古今二 (The ONE)

營業中

休息中

隨住確診人數下降，無得work from home,自然要約返都係附近返工嘅朋友食飯聚下啦呢日lunch就去左The One 古今二食日本菜，從外觀睇環境唔錯，餐枱亦都闊落，同朋友想食住飯聚下真係唔錯；下午時間亦有提供午餐，價錢相宜，款式都多種類，不過我同朋友都想試多幾款食物，所以最後揀左單點；龍卷風沙律好多材料，蟹柳絲同中華沙律好多，配上唔同嘅沙律菜，又有d薯片碎食落口脆脆地，口感好豐富。埼玉網燒牛舌顏色燒得好靚仔，牛舌厚薄適中，好juicy,我同朋友都覺得呢個令人好回味，好喜歡😋櫻花蝦茄子燒覺得呢個配搭唔錯，脆脆嘅櫻花蝦配燒到軟軟的茄子；好多時都係蒜香辣椒咁整，未必成日都想食咁重味，覺得呢個配搭清清地幾好。金龍卷同蜘蛛2個卷物一齊上擺盤好靚，2款我都好鐘意，因為我鍾意食炸物😛如果真係要我2選一我會揀金龍卷，大概係因為多左三文魚喺上面，多左一重口感。要讚下餐廳嘅服務，雖然係lunch繁忙時段，但keep住都有主動幫我地加茶、收碟，態度都好好，完全無覺得催趕嘅感覺，值得同朋友再黎呢度用餐。

今日約咗喺尖沙咀附近做按摩近近哋去the one搵嘢食知道五樓開咗間出名食日本卷物嘅日本餐廳 就去試下😁先叫咗個前菜 龍捲風沙律價錢唔貴但超級大碗 有勁多蟹肉絲 蟹籽 中華沙律個底都有超多嘅生菜配芝麻醬 酸酸甜甜好開胃🙃終於黎到重點 今次試一試好多人叫嘅金龍卷🥰 有八大卷 而且每一捲入面都有個吉列炸蝦熱辣辣 上面嘅凍既三文魚刺身都好厚肉 兩者相映成趣同人share岩岩好 😄另外是一定一個特色卷物叫做蜘蛛😜點解叫蜘蛛上到嚟就明白 因為佢裏面嘅係用咗軟殼蟹 外貌似蜘蛛 非常巨大 而且炸到外脆內軟 好惹味😁😁除咗卷物餐廳都好出名的燒嘅嘢 今日嗌咗個好有特色嘅荔枝鹿兒島黑豚肉,入面真係有粒荔枝! 仲叫咗安格斯蔥牛卷, 同自家製香菇雞肉丸串,啖啖肉 正呀!!😋😋不得不提餐廳嘅服務真係好好 佢哋會不停為你添加玄米茶亦好有禮貌☺️

一向都幾喜歡到古今二吃卷物☺️， 今次到尖沙咀彌敦道100號The ONE5樓502號舖。 店內裝修以日式木系風格為主， 簡約舒適😉。晚餐 ～ 火山$128、 搖滾樂$82、 龍捲風沙律$76、 秘製蒜香牛油燒帆立貝$38、 安格斯蔥牛卷$72。 💠火山 ～ 店員送上的時候會即場為卷物點上熊熊烈火♨️， 就像火山一樣， 非常吸睛。 卷物疊成山的形狀， 頂層有滿滿的蟹籽和蟹柳絲， 另外有牛油果和青瓜絲， 味道和口感都很豐富。😋💠搖滾樂 ～ 這款卷物有六小件， 賣相精緻，面層有肥美的鰻魚，卷物內有芝士🧀和炸蝦🍤，很滋味。 💠龍捲風沙律 ～ 有中華沙律、蟹柳絲、蟹籽和沙律菜， 份量很多，整體爽口新鮮，拌上醬汁更加開胃😊。💠秘製蒜香牛油燒帆立貝 ～ 口感厚實又鮮甜， 大大粒好味道🤩。 💠安格斯蔥牛卷 ～ 鮮嫩的牛肉卷著香蔥，配上秘製醬汁，與香脆的蒜片一起吃，味道不錯✌🏻。 很欣賞古今二的卷物， 有創意又有特色👍🏻， 值得推介。

