古今二 (The ONE)

營業中

休息中

難得上朋友屋企玩, 梗係要買返D好野上去食今次決定買呢間日本野既外賣!之前都食過佢觀塘店既堂食, 覺得佢既卷物十分出色, 今次就外賣同朋友分享去左尖沙咀分店, 開係THE ONE, 依家有晚市堂食, 都幾多人幫襯!餐廳食物種類超多，刺身、壽司、燒物、天婦羅、炸物、沙律、鍋物，真係花多眼亂，當中梗係有佢最出名嘅卷物叫咗以下食物龍捲風沙律：呢個沙律上面有超多蟹柳絲，再加埋蟹籽，配埋佢個沙律醬汁，真係一個開胃前菜仲叫咗三個卷物：分別係煙花、蜘蛛、富士山，佢嘅卷物啲名真係好特別，煙花係辣味吞拿魚、辣味三文魚加埋芝士；蜘蛛係炸軟殼蟹，蟹柳，牛油果加埋青瓜；富士山分別係蟹柳，牛油果，鰻魚，牛油果脆片，每一份嘅配搭都好特別，係平時喺街度食唔到嘅，而佢哋嘅配合到亦都好高仲叫咗黃金炸豆腐同埋安格斯蔥牛卷：豆腐外皮香口而入面好滑，而蔥牛卷啲蔥吸晒牛肉汁嘅味道超入味唔使$500食到咁多嘢，真係好滿足！

古今二（尖沙咀）我同朋友睇完戲🥰🥰買外賣返屋企食😚😚古今二d卷物好好食😋😋蜘蛛卷物$96😋入面好多料🤩🤩蜘蛛其實係軟殼蟹餡料，好正，香脆美味👍👍外賣到整得好靚😊😊金龍卷$98😋卷物入面有三文魚、炸蝦🍤、芝士☺️包住卷物，三文魚好新鮮，炸蝦好香脆，夾埋卷物食好fresh😍😍龍捲風沙律🥗$76蔬菜🥬、海藻、蟹柳、脆片沙律好惹味，仲有沙律醬汁好好味，好多蟹柳絲同海藻 😍😍食完好幸福😆😆雜錦天婦羅🍤$88天婦羅外賣都仲脆脆地🥰🥰有炸蝦同炸青椒🫑口感一流😋😋蒜香牛油粟米🌽$38牛油粟米好鮮甜☺️☺️抵食👍👍整體評分：5/5環境：5/5味道：5/5抵食：5/5地址：尖沙咀彌敦道100號The ONE5樓502號舖

古今二好耐之前喺其他分店已經食過，佢出名好多創意卷物，見尖沙咀都有分店，就趁最後一日WFH帶媽媽黎撐枱腳。雖然仲未開返晚市堂食，但平日lunch黎食都已經坐滿人，好彩12:30黎到時仲唔需要等位，店內座位都好闊落，坐得舒服。味噌湯(免費) - 落完單每人送左一碗味噌湯，熱度夠，唔會太鹹。安格斯蔥牛卷($78) - 用安格斯牛肉包住蔥黎燒，上面再放左炸蒜片，因為燒嘅時候加左醬汁，食落口甜甜地又唔會太乾。龍卷風沙律($82) - 沙律比想像中大份，沙律菜上面放左好多蟹柳同蟹籽，堆到成座山咁，醬汁好足夠，撈勻食幾清爽好味。秘製蒜香牛油燒帆立貝($32) - 帆立貝幾香牛油味，燒得啱啱好唔會太韌，加少少檸檬汁已經唔錯。金龍卷($88) - 飯卷入面有炸蝦同芝士，外面再放左三文魚，因為頭尾嘅炸蝦突左出黎成條龍咁，所以就叫金龍卷。因為本身已經加左蛋黃醬同醬油，所以就咁食已經好食，炸蝦令飯卷多左啲脆口感，幾得意。火山($92) - 係由好多舊飯卷疊成，上枱之後侍應會喺上面點火，成座火山咁而得名。飯卷入面加左蟹柳、青瓜、帶子同牛油果，上面再鋪滿蟹柳同蟹籽，因為本身加左好多醬，所以食落會帶啲黏口感，口感

