更多
2020-11-18
190 瀏覽
雖然聖誕節未到但好多地方已經開始好有購物氣氛, 所以今日小妹就同朋友出左銅鑼灣行街街🛍! 朋友話帶小妹去食好西之後再血拼過, 於是就帶左小妹去附近嘅澳門逸園中心! 平時經過都無特意上去望過, 原來上面都有幾多食店, 而今次朋友就帶小妹去左食卷物好出名嘅KOKON! 餐廳環境乾淨企理, 日光照入嚟感覺好舒服! 餐廳除左提供多款卷物, 仲有沙律🥗刺身, 小食, 炸物🍤, 湯🥣, 飯🍛, 串燒🍢…我地叫左一個沙律, 兩份卷物同一個湯開心share😊!胡麻豆腐沙律🥗豆腐香滑豆味濃, 沙律菜口感爽脆, 加埋粒粒魚子同大量胡麻醬, 非常清新又開胃! 份量方面都幾足, 兩個人share食岩岩好!辣妹辣妹入面有辣味吞拿魚粒, 芝士🧀同炸蝦🍤, 估唔到又幾夾🤔, 入口先係微辣嘅吞拿魚粒🐟同蟹籽, 之後會食到炸蝦嘅香脆同鮮味, 最後會有微微芝士味出左嚟, 小妹覺得食材比例同調味方面做得幾好, 芝士唔會搶哂吞拿魚同炸蝦嘅味道!午夜牛朗小妹今次係第1次試炸嘅卷物, 入口非常熱辣辣, 新鮮炸起, 外層脆卜卜好香口但一d都無油膩感, 卷物入面有牛油果🥑, 芝士🧀同三文魚🐟, 清新嘅牛油果加埋鮮味嘅三文魚同少少幼滑
胡麻豆腐沙律🥗
豆腐香滑豆味濃, 沙律菜口感爽脆, 加埋粒粒魚子同大量胡麻醬, 非常清新又開胃! 份量方面都幾足, 兩個人share食岩岩好!
辣妹
辣妹入面有辣味吞拿魚粒, 芝士🧀同炸蝦🍤, 估唔到又幾夾🤔, 入口先係微辣嘅吞拿魚粒🐟同蟹籽, 之後會食到炸蝦嘅香脆同鮮味, 最後會有微微芝士味出左嚟, 小妹覺得食材比例同調味方面做得幾好, 芝士唔會搶哂吞拿魚同炸蝦嘅味道!
午夜牛朗
小妹今次係第1次試炸嘅卷物, 入口非常熱辣辣, 新鮮炸起, 外層脆卜卜好香口但一d都無油膩感, 卷物入面有牛油果🥑, 芝士🧀同三文魚🐟, 清新嘅牛油果加埋鮮味嘅三文魚同少少幼滑嘅芝士, 3樣食材配合得好好而且口感相當豐富, 推介👍🏻! 小妹覺得兩款卷物嘅芝士份量適中, 並無蓋過哂成件卷物嘅原味道, 唔會好似淨係係到食芝士咁, 所以食多幾件都完全唔會有膩嘅感覺, 值得一讚😋!
三文魚魚頭湯🐟🥣
天氣開始凍就好想飲番個熱辣辣嘅湯暖下, 三文魚魚頭湯係一大碗咁上, 大約有4人份量! 奶白色嘅湯汁帶有非常濃郁嘅三文魚鮮味, 三文魚頭煎得好香而且有大量嘅蔥, 所以味道好鮮甜又唔腥! 魚頭幾肥美, 魚肉散發住濃郁嘅魚油香, 食落口感嫩滑! 入面仲有大量豆腐同娃娃菜, 非常足料😊!
張貼
