古今二 (荃灣千色匯I) (已結業)

今日放工想食日本野，就試下呢間係荃灣新開的日本餐廳。呢間餐廳出名嘅係特色卷物。裝修明亮，乾凈企理，坐得都很舒服。首先來來了個沙律- 龍捲風沙律， 加上個藍色靚碟，賣相10分吸引。份量都大，有蔬菜、海藻、蟹柳、脆片， 最特別係佢嗰張辣辣地，相當開胃。首先叫了份捲， 金龍卷， 用三文魚炸蝦芝士而成 ，炸蝦很脆，入面個cream cheese 很濃郁。 再來多個三文魚頭鍋， 見到全隻魚頭，好足料。魚湯奶白色， 配上娃娃菜和豆腐，健康而個湯濃郁。飲完唔頸渴， 無味精，個三文魚肉好嫩，仲可以食埋d 肉。朋友叫了兩個小食，網燒牛舌， 夠厚夠煙韌，火候啱啱夠，配上芝麻漿，幾特別。再來個特別的黑豚荔枝卷串燒，入面包住左個荔枝，甜甜的，把豚肉那種油膩掩蓋着。對於日本餐廳而言，價錢算平民，上菜也很快，下次可encore.

係荃灣千色匯行完街，當就去嘆返個Tea🌌龍捲風沙律 $68🌌一個大生菜包裹著海藻、蟹柳絲及蟹籽，醬汁非常惹味，生菜新鮮爽口，加上有脆片咬落卜卜脆🌠午夜牛郎 $85🌠午夜牛郎其實是芝士+牛油果+吞拿魚，吞拿魚魚油香而不膩，加上牛油果非常夾，外皮炸至金黃香脆，食落口卜卜聲，芝士又夠濃味😋🌠東京爆脆 $88🌠而東京爆脆就是吞拿魚+蟹柳，再加上卜卜脆的蟹籽，被內外兩層紫菜包裹住，而吞拿魚的魚油滲透落蟹柳內，味道香濃，醬汁惹味🎆野菜鍋 $68🎆野菜鍋味道清清淡淡，份量相當之多，而材料有娃娃菜、蕃茄、金菇、冬菇、豆腐及蟹柳，為身體增加不少纖維總括而言，這家店舖的壽司比較出色，有別於其他的手握壽司，都是較有特色及新穎的，下次可以試下其他款😋

又禁晚市堂食，約咗個好耐冇見嘅友人食lunch，順便慶祝佢生日。我哋喺千色匯兜咗陣，都係想食日本野。一人一個lunch set，再加兩份小食。友人揀咗烏冬卷物餐，有烏冬、火山卷同費城卷。費城卷 - 有三文魚、芝士同牛油果，幾 fresh。火山卷 - 火山係蟹柳絲，下面都係卷物，幾惹味。我就點咗壽司烏冬餐。魚生整體嚟講都幾鮮甜，最鍾意三文魚同吞拿魚，有一定厚度，又唔腥。我幾鍾意個烏冬，甜甜地，烏冬又煙韌。蟹柳沙律 - 幾多醬，所以好夠味。明太子雞翼 - 幾好味喎，明太子唔鹹。

上次試完都唔錯今日再食多次先～今次去都好多人～加上明天又6:00之後又無堂食😢希望疫情快啲完結啦～好想快啲可以正常出去食飯～當日去到叫啲唔同既野食試下～凍凍地叫了一個鍋，兩碟卷物同一個沙律～去到會有店員斟茶～仲要係熱茶～現在凍凍地飲都好舒服👍🏻龍卷風沙律蔬菜好新鮮～蟹柳同海澡都變了絲狀食上黎好夾～軟硬適中剛剛好～前菜又唔會太飽～唔錯👍🏻野菜鍋現在凍凍地食真係好舒服～娃娃菜都好多～都清甜～冬菇好入味～但湯底對我黎講就咸左少少～忘不了你（上）見到有咁多醬試了原味先～面頭上有3種醬芥末，芒果同少少醬汁加埋邊邊啲芝士醬～味道好夾同清新～加上入邊炸了既牛肉好香～之後再加豉油食又提升到另一個味道～會更好食😋午夜牛郎（下）好先又原味食了舊先～炸得好香口唔油膩～邊邊位置同飯中間好似食緊年糕咁～加上芝士醬好日西式好夾～好妹食😋之後再加豉油食又更突出個口感～因為又加了牛油果更香三文魚味道～P.S.古今二做啲卷物特別得黎又好食～唔係只係得個睇字～佢地真係有用心設計試過先拎出黎～

