古今二 (荃灣千色匯I) (已結業)

今晚行過這裡比我發現佢在這裡開了分店，這間店出名食卷物，做得好有特色，但今朋友想試吓其他口味，所以轉一轉點了個龍卷風沙律，加埋個活赤貝刺身同埋個茄子燒，作為今晚嘅晚餐！活赤貝刺身上枱時大大隻，入口爽口鮮味，十分有口感，加埋伴碟嘅酸薑十分醒神開胃！龍卷風沙律個份量十分大份，上面撒滿了用薯片做成嘅碎片，加埋好多蟹柳絲在沙律菜上，夠晒足料，還有蟹籽混埋在沙律中，配埋醬汁入口真係另一款唔錯嘅食物選擇！還點了個茄子燒，大大條茄子開邊燒，上面還有啲櫻花蝦在燒茄子上面，入口軟淋加上茄子配上有咬口嘅櫻花蝦感覺都幾特別！雖然今晚沒有點卷物，但其他食物都好有驚喜！下次又可以試吓其他！