又一戟 (已結業)

店名：又一戟地址：葵芳葵富路7號葵涌廣場3樓好味指數：8／10價錢：$22香蕉班戟(配朱古力雪糕)呢間的cream配合埋雪糕簡直一流享受，配上香蕉和朱古力醬，加上佢個外皮嚥嚥靭靭超級好味。

次次黎開呢頭都見排長龍，個人中意食咸pancake 多d,不過今次試左個甜既都唔錯，好足料。成條香蕉切左係入面,有一球自選雪糕，面仲有朱古力醬。佢個pancake 皮個漿調得好好, 甜味剛好. 最好係佢既質地, 比較軟身但又有少少煙煙韌韌, 好有咬口.D cream 其實都好香, 係比較厚身既cream, 食完好飽好滿足個人覺得太多cream ,中意食cream 既就岩曬

下午茶．最好既代表 咸ge 班戟  $25左右就有一份   今次揀左紫菜粟米磨菇 然後加芝士( 另外+$ )因為小店實在太多人 每份都係新鮮整起 所以今次等左大約10分鐘 熱ge班戟 入面夾住脆香紫菜 香甜粟米 磨菇 芝士 + 酸味味 沙律醬 真係好正！！

食完dinner 梗係食甜品，呢個廣場多野人就好多人都知架啦。每次經過呢度總有d 人企左係度等外賣。見到心思思，最後都係守唔到寡。呢到d 戟幾抵食，又係即叩即做，夠哂新鮮。每次黎都係食pan cakes但今次就決定食香蕉船。因為比佢個sample吸引左等左15分鐘，從店員接過架香蕉船，一睇足料。好多cream 兩球雪糕大大球，仲有一條蕉相伴。老實講，條蕉就啱啱好，唔會太熟或太生。一條蕉開兩邊。但d cream 就好似"漏"左d，雪糕就夠大球啦，可惜唔夠滑，比雀巢果d仲差。蜜瓜芒果雪糕係冇蜜瓜芒果味(食落),但聞落就有味。雪糕偏淡冇奶味。而且溶得幾快，食慢少少都變水。服務方面，店員都nice既。衛生方面，望落冇咩問題。外賣關係，環境就不予置評啦。

今天午餐誇啦啦，孩子要吃班戟當午餐。鹹牛肉加芝士是熱食班戟廾多元即買即製已可當一餐，有冷有熱任君選擇，難怪人多長龍排。購買要排，等取食物亦要排，好不容易才把熱班戟取上手，脆身亦帶軟滑的班戟皮，內裏料鋪得多也較平均。罐頭鹹牛肉+芝士碎，還有少許生菜絲，半脆的班戟皮，吃出潤滑質感，只可惜芝士未能拉絲。

嗰日好肚餓，上去3樓搵野食，第一件間間到就係佢，個樣好吸引，就埋去叫咗個菠蘿腸仔pancake。 等咗都幾耐下（我叫完過隔離買埋杯珍珠奶茶返黎先整緊我個份），賣相同味道都比預期差，有可能係d 腸仔出事，影響整個pancake都唔太好食，跟住又唔多料，望落幾大份但一d都唔飽，下次係試下甜pancake好喇。

又係下午茶，去葵芳廣場蒲下， 今日食班戟， e間食左幾次，水準保持得唔錯， 由我叫到攞， 中間有6張單要等，竟然只等左4分鐘就有la..e個係蜜桃薄荷朱古力班戟首先放粉漿係熱板上整成班戟皮，再放上蜜桃， cream, 雪糕， 整返個筒型，完成!佢整得個皮幾薄， 忌廉打得夠滑

#鹹牛肉班戟（$25）加芝士（$4）每次食又一戟必食，冇之一☝🏻️。加芝士是必須的，可惜店家唔俾拍片，唔係你地就會知道有幾足料😋芝士溶左混埋d鹹牛肉🐮，加埋薄薄既班戟皮，教我如何不愛它？窮遊指數：8/10好味指數：8.5/10

每次係葵涌廣場行完街，有d口痕想食下班戟，但大多數時間都見到好多人等而卻步，點知今次咁好彩冇咩人，終於可以食到la~~原來佢地d 班戟係分為熱或凍，因為只有凍班戟才有雪糕同忌廉，所以我就選擇左凍班戟。因為佢每個班戟都係即叫即做，所以仲係暖暖地，一d 都唔會淋。材料都算十足，香蕉數量夠多，分佈均勻，無論上層或底層都有香蕉。忌廉同朱古力醬滿溢，忌廉夠creamy，唔會食到好油。還有一整球薄荷朱古力雪糕，認真抵食!!

