古今二 (荃新天地)

營業中

休息中

由於我自己非常鐘意開揚既環境, 所以選擇餐廳都會睇睇環境. 而呢間位於荃灣既呢間分店, 座位雖然唔多, 但係係出面吧座位就好闊. 而且又有園景睇, 可以食埋VIEW. GOOD!!!野食物量唔算大份, 兩個人叫左3款既卷物, 就夠食. 1.烈火紅唇 HK$98內脆-炸牛肉 外滑-上層有士多啤梨口感幾好,牛肉夠熱2.彩虹卷 HK$116有幾種魚生配上牛油果3.綠野仙蹤 HK$98上層有芒果+蟹子. 中層有魚肉口感好flesh 串燒系列… 正1.黑豚豬頸肉(1串) HK$28肥/瘦肉比例均勻2.鹽燒雞中翼(1串) HK$28好香口3.冬菇串燒 (1串) HK$25我本身唔太食冬菇, 都覺得佢燒得都好好食, 香口同爽. 無冬菇臭味4.鹿兒島黑豚荔枝卷串燒(1串) HK$32係驚喜既, 荔枝去左陣油味, 好flesh

之前食過古今二第二間分店，覺得啲卷物有創意之餘味道又好～今次再嚟到荃新天地嘅另一分店，無論餐廳環境定係食物質素都相當之不錯😌龍卷風沙律🥗由新鮮沙律菜+蟹柳+少少薯片+蟹籽+中華沙律拌制而成，撈埋一齊食，開胃美味！煙花一共有六件，面頭係辣味吞拿魚，卷入邊包咗辣味三文魚，上面再灑上少少薯片，帶有一點點香辣，非常惹味。彩虹卷有三文魚同埋呑拿魚，仲有牛油果同埋蟹籽添！賣相一流，味道豐富。黑豚豬頸肉串燒（1串）睇落好肥，但係咬落又唔會油淋淋，肉質爽口。櫻花蝦茄子燒必食之選，櫻花蝦再加埋醬汁夠晒香口，茄子燒得夠淋🍆赤貝壽司（2件）赤貝新鮮爽口冇腥味～

古今係荃新天地開分店😍龍卷風沙律 $76滿滿一大份蔬菜🥬海藻，蟹柳同脆片，前菜夠晒新鮮，撈起嚟特別滿足，爽口唧蔬菜加上切條蟹柳，清新開胃！東京爆脆 $92特色卷係招牌點可以唔試呢，餡料就結合左吞拿魚同蟹柳，一口氣都食唔晒真係好誇張，再加上有香脆嘅口感令你每一啖都唔會單調，味道自然頂呱呱！烈火紅唇 $98另一個就係配有士多啤梨🍓炸牛肉,芝士🧀，真心驚艷嘅配搭，入口先有一點點酸酸甜甜嘅味道，慢慢帶出炸牛肉嘅香味，仲有芝士做調味，出奇地每種味道都好合拍，每食一件都好味道停不了口！豚肉泡菜鍋 $138呢個鍋夠晒足料，泡菜完全溶入湯底，一路加熱一路令湯汁更加濃郁，豚肉好有咬口，加上豆腐娃娃菜都吸收晒湯底嘅精華，一夾上嚟已經嗅到香濃嘅泡菜味，值得一試！⚠️加一服務費古今二 (荃新天地) (荃灣)荃灣楊屋道1號荃新天地1期1樓116號舖

古今二終於喺荃灣嘅荃新天地一期開第二間分店，之前喺千色店分店食過，覺得超抵食，今次喺新嘅分店再食，水準依然keep到。龍卷風沙律沙律份量十分之多，有中華沙律、蟹子、蟹柳絲，加上香濃嘅沙律醬，味道清新，令你食慾大增。火焰金龍卷三文魚跟芝士燒得火候適中，肉質保持嫩滑，炸蝦夠鬆脆，食落口感豐富。超級龍卷風可以話係炸蝦和鰻魚嘅混合體，味道十分豐富，賣相一流。牛肉壽喜鍋壽喜鍋份量超級多，絕對足夠四個人食，牛肉肉質夠淋，牛肉味濃郁，加埋鮮甜湯底，食完一碗又一碗。

