肉飯。份量超多，雞扒算juicy，而且底下魯肉份量相當多又惹味，拌飯來食非常開胃！再加上隨餐附送嘅3小碟前菜，由上至下為豬腸、雲耳、酸菜，又正又抵食！隨餐附送珍珠奶茶或果茶，小編點了百香果茶，選了小甜，甜度剛剛好！

銅鑼灣好多食肆都已經食過，又唔想食麵⋯⋯又想涼冷氣⋯⋯搵你搵去都搵唔到一間啱食有經濟嘅午餐⋯⋯終於終於俾我搵到一間台式食品店，點樣咁多好評，就試一試！真係講唔到！海南雞飯真係好好食肉質嫩滑但冇乜雞味，始終都係冰鮮雞，不過冇雪味，而且醬汁十分好吃，有五個醬汁，個人最喜歡吃星加坡黑豉油和青介醬，十分正宗味道！得返的份量足夠兩個人吃，最令我感到意外的是一個價錢包一杯珍珠奶茶絕對絕對唔係劣質的下品貨！不會太甜，珍珠不會太硬平時都唔飲珍珠奶茶嘅我都覺得幾好啊！多少我一定要大大大大大大大大大堆介小妹最鍾意食嘅蝦餅真係好好好好好好好好正！剛剛炸好，外脆內軟，大大大件。真係真係食到蝦肉！坐喺呢間餐廳都幾舒服一個下晝涼下冷氣食下好西，價錢也十分實惠，嗰日真係好滿足！

銅鑼灣一向都多野食，但台灣菜反而得幾間，今次就揀咗京都廣場樓上嘅古早味。上到樓等位真係好耐，超過半個鐘先有位。我地兩個人首先叫咗小食 - 鹽酥雞，分量幾多，兩個人剛剛好，又夠脆，又有汁，不過不失。第二樣小食係豬耳，平時係開譚仔麻辣豬耳，今次試下台灣風味，但原來唔太辣，但我覺得唔夠爽，而且吃吃下真係有陣羶風。之後叫咗魯肉飯，但略嫌太貴，一碗飯，魯肉又唔多，盛惠$50。個人覺得呢間餐廳質素麻麻，想食正宗台灣菜會好失望。