古今二 (The ONE)

營業中

休息中

呢間舖頭喺觀塘都有分店，但係尖沙咀呢間，就開到喺5樓，如果搭電梯逐層逐層上嚟，會有啲遠，所以直接搭升降機會更好。餐廳嘅環境，我都覺得係好舒服嘅，坐喺窗邊，陽光都好充足。前菜，我叫咗嘅係「柚想蝦你」，呢個沙律係一個好豐富嘅沙律，佢除咗有蝦刺身之外，成碗都係好豐宕嘅柚肉，再加埋生菜同埋中華沙律，再加多少少蟹籽，成碗野係好清新。之後叫咗嘅係呢度嘅金龍卷，佢係用三文魚整成嘅，面頭加啲沙律醬，內裏係天婦羅，再加少少芝士捲埋一齊，咬落去係炸物，但又有刺身嘅清。最欣賞嘅係佢個波士頓卷，用牛油果拼砌成一隻龍蝦嘅鉗，裏面加咗芝士，好特別好欣賞👍。

是日黎左the one 搵食，見到呢間好多好評就試下，星期一既lunch time黎到，冇乜人，成間餐廳得5成人左右，坐位亦都好闊落呢度卷物好多款，好多特色野，套餐都好多選擇，有熱食有壽司，五花八門三個人一人點一個卷物盛，套餐飲品有檸茶/檸水同咖啡簡，如有茶飲就更好啦，因為食完卷物都幾滯下！等左一陣就試菜啦，感覺很豐富，乜都有，壽司飯較硬，我中意，但同行友人唔中意硬，就話麻麻啦最推介係金龍卷，蝦好新鮮，配三文魚好食。友人覺得有芝士果個卷太漏，可能各人口味不同，我又幾中意

專做卷物嘅古今喺尖沙咀the one開咗新分店啦～ 夜晚沒有堂食，所以外賣，依然都好好食金龍卷($88)中間有炸蝦和芝士，上面有三文魚， 一啖咬落去口感超好煙花($95)有此名， 應該是因為上面的三文魚和吞拿魚蓉，加上蟹子混合在一起像煙花， 入口很香，帶微微辣味宮崎黃金炸豆腐($68) 比想像中大件很多，炸得非常鬆脆，即使外帶返屋企仍然充滿口感， 內裏豆腐香滑黑豚荔枝卷($29)，黑豚肉片包住荔枝，超正嘅配搭，荔枝多汁又甜蒜香牛油燒帆立貝($32) 好大隻又燒得香豚肉露筍($30)味道其實不錯，不過拎到返屋企，豚肉有點乾身 ，堂食一定仲正龍捲風沙律($82)個賣點係上面鋪滿超多蟹柳絲， 唔需要太多特別嘅醬汁，成個沙律都好好食

古今二尖沙咀The One餐廳多， 但要數有特色的，古今二肯定打進頭幾位吧。最喜歡佢地既特色創作手捲， 你諗唔到的配搭佢地有，唔會千篇一律。 無論是食手卷做出來的的賣相和用料 ，都會讓人有大開眼界之感😍😍，襯團年之際外賣回家與家共嘗，食得安心放心。柚想蝦你超多超新鮮的沙律菜 ， 講明柚同蝦，當然有好多柚子蟹籽同甜蝦做沙律主菜吧， 仲有牛油果同蕃茄將個沙律變得靚靚的，加埋涼爽的中華沙律 ，鹹香的蟹籽，簡單得黎， 配搭又好睇好食一啖接一啖不停口 的吃，宮崎黃金炸豆腐粒粒炸得黃金，外脆內嫰，超好食。-網燒牛舌開盒果陣已經勁香，切得厚薄適中， 側邊燒得焦香，質爽滑又有嚼勁， 我愛。--煙花辣味三文魚加辣味吞拿魚的組合，入口有 吞拿魚蓉的肥美與嫰滑，也有蟹籽的卜卜口感。-金龍卷就好似條金龍 ， 創作手卷都變得栩栩如生 。芝士炸蝦的再加上面頭的三文魚，亦有點點 美乃滋作點綴， 三文魚和炸蝦的配搭，爽滑和脆與彈牙的口感，幾重享受。-富士山另一款讓人欣賞的創作壽司， 以牛油果同鰻魚為主菜手卷，最正係有大量蟹籽手撕蟹柳， 超澎湃超豐富， 蟹柳的鹹香，牛油果果軟滑與咸香並重，讓人有意外surprise 。