古今二係一間日式創作料理的餐廳，出名食壽司卷物，喜歡食壽司飯的我，必定一試!!  每款特色卷物都配有一個特別菜名! 龍捲風沙律: 上枱時嘩了一聲，這麼大碗又疊得高高的沙律怎會吃得晒!當吃了一口配有蟹柳、中華沙律、蟹籽、生菜後，咀和手就不能停下來了....... 每款食材極度新鮮，尤其生菜，每啖都卜卜脆，好似食薯片一樣，再夾上蛋黃醬，最後係成碗食晒! 黎食必定要一試 網燒牛舌:厚切牛舌，燒到內趣外軟，配上酸汁，好夾!! 肉質好嫩滑，帶有一絲牛味!!!蜘蛛:裏面有青瓜、牛油果、蟹柳仲有我最愛既軟殼蟹，軟殼蟹香脆再配上牛油果味道絕對配合，入口全無油膩嘅感覺，加上蟹子，咬落卜卜趣!忘不了你:"忘"取自於食字芒果，配上和牛加芝士，口感好特別，再配上芒果蓉，夠開胃而且牛味夠重，可以唔駛再沾wasabi豉油! 三文魚頭湯:魚湯味濃，配上黃芽白、豆腐，夠晒入味!!! 裏面有半個三文魚頭，大大個而且啖啖嫩肉，喜歡食魚頭的朋友一定一試!!除左卷物，店鋪仲有烏冬、定食、壽司、天婦羅、串燒等日式小食，下次要搵成班朋友大吃一餐!!

古今二仲係得一間觀塘店個陣食過一次見到依家荃灣都有，就黎回味一下佢d卷物平日七點黎到，可能因為係禁六點後堂食前既最後一晚，都好full 下餐牌好多野食，但最吸引都係佢d 卷物我地兩個叫左一個沙律，兩個卷物，一個鍋見到之前唔少人推介，我地都叫一個份量好大，但絕對唔係用沙律醬呃稱真係底下d 沙律菜都好多，中間係有埋中華沙律架，面頭係蟹柳蟹籽，再撤d 薯片醬比例岩岩好，我地溝埋哂一齊食，口感夾埋d 脆薯片好特別兩條卷物一齊上， 佢地淋醬係面頭都好有心機， 而個相樸力士特登用唔同色既魚生砌到依個效果，觀賞度都大大提升左魚生食落新鮮，加埋d 醬都好夾但個人更鐘意忘不了你，外面芒果，入面係炸牛肉，口感更豐富，而個味道都估唔到甘夾，推介～～最後上埋野菜鍋， 菜份量又係好多，食完真係勁飽

好耐冇行街買嘢，今日係荃灣千色行街街，咁啱撞到個好耐冇見嘅舊同學，傾吓傾吓就去咗一期搵飯食，見到有日本嘢，正喎！好，坐低睇吓有咩好食先。龍卷風沙律，感覺好清新，有蟹子粒粒同蟹柳絲，裏面仲有薄脆，薄脆少少辣。忘不了你，表面有cream同cheese，裏面係芒果加牛肉，層次豐富。蜘蛛，有青瓜、牛油果、軟殼蟹，食落爽脆。三文魚頭湯鍋，有一大個完整魚頭，奶白色嘅湯底，有菜有豆腐，魚味濃郁，飲完後個胃暖暖嘅。

今日同男朋友去荃灣睇傢俬，睇完周圍搵嘢食，搵咗呢間叫「古今二」嘅日本餐廳開餐！我哋叫咗以下幾樣嘢食：日本溫室南瓜沙律（$55）：呢個沙律份量十足，入面仲有蟹籽同洋蔥增加口感：火山（$88）：呢間日本餐廳出名自創壽司，所以我哋都叫咗一款嚟試試，呢款叫「火山」嘅自創壽司入面有帶子、青瓜、牛油果、蟹柳、蟹籽，外型真係似火山，而且有好多件，好飽肚：三文魚頭湯鍋（$88）：個魚頭好大，魚湯鮮甜：黑豚荔枝卷串燒（$38）：呢個串燒用咗黑豚肉包住粒荔枝，咬落去會有啲甜甜嘅荔枝汁，好特別！茄子燒（$35）：茄子上面有啲類似XO醬但又有啲啲甜嘅燒汁，相當惹味：

