古今

營業中

休息中

今晚朋友約了我到古今吃晚飯，位於銅鑼灣軒尼詩道525號澳門逸園中心21樓。 因為太肚餓，所以一入到店內就已經點了胡麻豆腐沙律$78、 雞中翼串$30、 日式炸雞$48、 炸軟殼蟹天婦羅$78、 午夜牛郎$88、 煙肉蘆筍串$28。🔸🔸🔸🔸🔸胡麻豆腐沙律～ 沙律菜新鮮， 酸酸地幾開胃。雞中翼串～ 食串燒必點雞翼， 皮脆好味。日式炸雞～ 炸雞細細粒， 易入口啖啖肉。炸軟殼蟹天婦羅～ 炸軟殼蟹好香口， 好耐冇食炸軟殼蟹了。午夜牛郎～ 外面脆卜卜的， 口感特別。煙肉蘆筍串～ 味道唔錯，唔會好乾。點完菜之後先發覺自己點了太多炸物， 反而沒有試到這裏出名的卷物， 唯有下次再食過。

我同大家一樣 都急不及待要睇鬼滅之刃劇場版(我估) 而睇喺之前梗係要食飽飽先啦 話晒而家冇得入去戲院食嘢架嘛😢所以我哋就近近地喺銅鑼灣搵到呢間好似唔錯嘅日本嘢😏餐廳都係位於澳門逸園中心 喺地鐵站一出就係 超方便！上到去佢哋嘅門面都有悉心嘅裝修！餐廳唔算大 但入邊嘅燈光柔和 都幾有格調👍🏻坐低咗消完毒之後 店員都好快過嚟介紹吓啲嘢食！🙈最後梗係聽下佢講 試吓佢哋嘅主打卷物啦！首先嚟嘅有個沙律•胡麻豆腐蟹子沙律🥗•-先嚟個沙律開下胃🙈 雖然只係沙律 但其實佢哋嘅配料都好足 有蟹子同魚子兩款做配襯 加埋芝麻醬同豆腐 涷冰冰食起上嚟清新之餘又開胃🥰•四款天婦羅🍤•-有炸蝦 紫薯 冬菇同茄子四款 全部都係新鮮即叫即炸 而且佢哋嘅粉漿都唔會太多炸蝦就做得比較出色 因為入邊嘅蝦肉仲可以保持到新鮮同彈牙👍🏻而紫薯都可以做到外脆內軟 而且味道又唔會太甜 啱啱好！😍主角到啦！•蜘蛛🕷️🍣•-大家唔好俾佢個名嚇親 其實入面係軟殼蟹嚟架🙈但因為蟹腳叉晒出嚟 所以好似蜘蛛😂食落口感爆棚阿！入邊有仲有埋蟹柳 牛油果等嘅配料 脆得嚟又好creamy👍🏻•辣妹🔥🍣•.唔好俾佢個名呃咗 事實上一啲都唔辣架！😂面頭有超多

餐廳位於銅鑼灣一座大廈裏邊，呢個大廈都有幾多餐廳呢。而餐廳裝修幾光猛。胡麻豆腐沙律主要有生菜同埋豆腐，上邊有胡麻醬汁再加三文魚籽。蜘蛛卷物呢個蜘蛛卷物一碟有五舊，原來蜘蛛係軟殼蟹，卷物入面有青瓜，牛油果，蟹柳，同埋軟殼蟹。 辣妹卷物而呢個卷物呢就有八細件，入面有Cream cheese，炸蝦同埋辣味吞拿魚。佢呢個配搭都幾有趣。食到都幾濃嘅cream cheese。而個吞拿魚嘅醬汁都唔算太辣。雜錦天婦羅有冬菇，番薯，茄子同埋蝦。佢呢個係即叫即炸，食落都仲好熱，個人推介呢個。

以卷物為主打的食肆，以這間最為出色，今晚便專程來到一試。地方簡潔，又帶點日本風情。忘不了你$88用料是芒果，炸牛肉、芝士伴上青芥末沙律醬，再加上黑芝麻的香氣，用生果來做卷物，比較開胃又惹味，而且色彩吸引，味道又不錯。牛油果天婦羅$52即點即炸，超熱的牛油果天婦羅，都是第一次，牛油果味淡，不過我是一個牛油果控，所以覺得非常美味。炸雞軟骨$36兩串香脆而不會過於油膩，是啤酒的最佳拍檔。燒牛脷$45燒得很香，爽口而不會過韌，燒汁惹味，令到這個全消生色不少。青龍卷$98用料是牛油果、蟹柳、鰻魚，牛油果沒有很濃的味道，不過配合鰻魚和蟹柳，就會令到這個卷物，加上了畫龍點睛的效果。

