古今二 (荃新天地)

營業中

休息中

創新日本料理平時行開荃新天地都見到好多人排隊等位，想試呢間餐廳好耐，今次就一於早少少5:30 食個early dinner🍽️ 餐廳走Fusion路線，以創新形式為客人帶來非一般的感覺，提供多款前菜沙律、特色卷物、燒物、炸物、鍋物、天婦羅等料理🍲🍣🍤🥗柚想蝦你沙律佢係餐牌上推薦嘅前菜，個名幾盞鬼😂配料有蔬菜、車厘茄、海草、蘋果、柚子、蟹子、牛油果、甜蝦、柚子汁。呢個沙律做得好出色，配料豐富得來仲要好大份，最感動既係蘋果、車厘茄同柚子都好清甜，完全無苦澀味，甜甜酸酸好開胃，蔬菜新鮮仲好爽口，成個感覺都好Fresh🥗🗻富士山呢款特色卷物相當有份量！佢啲蟹柳、鰻魚、牛油果、脆片疊到成坐山咁高，好澎湃🤩🍣煙花以辣味三文魚、辣味吞拿魚、芝士製成既卷物，一口咬落去芝士連同三文魚、吞拿魚混雜係口中溶化，好震撼味蕾；辣度唔會好高，簡單吊下味又幾過癮🍡雞軟骨棒一份有2串；以雞軟骨混合雞肉製作而成，燒得焦香惹味，又彈牙有嚼勁🐙日式章魚小丸子一份有6粒；平時食小丸子最怕醬汁滲晒落外皮變到一pat pat，今次呢份灑上醬汁、木魚絲同時竟然保持到外脆內軟，好有口感🤩📍古今二 (荃新天地) (荃灣)荃灣楊屋道1號荃

上次同朋友食完銅鑼灣古今，覺得真係幾好食，今次就約另一朋友試下荃灣嘅古今二呢間鋪喺荃新天地，望落乾淨企理，裝修都好新淨光猛，平日晚市都幾多人，要等陣先有位我同朋友食咗大約$400，有沙律、卷物、燒物，都幾豐富🌟龍卷風沙律今次又encore呢個招牌菜，唔同分店嘅水準都一樣咁好，朋友讚啲沙律菜鮮甜同埋蟹柳高質🌟東京爆脆呢個卷物包住蟹柳同微辣嘅熟吞拿魚，食入口有好脆嘅吉列口感，呢個配搭幾新穎🌟富士山名副其實，個賣相真係有啲似富士山，卷物上面有一大堆蟹柳絲，好似富士山啲雪咁，而卷入面有鰻魚同牛油果，即使唔點豉油都已經好夠味，連埋少少脆片食更加正🌟照燒雞肉串燒（4串）雞肉夠淋夠juicy，照燒汁多得黎都可以掛哂喺雞串上面🌟古今日式煎餃（6隻）煎餃個底煎得好脆而唔燶，餃子皮其他位置唔會乾，食落幾淋，而入面包住豬肉做餡，仲有好多肉汁，要小心食，因為好熱古今二暫時幾間分店都冇令我失望！

🌟龍捲風沙律🌟生菜好水潤juicy😍係食得出新鮮度同水份既沙律菜🥗🌟章魚小丸子🌟外皮香脆粒粒圓咕碌入面粉漿濕潤🌟金龍卷🌟炸蝦🍤包左落飯卷到依然脆卜卜！證明製作同出菜都好快手保持到食物最佳狀態炸野好緊要！🌟煙花🌟辣味三文魚、辣味吞拿魚、脆片經成卷物上面滿滿嘅餡料好足料🌟野菜天婦羅🌟粉漿薄身但可以全面包裹晒件野菜秋葵同菇炸完都好多汁金菇炸到成束花咁好味又靚😍古今二真係炸物上處理得好好由製作到出菜都緊密配合所以到我食個陣都維持到熱度同脆度仲有食物既新鮮到好欣賞呢點廚房同樓面都好值得讚賞古今二係我絕對會encore既餐廳！

古今二今日去荃灣又係食古今二🤪真係太鍾意食佢地嘅特色卷卷🤭我覺得我就黎可以試曬咁多款口味😆……….🍣龍捲風沙律($76)沙律菜混合了蟹柳、蟹子、海藻、脆片，口感豐富，爽口清新嘅海藻，配上軟軟口感嘅蟹柳，加上爽脆蟹子及脆口脆片，多重口感🤪🍣富士山($88)內含蟹柳、鰻魚、牛油果🥑及脆片，蟹柳舖滿卷物頂部，軟淋淋嘅牛油果🥑配上燒香嘅鰻魚😆🍣烈火紅唇👄($98)運用士多啤梨🍓、炸牛肉、芝士作卷物，脆口嘅炸牛肉，配上軟綿綿芝士，面層帶點士多啤梨🍓嘅酸甜味，感覺好清新，亦好有新鮮感😜🍣清酒煮蜆🍲($128)蜆肉好大隻，新鮮，湯底帶少少酒味，帶點蜆肉海鮮味。……….我哋今次人均大概$200💸，價格相宜👍🏻，地點都好方便，荃灣站/荃灣西站步行5-8分鐘左右⏳………