<古今二>真係唔惹少👍🏻主打係卷物，喺其他餐廳都未必食到咁多款卷物！🌪超級龍卷風賣相非常吸引🤩表面有一層脆脆，究竟係乜東東？原來係薯片嚟㗎🤩加埋卷物入面嘅脆蝦，雙脆口感，的確帶有殺傷力，脆！脆！脆！亦夠哂香口😋芝士喺口腔入面散發香味，配合青瓜清新味，食完個口都有淡淡餘香😚🕷蜘蛛個名好有魔性，好有攻擊性🤣我心諗軟殼蟹加牛油果係咪會好油膩？錯啦！入口好清爽，又無油膩嘅感覺！味道亦好夾😍口感方面，外面柔軟，裏面帶少少鬆脆！估唔到呢份蜘蛛係咁溫柔☺️🥗日式麻醬豆腐沙律大大碗嘅沙律，沙律菜夠新鮮，芝麻醬夠香，豆腐每件都切得大大件，口感十足！加上我至愛三文魚子粒，三文魚子嘅油香加埋芝麻醬味，將沙律菜味道提升不少，食落一啲都唔寡😋夠哂開胃🐟三文魚頭湯鍋凍冰冰嘅天氣最啱飲呢個暖笠笠嘅湯😌大大個三文魚魚頭，加上豆腐同蔬菜，飲落味道夠哂濃👍🏻魚頭食落又唔腥，湯夠哂鮮甜😋

凍凍地要個三文魚頭湯簡直係唔錯嘅選擇🥰🥰兩個人都可以飲到三至四碗仲有個魚頭可以慢慢食（冬天冇得食三文魚刺身唯有用着Wasabi同豉油點下魚肉）呢個係我嘅食法可以推介俾你哋🤫龍捲風沙律🥗-非常令我有驚喜,但有甜甜酸酸嘅感覺仲有少少辣雜錦天婦羅🤫🤫最鍾意係天婦羅番薯細細粒容易食👍😘最後午夜同辣妹都係名不虛傳除咗我以上推介嘅食物好味之外估唔到手卷都係好好食以上都好足料，不過我成日都冇食嘢呢個兩人份量我可以食得晒。但正常要四人左右先食到

放工到荃灣千色店買聖誕禮物，之後就上咗千色匯搵野食，經過古今二 比款式特別的卷物吸引咗入去。地方乾淨企理，裝修簡潔，店員招呼周到，衛生抗疫措施亦做得幾好，可以安心用餐。網燒牛舌 $48坐低發覺除咗卷物之外其他日本料理都好吸引，來一客日本名物作小吃開胃一下。第一次吃網燒牛舌是到仙台旅行，是一定要試的仙台美食。牛舌厚切，賣相好，吃起來很有彈性，帶著微微的牛肉香氣。牛肉壽喜鍋 $138令人懷念的忘年會冬季傳統料理，話說每年聖誕我都會在日本渡過，今年唯一一次例外。飛不到日本那吃料理回味一下吧！牛肉壽喜鍋 最亮眼的就是高級雪花牛肉，慢火煮牛肉配搭壽喜燒醬汁，還有多款日本風情的食材，大蔥、豆腐、魔芋絲等等。湯汁甜美，牛肉嫩滑，蘸蛋汁食更美味。昭和豆腐煎 $49充滿豆味的昭和豆腐煎，吸飽了自家製醬汁，入口後有爆汁的口感！ 煎封了混合著脆口的面皮，咬起來相當有層次感。整體而言，性價比高，予人超值的感覺，讓人吃過後還想下次再光顧。