母親節前夕提早跟ᴍᴀᴍɪ慶祝近近地去荃灣西食日本菜!這家餐廳係荃灣都有2間分店 一間係千色匯另一間係荃新天地 荃新天地店面不大 間隔分開2邊 選了sᴏғᴀ座位 坐得舒服ᴅ 點了幾款壽司+👇🏻 · ┈┈┈┈┈┈ · ꕥ · ┈┈┈┈┈┈ · ✨𝐁𝐥𝐚𝐜𝐤 𝐃𝐫𝐚𝐠𝐨𝐧 𝐑𝐨𝐥𝐥 黑龍卷 $𝟗𝟓：鰻魚.炸蟹柳.芝士.牛油果 ✨𝐒𝐚𝐥𝐭-𝐆𝐫𝐢𝐥𝐥𝐞𝐝 𝐌𝐚𝐜𝐤𝐞𝐫𝐞𝐥 鹽燒鯖魚 $𝟔𝟖✨𝐒𝐮𝐬𝐡𝐢 𝐏𝐢𝐳𝐳𝐚 辣味三文魚壽司薄餅 $𝟖𝟖：見到幾特別就試下 炸外皮 入面有層薄薄的辣味三文魚肉+飯 個皮太厚 相對入面嘅餡有ᴅ少 同埋比較油喔 ✨𝐒𝐚𝐤𝐮𝐫𝐚 𝐒𝐡𝐫𝐢𝐦𝐩 𝐄𝐠𝐠𝐩𝐥𝐚𝐧𝐭櫻花蝦茄子燒 $𝟒𝟖：櫻花蝦幾香口 但係茄子好油 成條食晒好膩 ✨𝐏𝐨𝐫𝐤 𝐂𝐚𝐫𝐭𝐢𝐥𝐚𝐠𝐞 𝐓𝐨𝐧𝐤𝐨𝐭𝐬𝐮 𝐑𝐚𝐦𝐞𝐧 秘製豬軟骨豬骨拉麵 $𝟖𝟐：點比ᴍᴀᴍɪ食 味道一般 ✨𝐑𝐞𝐝 𝐒𝐡𝐫𝐢𝐦𝐩 赤蝦刺身 $𝟔𝟐：本身係想點甜蝦的 但店員話無晒 就轉了赤蝦 價錢sᴀᴍᴇ · ┈┈┈┈┈┈ · ꕥ · ┈┈┈┈┈┈ · 主打創意料理 但味道環境都係ʙᴇʟᴏᴡ ᴍʏ ᴇxᴘᴇᴄᴛᴀᴛɪᴏɴ 壽司比較正常發

荃新天地開咗一間新嘅日本居酒屋！所以星期六就嚟試吓；座位唔多，今次好好彩有窗邊位坐，邊食邊睇景。東京爆脆 $92超讚！ 佢地有超多特色卷物（拉到底有 menu) , 多款選擇，個名仲幾得意添！今次揀咗呢個係吞拿魚+蟹柳，即叫即做 ,好新鮮！大阪自家製炸雞 $78份量有5 件，都幾大件下👍🏻 又係熱辣辣炸起，而且好 juicy, 都幾驚喜！雜錦天婦羅🍤 $88有3 種, 包括海老、甜薯同秋葵，每種都有3 件，甜薯唔係切片個種，係原粒天婦羅。鹿兒島黑豚荔枝卷串燒 $32 串燒類就揀咗呢個，一條有3 件；荔枝肉包住豚肉，肉汁連荔枝肉一齊食感覺鮮甜爽口，食落都幾特別，不過豚肉就唔係好熱，爭少少。明太子雞翼 $46 有2 隻，size 都有少少細隻；不過明太子都幾多，食落微辣。

