又一戟 (已結業)

葵涌廣場最近好hit，我見好多飲食雜誌，facebook post都見到有介紹~今日捉埋老公一齊去開飯！去之前有爬文邊間好食，見到呢間食pancake好多like喎，唔使考慮啦？店係葵涌廣場3樓，去到門面好多人等緊，我叫左個粟米焦糖雪糕班戟，$25，等左10分鐘就有啦，聽排隊既人講，凍食會快d，如果熱食Pancake起碼等15至20分鐘，好彩今晚想食雪糕啫~粟米焦糖雪糕班戟: 好多粟米片呀！食住雪糕，但又要脆卜卜既感覺好得意，雪糕係曲奇味雪糕，好似Oreo咁，中間有少少朱古力碎，好滑又咁甜。Pancake皮薄薄地，好香蛋味，pancake包住啲雪糕形成個筒，咬落好有口感，Double享受，唔好以為d粟米片淨係得面有，連Pancake內都有架，$25真係真心抵呀！

朋友帶去又一戟食雪糕作甜品,當時人太多,小妹在未睇清楚下睇到張寫住"粟米片焦糖+雪糕班戟"GE相貼住『新口味』三個字,於是就選擇左佢。班戟拎過手只見雪糕面頭有一尐粟米片,但分佈得唔平均,一邊粟米片多尐另一邊就少D小妹所選ge係雲呢拿味雪糕,雲呢拿味好突出好香,但就唔見有無糖的蹤影,而班戟一齊食好小時候食甜筒ge感覺,班戟又軟又煙韌 但忍真,粟米片同雪糕邊ge忌廉ge角色會變得好多餘 一直食到落尾原來底下係忌廉同糖漿,用忌廉墊底,小妹覺得此舉好細心,一黎唔怕雪糕溶左會由個底漏出黎,二黎唔怕食到最尾會冇晒餡,個個班戟皮;至於個糖漿... ...小妹估計即係所謂的焦糖,但真係得個樣,冇焦糖味總括黎講,呢個新口味叫做一般,相反,朋友叫左個芒果班戟,有粒粒芒果肉,吸引好多

在又一戟想試榴槤芝士口味，不過怕芝士太膩，只要了榴槤配香芋雪糕，我以為是一個圓圓的雪糕球放得精緻，可惜出來的就是...我應該點錯款式。而味道比想像中有驚喜！意想不到榴槤跟香芋都幾夾，香濃幻滑的榴槤肉，配上雪糕，還有夠薄的班戟皮，一流！即點即製，而且時常多人排隊買！

到葵芳逛街 掃街是常識吧 未食正餐先吃甜品 日本回來都未吃過雪糕pancake 所以是你喇 又一戟 超級選擇困難 款式多又看似好味最後朋友幫我選了我至愛的古力 OREO 曲奇脆脆+雪糕PANCAKE特別ORDER 了少CREAM看雪糕球又圓又大雪糕球滿滿朱古力味 夾雜著OREO餅碎軟棉棉中又有脆脆的口感AMAZINGPANCAKE 皮厚度適中不會太硬又不會太淋令到整支CONE沒有承托力

初中既時候已經知道有又一戟呢間pancake 鋪，每次經過都見到大排長龍,店員做到無停手。老實講，中學生涯我只食過一兩次，因為唔太好甜食。不過有一日，有個朋友同我經過，佢竟然點左芝士咸牛肉pancake. 我仲笑佢咁怪，pancake配咸食？點知我咬左一啖…就上癮喇，咁就開始左芝士咸牛肉既旅程。今日又黎葵涌廣場掃街，又黎點一個芝士咸牛肉pancake. 又一戟既pancake熱辣辣上是常識吧！一口咬落去，先食到甜甜既pancake 皮，溶化左既芝士湧出黎，再夾埋咸牛肉既咸味同肉碎既口感，成件事好rich. 不過食完已經飽哂，唔洗再掃其他小食lu

