古今二 (荃灣千色匯I) (已結業)

古今二喺觀塘既時候已經好想試，不過又係太遠所以提不起勁🤪最近終於喺荃灣開左分店，咁岩老公又考完試，就同佢食餐好賀一賀佢🥳/排名分先後：🌟辣妹(芝士、炸蝦、辣味吞拿魚) $95這裡的卷物都很有創意，味道創新！我好中意呢位辣妹🤤辣味吞拿魚的份量絕不欺場，炸蝦脆卜卜，有兩件仲有原隻蝦尾架🍤配芝士非常美味，推介！/🌟忘不了你(芝士、炸牛肉、芒果) $88食物如其名，真係食過就會忘不了~除左有芒果的香甜味道，仲有少少山葵的味道，微微刺激你的味蕾又唔會太攻鼻。配埋炸牛肉同芝士真係無敵啊👍🏻必試/🌟龍捲風沙律 $68近排多菜少肉的我當然不忘叫番個沙津啦😎味道很清新，有很多蟹柳絲、蟹子和中華沙律，撈埋美乃滋，就連唔中意食菜既老公都同我爭食啊！又一款誠意推介🙌🏻/⭐️雞泡魚乾 $68見倒有雞泡魚乾覺得好新奇有趣，所以就叫黎試下！估唔倒又幾好食啵，入口第一下感覺有啲似食燒魷魚咁，有啲咬口，有燒汁唔會話淡而無味，老公很喜歡💕/⭐️牛肉壽喜鍋 $138壽喜燒係我地最愛，所以見倒menu有梗係唔可以錯過啦！牛肉鍋非常豐富，有：肥牛、雞蛋、豆腐、金菇、娃娃菜和薯粉😍非常抵吃！湯底甜甜的醬油香，肥牛就普通質素👌🏻最驚喜

見到網上咁好評就黎試下佢啦，去到鋪頭又好多人等，心諗應該都好食掛。環境座位都好闊落既，但乾淨就差少少，因為地下有舊食物垃圾未執，要我提先記得。另外呢，店員既衛生意識都係一般，用清潔桌面既手去拿野食比客人，我覺得疫情之下盡量避免好點，特別是日本餐廳。食物燒牛舌$48三樣中最好食果款，表面有少少焦香，咬落唔會好韌，好食既😗龍捲風沙律$68味道唔錯既，有蟹柳、中華沙律、蟹子、薯片碎同生菜，味道有好輕微既辣味令胃口大開，但我就覺得CP值唔算超高，畢竟上面唔係咩貴價料金龍卷$88Errrrr.....同普通既天婦羅蝦卷無咩分別，多左塊瘦身三文魚囉， 除返開成11蚊粒，隻蝦又唔係大，三文魚又唔係肥美，唔值呢個價🙄總評認真呢間唔係特別好食，唔使特登去食，價錢都係一般，究竟係我味覺有問題定OpenRice 既人味覺與眾不同？

龍捲風沙律 ($68)呢款沙律唔係得個名 配料真係好豐富 除咗常見嘅蟹柳 蟹籽 青瓜絲 羅馬生菜仲加埋中華沙律同薯片碎 味道口感同樣豐富網燒牛舌 ($48)牛舌燒得好juicy 而且厚薄岩岩好 再沾埋個秘製汁 真係會食唔停口蜘蛛 ($85)呢款有我鍾意嘅牛油果同軟殼蟹軟殼蟹飽滿多肉 加埋沙律醬 冇得輸東京爆脆 ($88)吞拿魚同蟹柳用紫菜卷住 炸到脆卜卜 令到成個卷物口感好有層次牛肉壽喜鍋 ($138)壽喜燒湯底偏甜 牛肉一上枱仲好粉嫩 不過掛住影相浸耐咗 搞到熟咗少少牛肉肥瘦適中 沾少少蛋汁 都唔錯配料仲有豆腐 娃娃菜 粉絲 冬菇同金菇