KONKON2的壽司都真的有段時間無來食，見到佢開左THE ONE分店，同HONEY去開TST，就食KONKON2啦環境方面又夠大，有卡位坐得好舒服，是日同HONEY點左柚想蝦你午夜牛郎  煙花(6件）古今日式煎餃 宫崎黃金炸豆腐柚想蝦你柚想蝦你作為主打前菜, 份量唔少，柚想蝦你醬汁系胡麻醬同柚子, 一食落，好開胃 入面仲有好多蟹肉, 中華沙律, 蝦仁, 牛油果 同蟹子，另外仲有少少蕃茄仔同埋蘋果粒，真的YUMMY~~古今日式煎餃古今日式煎餃有六件，食落好JUICY，又多餡，如果個皮脆D會更好~~宫崎黃金炸豆腐宫崎黃金炸豆腐真的好好食，有少少木魚絲，加上脆皮，入面豆腐滑溜溜，真的同HONEY系咁搶食~~午夜牛郎  煙花(6件）午夜牛郎  午夜牛郎系一款炸壽司，壽司入邊有埋牛油果芝士同熟三文魚 ，食落香口又唔會有油的感覺，真的壽司的奇巴，超回味~~絕對係用心製作，煙花(6件）係用三文魚、吞拿魚同芝士製作而成嘅創意壽司，三文魚同吞拿魚蓉食落亦都唔少份量，加埋入面的嘅芝士同蟹籽真係好過癮，口感上仲加咗啲黑白芝麻喺壽司上面，食壽司都有高級的水準，掂!

今日去咗尖沙咀the one 食日本野，去了這間有四五間分店的古今，佢有幾間餐廳叫古今，亦都有幾間餐廳叫古今二，唔知點解佢要加個二，不過都唔緊要因為其實佢啲嘢都真係幾好食，同埋飲佢啲啤酒係好抵$28一杯，仲有啲特色手卷非常之正。我地叫左柚想蝦你，東京暴脆，燒鰻魚，野菜天富羅同煙花。其中野菜天富羅炸到好脆，燒鰻魚好新鮮，煙花的吞拿魚也很creamy,同飯及介末的配搭係好正。所以話，好的餐廳，先會開分店！

🥰店舖雖不太大,但座位舒適,店舖裝修夠特色📝餐牌超多選擇🥗前菜沙律,刺身🍢特色卷物,串燒🥘鍋物,小食炸物🍜飯麵類,清酒🍶🍹沙冰特飲,果汁梳打及汽水 $18-42鍾意嗒番杯 Chill 一 Chill 嘅....🍶仲有多款清酒選擇$68/杯-$588/支🥗龍卷風沙律$76新鮮蔬菜,海藻,蟹柳&脆片撈拌沙律醬汁有少少辣味口味清新開胃宮崎黃金炸豆腐 $68 （6件）醬汁甜甜地,外脆內軟,口感豐富🍤海老天婦羅 $88炸皮薄身夠脆口, 蝦肉厚實💚青龍卷 $98牛油果,鰻魚,蟹柳呢個🍙嘅配搭, 原來係絕配口味清新有嚼口感🥰🌈彩虹卷 $116刺身,牛油果,青瓜&蟹柳😋呢款卷物好睇又好食刺身下包著飯糰加蟹柳及爽口青瓜,口感豐富😍

難得約到朋友出去尖沙咀食飯揀間日本餐廳是必須的位於方便The One嘅5樓人流唔算多感覺舒服休閒餐廳座位闊落坐得舒服😌裝修彷彿去到以前嘅日本🇯🇵好正最鍾意門口嗰個有特色嘅磚牆前菜係龍捲風沙律🥗 $76最鍾意佢上面嘅生菜脆片！撈埋重量嘅蟹柳蟹子 配上海量沙律醬非常誇張！最有特色係呢度嘅壽司卷物點咗部火山🌋（卷物）$128入面有帶子、青瓜、牛油果同埋蟹柳上菜方式非常之有趣似表演會有真火，圍住火山爆發好正，身為港女的我好buy呢啲煙花🎆 $78要唔要辣味三文魚、辣味吞拿魚同埋芝士發現咗好有趣嘅質感，原來係脆卜卜嘅薯片好有驚喜！櫻花蝦茄子燒 $68完全改變左對茄子嘅睇法原來櫻花蝦配茄子會咁夾脆卜卜嘅櫻花蝦，配上淋芝芝茄子🍆溫馨提示，配搭埋佢嘅酸蘿蔔更加出色秘製蒜香牛油燒帆立貝$38上枱已經聞到濃濃嘅牛油香味咬落蒜香更加明顯好滿足❤️‍🔥❤️‍🔥❤️‍🔥餐廳侍應都非常幫到手！好nice同埋勁有禮貌鍾意佢哋嘅服務態度同埋留意客人需要總括嚟講今晚餐好滿意下次再黎😛