第一次食古今二🤣🤣嚟咗荃灣呢間試 係openrice 見佢餐牌上面啲名好搞怪😂所以一直都想試吓餐廳裝修好乾淨簡潔😌又明亮 坐得舒服餐牌～都好多野揀🤣🤣啲名真係好搞怪 仲要啲飯卷嘅配搭真係好新奇！！好想全部試晒佢！如果我個胃大啲的話🤪叫咗個龍卷風沙律🥗主要有蟹柳蟹籽中華沙律同沙律菜～料勁足！滿滿一大碗 大大啖食好爽～呢個叫午夜牛郎～～裡面係牛油果、三文魚同芝士～完全唔會伏嘅配搭🤣外層脆脆的！食落嚟幾特別，唔似普通飯卷咁dry~然後就係忘不了您～食完真係忘不了🤣🤣從來都無諗過芒果可以同牛肉咁配🤣上面滿滿一層芒果肉，飯團夾住炸牛肉，一啖咬落去先食到酸甜嘅芒果，瞬間開胃，然後再食到中間嘅牛肉，滿滿嘅幸福感，食完仲想叫多碟🤪同埋仲叫咗個三文魚頭湯鍋～魚頭都有好大舊肉食架🤣魚湯鮮甜美味，超大碗，我哋兩個人飲唔晒😂總括嚟講呢餐真係食到好多特別野呀🤣下次再嚟試埋其他飯卷先！💛

千色店樓上開新店。呀妹話一齊試下，又好。係觀塘想去了很久估不到荃灣近近地就有😚😚😚。正門外廣告都夠吸引我進入卷物都係呢間店主打之一先點了龍卷風...其實係沙律🥗，份量大，有蟹柳絲，中華沙律有薯條醉片。西生菜。食了口。幾特別。因為有醉薯片。咬口有。奇加上沙律醬帶小小微辣。蟹仔多。每啖都好有好多味道。真的不錯店員都好有禮貌。加綠茶🍵。讚三文魚頭豆腐煲。熱辣辣上煲。魚頭有大半個。不太魚腥。豆腐滑滑，湯又帶有魚鮮味忘不了您。係芝士炸牛肉加芒果。一啖就有芒草香。炸牛肉美味。如果唔太多沙律醬會更好。但整體不錯牛舌。夠厚身。咬口煙韌得泥又爽口。正😊

龍卷風沙律生菜擺最底，蟹柳拆開成一絲絲放喺生菜上面，最頂端就係蟹籽，堆成一個金子塔模樣。海藻藏在入面。生菜🥬爽脆。海藻有咬口。加上脆片食落更有口感。呢度d卷物有超多款！有成版紙咁多！我同朋友食左「蜘蛛」。「蜘蛛」個名好似好恐怖咁，其實係炸軟殼蟹。個名幾特別，巧妙咁將軟殼蟹嘅形態鮮明咁呈現出黎。「蜘蛛」由炸軟殼蟹、青瓜、牛油果同埋蟹柳製成。軟殼蟹炸到脆卜卜，入面重有啖啖蟹肉。嗌多個卷物「午夜牛郎」試下。「午夜牛郎」由三文魚、牛油果、芝士製成。呢款卷物幾特別。出面脆脆地似米通，紫菜喺中間，食得出紫菜嘅香味。三文魚整成碎，包喺紫菜入面，配沙律醬同吃口感更滑。三文魚頭湯鍋三文魚含豐富Omega3油，可以補腦，魚肉鮮甜嫩滑，完全無腥味，與娃娃菜、豆腐同紅蘿蔔一起煲成奶白色嘅魚湯，健康十足。

今晚行過這裡比我發現佢在這裡開了分店，這間店出名食卷物，做得好有特色，但今朋友想試吓其他口味，所以轉一轉點了個龍卷風沙律，加埋個活赤貝刺身同埋個茄子燒，作為今晚嘅晚餐！活赤貝刺身上枱時大大隻，入口爽口鮮味，十分有口感，加埋伴碟嘅酸薑十分醒神開胃！龍卷風沙律個份量十分大份，上面撒滿了用薯片做成嘅碎片，加埋好多蟹柳絲在沙律菜上，夠晒足料，還有蟹籽混埋在沙律中，配埋醬汁入口真係另一款唔錯嘅食物選擇！還點了個茄子燒，大大條茄子開邊燒，上面還有啲櫻花蝦在燒茄子上面，入口軟淋加上茄子配上有咬口嘅櫻花蝦感覺都幾特別！雖然今晚沒有點卷物，但其他食物都好有驚喜！下次又可以試吓其他！