最近返工咁辛苦，就打算同朋友放工食餐好，慰勞一下自己，於是選擇了近大家放工的銅鑼灣《古今》食日本菜一上到去，侍應好熱情有禮貌咁招呼我地，環境乾淨企理，重點係座位唔迫，空間寬敞，坐得非常舒服！打開餐牌，就發現有多款自創壽司同卷物，而且名字都非常特別。一開始我地就叫了麻醬三文魚籽沙律。真心好好好大盆，三文魚籽都比得好慷慨，食極都仲有！作為一個開胃又清新嘅沙律，味道係唔錯！然後我地叫了一款名為「蜘蛛」軟殼蟹壽司。由於我朋友話佢個名幾得意，所以決定試試。一上菜，我同朋友第一反應係「哇！」，因為佢既炸軟殼蟹望落真係有大蜘蛛的感覺！雖然係炸軟殼蟹壽司，但食落完全唔膩，鬆脆嘅軟殼蟹配上牛油果同青瓜，真係估唔到哩個配搭咁match呀之後再來一款名叫「辣妹」壽司，滿滿的吞拿魚蓉，份量真的比想像中多！配埋壽司中間的芝士食，超級無敵惹味！啱哂鐘意食重口味的我！另外我地仲叫了炸天婦羅，炸粉完全唔厚，食落又脆又香口，而炸蝦同埋炸蔬菜都食得出鮮味，唔似係出面食的冰鮮冷藏貨色。今餐我地都好心滿意足，好好的服務態度，舒適的環境，有水準的食物質素，價錢仲要唔係貴！我地下次一定會再來

星期二放工，喺銅鑼灣行咗一陣之後上openrice見到呢間餐廳好似幾吸引，就入去試吓。我哋六點幾七點都未到就去咗食嘢，所以啱啱好唔使等位。一入到去就覺得啲裝修幾好，坐落幾舒服，唔似其他餐廳咁逼。因為我本身幾鍾意食軟殻蟹，所以叫咗個叫做「蜘蛛」嘅壽司捲。一上枱嗰吓我同友人都流晒口水，睇落好似好好食咁。個軟殻蟹手捲真係好正，入面啲炸軟殻蟹係啱啱炸起，再配合少少牛油果同埋青瓜中和返啲油膩感，令到我食落去唔會好有罪惡感！呢個配搭好夾！然後再叫咗個叫做「辣妹」嘅辣呑拿魚加芝士加炸蝦嘅壽司捲。一聽到都覺得好食，最令我有驚喜嘅係，本身唔係好食得辣嘅我都食到停唔到口，食落唔會太重口味，調味剛好，真係好perfect! 我哋仲叫咗其他小食，好似天婦羅果然冇令我哋失望，完全唔覺得有油膩感，炸得嚟又保留到啲食物嘅香味。總括嚟講，呢間小店係好值得支持，食物水準有保證之外，啲service仲要好好。喺銅鑼灣呢啲地段都好難揾到坐得舒服又好好食嘅日本茶。食完仲可以落去繼續shopping！

以前我經常用eatigo 訂位，訂得最多既餐廳應該係古今，因為有五折，另外係餐廳好近媽媽工作地方，當時學生哥嘅我會等阿媽放工，然後開開心心食古今。如今我已經成為社會一份子，媽媽都已經退休。今日同媽媽喺銅鑼灣行完街，忽然諗起古今，所以就上左去。古今最令我念念不忘既係卷物，款式超多，而且名字好有趣，今次叫左兩款之前未食過既卷物，充滿驚喜。- 忘不了你入面有芒果、炸牛肉同芝士。炸牛肉第一次食，估唔到同芝士味道幾夾。不過感覺卷物上面放得太多醬，有少少蓋過芝士既味道。- 午夜牛郎午夜牛郎既初型係費城卷，基本上材料一樣，然後再將費城卷炸一炸。外層有啲似吉烈豬扒，非常香口酥脆，加上牛油果、芝士同三文魚，味道幾夾！- 安格斯牛肉壽喜燒自從上次日本旅行都冇食過壽喜燒，所以叫左關東風既壽喜燒過一過口癮先！安格斯牛肉份量超多，牛味濃郁，蘸上蛋汁後肉質更軟嫩。另外配料有豆腐、金針菇、大量娃娃菜同洋蔥，淨係食配菜都飽飽地🤣- 胡麻豆腐沙律沙律菜加芝麻醬可謂經典組合🤣加上原磚豆腐同魚籽後味道更豐富。卷物一如以往咁好味，期待下次仲有咩新款卷物😙

