古今

營業中

休息中

今日嚟到銅鑼灣呢間古今，入門時幾乎滿座，建議大家早少少到，如果唔係19:30左右就要等位啦。試過觀塘嘅古今，呢間係銅鑼灣分店，呢間比較出名嘅係壽喜燒，所以第一時間就嗌左個安格斯牛肉壽喜燒。安格斯牛肉壽喜燒鍋$228見到側邊台都嗌咗呢個壽喜燒，望落好吸引，好期待！！🥰🥰湯底清甜可口，食落唔油膩，而且配料多到就黎滿出黎，好滿足呀！蜘蛛 $88蜘蛛卷造型可愛，有牛油果青瓜同埋軟殼蟹，入口卜卜脆，味道不錯。芝士魚餅 $50呢個小食真係大愛，魚餅內芝士多到流晒出嚟🤪🤪，好食又唔油膩。

安格斯牛肉喜燒鍋 $228安格斯牛肉雖然無咩牛肉香, 不過口感都軟熟. 配上大量蔬菜冬菇金菇同豆腐, 加上壽喜燒帶甜醬油味幾香金龍卷 $98Golden Dragon RollSignature Dish，不過我個晚可能太多人，plating無之前睇相咁靚。 壽司卷入邊有炸蝦、芝士同沙律醬，上面係三文魚。三文魚都頗柔潤，中間炸蝦同個醬味道，有點似花之卷，係港式fusion 卷物味道最後係芝士餃子，其實係類似魚蛋本身夾左cheese 然後攞去煎. 煎完頗為油膩，中間芝士似芝士丸個d 芝士無咩芝士味道，唔太推薦星期一晚黎都好爆場，建議黎前預約

今次去一間Fusion日本餐廳-古今試下先，佢係一間居酒屋🍶有串燒🍢壽司🍣Sashimi、壽喜燒🥘，仲有好多特色卷物😍蜘蛛：有青瓜、牛油果、蟹柳同埋軟殼蟹☺️鍾意食軟殼蟹既就岩曬👍咁樣食落好fresh，唔會膩安格斯牛肉壽喜燒🥘：好足料😆入面好多牛肉、豆腐、娃娃菜，最底仲要有好多冬粉，勁入味😍再加埋粒雞蛋🥚，夫復何求😇牛舌串燒：中厚😍食落好有彈力又Juicy🤤雞軟骨串：食落好脆口又唔會乾爭爭👍

之前朋友食過《古今》話啲壽司名好盞鬼又好食，所以同我再黎多次等我試下。店內位置充足，仲有吧枱，好有日本風味！-今次試左個壽喜燒鍋$228天氣涼涼食啲熱野就最舒服喇！個壽喜燒超大鍋，一個人絕對唔會食得哂！入面材料都好豐富有：娃娃菜、牛肉、金針菇、洋蔥、粉絲、冬菇、豆腐、京蔥、韭菜😍😍牛肉好重牛味，所有食材都好新鮮，豆腐超滑，忍唔住食左好多，粉絲都煮到好入味，仲配有無菌蛋可以同壽喜燒一齊食，甜甜地配上蛋香味，真係一啖接一啖食唔停！-蜘蛛🕷️卷$88係軟殻蟹卷、青瓜、牛油果、蟹柳，呢個又係一件一件光速食野，可能真係太肚餓🙈軟殻蟹又岩岩炸起，超級香，再加上牛油果同青爪味，中和油膩🥰-超好味！非常推薦大家叫黎食🥳

