古今二 (The ONE)

營業中

休息中

古今二原來開到黎尖沙咀The ONE，地點非常方便，就即刻食返餐試下先。古今二係一間日式居酒屋，主餐牌好新凈，有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品。呢度都有做午市定食，價錢基本上都係$100樓下。柚想蝦你沙律 $85 另加一先黎一客沙律。上枱見到好大兜，柚想蝦你沙律即係新鮮沙律蔬菜做底，上面加左少少海草，仲有車厘茄，蘋果粒，柚子肉，蟹子，牛油果粒，同3隻去殼甜蝦，再加上柚子汁而成。不過個醬汁似係日式芝麻醬多啲，有好多醬汁喺底。呢個沙律材料豐富，好多醬汁，非常邪惡不過好食。蜘蛛 $96 另加一叫得蜘蛛，當然係用黑色紫菜包住啲飯。蜘蛛係紫菜卷包住炸軟殼蟹，蟹柳，牛油果同青瓜絲，面頭仲加左少少蟹籽。一客五件，三件身兩件蜘蛛尾。如果紫菜脆口啲就更好。火山 $92 另加一呢個火山真係如假包換。店員將火山放喺一隻放有火石嘅大碟上面，然後喺我哋面前點火，啲火好勁，睇到我嘩嘩聲，好驚喜。火山一客8件，係加左黑白芝麻粒嘅飯卷包住紫菜再夾住蟹柳，青瓜絲同牛油果，飯卷上面係大量蟹柳絲同帶子絲，加左唔少辣沙律汁，味道都幾辣。最頂再加少少蟹籽。味道頗重醬汁

The One 5樓新開左間古今二 相信好多人都會認識 壽司關注組 都成日會提起既壽司店 新店質素都相當之高😍彩虹卷 🍣由兩款刺身：三文魚、吞拿魚 再夾住牛油果、蟹柳、青瓜 非常有創意同埋有種清新既感覺 尤其青瓜同牛油果比到種新鮮爽脆既Feel綠野先蹤 🍣滿滿既蟹籽同芒果粒鋪面 特別係包住牛油果同蘋果 水果同壽司既配搭真係好合襯 創新水果壽司😆炸軟殼蟹天婦羅 🦀好有誠意既軟殼蟹 真係有肉質又有啲蟹膏 唔係普遍細隻冇乜肉既軟殼蟹 炸起上黎到天婦羅真係一流秘製蒜香牛油燒帆立貝 🦪除左壽司外仲有好多串物選擇 其中呢款帆立貝特別推介 因為超濃牛油香味配搭帆立貝 非常之香溢柚想蝦你 🥗勁多柚子既沙律菜 再夾集蝦仁、中華沙律、蕃茄等食材 一種好新鮮清新概念 做前菜一流整體我真係好鍾意古今系列既菜式 每次去都食到啲創新、清新既感覺 已經食過好多間分店真係值得一試再試😍

呢間日本料理，壽司卷物選擇多，而且仲有其他日本料理包括沙律、串燒、炸物等等。最鍾意食佢啲卷物，款式多份量多。食過觀塘分店唔錯，尖沙咀新開無耐第一次嚟。▶️龍卷風沙律$82呢個超大份，相當抵食！有蟹柳、中華沙律同大量生菜🥬沙律汁辣辣地幾好食！▶️波士頓卷$58蟹柳、青瓜🥒牛油果🥑及蔬菜。味道較清新。▶️煙花$95辣味三文魚及辣味吞拿魚，免上有少少脆片，脆脆口感。面上仲有好多蟹籽，鍾意吞拿魚蓉夠多，好飽滿▶️海老天婦羅$95天婦羅蝦大大隻，新鮮炸起，唔會太油膩，夠香脆又好味😋▶️燒牛舌$78呢個好好食😋牛舌有口感，調味啱啱好、燒得好香又Juicy！餐廳坐得好，食物選擇又多，質素仲相當唔錯，抵食！

食過唔同分店嘅古今二，今次新店係尖沙咀開，以後行街可以去食😋柚想蝦你🦐🥗蟹籽同刺身蝦新鮮彈牙，配埋柚子肉爽口又清甜，非常fresh，重有牛油果、蘋果粒、蕃茄同生菜，口感豐富。👍🏻埼玉網燒牛舌🐮👅厚切牛舌燒得好香口，食落又有口感，爽滑彈牙，牛肉味重，值得推介。😍雜錦天婦羅🍤🍠有好幾款炸物，天婦羅蝦、蕃薯同秋葵，炸得外脆內軟，紫薯仔好甜。重有炸冷麵條伴碟，整到成把扇咁，賣相特別。火山呢個真係好適合打卡😍😍😍啲火包圍住嗰卷物，整到好似火山咁！有蟹籽、蟹柳絲、芝士同帶子做火山，底層就係牛油果卷物，層次豐富。蜘蛛嗰名改得好特別，其實係炸軟殼蟹手卷🤣軟殼蟹炸得香脆，連埋牛油果食，又脆又軟，好有口感！

