又一戟 (已結業)

放了三天假, 又唔想去太遠, 於是想到好久沒行的葵芳, 晚上8:30, 走到3樓的小食店, 客人都不算多, 店子也紛紛準備收拾關舖, 行過這店好久沒食了, 就算唔食都好喜歡看著他們製作pancake, 看著又好想食, 問老公要邊款又叫我揀, 我都係買了以前一向喜歡食的鹹牛肉有三四個客在等, 但都好快做好給我, 看著店員很純熟的手勢將粉漿放在熱pan上煎, 薄薄地加上鹹牛肉, 芝士, 生菜, 還有不可少的黑椒粉, 真是不錯的配搭, 之後把pancake皮摺著摺著, 見他還細心地把兩面再三烘多少少時間, 令外皮更香脆, 我還未看夠的製作, 他已做好了一份22蚊, 上次我買好像是18蚊, 兩個人食剛好

今天來到葵涌趴趴走,走過葵涌廣場的食街,見到呢間賣crepe ,我好耐無食過了,但又心郁郁,所以還是買了,因為還在病不能吃凍野,所以不能吃雪糕,改為奇異果+忌廉(只差2蚊),見店員都超熟手,1MIN就將我的那份整好了,還加了2次忌廉,再"芝"朱古力醬,拍完照後,就開始吃第一口,覺得皮很薄,可能是因為要方便咬開吧,因為下面的會摺厚,如果太厚下層會變成韌,所以薄皮是可以接受的,奇異果不太酸,忌廉是淡味的,朱古力醬甜甜的配起來不錯吃,吃光面頭中間還是滿滿的忌廉,少少果肉和朱古力醬,雖然是皮厚了,但還是咬得開,到最後吃那尖端才覺得有少少韌,所以皮的厚薄控制實在很重要,不過那當然吃到厚一點又鬆化的更好啦,所以這間算是普通不錯了未到好好吃,但就唔難吃如果可以再減個5蚊就更好了

同職員講係外賣, 佢叮囑說:「最好係即食啦~ 遲咗d皮無咁好味。」 無辦法......我要帶番屋企俾小朋友食！確實...外賣嘅crêpe係皮開始淋, 咬落開始韌, 不過蛋味比以前多咗, 香味遍佈全程車香蕉朱古力熱crêpe, 味道純正, 香蕉與朱古力醬互相合作, 整體營養非常適合小朋友成長粟米蟹柳紫菜鹹crêpe, 沙律醬做底再配合粟米蟹柳紫菜, 好一份沙律crêpe對小朋友而言, 吃完胃納剛剛好

係葵涌廣場3樓搵食,最後黎左li間食pancake我地叫左吞拿魚pancake($20),仲叫佢比多d生菜xd等左一陣就有得食la> <咬落去個皮邊好脆,又有d煙un,好好食d吞拿魚都比得幾大方,生菜真係比多左tim,哈哈食到最後都仲有料ga^^不過整pancake真係好講技巧,要快,份量又要岩整pancake真係唔簡單呀~~

最近好想呢啲野，甘岩行呢度見到有所以就買個黎食。其實好多都好想試，應該話係好想樣樣野都要啲XD睇左好耐決定要士多啤梨 + 奶油曲奇 $22。都幾多人食 我個人覺得佢既皮太薄，士多啤梨太酸。

陪了朋友們到這家店子吃老實說價錢算是很便宜比起我們在其他地方看到三十多塊的這份十八塊已經算是這樣了...我叫了一個朱古力碎寶+香芋雪糕然後那位收銀姐姐給了一個號碼牌我，我就在等待我地crepe 的來臨了 >__<透過透明的板看見師傅在純熟的把粉漿弄成一個圓形，然後再反轉，就這樣就成了一個crepe 了..然後職員就快速的把大量的cream 擠上crepe 的中間然後就放上一個香芋雪糕的雪糕球接著灑上功克力碎再整齊的摺疊，初時我以為已經做完了但原來他再在上面擠上cream 、朱古力碎和朱古力醬看似好像真的很吸引啊...我接過戟後，就輕輕的一口咬過去了……皮不算太韌，且也頗香脆的個人就比較喜歡這種口感...然後就再慢慢的吃下去....好甜的我覺得甜味足夠雪糕 與 crepe 味道很配.... 但當慢慢吃下去時，就發現不太對勁...因為到底下全都是cream膩了點..我已經很喜歡吃cream 了但也覺得這個cream 太多了>__<如果少一點就更可價錢方面..適中啊，比起外面便宜了不少而且品質似乎也和外面的差不多啊~~~整個crepe 唯一的缺點相信只是太多C

同朋友口痕痕就買野黎食下呢一檔外面圍住好多人 見唔錯都買左一塊黎食同友人諗左好耐 最尾都揀左鹹牛肉因為多人 去左隔離檔買野飲 冇睇住老闆點整不過食落去又幾好味初初以為夾鹹牛肉個味會好怪 但又食唔出邊度怪所以都唔錯 下次會試埋雪糕 都好似好好味!!等唔等於旺角果d Q餅呢? 價錢都有一段距離不過旺角d阿姐好似hea d

佢有小食同雪糕2種選擇....由於飲完甜野唔係咁想食雪糕...所以最終揀左一個鹹牛肉....真係即叫即做...仲可以睇住佢做...睇落好似好簡單咁...不過食落口就知都幾考功夫..雖然快快手就搞掂...不過出黎ge成品1d都唔馬虎架...食出好夠料...仲要分佈得好平均....包裝都好好...唔會一邊食一邊漏...有機會會再試埋個雪糕...當食甜品都係一個唔錯ge選擇!!!!

