古今二 (荃新天地)

營業中

休息中

呢度好多壽司嘅款式喺出邊都搵唔到，望住個Menu已經覺得唔知揀咩好，因為太多嘢都想試。健康嘅我梗係要食菜，揀咗個龍捲風沙律，蟹柳份量好足，沙律菜新鮮爽脆，refreshing 😋宮崎黃金炸豆腐整到外脆內軟，入邊嘅豆腐好滑嫩，豆味濃郁，食完一粒又一粒，食極唔厭。火山出黎既Presentation好吸引，店員捧出嚟嗰陣時仲會點埋火，燒到坎坎聲，攞嚟打卡已經好正。入邊仲有好多新鮮帶子粒粒，材料勁豐富。富士山嘅就有鰻魚包咗入去，同牛油果一齊食好夾，呢個combination真心夾。成餐最值得推介係三河極炎活鰻，個鰻魚勁厚，肉質較彈牙，鮮味十足，完全同出邊燒鰻魚唔同，出色多了！

間中就會去依間日式餐廳，因為試過幾間分店都覺得好食，價錢又合理，依家仲越開越多分店！最鍾意呢度嘅特色卷物，好多款，又夠特別！火山($128)，碟邊有啲鹽，之後店員會點火，好有驚喜！壽司上面就有蟹子、蟹柳、沙律醬，入邊就有牛油果加帶子，味道好豐富而且已經好夠味，唔使豉油都得！金龍卷($98) ，有三文魚、炸蝦同芝士，口感外軟內脆，想讚一讚三文魚上面嘅醬甜甜地帶少少辣味，特別又開胃。海鮮味噌湯（ $38 ），好抵飲，足料，有蜆、魚卷、海帶、豆腐、而且唔會太鹹。江户薄燒牛仔骨($78)，燒完仲好多汁，個sauce甜甜地幾好食！依間每次去都有驚喜，選擇夠多而且又好食！

由觀塘工廈發展到市區的創意日式餐廳⚡️餐廳主打創意卷物，卷物的種類有超多，且非常獨特！賣相也很精緻！✨《蜘蛛》$96由炸軟殼蟹、青瓜、牛油果和蟹柳組成的卷物，外形像走動的蜘蛛一樣，賣相精美，打卡不錯，味道也出色！🕷🕸《彩虹卷》$116刺身、牛油果、青瓜和蟹柳而成的彩虹卷，賣相飲彩虹，顏色豐富，刺身有三文魚、吞拿魚、油甘魚等。🌈《自家製玉子燒》$55有驚喜的玉子燒，很香濃美味，蛋香味不錯！新鮮熱辣辣！🥚《海鮮味噌湯》$38抵吃之選，很大碗的份量，且十分足料，內有豆腐、昆布、蝦肉、蜆，很豐富！🍲《日式麻醬秋葵豆腐沙律》$78滿醬的沙律，豆腐和秋葵也很足料，大大碗的沙律！🥗《海老天婦羅》$88天婦羅炸得很香口美味，外層脆口，內裏蝦肉彈牙。🍤總結：創意卷物有心思！👍🏻

日本菜陪住一代有一代嘅香港人長大所以每一個香港人對於日本菜絕對有一定嘅認識這間分店遍佈全港的日本餐廳大家都要入來試吓先來一個海鮮味噌湯 豆腐貝類蝦肉熱辣辣的一鍋熱湯 其實係非常鮮味 唔好睇佢好似好簡單咁飲落去馬上令人吃到一口清新的日本菜氣息自家製玉子燒 口感豐富 甜甜的滑滑的香脆的 作為一個小菜絕對係一件賞心樂事 我最鍾意甜美嘅燒玉子一大盤壽司放上來名稱叫做彩虹卷 顧名思義色彩斑斕而且每一舊卷物都內容豐富10分好食淨係相機食先都值回票價熱辣辣嘅海老天婦羅 勝在不是太油膩依啲應該都係師傅嘅手勢做得好軟殼蟹壽司非常有創意的創意朋友就一定要試吓日式麻將秋葵豆腐沙律你食到乜嘢叫做新鮮情信好似去咗旅行嘅夏天一樣咁開心這裏還是一個大型商場心臟地帶鄰近地鐵站真係非常方便