細細個成日食,因為價錢合理又好味時至今日已經加價到20尾近30老實講,作為一個唔飽肚既班戟黎講,我覺得有少少貴畢竟30已經可以食到一餐飯所以而家已經少食左好多今日,我再一次叫上呢個奢侈既班戟作為午飯但係,食完之後我決定為左貴店打我既第一篇既OR食評點解咁講呢?因為近年既價錢同水準完全成反比而家價錢升左咁多,但係D班戟愈黎愈難食一係個班戟就太乾一係就直情燶晒((見圖一向唔鐘意浪費食物既我,食到一半已經頂唔順扔左落垃圾桶有人可能會話 佢地都係人,一時整燶左姐但係個老闆整左咁多年班戟,已經熟能生巧啦你係有心整俾每個客食既,又點會燶?新手咩好,咁萬一唔好彩真係整燶左啦,你係咪應該整過件?咁黑咁燶既班戟你仲好意思拎俾客人為左感激貴店,獻上處女食評一篇

木糠焦糖雪糕班戟($25)，呢個pancake真係好邪惡👿，雪糕🍦揀左曲奇味，曲奇味就梗係無得輸啦，更加重要既係唔好睇佢得頂既1球雪糕，其實裡面仲有第2球😱，食極都仲有呀👄，OMG！更加邪惡👿既係焦糖同果d餅碎木糠，本身食一個多cream既班戟係會覺得好膩，但今次呢個木糠班戟D cream加埋餅碎好似食緊木糠布甸咁😩，唔覺唔覺就食哂成個😨，完全感受唔到罪惡感😭，點解可以咁邪惡！

上星期去又左葵芳又一戟。今次見到佢有新口味，木糖焦糖雪糕班戟 雪糕我揀左豆腐味，揀個味道無咁濃嘅雪糕，會令木糠同焦糖個味道突出啲。不過，我覺得豆腐味雪糕整得麻麻地，無咩豆腐味，而且個味同焦糖唔係好夾。 < 下次可以試下雲尼拿味 ， 可能個味會夾啲。 上次我試左香芋味，都ok > 不過值得一讚嘅係，啲cream 整得好好食，同埋個戟皮整得岩岩好，唔太林，好正。期待又一戟再出新口味。

有冇諗過廿蚊食到個充滿cream同雪糕既pancake?呢個就真係滿足哂你兩個願望啦。首推佢地既密瓜雪糕，非常正，個味一啲都唔假。再黎係佢啲cream，cream愛好者一定好鍾意，唔會食到好油，係輕盈feel。pancake皮剛剛好，推介推介！

食完晚飯到葵涌廣場行下街 醒起呢排網上成日有提既又一戟 就排隊試下叫野都算幾快  但係因為即叫即整 都等左成15~20mins先有得食香蕉芒果雪糕味班戟材料黎講都幾足  香蕉/芒果雪糕/cream 再用班戟包住幾種材料混合相得益彰 由軟軟的班戟皮包埋一齊  令幾款材料可一次品嚐口中有香蕉的香味又有雪糕的冰涼層次感幀頓然增加性價比算十分高 下次經過都會一試!!!

每次來到葵涌廣場，必食嘅一定係呢間班戟，好多種類簡，甜又得咸又得，雖然排隊都排5-6個人，但勝在效率高，都唔洗等好耐，5分鐘左右就排到今次就食左香蕉朱古力醬配朱古力雪糕 $23個班戟皮即叫即做，出到來唔會淋哂，仲暖暖地，香蕉數量夠多，幾抵食，朱古力雪糕入面有D朱古力碎碎，有口感，忌廉份量可隨個人喜好要求，多少都得，朱古力醬都夠多，略甜為免食到周圍滴，仲可以問佢地攞隻匙羮