今日去銅鑼灣崇光百貨買野，之後就去一間朋友推薦手工壽司卷物店，入到去果然係很有日本風格。他們的短文名稱也很特別例如有蜘蛛辣妹黑旋風等等。我們點了辣妹同黑蜘蛛，另外都叫了和風豆腐沙律同埋天婦羅，看到他們牛屎舌是廚師推介我們也嘗試了。感覺最好食的還是牛舌因為他一份有四塊燒得非常之均勻及有汁，加上其獨特的醬料，有少少薄荷味倍感配搭一流，壽司卷物也很不錯例如辣妹在壽司入邊包有芝士，芝士和紫菜同飯的配搭很新穎也很融洽，而且很飽肚。所以下次也會繼續光臨這間餐廳。

雖然聖誕節未到但好多地方已經開始好有購物氣氛, 所以今日小妹就同朋友出左銅鑼灣行街街🛍! 朋友話帶小妹去食好西之後再血拼過, 於是就帶左小妹去附近嘅澳門逸園中心! 平時經過都無特意上去望過, 原來上面都有幾多食店, 而今次朋友就帶小妹去左食卷物好出名嘅KOKON! 餐廳環境乾淨企理, 日光照入嚟感覺好舒服! 餐廳除左提供多款卷物, 仲有沙律🥗刺身, 小食, 炸物🍤, 湯🥣, 飯🍛, 串燒🍢…我地叫左一個沙律, 兩份卷物同一個湯開心share😊!胡麻豆腐沙律🥗豆腐香滑豆味濃, 沙律菜口感爽脆, 加埋粒粒魚子同大量胡麻醬, 非常清新又開胃! 份量方面都幾足, 兩個人share食岩岩好!辣妹辣妹入面有辣味吞拿魚粒, 芝士🧀同炸蝦🍤, 估唔到又幾夾🤔, 入口先係微辣嘅吞拿魚粒🐟同蟹籽, 之後會食到炸蝦嘅香脆同鮮味, 最後會有微微芝士味出左嚟, 小妹覺得食材比例同調味方面做得幾好, 芝士唔會搶哂吞拿魚同炸蝦嘅味道!午夜牛朗小妹今次係第1次試炸嘅卷物, 入口非常熱辣辣, 新鮮炸起, 外層脆卜卜好香口但一d都無油膩感, 卷物入面有牛油果🥑, 芝士🧀同三文魚🐟, 清新嘅牛油果加埋鮮味嘅三文魚同少少幼滑

好耐之前就去過係觀塘以創意卷物聞名既「古今」，今日同朋友再黎試試位於銅鑼灣既分店。餐廳環境係簡單既日式居酒屋，仲設有吧檯同獨立房。胡麻豆腐沙律 $78沙律菜好新鮮，豆腐嫩滑，大大粒魚籽，加左大量日式胡麻醬，好難唔好食龍捲風沙律 $78有超多新鮮生菜同中華沙律係底，上面舖上大量蟹柳絲、蟹籽同脆片，配以蛋黄醬同日本燒汁，食落酸酸甜甜，仲有小小wasabi辣，好開胃雜錦天婦羅 $58有2隻炸蝦、冬菇、茄子同日本甜薯，炸漿好薄，炸得好香又脆，炸蝦肉質爽滑彈牙，日本蕃薯好甜，冬菇大大粒好多汁，茄子超大舊午夜牛郎 $88午夜牛郎係炸左既反卷，包左牛油果、芝士同三文魚，外層炸得好酥脆，外脆內軟，第一次食炸反卷，好特別忘不了您 $88忘不了您入面有芝士同炸牛肉，上面舖左士多啤梨薄片，配搭甜甜地幾好食