過年前怎也要修修一頭亂草！我染髮大約需要4粒鐘總不能叫車爸爸呆等吧！於是我安排了自己早兩小時先去染髮，他便可以睡晚一點才來剪頭髮這樣便時間剛剛好了。正因如此便促成了我這場一個人的浪漫午餐，我是一個徹頭徹尾的鰻魚迷所以選了這間古今二吃我喜歡的鰻魚飯。坐落於The One商場的古今二以藍色作主調，內裏間隔比較密集感覺不夠開掦，可幸的是座位尚算寬敞坐得挺舒適。打正旗號要來品嚐蒲燒鰻魚丼＄88，下單後等了大約等了15分鐘後上檯，來到時丼飯賣相不俗挺有食慾。這個丼飯內裏有三大件厚肉的蒲燒鰻魚，配菜有漬蘿蔔、芥末八爪魚及蛋絲當然還有珍珠米飯在內。蒲燒鰻魚來到時仍然熱暖吃下去有嚼勁不會散淋，而鹹甜的味道亦調得恰到好處質素相當不錯。至於珍珠米亦煮得口感軟熟最重要是吃到米香這點我非常滿意，但如果份量可以多一點點成件事就更加完美了。午市定食除了有主食外還有飲品送贈，我選了凍檸檬茶則需要另加＄3，沒有很好味的茶香但有新鮮的檸檬可以接受啦！服務方面正正常常沒有特別，但有一位服務員不知是否太空閒不停在我面前踱步令我眼花撩亂，坦白講這樣真吃得我並不舒服，這頓連加一剛好＄100埋單其整體質素不錯，但如果份量可以多一

古今二終於開到嚟尖沙咀😍方便哂我哋呢尖沙咀工作嘅人士裝修以木系及藍色為主. 比較有新意坐位都偏向寛闊. 可以同朋友舒服咁慢慢坐🍲海鮮味噌湯細細碗入面已經有好多料😍海鮮全部都好鮮味🍕辣味三文魚壽司薄餅好特別嘅一個餸. Pizza底係用飯炸成. 但炸完之後個飯唔會好乾或者好油上面嘅辣味三文魚偏向沙律醬味帶少少辣. 夾埋炸飯食出奇地夾🐷鹿兒島黑豚荔枝卷 & 秘製蒜香牛油燒帆立貝串燒荔枝卷甜甜鹹鹹多汁又特別帆立貝充滿牛油香.燒得唔會太乾🤤

去過幾次觀塘古今二，幾鍾意佢地嘅卷物，尖沙咀分店仲推出左素食同新嘅卷物添😍龍捲風沙律好有睇頭，成座山甘，最底層有新鮮爽脆嘅生菜，之後鋪滿中華沙律，最頂係由大量蟹柳絲疊成，表面再加了蟹籽同脆片，醬汁又調攪得好好，好滿足。火山一上枱店員會係周邊嘅粗鹽點火，都幾驚訝，打卡一流！材料好豐富有帶子、青瓜、牛油果、蟹柳，最面仲有蟹籽添辣味三文魚壽司Pizza一道幾新穎嘅菜式，將壽司飯壓成pizza形狀，再炸成脆口，再係面加上辣味三文魚牛肉壽喜鍋最岩冬天叫lee個鍋暖笠笠，將牛肉鋪面，底層係大量蔬菜同豆腐，湯底夠味，仲有日本粉絲吸湯底精華添。青龍卷（素食）鹿兒島黑豚荔枝卷串燒冬菇串燒

古今二開到黎尖沙咀the one😍超方便！上次試過銅鑼灣嗰間，今次可以試下5同嘅野食先😋： ✅柚想蝦你（$85）- 沙律🥗份量超大，好多蝦同好甜嘅柚子係入面，$85性價比之選✅埼玉網燒牛舌 （$78）- 好爽口嘅牛舌，高質有牛味😚✅黎到古今二，必點加州卷！今次試嘅係火山🌋（$92）同黑龍卷 （$95）。火山係打卡人之選，除左有噴火表演，加州卷上面嘅蟹柳同蟹籽份量都好多！黑龍卷 就岩哂鍾意鰻魚嘅朋友✅雜錦天婦羅🍤（$98）- 份量好多！ 除左有經典嘅炸蝦，我鍾意食嘅秋葵同甜紫薯都有，正👍🏻Lunch set $68 起，係尖沙咀性價比之選❤️