古今二 (荃新天地)荃灣楊屋道1號荃新天地1期1樓116號舖<古今二>一向都係我地心目中喜愛既餐廳List入面既，最鐘意就係呢到各式各樣既創意卷物，非常吸引，之前食過幾次都係荃灣千色匯分店，今日係荃新天地行街，無意中發現呢到原來都新開左分店，所以即刻入黎試試啦 龍卷風沙律望落顏色非常搶眼，沙律入面最底係新鮮既生菜，上面鋪滿左蟹柳絲，中華沙律同埋蟹籽，配埋沙律醬，好味之餘仲非常健康金龍卷金龍卷入面主要食材係有炸蝦同埋芝士，再加上三文魚鋪係面層，食落香脆既炸蝦配合埋軟嫩既三文魚及壽司飯，口感非常豐富火山底部全部都係以紫菜包裹內裡有牛油果及蟹柳既卷物，而面層放滿左大量半熟帶子及蟹柳絲，加上蟹籽做點綴，配合埋火焰既效果，造成火山造型，非常吸睛網燒牛舌牛舌燒到微燶好香口，而且非常厚切，食落口感一流，味道唔會太咸感覺剛剛好野菜天婦羅天婦羅入面包括有炸金菇菜，大冬菇，蕃薯仔同埋秋葵，即叫即炸全部熱辣辣，非常滋味，而且食落唔會覺得好重炸粉既味道，值得一試

最近日元係咁跌跌跌 🐻🐻都入左少少貨 不過就仲未去得日本食日本野🥹(唔想跟團) 所以前幾日就去左荃新天地個間古今二食日本菜🇯🇵 止一止自己嘅思鄉之情🥹🐻🐻食咗:海鮮味噌湯 - $38味噌湯味道清淡唔會太咸 頗足料 有昆布蝦粒蜆肉豆腐粒同海鮮菇 我同男友每人都飲到3-4碗 依個價錢可接受 但湯要趁熱飲 因為好快涼😉 🌟Rate: 7.5/10辣妹 - $72依個🐻🐻都幾推介 賣相十分美觀 顔色鮮艷 飯卷裏有好脆口嘅炸蝦同芝士 而上面有軟滑嘅辣味吞拿魚蓉配上粒粒明太子同脆脆 口感十分豐富 吞拿魚蓉只是微辣 不會蓋過其他食材嘅味道 好味😋 🌟Rate: 8.8/10刺身 - 池魚王限定 - $200池魚片有八塊 刺身配有辣蘿蔔蓉加甜醬油 未點醬油時池魚肉質肥美 味道鮮甜 想增加味覺嘅享受可以點埋個醬油 甜中帶酸辣 刺激著味蕾🥰 🌟Rate: 8.5/10火山 - $128依個一上枱員工姐姐即刻為佢點火 🐻🐻有啲驚燒親個額頭😉 好彩最後冇事 仲比我打埋卡 唔好睇佢十舊飯咁 佢其實係八件卷物 卷物中有蟹柳青瓜蓉 同牛油果 上面嘅‘溶岩’ 就係千島醬芝士撈帶子同蟹柳絲 整體味道甜而不漏 有青瓜嘅關

🐝 古今二 (荃新天地) (荃灣)🐝༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶✨超級龍卷風 $88有鰻魚，海老，芝士🧀，青瓜，脆片‼️每一嚿都非常大，因為有四款餡料😍，仲有好多脆片🤩，食落非常脆💓，而且青瓜同芝士嘅味都出，加埋鰻魚同埋炸蝦🥰，口感豐富之餘🤤，而且味道都好好味😆✨金龍卷 $98有三文魚🍣，炸蝦🍤，芝士🧀‼️有厚厚嘅三文魚係頂，再加埋入面放咗炸蝦同埋芝士🤩，食落嘅時候又脆又腍咁，口感非常好👍，而味道亦非常夾🤤✨日式麻醬秋葵豆腐沙律 $78有嫩滑嘅豆腐😍😍，同埋爽脆嘅秋葵🥰，仲有好多好多嘅新鮮生菜，配埋個日式麻醬🤤，味道一流之餘，份量亦十足💗，抵食‼️✨海鮮味噌湯 $38呢個湯我覺得係最抵！勁大碗可以夠兩至三個人飲，都好足料，有更豐富嘅餸，包括菇類，蝦，豆腐，蜆等等😍好抵食😆😆✨海老天婦羅 $88個海老天婦羅嘅外皮非常薄‼️而且脆😋，蝦肉亦都非常嫩🤤✨日式章魚小丸子(6粒) $48入面章魚大大粒🫶🏻💗小丸子做到外脆內軟😋呢個小食正‼️༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶

餐廳：古今二地區：荃灣地址：荃灣楊屋道1號荃新天地1期1樓116號舖日期：16/6/2022時間：19:30人數：2人 等位： 10mins 價錢： ＄463食過幾次古今二真心覺得性價比高👍份量又多價錢又唔貴，一知道佢喺荃新天地開分店即刻過去支持下🤣不過呢間分店相對座位比較少啲去到剛好滿座要等下一轉🙊我哋嗌左A15柚想蝦你（$98）、A23海鮮味噌湯（$38）、壽司方面嗌左M22火山（$128）同M24煙花（$79），小食：A54江戶薄燒牛仔骨（$78），加一總共$463。⭐️柚想蝦你⭐️之前已經食過兩次龍捲風沙律🥗，所以今次好奇嗌其他沙律試下😁見尼款沙律多啲蔬果清新啲😚有海草、車厘茄、蘋果、柚子、牛油果、甜蝦，配料好多😍通常其他餐廳只會揀兩款配菜就當一款沙律，但尼度完全超出你預期😌⭐️ 海鮮味噌湯⭐見先＄38原本以為只係一碗湯for一個人飲，估唔到原來係一鍋湯😍，仲有硯同蝦😋兩人都分到兩碗，份量都幾多😚⭐️ 火山⭐️尼個真係打卡一流🤩一上枱就成個火山咁大嚿🤣果然冇改錯名😆壽司一上枱職員就會用火槍燃點兩側好有驚喜🥳如果朋友聚餐有人生日加埋個蠟燭簡直成個蛋糕一樣😝又好食又有噱頭🥰⭐️ 煙花⭐️之前食過

黎都荃灣食日本嘢，真係行過幾步都有一間，但係要想揀一間唔中伏嘅，都要細心少少搵吓，務求要食好嘢！今次我就黎勁多間食肆嘅荃新天地，捐窿捐罅搵到古今二呢間日本餐廳，咪講笑，呢個舖頭位置唔算太容易搵，要行到入一入先搵到。首先我哋叫咗叫咗個麵豉湯飲，唔係普通開粉個隻，飲落幾順口！之後我哋仲叫咗個龍捲風沙律，勁多蟹柳絲，同埋蟹籽，最特別係佢仲有啲脆脆喺個面度，撈埋一齊食好好食！之後我哋仲叫咗六件煙花同埋午夜牛郎，呢間壽司啲壽司名都幾特別，又花過心思去改名！令人印象難忘！到最後，我哋叫咗兩件羊架，都幾好食，但有少少油膩，飲番杯茶解吓膩就冇事啦！呢間壽司舖啲職員都幾好，服務態度都幾殷勤！下次會再嚟幫襯！！！

🚩古今二咁多個地方嘅菜式我都係最鍾情日本菜，日本菜比我嘅感覺好健康😆食多啲都唔會肥～今次就揀咗呢間位於荃灣新天地嘅日本餐廳試試佢〰️〰️〰️〰️〰️〰️〰️〰️〰️〰️〰️〰️〰️〰️〰️🌈日式麻醬秋葵豆腐沙律 $78超級大份，豆腐嘅份量應該已經有一磚😆加埋我最鍾意食嘅秋葵，口感黏黏地，但沙律菜又會中和返佢嘅黐立立！麻醬都俾得好足夠，唔錯唔錯🌈煙花 $79呢間餐廳最出名嘅就係佢哋嘅卷物，呢款卷物面頭鋪咗辣味三文魚同辣味吞拿魚蓉，食落微微辣，唔使點Wasabi豉油都好夠味！🌈東京爆脆 $92好特別嘅一個卷物，師傅應該先用紫菜卷好吞拿魚同蟹柳，再拎去炸～形成咗脆脆嘅一層，再過一層白飯加紫菜，口感超級豐富🌈網燒牛舌 $78牛舌好嫩，一啲都唔難咬，不過調味就比較單調，如果配上燒汁甜甜鹹鹹會更加好！🌈海老天婦羅 $88佢哋嘅蝦都尚算大隻，不過炸漿偏厚～鰹魚豉油亦都唔太夠味～勝在份量搭救，足足有六大條

我係古今二既fans，佢既菜式好特別，食過返尋味。荃新天地呢間係新開的，裝修好靚，冷氣亦夠。職員亦好有禮貌細心講解。辣妹（6件）＄72古今二出名食卷物，而且佢既醬汁都好好味，辣辣地，好開胃。東京爆脆＄92大大舊好滿足，而且醬汁好出色，非常好味。龍卷風沙律 ＄76入面有中華沙律同大大份既蟹柳絲，配合非常新鮮既紫菜，好健康。海老天婦羅 ＄886條大大條既海老天婦羅，天婦羅汁亦熱辣辣，諗起都想食。鹽燒油甘魚鮫＄98油甘魚餃大大件好多肉，肉質好鮮嫩。