🍴之後試過觀塘個間古今二分店，啲卷物及燒茄子幾好食。今次經過尖沙咀分店，妹妹揀咗幾款想試嘅卷物及小菜，一於試試其他菜式～🥗龍卷風沙律（$82）：材料包括生菜，中華沙律，蟹柳及脆片。食材幾新鮮，生菜爽脆，蟹柳及中華沙律分量都幾多。加入大量沙律醬撐起個沙律，熱量控制朋友不宜。🎆煙花（$95）：一份八小卷。辣味吞拿魚蓉舖於辣味三文魚飯團之上，及後再灑上薯片脆片於吞拿魚蓉上。吞拿魚蓉嘅棉滑，飯粒有咬口，薯片香脆，口感有層次。🍣金龍卷（$88）：三文魚舖面，包著炸蝦飯團。炸蝦都幾鬆脆。三文魚面上半溶嘅濃郁芝士醬，滋味又飽足。🍤雜錦天婦羅（$98）：包括兩件蝦，三件迷李紫色甜薯，及兩件秋葵。分量少，啲炸粉厚過城牆⋯如果真係非食不可就堂食啦，外賣拎到返去都淋晒。🥓安格斯蔥牛卷（$78） ：牛肉薄片卷包住蔥段，烹調後再加上燒汁及乾蒜片。味道一般，有啲鹹。呢個價錢四件蔥卷，小編覺得一啲都唔值得。😉整體而言：1. 餐單多款食物選項，食材配搭亦算新穎。2. 個別菜式價錢偏高，卷物比較穩陣。

好味特色卷物事隔良久的晚市堂食，急不及待相約好友見見面，進駐The one，尖沙咀夠就腳，而且很喜歡古今的特色卷物，就連唔食刺身的朋友都照顧到，性價比高，沒有訂座等了約15分鐘，座位舒適闊落，食物方面一如意往的幾好吃，推薦！火山 （$93）🌋一上菜大家嘩嘩聲🤣因為呢個火山真係會「著火🔥」芝士炙燒後半溶好吸引，加上帶子與蟹肉棒絲toppings包住青瓜牛油果，沙律汁微辣好溫和，口感好豐富！龍捲鬼沙律🥗 （$82）前菜必點，沙律菜超新鮮，非常爽口，加上滿滿的蟹子和蟹肉，份量很足夠，性價比超高。天婦羅海老🍤 （$95）很喜歡這裡的炸物，炸衣厚薄適中，而且天婦羅汁沒有很咸，即炸夠熱不錯吃， 份量也很合適，share 也足夠。—————————————————古今二 (尖沙咀)尖沙咀彌敦道100號The ONE5樓502號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography #foodgasm #lunch #

古今好似越開越多分店，今日午餐黎左尖沙咀The ONE既分店食，貪地點方便就脚。一如既往，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品。龍卷風沙律 $76 另加一天時暑熱，先黎一客沙律降降温。龍卷風沙律成座山咁，份量幾大！主要係新鮮生菜塊，加入脆脆海藻，蟹柳絲，蟹籽，撈埋沙律醬同佢地既招牌鰻魚汁，仲有唔少脆片碎增強口感。味道有少少辣，清新之餘又夠味道，唔會淡某某。忘不了您 $98 另加一忘不了您一客8件，即係飯卷上面鋪左芒果，入面就包住紫菜夾住炸牛肉同忌廉芝士，上面再加啲日式芥末醬同沙律醬。食落有芒果嘅甜滑，炸牛肉嘅脆口炸皮，忌廉芝士嘅滑溜，同少少辣嘅日式芥末醬，有多重口感同味道，好食呀。辣妺 $72 另加一辣妺一客6件，飯卷包住紫菜同炸蝦加忌廉芝士，飯入面加入黑白芝麻粒，上面鋪滿辣味碎吞拿魚，再加上蟹籽同脆片碎。吞拿魚食落唔辣，反而有少少酸，而卷入面嘅炸蝦仲好脆口同鬆鬆哋，加埋滑溜忌廉芝士仲好食。呢款卷物都好好味。照燒雞肉串燒 $39 另加一照燒雞肉串燒一客4串，雞肉連皮，食落好腍，個味道好似叉燒。雜錦天婦羅 $88 另加一雜錦天