終於捱到Happy friday啦！收工緊係約朋友食返餐晚飯慰勞吓自己啦😌今日黎到銅鑼灣樓上呢間日本料理餐廳，真心推薦！！·🍲安格斯牛肉壽喜燒 (HKD 228)壽喜燒主要係用淡醬油黎做湯底，食落甜甜地。安格斯牛肉肉質好嫩，食壽喜燒一定要沾埋蛋汁就最Perfect，口感更滑👏🏻裡面嘅娃娃菜、粉絲、豆腐同金菇等等都吸哂湯底嘅味，超好食！！·🍤金龍卷 (HKD 98)擺盤超靚呀😍😍誠意之作！金龍卷係指三文魚、炸蝦及芝士嘅配搭！面頭仲有沙律醬，一啖咬落去所有味道融合埋一齊，口感豐富，好味✌🏼·🦀炸軟殼蟹天婦羅 (HKD 78)鍾意食炸物嘅你千祈唔好錯過！軟殼蟹炸得酥脆，炸粉夠薄，食落好香脆，仲有好多蟹肉🤩·🧀芝士魚餅 (HKD 50)即叫即整嘅野食永遠最好食！芝士仲係流心架😛口感彈牙，而且唔算油膩，作為餐前小食真係唔錯💕呢間餐廳食物質素真係好高質，而且店員都好nice好有禮貌，就算星期五晚爆哂場都仲好有耐性👍🏼👍🏼

鍾意食日本野的兩母子成日周圍搵壽司食，今次就比我地搵到呢間好多特別卷物的餐廳 “古今”位於銅鑼灣地鐵站一出附近就係超易搵。⚛ 金龍卷 ～ 芝士，炸蝦，三文魚， 簡單的三樣食材，被廚師卷在一起，即時變成好味又特別的卷物，一件放入口，先係肥美滑溜的三文魚再而到芝士的香最後到中間炸蝦的彈牙口感超正。⚛ 蜘蛛 ～ 青瓜，牛油果，蟹柳，軟殼蟹 ～ 來到時軟殼蟹d 腳走哂出來形態真係好似蜘蛛咁，青瓜的爽甜牛油果的濃滑，蟹柳一絲絲的質感夾住即炸軟殼蟹一齊食香脆可口，唔會油膩。🥘 安格斯牛肉壽喜燒 ～ 安格斯牛肉肉質細膩，牛味香濃，鍋上仲有冬菇，金菇，嫩豆腐， 水晶粉，京蔥， 娃娃菜等蔬菜吸收左壽喜燒湯汁甜甜地簡直一流，如果可以倒個白飯落去食仲正。下次謙謙話要叫其實卷物，因呢到種類真係好多。

位於銅鑼灣嘅食店，不少都有驚喜。今次光顧呢間日本餐廳無論裝修，食物同埋感覺都充滿日本風情。龍捲風沙律，$78，用咗大量蟹肉蟹子同埋沙律菜加上其他配料製作而成，另外十分欣賞個秘製醬汁，完全將個沙律昇華。，除左超水準之外，個人認為呢個沙律係性價比十足，2個人食個胃細d都搞唔掂。蜘蛛，$88。其實係牛油果軟殼蟹卷，擺盤都算幾靚，其中兩件卷物蟹腳突出，望落真係有d似蜘蛛。味道方面，脆炸嘅軟殼蟹同埋新鮮嘅牛油果非常合襯，絕對可以再食！

喺銅鑼灣shopping 完未有idea晚餐地點，經過澳門逸園派傳單，古今出名卷物，之前都試過其他分店唔錯～🥢玉子燒呢度用上關東既做法，而非咸味既高湯玉子甜甜地既玉子燒，質感比較實淨，好有味醂既味道～再火炙四邊，上面沙律醬，好滋味。🥢金龍卷有氣勢有賣相觀感兼夠內涵，就岩晒黎形容我面前既金龍卷。由龍首到蝦尾巴一碟6段組成可觀既卷物，先從外層感受軟綿肥美三文魚切，再一口氣朝正中夾層既香炸蝦深度吃進，頓時發出清澈脆裂聲，香口之餘又夠激脆，附帶面頭少少醬汁夾雜其中，一口緊接一口，美味指數攞滿分。🥢泡菜豚肉鍋有點兒辛口又唔係激辣既熱泡菜鍋物，就可以同honey happy share! 別小覷淺淺地既平底鐵鍋，原來份量都好足。配料除左薄片嫩滑豚肉之外，仲有超多香辣泡菜、香葱、菇菌，鍋底仲有晶瑩Q彈既水晶粉條，輕盈既豆腐口感軟滑。食材浸泡在橙紅湯汁內，雖然有點嚇怕我呢類不嗜辛辣既人，但係夾附小撮食多幾口，有點辛香感又幾開胃喎！🥢蟹膏帶子炒飯重頭戲既主食稍需時間製作，慢工出細貨之下甚有驚喜!墨綠色既蟹膏跟飯粒翻炒深度融為一體，裡頭多不勝數既角切帶子肉跟蛋絲蟹肉碎相伴結合，一啖放入口果份豐富味覺層次更