朋友今日約左我去荃新天地，佢話有間好野介紹俾我，原來叫做（古今二），原來係依度開左分店，咁當然係要試下。依間新店雖然地方唔係太大，但環境幾好，幾適合情侶/朋友聚腳食下野。今日朋友話請客，但我發板。當然唔同佢客氣。龍卷風沙律$76：份量好多，用料好足，沙律菜做底，上面鋪滿蟹籽/解柳/中華沙律，再配埋佢地特製既沙律汁，令到胃口大增。宮崎黃金炸豆腐$68：冇諗過炸豆腐都可以做到咁出色，外皮炸都好金黃，外脆內軟，表皮仲好香濃嘅木魚味，豆腐入口即溶，一口接一口，師傅果然有料到。三河極炎活鰻$78：即叫即燒，真係好考師傅功力，因為呢條鰻魚好厚身，要燒到剛剛好真係好難，但師傅都可以燒到外皮脆裡面滑，值得一讚。蜘蛛$96/金龍卷 $98：呢兩款壽司嘅擺盤真係一流，視覺效果非常強。（蜘蛛）其實係一個炸軟殼蟹嘅卷物。（金龍）就係一個三文魚炸蝦卷，佢哋啲材料好新鮮，所以食嘅時候都唔使加wassabi 同埋豉油。荃灣真係好多嘢食，而家又可以多一間選擇。希望佢可以喺唔同地區都開到分店，咁就成日都可以食到。

今日難得放假，於是去食餐豐富嘅午餐，經過見到呢間日本餐廳新開，環境又舒服，於是去食午餐😋🌟 壽司薄餅 （$98）薄餅底原來係用飯做底，飯炸過後好香脆，上層有蟹子，脆片，辣味三文魚，辣味吞拿魚，千島醬海鮮，味道好夾，真係做到pizza 既口感😋🌟 彩虹卷 （$116）有三文魚，吞拿魚刺身、配上牛油果🥑，青瓜，蟹柳，食落口感豐富，而且有種清新既感覺，唔錯😋🌟 椒鹽雞腎 x 炸軟殼蟹天婦羅 （$48 x $88）雞腎即叫即燒，加上椒鹽都唔會太咸，味道岩岩好，必點😋炸軟殼蟹天婦羅係原隻上碟，即叫即炸，外層香脆，肉質鮮甜，好新鮮，而且蟹肉多汁，味道唔錯😋🌟 龍卷風沙律 （$76）有沙律菜，海藻，蟹柳，脆片，配上醬汁，食落口有少少辣，好開胃😋

早排同朋友去荃灣行街, 佢推介依間新開嘅日式餐廳, 望落餐廳環境乾淨企理, 一於入去試試!😋金龍卷 $98依個金龍卷係由炸蝦壽司加上三文魚組成, 炸蝦好脆, 肉質彈牙☺️, 而三文魚上面仲有忌廉芝士, 又估唔到真係幾好食!🤤忘不了你 $98依個名非常特別, 原來依款卷物係由烤牛肉同芒果配搭出黎, 估唔到芒果同卷物又幾夾😯, 加埋芥末同千島醬, 非常有新意! 🤩琦玉 網燒牛舌(四件) $78依碟牛舌上菜嘅時候仲熱辣辣!🥳食落除咗好香嘅牛舌味, 仲有少少燒烤味, 而且肉質爽口, 配搭埋蔥汁, 簡直係一流!😎櫻花蝦茄子燒 $68依款燒茄子做到外脆內軟, 仲有陣陣嘅燒烤味 加埋櫻花蝦, 非常惹味🥰迷你甜薯天婦羅 $59平時好中意食甜薯同天婦羅嘅我🤓, 見到依個配搭, 當然要試一試啦!🤪 天婦羅粉漿好香, 炸落好脆, 食落甜薯都好軟身又濃味, 值得一試！💯

今個禮拜放假 去左荃灣搵個friend食lunch 佢揀咗呢間新開既餐廳 係專食卷物既 青龍卷 ($98) - 有牛油果 鰻魚同蟹柳 呢個組合冇得輸 卷既大小同飯既比例岩岩好 呢個唔錯東京爆脆 ($92) - 用吞拿魚同蟹柳做餡料 之後中間用一層薄薄既炸粉炸過 有卜卜脆既口感 不過外面既飯就多咗少少 如果少d就更好味龍捲風沙律 ($72) - 上面其實就係蟹籽沙律加中華沙律仲有d脆脆 個底有好多生菜 超級大份 上半part好正 d生菜都好新鮮 如果多啲醬汁就更好櫻花蝦茄子燒 ($68) - 呢個必食 櫻花蝦好香脆 茄子燒得好甜好正 個汁調得好好 勁入味埼玉網燒牛舌 ($78) - 一碟有四塊 我自己本身就唔太好牛舌 但係個friend話呢度整得幾好味要試下 試左一舊 係唔錯既 好厚好大舊 燒得幾香 但都係麻麻地接受到佢好爽既質感😅個friend話我唔識野 佢一個人清晒成碟呢度都算細間 一到十二點都差不多坐滿 如果要黎可能要book位穩陣d!