lunchtime係公司附近搵間日本野食，之前係觀塘食過覺得啲卷物同刺身好高質，難得尖沙咀有分店即刻要試下！😆天氣熱熱地，頭盤試下佢個柚想蝦你，柚子加甜蝦既配搭味道好清新，酸酸甜甜令到我地即刻好開胃，蟹籽甜蝦生菜麻醬全部分量都十分足夠，絕對唔怕乾~店員推介蜘蛛我地就試下，炸軟殻蟹、青瓜同蟹柳，令到整個口感十分爽脆，食落爽爽聲好正，加埋特製醬汁作點綴，即使唔沾壽司豉油都好夠味，呢到啲名全部好特別，你會估唔到上枱既係咩餡料😆，原來忘不了你係芝士、炸甜薯、芒果，卷面用芥末甜醬作調味，出色！我地都叫左啲小食，包括雜綿天婦羅，全部即叫即炸，非常鬆脆，唔會過多炸粉，咬落依然食到原本食材既味道添！蒜香牛油粟米我朋友都大讚，燒到少少焦但勁香牛油味，我自己就好中意個鹽燒鯖魚，外皮香脆，鹹味剛好！刺身真係超級新鮮同好味呀！必叫五品刺身拼盤，每件都十分肥美鮮甜，對於我呢個海贍刺身fan簡直係升左天堂，帶子、三文魚、拖羅等全部都好正☺️☺️

一向都好鍾意食呢間古今二，最近先知原來尖沙咀有分店，前兩日同朋友去開尖沙咀，就去呢到買左幾樣野食返屋企dinner。日式麻醬秋葵豆腐沙律$82秋葵切成一粒粒，配上滑嫩嘅豆腐，加埋麻醬、生菜同埋中華沙律，入口涼浸浸，清新開胃，好適合依家嘅天氣食。青龍卷$98青龍卷嘅材料有牛油果、鰻魚、蟹柳，卷物入面嘅鰻魚同蟹柳本來已經充滿鮮味，表面鋪上牛油果之後更加增添creamy軟滑嘅口感，好食。東京爆脆$88東京爆脆嘅材料有吞拿魚同埋蟹柳，唔好以為呢兩樣材料簡單，呢個卷物食落口都幾香脆，幾惹味架。椒鹽雞腎（2串）$38屋企人好鍾意食雞腎，所以我都買左兩串椒鹽雞腎比佢食，食落爽脆入味。炸軟殼蟹天婦羅$98軟殼蟹係我嘅最愛，軟殼蟹大大隻，就算係炸完之後都不失軟殼蟹嘅肉汁，食落依然鮮嫩。

位於尖沙咀The One的「古今二」，係一間主打日式特色壽司卷物的日本餐廳龍捲風沙律大大碗沙律都係$82咋～材料包括有海藻、蔬菜、蟹柳、脆片、蟹籽同蛋黃醬。新鮮生菜口感爽脆，配上絲絲蟹柳及中華沙律，清新開胃又健康蜘蛛紫菜飯卷包住炸軟殼蟹🦀蟹柳、青瓜絲及牛油果蓉。軟殼蟹炸得金黃香脆唔油膩，配埋其他材料，味道同口感都好豐富呢辣妹吞拿魚蓉都幾肥美，滿有魚鮮味，微微辣🌶日本壽司醋米飯包住炸蝦及芝士，芝味香濃，好味道！正呀安格斯蔥牛卷半肥瘦嘅安格斯牛肉包住新鮮香蔥，充滿牛肉香，好好食哦櫻花蝦茄子燒原條茄子加咗味噌醬燒香，口感軟腍，表面加咗日本櫻花蝦，香氣獨特

今日在尖沙咀shopping , 響The ONE 商場見到古今二呢間日式餐廳，前幾日食過荃灣分店，覺得好唔錯，食過返尋味，而家見到又即刻想再食。決定買外賣同屋企人再食。柚想蝦你呢個沙律真係好好食，味道好清新，柚子嘅酸甜同沙律醬好夾。沙律菜好新鮮加上海草，蟹子，超爽脆。仲有甜蝦，牛油果口感豐富。相撲力士呢個創意卷物入邊嘅材料有蟹柳同芝士，上面鋪咗刺身。有三款刺身，包括三文魚，吞拿魚同埋劍魚，一款卷物滿足晒三個願望。芝士好軟綿香滑，芝士控必愛。波士頓卷屋企人有人唔食刺身，揀咗呢款最Basic嘅卷物俾佢，材料有生菜，青瓜，蟹柳同埋牛油果。味道非常清新而且食材非常健康。牛油果好綿密，沾上壽司豉油和芥辣，卷物即時好似變成咗食緊三文魚壽司。琦玉網燒牛舌牛舌大大塊，頗為厚身，口感超爽，爽得來完全唔會韌，沾上特製微酸醬汁，超好味,好滿足。宮琦黃金炸豆腐炸豆腐炸得黃金香脆，內裏嫩滑，上面淋上了燒汁，味道有點似章魚小丸子，好惹味。總括而言，今次的外賣晚餐亦都係好滿意，餐廳仲有好多款創意壽司卷物，決定下次再試，食均晒所有味道為止，哈哈。