🐮安格斯牛肉壽喜鍋醬油湯底味道偏甜，入面除咗有油花分布均勻嘅安格斯牛肉之外，仲有豆腐、菜、金菇、以及好吸湯汁嘅葛絲👍🏻相當滋味同濃郁🤤🍣煙花呢度嘅壽司果然名不虛傳🤩除咗賣相精緻之外，味道都好唔錯‼️今次叫嘅呢一款材料包括🌶辣味三文魚同吞拿魚以及脆片💥 微微嘅辣有助提升魚生嘅鮮味😆🥗胡麻豆腐沙律唔係講笑，呢盤沙律真係比想像中大好多🤣而且性價比好高，如果兩三個人一齊食晚飯嘅話可以叫呢一盤😉入面除咗豆腐、蕃茄同沙律菜之外仲有中華沙律、蟹子同三文魚子😍非常豐富

我真係好鐘意食日本野，因為疫情關係一直都唔敢去食生野都少去左。朋友介紹左呢間古今二比我，佢話啲熟食同卷物都唔錯抵食又大件。今日就約埋個朋友去試下。 舖頭都係開放式出面可以直接望到入去。去到拎飛都要等多陣先有得入去。兩個人可以坐4人位都幾舒服又可以有櫈放下袋。 呢度主打係食卷物。諗住叫住幾樣野食住先，唔夠再加先再加。一個沙律，兩個小食，兩個卷物，一個湯鍋。 龍卷風沙律 $68比平時日本餐廳份多多兩至三倍，有蟹柳絲、飛魚子、中華沙律加埋生菜，生菜都幾新鮮而且幾樣加埋一齊食都幾好味。 網燒牛舌 $48牛舌厚薄適中燒到好香而且爽口，仲保留到肉汁。而且仲有一個好清新既醬汁去點黎食，連食落油既感覺都無。正! 三文魚頭湯鍋＄88勁大個三文魚頭勁多肉加埋豆腐娃娃菜，個湯勁鮮甜👍🏻 火山＄88，蜘蛛＄85 火山下層係壽司卷物裡面有帶子、牛油果、蟹柳，而上層鋪滿左好多蟹柳絲撈沙律醬加飛魚子，飛魚子正好就是火山岩漿。味道鮮甜食落又有多個層次。 蜘蛛裡面炸軟殼蟹、蟹柳、牛油果及青瓜。而點解叫蜘蛛可能因為軟殼蟹啲腳睇落好似蜘蛛咁。軟殼蟹香脆蟹味濃加上牛油果同青瓜有清新口感。 價錢唔算貴而且味道好。啲卷物都有多款