因為情人節夜晚就基本上都係食西餐架啦，所以晏晝就唔係太想食啲相似嘅嘢，所以就揀咗呢一間幾出名食卷物嘅日式餐廳餐廳位置唔係好大，不過座位都算寬敞，唔會迫迫夾夾，而且因為去食嘅時候經過左午飯時間，所以除咗我哋之外，就淨係得一張枱日式冷麵拼卷物 $98我哋分別叫咗兩個套餐，雖然知道依間餐廳出名嘅係佢嘅卷物，但係因為驚唔夠飽，所以叫咗個冷麵，感覺會比較飽肚少少，麵都唔少，而佢啲配料就好多，但係佢隻碗又唔係大隻，搞到好難可以撈勻，因為好容易一唔小心啲嘢就會跌晒落枱，味道方面就正正常常，係平時好常見嘅冷麵汁味冷麵拼嘅卷物就四件加州卷和四件不知道是甚麼卷（因為佢係餐牌上面都沒有提及）加洲卷味道就正常，但唔知係咪因為太少飯嘅關係，食落去有啲鬆散，蟹籽都只是係表面加少少；另外嗰四件卷雖然唔知叫咩名，但係中間包住已經熟咗嘅三文魚和加咗少少辣嘅沙律醬，表面嗰一層炸脆咗，食落去嘅口感比較特別少少，味道方面都算幾好食，但係食得多會有少少膩卷物盛 $98既然呢間餐廳出名嘅係卷物，咁梗係要點份卷物盛試試，$98十二件卷物，除開返就是大約$8一件，唔算話好貴，但係如果大食少少就未必夠飽，可能需要再另外追加其他野食；咁

主打創意卷物嘅日式餐廳，食物選擇非常多，價錢合理，味道都唔錯，地點方便，所以間唔中都會嚟食吓~🔘富士山模仿富士山嘅造型，面頭係蟹柳絲，飯卷嘅餡料係鰻魚同最愛嘅牛油果，呢個配搭幾好食~🔘蜘蛛其實就係炸軟殼蟹牛油果卷，軟殼蟹仲脆唔會淋晒，加咗青瓜有爽脆口感，基本上兩個卷物唔使再點醬油都好夠味~🔘龍捲風沙律超級大碗沙律，價錢又唔貴，每次嚟必點，除咗沙律菜仲有有蟹柳、蟹籽同中華沙律，個沙律汁辣辣地幾開胃~🔘日式煎餃餃子皮厚薄適中，煎得香脆，餡料幾飽滿～🔘章魚小丸子外脆內軟，配搭木魚絲同紫菜碎一齊食都唔錯~

♡♡♡📍古今二 (荃新天地) (荃灣)荃灣楊屋道1號荃新天地1期1樓116號舖之前食過都覺得呢間餐廳，價錢上亦都OK唔算好貴，都值得一試🤭！🍽彩虹卷睇到Menu就揀咗呢一個，因為顏色上就已經比較colorful！彩虹卷係包括左刺身、牛油果、青瓜，蟹柳，感覺上每一舊嘅時候都有唔一樣嘅感覺，會比較清新😝😝。🍽黑龍卷因為想食鰻魚就揀咗呢一個黑龍卷😂😂。黑龍卷係包括左鰻魚、炸蟹柳、芝士同埋牛油果，都估唔到呢個組合嘅食物會咁夾🤤，而且外觀上亦都比較特別，較為吸精😻。🍽清酒煮蜆味道岩岩好，鹹淡適中～個湯好香，仲好有蜆味😻！d蜆都幾好隻，蜆肉肥美🫶🏻、清甜可口🤤～仲有少少嘅海帶做配菜，所以帶出個湯既鮮甜😝😝。🍽鹽燒鯖魚鯖魚肉質鮮嫩帶有魚油香😻，而且可以淋上檸檬汁，口感甚佳。而且鯖魚都比較有營養🤣，有豐富嘅維生素礦物質等等～而且鯖魚唔算好多骨，所以嘅起上嚟都方便😚😚～