古今二原來喺尖沙咀The ONE新開咗分店🆕真係好方便，就抽時間去食返餐😬.日本溫室南瓜沙律🥗一大球香甜南瓜沙律夾雜住洋蔥絲🎃表面放上杏仁片、蟹籽🦀底下有各種蔬菜🍅🥬.三文魚頭湯鍋🍲份量十足😍三文魚頭大隻新鮮🐟有好多魚肉食👍🏻肉質鮮嫩，湯底奶白鮮甜🤤配上大量娃娃菜、秀珍菇、金菇🍄洋蔥🧅同豆腐，超正呀😙.煙花💥由辣味三文魚、辣味吞拿魚🐠同芝士組成嘅卷物🧀表面放上脆片🥢加上軟綿辣味吞拿魚、三文魚口感豐富😋而且只係微辣🌶.金龍卷🐲呢款係由三文魚、炸蝦🍤芝士配搭嘅卷物🍣三文魚肥美鮮嫩😉香脆炸蝦加上濃郁芝士😆味道好match.秘製蒜香生油燒帆立貝(1串)🍢帆立貝加上蒜香生油非常惹味🧄

好耐無去食好野啦， 上星期做完場show, 點都要同同事慶祝下。 由於又爆疫情，就去尖沙咀The One 5樓-古今食個靚午餐。是日午餐龍卷風沙律忘不了你蜘蛛雜錦天婦羅龍卷風沙律， 沙律非常大碗， 海藻同蟹柳好爽口，沙律菜好新鮮爽口， 醬汁有甜酸辣的味道，非常開胃。忘不了你， 芒果好新鮮香甜， 配上Wasabi 非常夏天Feel， 中間配上炸牛肉， 又脆又軟， 口感一流。蜘蛛， 炸軟殼蟹配牛油果， 青瓜， 蟹柳，軟殼蟹炸得非常香脆， 加上比突軟身的牛油果，配搭一流。雜錦天婦羅， 熱辣辣的天婦羅， 有蝦， 紫薯， 秋葵。 炸蝦天婦羅香脆，鮮蝦夠大隻， 炸粉剛剛好，油份唔多， 廚師出色。

今日想同大家介紹一間高質壽司店😚 古今二, 係尖沙咀/ 觀塘/ 銅鑼灣/ 荃灣都有分店, 而今次我地就去咗尖沙咀 The One呢間新店🤨.柚想蝦你 $85我地叫咗呢個做前菜, 份量超多🙈 食沙律🥗最怕就係唔夠醬, 但呢到嘅量超多😚 食到最尾都仲有好多胡麻醬同柚子🤩 酸酸地, 好開胃🥳 入面仲有好多蟹肉, 中華沙律, 蝦仁, 牛油果🥑 同蟹子😛 大推🤩🤩.火山🌋 $92店員會過嚟燒俾你睇, 打卡一流🤣 仲會食到火燒嘅味🥳 真係成個火山咁😂😂 上面全部都係蟹子, 蟹柳同帶子, 啖啖肉!! 超滿足!!!🥳 .蜘蛛🕷️ $96個外型都好似蜘蛛🕷️又係好啱打卡✌🏻 有軟殼蟹, 牛油果, 蟹柳同青瓜絲, 軟殼蟹好脆, 而整體都好refreshing😛.埼玉網燒牛舌 $78真心高質, 好食過唔少串燒店🤤 勁厚肉又唔韌, 啲肉汁鎖實曬🤤 肉味好濃!! 點埋佢俾啲汁會仲好食, 唔會食到好膩, 仲要有5大舊👍🏻.雜錦天婦羅🍤 $98有蝦, 秋葵同紫薯粒, 每樣都有三四舊😛 外脆內軟, 炸得啱啱好✌🏻最鐘意佢啲紫薯粒, 好甜好好食🤤.📍古今二尖沙咀彌敦道100號The ONE5樓502號舖荃灣眾安街68號荃灣

好耐冇食過日本嘢，行K11見到新開咗呢間古今，之前食過其他分店覺得唔錯，就二話不說入去食。柚想蝦你沙律$85首先食下沙律開下胃先，材料有牛油果、柚子肉、蘋果、生菜、海帶絲、仲有刺身蝦，撈埋一齊食，沙律新鮮爽口好味。煙花$95 青龍卷$98呢度飯卷出名，梗係要食啦。我哋揀咗兩款，煙花主要餡料係吞拿魚茸、蟹籽，青龍卷餡料有鰻魚同埋蟹柳，當然仲有牛油果啦。飯卷size一口一粒，擺入口啱啱好可以食齊所有嘅餡料，好好味。宫崎黃金炸豆腐$68呢個豆腐炸得金黃香脆，外面炸粉香脆，厚薄恰到好處，加上木魚同埋燒汁好好味，一口咬下真係外脆內嫩，豆腐滑溜溜。雞皮串燒$38有兩串，極度邪惡，脆卜卜，雞皮油脂好香。鹿兒島豚肉露筍$30一串有三卷，豚肉片燒得鹹香鹹香啲，加上少少黑椒味，好惹味，包住爽脆鮮嫩嘅蘆筍，好好味。椒鹽雞腎$38燒得鹹香鹹香，雞腎爽爽哋而且有咬口，餸酒一流。