位於sogo隔離嘅澳門逸園中心，餐廳琳瑯滿目，今晚朋友話想食壽司，就選擇到此店晚膳。餐牌好多款壽司名字新奇，幸好有備註寫餡料唔駛估估下，gimmick野大家明的。點了幾款美食，樣樣都咁好食。雞軟骨串 #18/串雞軟骨口感爽脆，撒了椒鹽份外惹味。雞中翼串 $36雞肉燒得較乾身但夠味～牛油燒帶子 $38帶子大大粒，散發香濃的牛油味，咬啖非常滿足。特級雞泡魚乾 $69入口煙韌，甜甜地香口惹味，沾埋沙律醬更美味，一大塊切成十多小條，可以慢慢食非常滋味，作為餐前小食最佳之選。蟹膏帶子炒飯 $168炒飯以半球形呈現，用匙一潷出晒煙，飄出啖啖的蟹膏鮮香，好夠鑊氣呀！飯粒粒分明入味，配料有帶子粒、鳴門卷和蛋絲，食完唔覺好咸，味道唔錯幾有特式。蜘蛛 $88蟹腳露出有如蜘蛛從壽司爬出，壽司包得扎實，有爽脆的青瓜絲、入口即溶的牛油果、絲絲的蟹柳、脆炸的軟殼蟹，餡料豐富，口感爽脆非常好食。火炙金龍卷 $98壽司一字排長龍陣賣相靚仔。面層係厚切三文魚，軟滑的魚肉經火炙過脂香四溢，添了蛋黃醬更加滋味，以香脆的炸蝦和芝士作餡，咬落外軟內脆，美味到要俾滿分。

澳門逸園中心向來都係食肆集中地，而且大多數都是日式食肆，出名啲嘅有今村、岩浪天扶良等等，相信無實力都唔可以做得住。今日就去咗21樓，都係日式居酒屋格局，有壽司、串燒、熱食等等多款選擇。金龍卷 $98以炸蝦做餡，新鮮炸起再做卷物，香口好脆好味道。雞軟骨 $72燒到香脆，配啤酒一流。安格斯牛肉壽喜燒 $228有牛肉、豆腐、蔬菜、粉絲等等，最後一定要食埋吸盡湯底精華嘅粉絲。炸芝士年糕 $28外脆內軟，芝味濃郁，一個人可以食哂兩件。燒牛舌 $45燒到好腍又唔會乾身，加埋醬汁食更豐富。燒鰻魚 $25鰻魚肥美又濃味，可以一試。門口相

安格斯牛肉壽喜燒 $229牛肉肥瘦適中，食得出唔係普通肥牛，入面有金菇、娃娃菜、薯粉、豆腐吸滿濃郁壽喜燒湯汁，咸甜適中。金龍卷 $98飯卷夾着炸蝦、忌廉芝士，最上層有三文魚，配上沙律醬，配搭新穎有趣，味道上估唔到原來咁夾，古今的卷物真係必點菜式。蜘蛛 $88材料豐富，入面有我最鐘意的炸軟殼蟹，炸到卜卜脆，加埋牛油果、青瓜、蟹柳，感覺好清鮮。雜錦天婦羅 $58有蕃薯仔、冬菇、蝦、茄子，炸得香脆，即叫即炸炎熱辣辣，要等多一陣先可以食。

壽司+烏冬餐，配味曾湯，$88加一。味道：個湯有少少咸，可接受；壽司每件都唔錯；烏冬個流心蛋硬左少少。份量：我果份其實都ok,同事叫親子丼飯、吞拿魚蓉飯就少得可憐，d飯仲少過平時下午茶份量，想減肥的就剛好，魚生份量都ok。服務：正常。目測當時大概20個客，都未full,侍應本身有2個，但已經忙到落單都要等好幾分鐘，叫埋樓下扮傳單的上來招呼先勉強夠。上菜速度慢，趕住返office的要諗諗。

同朋友想靜靜地食飯傾吓計所以就揀咗上嚟古今食日式嘅裝潢寧靜舒適嘅環境店鋪有多款特式卷物全部都好精緻特別值得試試！刺身鮑魚用咗鮑魚汁去煮，鮑魚爽口鮮甜火龍卷內有吉列炸蝦，炸蝦熱辣辣脆卜卜外層有新鮮三文魚上面配有有沙律醬芝士魚餅魚餅唔油膩，口感都幾彈牙，內有半溶芝士，夾住一齊食唔錯！安格斯牛肉壽喜燒內有安格斯牛肉、洋蔥、娃娃菜、香菇、金針菇、滑豆腐、粉絲、韮菜等配料，湯底有少少偏甜，份量兩個人食啱啱好。