Very innovative and creative sushi rollLove the Spider roll with avocadoIt’s wrapped with crab fillet and soft shell crabIt’s very smart tat they fried the soft shell crab to balance with the rather soft and flat avocado But also bring a sense of freshness and greenery to the dishPortion of the tofu salad is so hugeCompliment with tonnes of fish roeEnjoyed it before the sushi to increase my appetite and balance with the heavily loaded carb dishes

又食日本野，不過今次好特別，係專食卷物，我其實未試過，不過係朋友 社交平台介紹，好似幾正，於是膽粗粗黎試下，結果一啲都無介紹錯，每樣都好好食😋胡麻豆腐沙律🥗：諗住清清地食過沙律所以叫豆腐，結果都係咁好味，因為佢唔係簡單豆腐加沙律菜，佢仲配埋魚籽，原來幾樣單一既材料配埋一齊食可以咁好食蜘蛛🕷️：哈哈，唔好比個名嚇親，其實係軟殼蟹炸出嚟啲腳好似蜘蛛姐，配料係蟹柳，牛油果，同青瓜絲，軟殼蟹炸得好香脆，調味亦相當出色辣妹：我？佢地啲名改得真係好得意。哈哈，今次其實係炸蝦🍤配埋辣味吞拿魚，一口一啖，一次過食晒所有配料，仲有蟹籽卜卜脆，口感豐富雜錦天婦羅：有兩隻蝦，甜薯，茄子🍆同冬菇，炸粉醬剛剛好，唔會好厚身，而且點蘿蔔蓉一齊食，不錯唷！其實呢間餐廳仲有好多其他野食，例如刺身，壽司🍣，串燒等。。包你食得盡興呢🤩

今晚同男朋友睇《鬼滅之刃劇場版 無限列車》之前，去食晚飯先。呢間卷物幾抵食，我地叫左四樣野食，埋單都係$396，又食得飽。胡麻豆腐沙律幾大碟，生菜新鮮，胡麻醬落得夠多，豆腐嫩滑大舊。火山由青瓜、牛油果、蟹柳、帶子組成。上碟好驚豔，堆積如山高。底層由一個個壽司卷建立，上層鋪滿蟹柳、帶子，仲有蟹籽添，十分足料。辣妹由芝士、炸蝦、辣味吞拿魚組成。味道唔辣，但配搭幾夾，帶脆口既口感，好味。三文魚魚頭湯勁大盤，魚頭超大個，湯好清甜又唔會死鹹，而且落左勁多娃娃菜同豆腐粒，滿足。

喺附近放工 又嚟到銅鑼灣呢度好多嘢食嘅building食dinner 今次揀咗呢間日本餐廳 出名食日本卷類 我哋就叫咗蜘蛛 其實即係軟殼蟹卷 店員話好多人叫ga 所以推介我哋試 呢嗰d軟殼蟹都幾大舊架 擔擔肉新鮮炸起 裏面亦有啲青瓜絲 牛油果 同蟹柳 加埋飯團帶有少少日本醋 啲飯粒粒分明 雖然呢個配搭唔係特別新穎 但味道都唔錯 食完亦夠飽另外叫多咗個雜錦天婦羅 有炸蝦 炸冬菇 炸茄子 炸漿唔算厚 食落唔會覺得好油膩 都幾鬆脆幾好味 尤其以炸冬菇我個人好深刻 因為冬菇夠厚身 冬菇炸完唔會乾爭爭之餘仲有汁Tim

放工唔係好肚餓，諗住食得lite啲，所以就簡簡單單嚟咗呢一度食，一個人叫左兩樣嘢食。先嚟嘅就係龍捲風沙律$78。睇落去以為好少，其實份量都幾豐富。底下鋪咗一層生菜，上面有好多中華沙律，蟹柳，蟹子同脆片。配上佢哋嘅特色醬汁。食完覺得好Refreshing，即刻開咗個胃。係佢哋嘅特色卷物裏面，揀咗呢度嘅招牌之一金龍捲 $98 。金龍捲裏面有炸蝦，芝士，三文魚，吉列炸蝦新鮮炸起脆卜卜，壽司面頭放咗薄薄一片三文魚，仲有一點沙律醬，夾埋裏面嘅芝士食落口感好豐富。呢度都幾適合同埋班friend一齊嚟食嘢吹水，下次叫埋佢哋一齊嚟先。