上年在東京鐵塔底食了個約500yen 的班戟;雖然唔算好好食, 但宜家都有d懷念。在又一戟點了 香蕉忌廉綠茶班戟share, 男友點這個時, 我硬是覺得有點怪!?香蕉應該加Vanilla / 朱古力吧? 不過都無得簡=.= 算la~出奇地好足料, 以為佢整完, 點知又再加香蕉;以為又ok la, 佢又追加忌廉!! 正!睇得出老闆係有heart^^

好耐無行過葵芳了, 好多野賣好多野食呀 星期六下午, 下著大雨, 行行下見呢間, 正呀, 我好like pancake架, 當時有兩三個人等緊佢整, 我order左個鹹牛肉pancake, 睇住佢整, 好快有得食啦, 好熱 , 牛肉唔太咸, 加埋d沙律汁同生菜絲, 味道好match, 外脆內鬆軟的pancake皮, 唔會淡茂茂, 食左都唔洗食dinner啦前兩日放工又行呢個商場, 見佢都有兩三個人等緊, 本想encore, 但都係order左辣肉腸試下, 都唔錯呀, 兩樣都好味, 我較like鹹牛肉

老實說之前讀過不同有関這店的食評, 都有少少希望, 因為便宜嘛！ 可是親身試過後只有失望兩字。 戟皮一點蛋味也沒有, 還要是太薄, $17-$20 一件實在太貴, 我寧願用多些钱幫襯新都會廣場的可麗茶房 Marion Crepes & Cafe。只可說她的雪糕比較好味(可是她是戟店嘛！)。

個晚咁岩去左葵芳搵朋友, 見到有間叫又一戟好似好得意 又好多人排隊 咁就一於買一個黎試下啦 款式有咸同埋甜 因為個陣我肚仔都OK餓 咁就買一個咸牛肉既黎試下 之後原來加4蚊有芝士 咁就一於加埋怇 一食落去,嘩 D皮好香又好脆 之後用料都好多 絕冇馬虎 食完一個都好夠啦 因為佢入邊有好多芝士 以廿幾蚊黎講都算係好抵食 同埋係呢區都係得返佢一千零一間 我認為值得一試呀!!PS 特別推介 咸牛肉班戟

太久沒吃過他們的班戟了所以這天決定進行掃街行動! 因為飲品是甜的而又未試過咸的班戟所以就要了吞拿魚班戟叫了之後才發現原來好多人都叫吞拿魚班戟, 水準不錯喔! 扁扁的班戟包著不少材料, 吞拿魚夾帶著生菜絲, 很有口感另外還灑上點點芝士粉和沙律醬, 給整件班戟帶上一點濕潤班戟皮不算厚, 由於是即制, 香軟之餘還帶著脆脆的感覺下次來吃的話要試加芝士條的,看看會不會更香濃以這樣的價錢來說我覺得算是很好的了,大家就不要將它和其他貴價班戟比嘛!

飯局完了, 風亦打到黎, 找完數個個直接回家, 大半人都不打算找下場了. 餘下我, 太公, Winnie, 新手四個叫做local既人. 反正都是朝地鐵站去, 看看葵涌廣場有乜小甜點食下. 不過, 好多都已經連忙收鋪中, 幸好, 仲有一間Crepe未關門. 4人就求其食個薄餅手卷算.Pancake 即做, 不過韌皮了少少, 包著的雪糕只是普通的不知名牌子. 薄荷雪糕, 不夠薄荷味, 朱古力粒又唔夠多. 若是要特登來食, 或是要我排隊去等, 我覺得一點也不值. 不能再寫下去了, 皮韌的Crepe, 我好不容易才食哂.....(食到底得層皮)......更有朋友食完上面舊雪糕之後, 一手往垃圾桶夫拋.......下次呢間又一"激"免了.

之前路經葵涌廣場，總見到又一戟店外站滿購物的人潮。患「排隊恐懼症」的太公見人潮即調較至視而不見，繼續購物去也。是晚飯後，剛好已掛八號波，人潮盡去，終於見到其蘆山真面目。抵達時沒有其他顧客，只有我們與食友等四位，甜胃已經餓得要爆炸；見雪糕班戟系列頗吸引，就各點了一個我要了個「芒果鮮果+薄荷朱古力味雪糕」班戟，賣相幾吸引，成個火炬咁。人少，最好，可以一賞整個製作過程，兼指指點點。我就指點不要頂層的忌廉 - 太多實在受不了。好, 一口咬下；面層的朱古力漿大抵只作裝飾用，朱古力味不彰；芒果還好，頗新鮮甜美的；我的薄何朱古力雪糕滑溜度雖一般，薄何味強勁清新 - 尚算不俗。可惜，主角卻非常不爭氣 - 那層crepe, 零蛋香也算了，還很韌實，相當難咬開，大大影響整體的味道。而且外層丁點脆口感也沒有，完全沒有食味又口感奇怪，認真味同嚼蠟；我吃畢那雪糕後，也吃不下去了。雖然只索價20元 - 不過實在浪費了一個胃納甜品quota, 我倒真的寧願我付出多一點，吃好一點好過！