在THE ONE發現了一間新的日式餐廳，名字就叫古今二，雖然不知道店名是什麼意思，看到用餐時段滿滿的人潮，還是吸引了我們進去了中午有套餐，但我們只想點些小東西吃吃看，等會兒還有下午茶要吃抽想蝦你沙律的份量其實還不少，刺身蝦很鮮甜，配上些許蘋果、明太子、牛油果、番茄，整體搭配的不錯金龍卷乍看像是包著一整隻超大尾炸蝦來的，上面鋪上三文魚刺身，外表入口即化，內餡酥脆鮮甜，口口滿足辣妹名字很特別，什麼是辣妹口味的卷物！點來試試看～一樣以炸蝦為卷物中心，上面鋪上吞拿魚和cheese，超級搭配好美味啊櫻花蝦茄子燒燒茄子上面灑滿了滿滿的櫻花蝦

家庭限聚終於放寬左可以叫埋屋企人團聚下聚會梗係要食好野😋柚想蝦你沙津內容物好豐富既沙津有蔬菜、柚子、甜蝦全部野都好新鮮蔬菜食落爽脆，甜蝦軟糯仲加上增加口感嘅蟹子沙津好推薦金龍卷三文魚包裹炸蝦卷炸蝦卷好味，炸得岩岩好三文魚軟+炸蝦脆真係好夾💗富士山鰻魚牛油果卷，再加上蟹柳同脆片好滋味😚炸軟殼蟹天婦羅隻蟹好大隻呀😍發現呢間炸物都好出色粉漿唔會過厚蟹肉厚實酥脆鮮甜，正👍🏻自家製香菇雞肉丸串香菇切粒加上免治雞肉同埋增加口感既雞脆骨真係好好味，用黎燒真係一流😆

🥗龍卷風沙律（$82）：清新食材，包括有生菜，中華沙律，蟹柳及脆片。生菜爽脆，加入大量沙律醬，好惹味。🎆煙花（$95）：辣味吞拿魚蓉下，喺包住辣味三文魚飯團，飯團表面灑上薯片脆片。有層次，有口感。🍣金龍卷（$88）：三文魚舖面，底下係炸蝦飯團。加埋三文魚上的芝士蛋黃醬，每啖都又邪惡又滿足。🍤雜錦天婦羅（$98）：有蝦兩件，紫色小甜薯三件，及秋葵兩件。相信堂食應該比較香脆。🥓安格斯蔥牛卷（$78） ：安格斯牛卷包住蔥段，經烤煮之後再加上燒汁。幾惹味，可餸飯。😉整體而言：食材配搭大膽餐。

之前食個其他分店覺得幾好食，估唔到尖沙咀又開一間，可惜暫時未有晚市，唯有外賣回家食啦～日式麻醬秋葵豆腐沙律 $82食起來份量都唔少，有新鮮的生菜，軟滑的豆腐，爽口的秋葵，粒粒的蟹籽，撈埋日式麻醬，成為簡單而美味的沙律頭盤。蜘蛛 $96餡料有青瓜、牛油果、蟹柳、軟殼蟹，有著熟悉的味道，配搭好好口感豐富。富士山 $88壽司堆上佈滿蟹柳絲形成山狀，而飯捲了牛油果和鰻魚，淋上鰻魚醬汁甚為美味。海老天婦羅 $95炸蝦五件，拎回家依然脆，炸粉薄薄，食落唔覺油膩。鹿兒島豚肉露筍 $30豚肉薄薄充滿肉香，露筍幼身但好多條，食落幾爽口。

龍捲風沙律 $82清酒煮蜆 $98壽司薄餅 $88青龍卷 $98帆立貝串 $32之前去過總店觀塘同銅鑼灣食，而家分店愈開愈多 個人最鐘意都係尖沙咀呢間，卡位夠大坐得舒服，上菜速度最快，食完又可以係附近行街😜青龍卷係蟹柳鰻魚卷，上面有牛油果，食落軟中帶脆👍🏻 壽司薄餅外形似足pizza但食落完唔一樣，上面係加左千島醬的角切三文魚，伴有炸物係底下，屬於多醬重口味😍串燒有唔少選擇我就鐘意食帆立貝，超香牛油味，肉質正常合格，而清酒煮蜆湯底有頗重酒味，每隻蜆肉都開哂口，呢個幾抵食。最後龍捲風沙律有超多千島醬，生菜爽脆，仲有超多蟹柳同華沙律，連同薯片碎食落美味🤤