感覺質數整體下降 ~之前有到訪過觀塘店，覺得小店幾有風味，串燒香口，其招牌富士山幾有特色，故今次帶同家人試尖沙咀The One分店，点了刺身盛7式盤，壽司煱物等...開頭熟食都不覺問題所在，然後食到壽司就感到唔多新鮮，隻牡丹蝦蝦頭就很大；原來無肉嘅🥲，再且個刺身等咗25-30分鐘都未到，向侍應哥哥催促後到來，（價值$588的7式刺身）原來只係用隻碟放兩塊葉盛載，感觀大打折扣🙁 食入口完全無鲜味，海膽仲要係 苦澀味🥴$588呢個價完全唔值，去爭鮮食真係仲鮮！未試過食日本菜個刺身最後先嚟上，完全錯哂🤷‍♂️最後埋單盛惠$3049， 真係一句多謝曬😪...怕怕

今晚約咗朋友嚟到尖沙咀嘅古今二食晚餐，之前都book mark左呢間餐廳一排，所以都預先book咗位，嚟到都唔需要排隊。到底佢點解咁犀利可以開咗咁多間分店，都想知道係咩料！今次Total就叫咗咁多款食物，覺得佢個壽司薄餅係幾特別，另外卷物都係值得推薦，卷物方面我哋叫咗三種唔同嘅卷，分別係彩虹卷、煙花、同埋橫綱力士龍蝦卷。龍蝦卷佢仲有埋條龍蝦尾，咁啱得咁橋我就夾中咗個龍蝦尾不過佢唔知係唔係煮得有啲太老，個龍蝦肉比較硬。彩虹卷我就覺得比較普通，煙花都係幾特別嘅海膽炒飯都係其中一個佢推薦嘅菜式，但係我就覺得普普通通，可能因為佢啲海膽唔係咁新鮮，個飯同海膽係兩件事，雖然佢有舊海膽擺喺面，但你唔同我講佢係海膽炒飯，我唔會食得出佢有海膽味。另外都叫咗一個五品海鮮刺身，其中佢嘅海膽真係比較令人失望，佢啲海膽係苦嘅⋯唔知係唔係唔新鮮⋯唔太建議叫呢一個我哋都叫咗個龍捲風沙律🥗呢個就真係幾抵食嘅，好大兜，覺得都算OK～佢個醬汁係有少少辣辣地，都值得推薦嘅～雜錦天婦羅來講佢個份量都比較少，包括坐秋葵，炸蝦、紫薯仔，唔會話好值得推薦。牛舌我哋叫咗兩份，因為我哋多人，不過佢個牛舌唔係爽嘅，佢係好韌⋯呢個都唔值得

星期五去朋友屋企玩，見tst都有古今，就諗住去買d創意卷物一齊食呢間古今比cwb的大，當然也一樣多人😆不過想食特色卷物，的確係高性價比嘅地方朋友一見到已經覺得好吸引😆的確無買錯。富士山賣相吸引之餘，味道都好好，上層係蟹柳+脆片，卷物內則是鰻魚+牛油果，味道少辣，飯同配料好balance😋另外上面嘅蟹柳+脆片都好好口感金龍卷係有炸蝦、三文魚、炸蝦肉質彈口，三文魚新鮮，配上沙律醬真係好match😋龍捲風沙律真係幾多料，有海草、蟹子、生菜、蟹柳，配上少少辣的醬料，幾refreshing另外炸雞外皮香脆得來，肉質都嫩滑，而且真係幾多肉食😋下次要來堂食，食更多創意卷物！😋😋😋

其實我真係好小比負評，自問個人都好有耐性同會體諒員工…但餐廳店員真係明顯缺乏經驗，需要多加培訓！今晚8點到店拎飛，門口都好多人，要等十張台左右。拎完飛我就一直企係門口等，大概半個鐘到只郁左一張，陸陸續續好多人都唔等，接近等左45分鐘左右時，得番我同另一對情侶（我認得佢地後我一個號碼）而當時下個到我，有對客book左但遲到，門口店員同佢講左一輪野，去完問另一位應該高級一點既應該點做，最後佢就好快比佢地優先入左..跟住我見到餐廳入面已經有吉台，我問門口男店員點解有台都未入得？ 佢話要執台等多陣（當時張台係無曬野，應該係抹乾淨同放返餐具），另一位妹妹店員終於去抹下張枱，但突然間抹抹下，佢又走咗去隔離執碟（但隔離嗰台冇人叫佢去）只係佢眼望到又去收，然後又過左十分鐘，張台終於清潔完同放好餐具啦，仍然無叫我入去，我再問：已經有台..又叫我等等..好..再過五分鐘，我用就來餓死既眼神直視一直望住門口位哥哥仔，佢先意識到再望望張台話得了….由於企左一個鐘我立即已經畫紙叫野，落單時間21:06，21:11來左第一份刺身..接住幾樣小食…然後就慘了…前菜同主食一直未到，21:40 ，我吹單，因為就要關門我

