古今二 (荃新天地)

營業中

休息中

黎都荃灣食日本嘢，真係行過幾步都有一間，但係要想揀一間唔中伏嘅，都要細心少少搵吓，務求要食好嘢！今次我就黎勁多間食肆嘅荃新天地，捐窿捐罅搵到古今二呢間日本餐廳，咪講笑，呢個舖頭位置唔算太容易搵，要行到入一入先搵到。首先我哋叫咗叫咗個麵豉湯飲，唔係普通開粉個隻，飲落幾順口！之後我哋仲叫咗個龍捲風沙律，勁多蟹柳絲，同埋蟹籽，最特別係佢仲有啲脆脆喺個面度，撈埋一齊食好好食！之後我哋仲叫咗六件煙花同埋午夜牛郎，呢間壽司啲壽司名都幾特別，又花過心思去改名！令人印象難忘！到最後，我哋叫咗兩件羊架，都幾好食，但有少少油膩，飲番杯茶解吓膩就冇事啦！呢間壽司舖啲職員都幾好，服務態度都幾殷勤！下次會再嚟幫襯！！！