係尖沙咀the one呢間古今既日本料理，係開房式裝修，外面可以睇到入面既坐位，而裝修用左藍色綠色同深木色配搭，有種華麗風格。冇晚市堂食，就過黎食個堂食午餐，坐左係梳化卡位，相當寬鬆舒適。前菜點左個沙律食，之後叫左軟殼蟹卷同火山壽司，軟殼蟹卷炸到好脆好酥，變成卷食最適合不過，而個火山卷係呢餐既重點，上左菜後，服務員會係旁邊好似鹽既野上面點火，然後個火會愈黎愈大同keep住一段時間，燒左少少壽司面頭果陣蟹柳同帶子，令到個味道豐富左。

 之前都已經嚐過古今二的創意日式卷物，原來最近在尖沙咀The ONE開了新分店。簡約淡雅的木系裝潢，散發濃濃和風禪意，還有午間柔和的陽光滲入餐廳，使整體風格和諧溫暖。餐牌種類繁多，供應沙律、前菜小食、飯麵、串燒、鍋物、燒物、天婦羅及炸物、壽司、刺身、卷物等等。這次就點了沙律、串燒、天婦羅和卷物。柚想蝦你 $85想不到這盤沙律份量超巨型，足夠二人享用，即叫即製的沙律才可令菜葉不會發黃 ，嫩口之餘水分亦充足。清新的柚子果肉、蘋果、牛油果及車厘茄等等，混合肉質爽彈的甜蝦及日式麻醬，足以令人胃口大開，喚醒沉睡的味蕾。琦玉網燒牛舌 $78串燒雖然看似是簡單直接的烹調技巧，但其實難在如何控制以高溫烤熟食物又不傷食材。燒牛舌火喉控制得剛好，夠厚肉而又鎖緊肉汁，令肉味更濃。火山 $92將卷物疊成山的形狀，上桌時有專人點火燃燒，剎那間閃出熊熊烈火，猶如火出爆發般氣勢十足，當然要第一時間相機食先。經過烈焰燒香後，表層的飯粒就會燒成香脆飯焦，極之香口。面層堆滿蟹籽、蟹柳絲和帶子，中間緊緊捲著蟹柳、青瓜、牛油果餡料，一口就有多重層次。煙花 $95卷物飯粒握得緊密，軟硬適中，夾起來不易散開，灑上金黃脆片，更添香

古今二 (尖沙咀)之前食過佢哋嘅觀塘分店，特色卷物真係好吸引，最近仲係尖沙咀就 the one 開咗新分店，好方便就食到。依家仲有晚市自取優惠㗎。龍卷風沙律 $82個名好特別嘅一款沙律，材料有蔬菜、海藻、蟹柳、脆片，有大量嘅蟹柳絲，下面有好多嘅蔬菜同海藻，記得要撈勻先好食，仲會食到啲脆片都幾特別。椒鹽雞腎（2串）$38雞腎好有咬口，外面燒到焦脆，加少少椒鹽已經幾好食。煙花 $88煙花係由壽司飯包住辣味三文魚同芝士，上面再放咗辣味吞拿魚蓉蟹子同脆片整成。呢款卷物鮮味十足，而且口感夠晒特別金龍卷 $95金龍卷嘅上面有片三文魚，而下面就係壽司飯包住炸蝦同芝士，呢款嘅芝士味會重啲，魚味會冇咁重。野菜天婦羅 $78好少見到天婦羅會有炸金針菇，都整得幾靚，另外仲有炸秋葵、雞髀菇、冬菇同番薯，熱辣辣食都仲幾香脆。📍古今二 (尖沙咀)尖沙咀彌敦道100號The ONE5樓502號舖

今日返到學校做咗陣嘢就畀老細叫我sick leave😫明白嘅，呢啲非常時期，真係流鼻水都令人緊張今朝仲要有眼前一黑嘅感覺感恩睇完醫生食咗藥瞓咗一日好啲喇不過未知個檢測報告係點，要等一兩日🥲.而家瞓醒有啲餓冇晚市嘅日子最啱就係一路睇之前食過嘅正嘢一路啟發吓自己喺屋企整咩食好👩🏻‍🍳早排去多咗cafe~有啲悶悶哋~就同buddy喺上星期去咗食日本嘢🇯🇵話說其實我呢個buddy以前喺日本working holiday對於食日本嘢都幾嘴刁~所以我都唔敢怠慢🙈帶咗佢嚟 @kokon1010 喺The One新開嘅 @kokon2.tst 分店食（另外喺觀塘、銅鑼灣、荃灣都有分店）.Buddy唔食得牛，同埋唔太愛好刺身，可能去好多日本餐廳都未必有太多嘢啱食~不過呢度就唔同，食物選擇好多元化😳連卷物都令人眼花撩亂~揀咗一輪，終於都決定好要食乜：1️⃣龍卷風沙律呢個可能係我食過最大碗嘅沙律🤣個沙律嚟到嗰陣我哋「嘩」咗出聲，心諗食完呢個應該都飽咗大半，我哋仲叫咗咁多嘢食，唔理喇食到幾多就盡力食！呢個龍卷風沙律都有好多重口感~蟹籽嘅爽脆「落落聲」、沙律菜嘅爽甜「Sharp Sharp聲」仲有蟹柳絲嘅微甜，唔會