和家人到這家居酒屋晚飯，餐牌食物豐富，選擇相當困難，結果點了以下食物：什錦天婦羅粉漿有點厚，但算炸得香脆，有三隻蝦、茄子和小青椒，質素普普通通。鹿兒島豚肉露筍及鹿兒島黑豚荔枝卷串燒豚肉很有鹹香，肥瘦度適中，露筍有點乾身，味道一般。後者豚肉的鹹味和荔枝的甜美原來很匹配，互相中和。燒帆立貝一串兩粒，帆立貝肉質腍身，味道夠鮮美。燒羊架燒得有點香脆之餘，肉質亦不算硬身，羊肉不帶羶味，十分可口。叉燒豬骨烏冬烏冬滑溜彈牙，叉燒肥瘦分明。可是，湯底味道過鹹，難以入口，甚至刺激喉嚨，這方面必須改善。原條鰻魚飯一整條鰻魚鋪在飯面，長度目測約一尺，份量十足，令人垂涎三尺。鰻魚味道濃郁，而飯粒軟硬適中炒野菜份量相當多，主要有椰菜、洋蔥和青椒，炒得腍身，味道亦鮮甜。環境方面，餐廳面積細小，比較擠逼。主要只有兩至三名侍應，晚市繁忙時間應接不暇，客人需要有點耐性。

一）火炙左口魚裙邊壽司－唔係好覺有火炙，唔感覺到應有的油份－有啲醬油喺度，搶去魚的味道－為這篇食評買下伏線二）海膽軍艦壽司－紫菜腍嘅－海膽苦嘅－落單前問店員係邊度海膽，佢諗咗陣，然後回應：「日本餐廳梗係用日本海膽啦。」三）超級龍卷風－味道可以接受四）雞泡魚干－好硬五）自家玉子燒－上枱個碗係㷫嘅，懷疑係微波爐翻熱－醬汁、沙律醬蓋過食物味道六）鹿兒島黑豚荔枝卷串燒－食剩一粒－另外兩粒都係未能完成－沒有燒過的香味七）自家製香菇雞肉丸串－外觀似點心牛肉球－沒有肉味－一切開中間冒煙，懷疑微波爐翻熱－沒有燒過的香味－不能接受，取消了

終於開店了，荃灣最近公司既古今二出現了此店雖沒有其他店咁大，不過多左出面幾張枱又有番少少私隱，自成一角咁，不錯今晚來個happy dinner，一口氣點左5樣食物有小食-燒牛舌同茄子牛舌很讚燒得剛好不過硬，茄子有櫻花蝦伴上超惹味 兩款壽司物同一個韓式泡菜豚肉煱火山🌋好有型，在碟兩旁起火 ，好有特式內裡係蟹柳帶子牛油果🥑，夾埋一齊食，超好口感另一款叫東京爆脆，第一次食，佢既紫菜有炸內有鰻魚，加上脆紫菜好夾味道最後的泡菜煱，有豐富材料在內，有豆腐，冬菇，黃牙白，仲有粉量多的豚肉，微辣但已很惹味，好岩我只食到少辣的人，呢個係我encore之選

荃新天地最近開咗間日本菜，主打反卷類嘅，知道呢間係荃灣千色店都有分店，平時夜晚都排長龍，就知質素有返咁上下～店舖面積唔大，大約得8－10張枱，今日選擇咗買外賣返去食～龍捲風沙律，一嚟食個沙律先！呢款有大量蟹柳絲，配埋醬汁同沙律菜一齊食份外開胃～古今日式煎餃，難得嘅係外賣回家底部餃子皮仲帶點脆！迷你甜薯天婦羅，輕微炸過～反卷系列：金龍卷：三文魚、炸蝦、芝士賣相別緻，雖然捲起唔係好大條，但食落味道都好夾，炸蝦脆口，面頭仲有芝士沙律醬。食食下好快就食完！超級龍捲風：鰻魚、海老、芝士、青瓜、脆片份量足料，餡料好多，以青瓜同脆片提起鰻魚嘅口感，啖啖蝦肉嘅彈牙，好正！煙花：辣味三文魚、辣味吞拿魚、脆片呢款個人認為最好食！面頭放上吞拿魚蓉，雖然口感上唔係最佳，但味道嚟講就最惹味！食落唔辣，但會食到油脂香，可以encore~

話說呢間日本料理小編之前已經係其他分店試過，除咗選擇多之外味道質素都唔錯，最近見倒佢地係荃灣西開咗新分店，即刻叫埋朋友一齊去試吓_🌋火山聽個名已經估到佢有幾勁，黎到一定要試吓佢地呢個會着火既卷物，打卡正入面仲有好多蟹肉！大大舊同朋友開心Share最好🥗龍卷風沙律朋友話想食沙律所以叫咗黎食，裏面有蟹柳絲、中華沙律，特別在於個沙律醬辣辣地好開胃🥟古今日式煎餃(6隻）皮薄餡料非常多，值得一試🍆櫻花蝦茄子燒小編最愛茄子燒，調味剛剛好，原條好滿足🍣手握壽司A餐壽司有套餐選擇，種類都好多，包括三文魚壽司、吞拿魚壽司、油甘魚壽司、劍魚腩壽司、左口魚壽司、醋鯖魚同辣味吞拿魚，都夠新鮮，三文魚都好鮮甜