最近見到好多地方都有古今二這家日本料理餐廳，見咁多分店，決定試試究竟味道如何。古今二荃灣店，來到已經好多人排隊，真係大開眼界咁多人喜歡吃，我還真的等蠻久的，差不多半小時吧，真係好多人喜歡來吃。首先前菜沙拉——龍捲風沙拉份量挺多的，有蟹肉和金華沙拉，加上新鮮蔬菜撈埋一齊，實行一個龍捲風式撈到風山水起，加上秘制醬汁，味道開胃可口，不錯的選擇。這裡的壽司手卷好出名的，點了多人選擇的金龍卷和蜘蛛，壽司卷的賣相就如同名字一樣，金龍捲裡頭是炸蝦，蜘蛛就是軟殼蟹，蟹腳展示出來，菜如其名蜘蛛。炸物方面點了雜錦天婦羅，也是有秘制醬汁，香脆得來帶點甜酸，口感不錯。

餐廳喺荃灣Citywalk，位置方便，座位舒適，放工同朋友傾偈一流餐廳主打日系特色菜，食材新鮮好食，賣相都好靚，而且點菜後好快就上菜，最怕啲餐廳要等好耐先有得食蜘蛛壽司裏面有軟殼蟹、牛油果🥑，配搭新鮮好食，軟殼蟹唔會好油膩烈火紅唇💋當我諗緊點解呢款壽司叫烈火紅唇時，一上碟就明咗，食物設設計到好似個嘴唇咁，其實係炸蝦壽司，配埋特色沙律醬，好食😋龍捲風沙律🥗沙律份量好多，上面有好多蟹柳絲同海帶絲，加埋啲沙律醬囉，口感好好👍🏼炸雞軟骨雞軟骨無雪味，而且炸得好，入口唔會成口油，而且份量大，兩個人都食唔晒

🔸龍捲風沙律 （$76）極大份同極多料既沙津~沙津菜、海藻、蟹柳加埋醬撈埋食，以前菜以言CP值同水準都唔錯😼🔸雞泡魚乾 （$68）燒過既雞泡魚乾脆脆地幾好送野飲/酒~ 加埋本身調味十足，叫小食要一試！！🔸彩虹卷 （$116）今次試左兩款特色卷物~彩虹卷由三文魚&吞拿魚配上牛油果同蟹柳而成！整體味道同配合度不俗！🔸煙花 （$79）辣味三文魚同吞拿魚加埋芝士而成既飯卷~除左配搭幾得意之外，微微既辣味加配咗食物層次感！🔸自家製玉子燒 （$55）玉子燒燒得好鬆軟😍鬆鬆軟軟令人食不停口~好快食曬六件！▪️▪️▪️▪️▪️▪️▪️▪️▪️▪️▪️設加一服務費▪️▪️▪️▪️▪️▪️▪️▪️▪️▪️▪️今次幫襯📍: 荃灣楊屋道1號荃新天地1期1樓116號舖其他分店: 尖沙咀彌敦道100號The ONE5樓502號舖荃灣眾安街68號荃灣千色匯1期3樓3013號舖觀塘觀塘道436-446號官塘工業中心4期1樓B室▪️▪️▪️▪️▪️▪️▪️▪️▪️▪️▪️#波比出沒荃灣 #荃灣美食 #波比出沒尖沙咀 #尖沙咀美食#波比出沒觀塘 #觀塘美食 #Japanesefood #日本菜 #hkfoodie #hkblogger #foodie #hkfoodblogger

今晚訂左枱同屋企人慶祝生日，訂枱時已經講明慶祝生日，俾左張係商場走廊嘅枱，已經覺得佢地安排得唔係咁好。攞枱時，將個 Hagazen 雪糕蛋糕交俾個店員，同咗佢講一定放冰櫃。到食完正餐後，叫佢攞番個雪糕蛋糕出黎，搞左成 20 幾分鐘都未攞到出黎，都唔知攪乜，攞到出黎個雪糕蛋糕個底已經溶晒。同佢投訴，佢死都唔認錯處理不當，佢應該將個蛋糕底放在熱嘅野上面，整溶左個底，但佢話無，簡直不知所謂。同我講，佢地同事無做錯，話俾番個八折我，我唔要，我唔係貪呢啲囉，搞到我屋企人生日正日無蛋糕食。

原來古今二係荃灣有兩間！行過先知佢縮咗係荃新天地一樓。本身諗住去千色𣿬嗰間，宜家近啲仲好。佢哋主要做特色卷物，都有少少刺身同熟食，我就叫咗啲小食同兩款卷物🌸🗻 富士山面頭大量蟹柳同薯片碎，非常震撼。下邊係鰻魚反卷。🕷️蜘蛛呢個其實係軟殼蟹牛油果卷，啲蟹腳突出嚟好似隻蜘蛛腳咁。龍捲風沙律🥗唔想食大多肉，所以叫咗個沙律。佢超大碗，其實分別四個人都得🐙日式章魚小丸子、雞肉串章魚小丸子做得好過出面，外脆內軟。雞肉串正正常常咁。