#尖沙咀美食 #小蓮星吞食尖沙咀🔻 古今尖沙咀彌敦道100號The ONE5樓502號舖/🧃龍卷風沙律 $76蟹柳絲多到好似龍捲風咁樣鋪喺沙律面，加埋沙律汁、中華沙律、脆片、蟹籽，味道豐富得來，口感亦都有多種層次，另外值得一提係沙律菜好新鮮，好爽脆。/🧃午夜牛郎 $95餡料包括三文魚、牛油果同埋芝士，飯卷炸到脆卜卜，非常香口，加埋軟滑芝士同埋牛油果，口感對比好大，芝士仲好香濃。/🧃彩虹卷 $116彩虹由吞拿魚同埋三文魚兩隻顏色嘅刺身組成，顏色好鮮艷好靚，入面包左牛油果、蟹柳同埋青瓜，好清新爽脆嘅一款卷物。/🧃櫻花蝦茄子燒 $68騎士銷售食得多，加咗櫻花蝦上去嘅第一次試，鹹香脆口嘅櫻花蝦鋪滿茄子，勁惹味。/🧃野菜天婦羅 $68有金針菇、冬菇、紫薯等等，雖然炸左，但係都食到食材嘅清甜。///#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

星期四晚放工，約咗我閨蜜慶祝佢生日，我預早訂咗間日本餐位於the one 5樓。日式麻醬豆腐秋葵沙律🥗好大碟，性價比幾高，女仔都鐘意食多啲菜嘅，想讚一讚個豆腐滑滑的好有質感，配上麻醬秋葵蕃茄粒，幾好嘅開胃菜。海老天婦羅🍤賣相係金黃色，好彩唔油膩，又幾好食😋，博博一層炸粉，食落唔錯，有5隻，可以選擇嘅小食👌🏼👌🏼鹿兒島豚肉蘆筍，有驚喜，估唔到佢嘅全消都幾好味，一串有三件。😄燒得豚肉好香，有啲似金菇肥牛卷嘅咬口，不過再好食啲😀，因為蘆筍更顯層次感👍🏼東京爆趣，呢個係必食之選，脆卜卜配有吞拿魚蟹柳，秘製醬汁😋，我嘅最愛🥰❤️因為我朋友生日我揀咗呢個比較浮誇，又可以打卡嘅火山，好特別下，就係如圖片所見，有啲火焰🔥燒燒下😎，我以前以為得火焰雪山做到呢個效果🤣原來家下食個帶子青瓜蟹柳牛油果飯卷，都有火花😍👍🏼👍🏼👍🏼

之前喺荃灣同銅鑼灣都食過依間，覺得幾好食，最近多咗好多分店，好開心！依度嘅卷物好特別同有創意，叫左個烈火紅唇（$98）同搖滾樂($82)。前者係士多啤梨、炸牛肉同芝士，估唔到士多啤梨酸酸甜甜，做壽司都幾夾。後者係鰻魚、芝士、炸蝦、牛油果，炸蝦香脆配埋其他三樣都係軟滑嘅食材令口感好豐富，好食！另外食左海老天婦羅（$88），炸得好好，入口唔會好厚炸粉同好油！串燒方面叫左蒜香牛油翠玉瓜（$25），本身麻麻地翠玉瓜，但用蒜蓉同牛油黎整真係好香好易入口。依間無論卷物定係其他熟食都幾高質，難怪開咁多分店！

*此餐廳收取加一服務費。火焰金龍卷（單點$108），擺盤精緻，表面鋪有三文魚腩、芝士，內有吉列炸蝦，三文魚腩油脂味濃，吉列炸蝦口感外酥脆內彈牙。青龍卷（單點$98），表面鋪有牛油果，內有鰻魚、蟹柳，口感好豐富。埼玉網燒牛舌（單點$78），肉質厚身，食落有咬口，牛味濃厚。2串鹿兒島豚肉荔枝串燒（兩串$64），採用黑豚肉製作，肉質嫩滑，肉味濃香，配以荔枝食用，味道清新。吉列廣島蠔（單點$58），口感酥脆，廣島蠔食落好Creamy，味道鮮甜。