THE ONE 都算係好多餐廳選擇嘅商場上次行完街見呢間古今二特別多人排隊搞到我同朋友都想試埋一份雖然多人排， 都唔算等得耐， 我地排第四張檯等咗15～20分鐘， OK RESONABLE侍應亦有禮貌地安排客人入座豚肉泡菜鍋呢個似韓式鍋物，豚肉份量適中， 薄切且好食配菜豐富好味而且索晒泡菜湯汁， 辣得嚟帶鮮味食完暖笠笠， 呢個天氣食就最啱㗎喇日式麻醬秋葵豆腐沙律見到秋葵同豆腐我就開心㗎喇麻醬唔會太多， 我反而覺得咁樣味道更清新好食 見好多檯都有叫呢個彩虹卷好似幾靚咁卷物面有吞拿魚、三文魚同埋牛油果中間夾住蟹柳同青瓜等口感味道層次同樣豐富另一打卡必點一定係呢份火山卷侍應會上檯後會提醒我地開相機先會點火， 好細心呀下上層係堆到滿滿嘅蟹籽同蟹柳下曾係蟹柳同牛油果卷, 睇落細細個， 但其實非常飽肚鹿兒島豚肉蘆筍以薄薄的豚肉片包主住蘆筍，配搭清爽無油膩感，亦保留咗蘆筍脆嫩多汁

原來尖沙咀新開左古今二，行經the One唔想太多人所以就試吓～呢走沙律賣相好colorful 有柚子，海草，車厘茄同埋牛油果等等嘅配菜。大蝦幾爽口，沙律菜都好新鮮，幾開胃，仲要好大碗叫咗一串鹿兒島豚肉蘆筍，同埋鹿兒島豚肉荔枝串。荔枝串好有驚喜，夠香甜～ 豚肉燒到微焦，兩者估唔到咁夾見佢幾名幾得意就叫左，一上枱先發現原來係咁樣！又真係幾似火山！其實係帶子蟹柳飯卷嚟嘅，上面個pat醬汁就係沙律醬撈蟹柳～ 食落都唔錯～另外仲要多咗一個炸軟殼蟹飯卷，材料同白飯嘅比例岩岩好 軟殼蟹夠香脆但唔油膩～最後叫埋個牛肉壽喜燒，多肉又多菜，大滿足～

今日行開尖沙咀the one，咁見到呢一間古今二係新開嘅，咁自己不嬲鍾意食日本嘢，咁就梗係入去試下啦，咁入面舖頭都幾乾淨企理， 令到我覺得食嘢嘅時候會比較舒適 ，廢話少講大家睇下我食緊食咗啲乜:龍捲風沙律:呢個沙律我覺得好健康嘅， 因為我食得出佢啲生菜都幾新鮮， 呢一個沙律 又一啲中華沙律喺底 ，而且又有我最鍾意食嘅蟹柳絲，好夾中華沙律， 作為餐前小食我覺得幾開胃同清新。櫻花蝦茄子燒:呢個茄子燒我覺得真係唔需要講任何嘢啦， 因為佢真係燒得唔錯而最令我意外嘅就係有好多櫻花蝦post咗係面，佢真係非一般嘅茄子燒，開頭以為佢就咁樣燒嚿茄子點知原來佢呢個燒茄子都花咗好多心思而且燒嘅程度恰到好處啱啱好! 鍾意茄子嘅朋友一定要試。豚肉泡菜鍋:咁佢呢個豚肉鍋味道就幾辣， 個泡菜都幾好味， 酸酸地同辣辣地。 佢啲豬肉肉質都幾有咬口，而且都唔鞋， 佢入面啲豆腐都幾有豆味同滑，不過呢個鍋我覺得好似爭咁啲粉絲， 所以如果加埋粉絲我覺得就會更加好。火山:有青瓜、牛油果、蟹柳同帶子， 咁其實 佢呢一個好似california roll咁樣， 下低有啲卷卷， 上層就有好多嘅材料 ，就有我頭先所講述嗰啲食材，咁其實