餐廳：古今二 地區：尖沙咀地址：尖沙咀彌敦道100號The ONE5樓502號舖日期：16/1/2022時間：13:00人數：2人 等位： 0mins 價錢： ＄420之前已經食過荃灣同銅鑼灣分店覺得好好食，見今次係尖沙咀The One新開咗分店幾近返工位置，一於試吓先😝龍卷風沙律 $82: 依個沙律🥗係嚟到古今必食嘅沙律，超級大份，而味道亦一如其他分店係水準之上，食落非常開胃😌煙花 $95: 係用三文魚、吞拿魚同芝士製作而成嘅創意壽司🍣，絕對係用心製作，三文魚同吞拿魚蓉食落亦都非常之新鮮，加上邪惡嘅芝士同蟹籽真係非常非常之滿足🤤而且佢仲加咗啲黑白芝麻喺壽司嘅表面，食落有些少脆口，真係幾正！富士山 $88: 果然同佢個名一樣，成個富士山咁大嚿😂壽司裏面係鰻魚壽司來係鰻魚同牛油果而上面就加咗大量嘅蟹柳同埋脆片，食落真係非常之過癮呀🤩照燒雞肉串 $39: 串燒燒得唔錯，香得嚟又唔會燶，雞肉亦都唔會燒得好柴，唔錯唔錯。野菜天婦羅 $78: 有紫薯、香菇、秋葵、金針菇天婦羅，炸衣厚度適中，值得一讚嘅係佢嘅天婦羅汁做得唔錯👍🏻令啲天婦羅變得更美味😁

富士山 $88真係好似座小山，上面堆滿蟹柳同脆片，裹面有牛油果同鰻魚，加上鰻魚汁，多層口感，幾特別，古今的卷物真係必點菜式。蜘蛛 $96材料豐富，入面有我最鐘意的炸軟殼蟹，炸到卜卜脆，加埋牛油果、青瓜、蟹柳，感覺好清鮮。雜錦天婦羅 $98有蕃薯仔、秋葵、蝦、，炸得香脆，外賣攞返屋企都冇林晒。柚想蝦你 $85生律菜加上中華沙律、車厘茄、牛油果，蘋果、三隻甜蝦，用上新鮮多汁柚子肉，感覺好fresh又開胃。秘制蒜香牛油帆立貝 $32有濃郁蒜香牛油味，唔會燒到過火，仲有汁唔會太韌。鹿兒島豚肉蘆荀 $30以薄薄的豚肉片包住蘆筍，配搭清爽，保留着蘆筍爽脆的口感。

💡再度回訪的日式料理😍古今二是主打日式Fusion菜的居酒屋，提供了不少創意特色卷物和料理，之前已經試過其它分別，今次就黎係尖沙咀新開店舖食下，係商場入面，地點非常方便。🍽日式麻醬秋葵豆腐沙律沙律好大碗，份量足夠三至四個人食！豆腐勁滑，秋葵同蔬菜都好新鮮，再加埋上面鋪左好多三文魚籽，層次感豐富左，配埋麻醬真係好夾，味道新鮮開胃，而且好健康 絕對可以當係餐前小食。🍽豚肉泡菜鍋冬天最岩就係叫個熱鍋嚟食下，暖笠笠好舒服。 呢個似韓式鍋物，泡菜鍋唔算太辣，湯底係好濃郁嘅泡菜味，豚肉份量適中， 薄切且好食，再加埋好多蔬菜做配搭，索晒泡菜湯汁， 辣得嚟帶鮮味。🍽搖滾樂🍣一共有8件，入面有芝士同炸蝦， 味道都幾夾，炸蝦外脆內軟，加埋鰻魚係上面，口感好豐富，就唔點豉油都好夠味。 🍽火山卷🍣卷物火山都做到一個小山丘咁，放上檯後，侍應會係兩邊點火，真係好得別，好賞心悅目，做到真係好似成個火山咁。上層係堆到滿滿嘅蟹籽同蟹柳，卷物入面又有青瓜同牛油果，真係又睇得又食得。🍽江戶薄燒牛仔骨一碟有6塊，每一塊都燒得好靚且好夠味道，牛仔骨薄得黎又唔會覺得鞋口，又唔會韌😋