今日喺荃灣度行街，咁見到外賣都食到厭嘅時候，就試下堂食日本嘢，咁我哋就試咗呢一間古今二。 其實入面啲裝修都幾簡潔，坐得都幾舒服 ， 咁我同朋友就叫咗以下食品：火山&金龍卷: 裏面有好多蟹柳絲鋪喺面頭，下低有啲卷卷， 跟住就有類似沙律醬喺面頭度 ，咁我覺得有少少似啲個加州卷 ， 咁其實個份量我覺得都幾多及飽肚 ，呢一個都幾有藝術feel同靚。 真係可以打下呃下like。 至於金龍卷，其實佢個炸蝦鋪咗喺入面，當你食喺上嚟入面脆卜卜，所以呢個金龍捲我覺得都幾好食。龍捲風沙律：呢個沙律我覺得好健康嘅， 因為我食得出佢啲生菜都幾新鮮， 呢一個沙律 又一啲中華沙律喺底 ，而且又有我最鍾意食嘅蟹柳絲，好夾中華沙律， 作為餐前小食我覺得幾開胃同清新。豚肉泡菜鍋: 咁佢呢個豚肉鍋味道就幾辣， 個泡菜都幾好味， 酸酸地同辣辣地。 佢啲豬肉肉質都幾有咬口，而且都唔鞋， 佢入面啲豆腐都幾有豆味同滑，不過呢個鍋我覺得好似爭咁啲粉絲， 所以如果加埋粉絲我覺得就會更加好。日式豬頸肉串燒: 呢個豬頸肉我覺得佢燒得幾好，同埋佢呢個豬頸肉燒得幾好，而且你一口咬落豬頸肉到非常juicy，所以大家可以試下呢個串燒，燒得真係

平時都無留意到呢個位開左間日本餐廳，都係朋友同我去搵食先知Lunch Set都有好多唔同種類可以選擇，有鍋物，壽司，拉麵同飯類都有。通常係有咁多選擇之下都會叫幾款一齊share食。牛肉壽喜燒鍋物定食$72古今卷物盛$88原條茄子燒 $36午夜牛郎 $95我地叫左呢4樣野食，啲野食整體都幾好，份量都正常。個牛夜牛郎我覺得幾特別，佢係炸壽司黎，入面有牛油果，三文魚同埋芝士。炸壽司平時都真係較少機會食到，所以推介比大家試下

食物難食到一個點🤮當晚叫咗 芝麻雞翼，完全唔知係咩嚟🤷🏻‍♀️雞泡魚干 硬到呢。。。。個支雞骨肉棒，唔明有汁嘅嘢點解會同隻芝麻雞翼擺埋一齊；炒野菜 上菜見到真係唔開胃，d菜又黃，又多水，又無味，唉🤦🏻‍♀️簡單菜式可以整到咁難食，真係好嘢👍🏻服務態度極差，由入坐開始只坐左5分鐘，不斷催人落單，催到你肯落單為止🙄每次上菜強制放喺客人前面。見佢咁多好評，但係真心伏囉。

今日一早11點左右, 已經上網落單1300自取，時間已經非常足夠比呢間餐廳準備食物，結果1300到，都未可以自取，不斷講仲有兩分鐘就ok.......結果呢句說話講左5次，食物要15分鐘後先有。本來話如果2分鐘冇就幫我取消，結果都唔肯，要我係門口企足15分鐘，等到佢地廚房煮好，唔比我取消。食物遲左15分鐘，攞出來放低我面前就算........呢間餐廳下次唔會再幫襯..................

古今又再有新分店，開到入黎荃灣了，新界嘅朋友仔終於唔洗過海或者入觀塘先食到古今了餐廳嘅餐牌好似同其他分店都大同小異燒泡魚乾：好少喺香港見到有呢一個野食，見到即刻點嚟食，雞泡魚乾笑得好香脆，魚乾非常之甜茄子燒：茄子鋪滿櫻花蝦，配上燒汁，同茄子好格，更值得一讚嘅係佢嘅茄子唔會油笠笠龙卷锋沙律：其實就係蟹柳沙律，蟹柳嘅份量非常之多，而沙律菜都非常之鮮甜脆口卷物方面，我哋叫咗兩個卷物東京脆卷：入邊包左蟹柳同吞拿魚富士山：呢一個卷物非常誇張，面頭鋪們蟹柳，卷物入邊有鰻魚同牛油卷同蟹柳嘅味道非常之夾最後點樣一個鍋物，三文魚頭鍋三文魚頭非常之大，亦都有非常之多嘅蔬菜兩個人食一定食唔晒