尖沙嘴新開店鋪🆕雖然店面唔大，但都坐得幾舒服，環境衛生情況都唔錯😜·<日式麻醬秋葵豆腐沙律> ʜᴋᴅ 82估唔到係咁大兜😂麻醬嘅味道為人所知，但唔係間間嘅麻醬沙律都可以整得好食。呢度整得咁合我心意係佢嘅沙律菜非常新鮮🥗而且醬料唔係就咁淋喺面就算，而係拌勻過所以每片菜葉都有麻醬味😋·<金龍卷> ʜᴋᴅ 88餐廳最出名嘅係佢哋嘅卷物🔥兩個人食試唔到太多，兩款嘅擺盤已經好靚，洒上薯片碎，相信叫多啲睇落更吸引😚金龍卷係由三文魚、炸蝦同芝士組成🍣中間嘅炸蝦全程保持香脆🍤·<煙花> ʜᴋᴅ 95辣味三文魚同辣味吞拿魚切成蓉，喺壽司飯上面有如煙花盛放🎆不過辣味唔明顯，帶有微微魚油香🐟·<豚肉泡菜鍋> ʜᴋᴅ 118連埋瓦斯爐的泡菜鍋，豚肉片原本生嘅，可以好似打邊爐咁淥熟佢，雖然睇落肥嘅部份唔少，但食落都唔會肥膩🐖 泡菜湯底偏辣🌶所以其他配菜都會幾辣🥵·<櫻花蝦茄子燒> ʜᴋᴅ 55一上枱就已經聞到好香櫻花蝦味🌸配上燒汁都好夾，而且櫻花蝦係好脆，非常惹味😋唯一可改善係個燒汁偏鹹咗少少🤏🏻·食物質素令人滿意，特別係卷物嘅賣相

好掛住古今二嘅fusion卷物啊🥰尖沙咀新分店仲有新嘅特色卷物同素食火山🌋啱哂打卡啊~卷住脆脆帶子、青瓜、蟹柳、牛油果 口感香脆豐富鋪上滿滿蟹籽、蟹柳絲 加辣沙律汁後炙燒🔥味道辣辣地 好滋味啊~新推出嘅倫敦橋 真係要試吓啊！包住炸帶子、三文魚、青瓜上面放上海膽同脆片😚係雙倍滋味啊~鐘意食鰻魚嘅我 唔少得叫黑龍卷面層放上肥美鰻魚同牛油果 卷住脆脆蟹柳 口感香脆~七品刺身拼盤有齊吞拿魚、油甘魚、三文魚、帶子、劍魚腩、海膽、活赤貝各款日本空運直到🇯🇵厚切新鮮啊冬天最啱食特盛海鮮鍋 暖笠笠啊~海鮮鮮甜 記得要試埋湯底 仲新推出素食卷物 好有特色啊

晚餐.之前到訪過觀塘店 覺得壽司卷不錯原來尖沙嘴開了分店 位置更方便 不用到工廈了一貫其作風 有些菜式名很特別 讓人聯想不到是什麼食物有些名字則很簡單直接真有趣😆.1) 雜錦天婦羅扮盤美觀 加分 有秋葵 加分但蝦的炸粉略嫌太厚.2) 相撲力士 + 蜘蛛右面一串那個是相撲力士 但恕我不太能把兩者聯想在一起呢上面鋪了刺身 感覺尚算新鮮中間包了芝士和蟹柳等小小的一塊芝士 味道卻很濃左面那個是蜘蛛有軟殼蟹 牛油果 蟹柳 青瓜配料和飯量都很足夠.3) 櫻花蝦茄子燒好大的一片茄子 很多的櫻花蝦醬汁味濃最欣賞它不油膩.4) 柚想蝦你有柚子肉 牛油果 蘋果 中華沙律 沙律菜 等等感覺清新.上菜速度很快店員也很勤快地幫忙加熱菜收走餐碟整體食物不錯用餐環境比工廈更舒適

古今二開到尖沙咀了，晚飯相約朋友吃。前菜選了日本溫室南瓜沙律，南瓜鮮甜，配合多種蔬菜、蟹子及瓜子片等，入口清新之餘亦有口感。椒鹽雞腎惹味爽口，調味恰當三文魚頭湯鍋鮮甜，奶白湯底為寒冬增加下份暖意。配菜極多，基本上兩個人喝下整碗都飽了一半。古今二最大的特色是這裡的卷物充滿創意，無論賣相及味道都突破固有的框架，很有從古到今的味道。例如這道相撲力士，有三文魚及吞拿魚刺身，芝士及蟹柳。半溶的芝士混入多種魚肉及蟹柳很滿足。另外一道綠野仙蹤有八爪魚、蘋果、蟹柳、牛油果及飛魚子。一啖放入口，多層次的口感。裝修都不錯，私隱度亦較高。