火山 呢個卷物上再有沙律醬，裏面包着帶子同青瓜，再加上牛油果，食落好特別，感覺好清新。富士山真係好似座小山，上面堆滿蟹柳同脆片，裹面有牛油果同鰻魚，加上鰻魚汁，多層口感，幾特別，古今的卷物真係必點菜式。柚想蝦你生律菜加上中華沙律、車厘茄、牛油果，蘋果、三隻甜蝦，用上新鮮多汁柚子肉，感覺好fresh 又開胃。櫻花蝦茄子燒個茄子嘅份量，估唔到咁大份，睇圖都見到手板咁長，而且佢整到好林好香口，更少有地咁配上櫻花蝦，口感好特別，鹹鹹地鮮味十足。古今日式煎餃始終外賣冇咁脆，味道唔錯，餡料夠多，又夠juicy。

-常讓人念念不忘的的古今二荃灣再開新店新店落在荃新天地二期啦～更方便荃灣西海旁一帶的朋友自己的確超喜愛她們的創作料理材料簡單卻是讓人有清新的感覺。-火山辣味三文魚及吞拿魚成為的火山，吞拿魚蓉肥美與嫰滑是常識吧！蟹籽和脆片也增加了壽司脆卜卜口感。-煙花 另一款讓人大愛的卷物， 以帶子青瓜牛油果為主，最犀利係有大量蟹籽手撕蟹柳做到成個火山爆發咁既樣， 一睇就見到超澎湃超豐富， 一口食落有牛油果軟滑，又有蟹柳咸香，surprise 。-龍捲風沙律超多超新鮮的沙律菜 ， 仲有好多蟹柳同中華沙律，加埋涼爽鹹香的蟹籽， 簡單配搭，好睇好食屋企人一啖一啖自己捧著食完全無打算比我食的意圖。-古今日式煎餃煎得香口，皮唔會太厚，肉汁都夠juicy-櫻花蝦茄子燒超多櫻花蝦，加埋燒過的茄子汁多又肉厚，好食。

知道古今二係荃新天地開咗新分店所以就同同事過嚟食個lunch👏🏻見到啲lunch set 都好抵食但我哋想試多啲其他所以就散嗌啦🤭叫左個前菜沙律～柚想蝦你＄98柚子沙律好清新，入面嘅蕃茄仔同蘋果都好清甜，非常開胃卷物係餐廳必點嘅菜式蜘蛛＄96蜘蛛嘅餡主要係軟殼蟹組成， 加上蟹柳、牛油果、青瓜等配料，好好食。擺碟都好精美！火山＄128上菜時店員會用火槍燒一燒，絕對係睇得又食得嘅卷物。材料真係十足，食落有小小辣， 好特別！雜錦天婦羅＄88包括迷你紫薯、炸蝦炸、炸秋葵。 薄薄嘅炸粉，食落一啲都唔油膩，開上天婦羅汁好正。安格斯蔥牛卷（4件）＄72安格斯牛入口香濃，包住香蔥減少油膩感，面頭有小量香蒜片，非常惹味！餐廳大部分食物份量都好大🤭 性價比高，推介

><估唔到荃灣又開多咗間古今二嗌咗外賣拎返去食日式麻醬秋葵豆腐沙律($78)份量同胡麻醬都夠 仲有蟹籽蜘蛛($96)青瓜/ 牛油果/蟹柳/軟殼蟹卷物係餐廳嘅signature 每個切面都見到豐富餡料夾起唔會鬆散 仲係完整一嚿超級龍卷風($88)鰻魚/海老/芝士/青瓜/脆片鹽燒三文魚頭($78)三文魚頭都多魚肉 其油脂同鹹香好下飯櫻花蝦茄子燒($68)茄子腍身 塗滿醬汁櫻花蝦又幾夾><><><><><><><><><><古今二 荃灣楊屋道1號荃新天地1期1樓116號舖