早收工番到荃灣，約左朋友係眾安街行下見到開左間日本野，見到個餐牌好吸引咁就入去試下先，果然冇令人失望🤪🔎 東京爆脆 $88就咁睇好似係普通吞拿魚蟹柳嘅卷物，點知反轉內有乾坤🤭 其實係吞拿魚蟹柳天婦羅卷，食落又軟又脆好有層次感😋🔎 富士山🗻$88「誰能憑愛意要富士山私有」，疫情下去唔到日本🇯🇵唯有係呢到私有化富士山！海量嘅蟹柳，絕對滿足到蟹柳fans嘅我！食完大滿足😛🔎 雞泡魚乾 $68之前去日本旅行嘅時候食過好好食，而喺香港就好少見，估唔到依到都有，見到就叫咗黎試下，的確有日本嘅味道☺️🔎 茄子燒🍆 $35係日式嘅燒法，仲加咗啲櫻花蝦係面頭，食落好惹味，配埋酒就perfect 🍻 🔎 三文魚頭湯鍋🐟 $88大鑊！真係好大鑊啊！又大份又足料！應該有一整個三文魚頭，撈極都仲有三文魚肉，個湯好鮮甜，飲完超飽肚🥳🔎 龍捲風沙律🥗 $68超大份嘅沙律，海量嘅蟹柳絲再配埋蟹籽同沙律醬無得彈，佢個份量絕對可以喂飽一個人，而且沙律菜好新鮮，開胃一流。Overall環境算係闊落，我哋兩個人去都係比四人枱，不過7點幾就開始多人等位，要預早少少去拎定位😉-📍 古今二 (荃灣千色匯) (荃灣)荃灣眾安街68號荃

經過千色成日都見古今二好多人今次終於有幸食到上網睇佢既卷物係做得好出色😂唔知係唔係真呢？餐廳既地方都唔細 但冷氣機就欠缺左dd我同朋友都覺得越坐越熱可能半開放式既設計而且燈光明亮 簡潔既裝修風格今次我地既午餐都食得幾豐富係食到飽😂😂😂天氣太熱叫左個頭盤沙津黎食龍風沙津 有好多蟹子 蟹柳絲配上沙律菜 青瓜同中華沙律 口感十分爽脆 佢地既沙津好特別有薯片碎既 而且醬汁方面帶甜酸 令胃口大開😂而且分量十分多 大大碗燒牛舌我最愛♥️佢既牛舌勁好食 入口溶 油脂分佈得好好網燒既牛舌蕉香 肉質彈中 放左一陣先食都唔韌古今卷盛加洲卷4件 爆多蟹子 飯既比例小 蟹柳青瓜大大舊曼魚牛油果卷 曼魚一d都唔腥 牛油果同曼魚好夾 加上佢有曼魚醬 所以更突出曼魚既味道 魚味濃費城卷 裏面係三文魚 牛油果同芝士忌廉 初頭食以為係豆腐 因為豆腐既味好濃 但試第二舊既時候先知係忌廉 三文魚 牛油果🥑 忌廉都係軟綿綿 入口即化煙花 個樣好靚 係用三文魚同吞拿魚碎做既 而且有少少辣味都幾特別櫻花蝦燒茄子 以想不到係甘夾 滿口都係蝦干重帶有小小辣同咸香味 茄子肉嫩滑多汁 燒得剛剛好 又唔會燒蕉 重保持既白肉👍👍👍最後黎碗三文

今日嚟到荃灣食日本嘢，呢度環境有一種小清新嘅感覺，感覺好舒服，前菜叫咗一個龍捲風沙律🥗，沙律份量好多，有大量蟹柳同埋三文魚子，相信四個人食都冇問題呀！而壽司叫咗兩款，分別係叫煙花同埋蜘蛛。煙花🎆即係有辣三文魚吞拿魚同埋脆片，個配搭幾得意。蜘蛛軟殼蟹青瓜牛油果同埋蟹柳，軟殼蟹炸得趣卜卜非常好食。燒茄子🍆配上櫻花同埋自家製醬汁。三文魚頭湯鍋，魚頭鍋都係$88，大大煲好抵食！網燒牛舌，廚師控制火候燒得啱啱好，唔會燒得太乾，食落有咬口，而且食落口有肉汁！

今日行到千色匯，突然好想食日本嘢，決定再幫襯呢一間日本舖上次同屋企人一齊食，試咗佢哋嘅卷物，屋企人讚不絕口。呢間日本野種類非常之多，可以滿足晒食日本嘢嘅願望。雞泡魚乾（$68)每次嚟到都必食，咬落好有嚼勁，燒至乾身但又唔會太硬，好食。日本溫室南瓜沙律（$55)呢款沙律比較少見，選材相當有誠意，南瓜鮮甜，下面仲有爽脆嘅生菜，非常開胃。牛肉壽喜燒（$138)非常足料又好味嘅壽喜燒，湯底清甜，配上安格斯肥牛、野菜、豆腐同金菇，份量我覺得夠二至三人食。牛肉大約都有5-6片，大大塊，抵食。左：東京爆趣（$88) 右：富士山（$88)黎到呢間，一定要點卷物食。兩款都超級正，東京爆趣裡面有吞拿魚同蟹柳，咸度中和得好好；而富士山裡面就有鰻魚、脆片、牛油果同蟹柳，將鰻魚卷物升級，口感變得超豐富。總結：大滿足的一餐，下次要再試埋其他款嘅卷物