趁👦🏻仲放緊假梗係捉住👦🏻👶🏻2個小情人陪👩🏻去行吓食吓野啦～👩🏻最近愛行荃灣新天地鄰近荃灣西鐵站、荃灣地鐵站🚉仲要有天穚貫穿附近商場👩🏻推住👶🏻bb車行覺得好方便今日👩🏻就帶👦🏻👶🏻食👩🏻最鍾意日本fusion餐廳 #古今二今次我哋order咗龍卷風沙律🥗堆到好似一座山嘅蟹籽、蟹柳配上中華沙律、爽脆嘅沙律菜當你撈埋一齊嗰陣畫面好似龍卷風咁震撼😆再加上醬汁酸甜帶點微辣好開胃櫻花蝦茄子燒🍆最令👩🏻刮目相看嘅原條茄子櫻花蝦嘅咸鮮味再加上日式甜辣醬燒得好香好香、好幾惹味金龍卷🍙👦🏻話鍾意食呢個卷物因為入面有芝士+脆卜卜嘅炸蝦古今日式煎餃🥟餃子煎到脹卜卜 最重要餃子底係脆㗎😋雞軟骨棒🍗日式照燒汁甜甜地😌幾好食👩🏻試咗一啖後👦🏻2支自己食哂😒仲有奇異果梳打、白桃汽水古今二 (荃新天地) 📍荃灣楊屋道1號荃新天地1期1樓116號舖#lcty食誌 #香港美食 #荃灣美食#foodhk #hkfood #yummy #yummytood #hkfoodie #foodiehk #hkig

今日難得早收工， 順便出荃灣接老公放工， 然後一齊食埋晚飯.荃灣而家超多選擇， 多到都唔知食邊間好🤔於是我地一路行， 睇下行到邊間想食就入去.經過見到古今二， 日式料理餐廳， 見到門口大大餐牌有好多特色壽司， 好似好特別，好吸精， 咁就入咗去試, 試完完全冇失望， 超級推介😋😋😋龍卷風沙律（$76）:份量多， 扺食， 食材新鮮， 有蟹柳， 蟹籽， 中華沙律，大量生菜， 配埋辣辣地嘅沙律醬一齊食， 特別開胃👍龍卷風 （$72）:賣相好靚，壽司面加d 脆脆， 口感特別相撲力士（$109)： 層次豐富，壽司面有紅白魚刺身， 內有蟹柳， 青瓜，芝士琦玉 網燒牛舌，4件（$78）：燒得啱啱好， －啲都唔韌， 另配醬汁， －齊食同分開食都一樣好味，必叫秘製蒜香牛油燒帆立貝，1串（$38）其他特色壽司都好想試， 太飽了， 唯有下次😍

身邊唔少朋友鍾意食日本嘢又麻麻哋生嘢🙈要搵多熟食又好食嘅日本🇯🇵餐廳真係唔容易而古今二就係其中一個好選擇👍🏻今次嚟到佢喺荃新天地嘅分店.我哋就揀咗以下嘅嘢食😋：1️⃣日式麻醬秋葵豆腐沙律（$78）呢個沙律🥗有非常滑腸嘅秋葵，豆腐軟滑而且沙律菜好爽甜，胡麻醬好足夠，而秋葵嘅黏性混合咗落胡麻醬，令啲醬好容易停留喺啲沙律菜度，係一道幾開胃嘅前菜2️⃣清酒煮蜆（$128）呢個可能係我食過性價比最高嘅清酒煮蜆，蜆肉係剛好熟，食落厚度適中，味道鮮甜得嚟仲索晒啲清酒熱湯，令我同朋友都食唔停口，而且我忍唔住連個熱湯都飲埋🙈好暖身暖胃3️⃣鰻魚壽司Pizza（$108）呢個壽司pizza🍕都幾得意，係用壽司飯做餅底，表面係炸到金黃色脆卜卜之後再鋪鰻魚喺面，淋上鰻魚汁同埋撒上啲紫菜絲同埋木魚絲，好惹味4️⃣煙花（$79）呢款卷物我同另一個朋友之前喺其他分店都試過😋因為真係好好味，而呢次同行嘅朋友食到少少魚生，所以今次就再叫，呢款卷物主要用咗辣味三文魚同埋吞拿魚蓉所製作，調味剛好，唔會蓋過魚蓉鮮味同魚油味加上有蟹籽同埋脆脆嘅點綴，食落有多重口感，用色都鮮艷奪目 ，真係好似煙花咁👍🏻.整體嚟講，呢度嘅食物款式多樣化，照顧到唔