同契媽食飯，近近地就佢去荃灣食，決定食古今二，貪佢近地鐵站，而且之前食過，食物質數唔差，價錢又唔算貴唔知係未疫情"清零"，開始多人出街食，竟然要等位🤔 不過都係等左10分鐘左右啫😆雞泡魚肝：熱熱的上枱，魚肝面燒到微焦，咬落好煙韌唔黐牙，梅耐啲仲滲有魚味，但唔係魚腥味，呢個上枱5分鐘就食晒龍卷風沙律：蟹柳絲，蟹籽，中華沙律，牛油果，沙律生菜，再配日式沙律汁及燒汁，重點帶了少許脆片，好有口感。蜘蛛即係軟殼蟹卷物，擺設做到似蜘蛛；軟殼蟹厚身，炸得夠脆，食落口唔油膩，再配清新既青瓜同牛油果，入口好滿足，好鐘意食必點推介煙花：擺設精美，頂層己經有滿滿既吞拿魚蓉，再配辣味三文魚，兩者加埋係我至愛，面上再加脆片，令到更有層次牛肉壽喜燒：和牛片相當大塊，佔了個窩2/3, 而且厚身，再打上一隻生雞蛋；湯底帶有麵豉湯，飲落帶有少許酒味，少少甜；窩裏面仲有冬菇、豆腐、黃芽白，全部索晒湯既味道，整窩菜食晒😋其實仲有好多卷物都想試，但兩個人真係再食唔落，如果再放寬食客人數，一定叫埋契老豆同契哥黎食

疫情之下冇得飛去日本唯有食返啲日本嘢補數，呢間餐廳好有古代氣息， 我哋叫咗一個大餐， 菜式包羅萬有 ，分別有牛舌、 三文魚頭鍋 、茄子、 三文魚頭鍋、 壽司拼盤 ，個名好似叫做旋風爆丸， 超級正壽司拼盤中有唔同嘅海鮮， 包括鰻魚、三文魚、蟹柳、 炸蝦等等， 用了十分新鮮同上盛， 而且分量都算可以， 加上壽司嗰個嘅拼盤十分精緻， 賣相吸引而三文魚頭鍋味道尚算可以，三文魚十分鮮味， 湯底清清地 ，好啱送米飯現在令我喜出望外嘅係嗰度牛舌嘅菜式， 醬汁一流 加上本身有是肉質鮮美， 兩者配合簡直係天衣無縫， 味道喺口中回甘而無限添加嘅玄米茶更加有消化嘅腸胃的用途， 十分周到

今日行過荃灣，原來千色匯3樓有好多餐廳，經過見到呢間食日式卷物嘅餐廳，都幾有特色，所謂決定入去試吓。龍卷風沙律，呢個沙律份量都幾多，個賣相都相當吸引，有大量蟹子、蟹柳、中華沙律同粟米片，撈埋d生菜一齊食，非常好味。金龍卷，個size成隻碟咁長嘅炸蝦卷,d炸蝦啱啱炸起，好脆卜卜，但一d都唔油，上面鋪咗肥美嘅三文魚，再加上沙律汁，一啖食落去非常滿足。東京爆脆，我見個名幾特別，所謂叫黎試吓，見個賣相唔係好特別，但食落去有驚喜，原來卷物中間係脆脆地，仲夾住吞拿魚、蟹子同蟹柳，卷物表面仲有灸燒過，仲有配埋d沙律醬，成件卷物嘅味道非常夾。網燒牛舌，因為網燒嘅關係，牛舌食落口非常香口，燒得啱啱好，唔會燒得太老，牛舌仲要係厚切，好有口感，配埋個甜甜地嘅醬汁，勁好食。牛肉壽喜鍋，牛肉份量都唔少同好大塊，脂肪分佈均勻，肥瘦適中，喺個甜甜地喺壽喜燒湯底淥一淥，非常滑同好食，而呢個鍋仲有大量蔬菜、豆腐同粗粉絲，吸收晒湯嘅精華，令人食唔停口。