去葵芳 諗食咩都真係唔洗飯 一定係走去葵涌廣場掃街食完個譚仔 想食甜野咁岩見到一大堆人 都知d人排緊d咩就係又一戟 係呢度要食2..30 蚊 其實係幾奢侈當然 食呢間 排隊是必需的今次簡左 >>>>士多啤梨香芋雪糕班戟只可以形容係 皮薄涵普通

經過葵芳一定要黎買班戟食今次買左咸牛肉芝士班戟 $29平日唔算好多人，等10分鐘左右就有班戟皮剪得好脆，薄薄地入面有咸牛肉，芝士，生菜咸牛肉唔會太咸，個味啱啱好入面加左好多芝士，芝士溶左，食落會一絲絲芝士，好正！另外加左生菜，中和返，令食落唔會太漏食晒成份已經飽晒！可以當午餐

oreo pancake $27.葵涌掃街系列.今次哩個唔知算唔算係必食⁉️好多人排隊 不過事隔幾個月我發現又加價了😓今次食哩個oreo 我覺得冇焦糖木糠咁好食 而且仲貴d添.一如以往叫曲奇雪糕 因為味道夠穩陣 但係可能oreo同曲奇溝埋一齊冇火花 我覺得冇乜特別仲好溜呢😕個皮都好普通.我覺得哩間鋪多人幫襯既原因除左即叫即整外 仲有香港好少揾到哩類鋪頭 所以能夠成為葵廣必掃既小食❗️不過對於我食過三四次既港島人黎講 吸引力已大不如前..

呢間次次黎都等好耐 好多人食 佢因為新鮮即整 所以都需要時間去整 我叫左個火腿波羅加芝士 佢既pancake皮外脆內林 好香雞蛋味 佢再加上生菜 沙律漿 芝士粉 好多材料 好豐富既口感 我另外加芝士有超多 一路食係扯到d芝士出黎 同埋佢既火腿同波羅都好多 由頭食到尾都有餸食 好好味

每次去葵芳行街都好鐘意上去食小食最鐘意就係去又一戟!食飽買個雪糕班戟做甜品又得~未食飯買個鹹味班戟當一餐又得不過有時真係要等好耐!冇計啦...即叫即整...今次就買咗個吞拿魚班戟,每次個收銀都會問加唔加芝士不過加芝士真係好食好多,而且又飽啲,不過都要加成$4班戟皮都算脆,不過如果多人買嘅時候,整得太快盲會淋啲吞拿魚就一般般啦,唔算多,又唔會話唔夠加埋芝士有啲鹹鹹地,又厚身咗,真係幾好

葵涌必食推介  大件夾抵食！我係一個超超超超超級鐘意食甜品既人！呢間d PANCAKE 唔單止賣相靚，而且仲真材實料，件件都係20幾蚊咁止下，比起其他市面上既PANCAKE，真係大件夾抵食！本身都唔知有呢間店既存在，而係有次有個浦開葵涌廣場既朋友仔，whatsapp 左張PANCAKE相黎，見到賣相咁吸引，即刻要求佢帶我去食！果然無令我失望！我本身好鐘意食士多啤梨同綠茶，所以每一次去都會選擇番呢個配搭(我好念舊的haha...)！唔鐘意呢個配搭既朋友仔，佢仲有好多唔同既水果/雪糕仼君選擇，自由mix&match！順帶一提，唔鐘意甜食，佢有咸食version!YEAH!唔講咁多住！去相！ 一手揸機一影PANCAKE，睇下件PANCAKE幾長！長到影唔哂！ 士多啤梨仲好大粒，唔係個d細細粒，發青發黃的，而係紅紅的，甜甜的，好新鮮！第一層係滑滑既CREAM，偏膩，但配上士多啤梨，頓時甜而不漏！再食落去係我好中意既綠茶雪糕，甜中且帶茶味，個人認為可媲美酒店buffet既雪糕！最底層encore CREAM同朱古力醬，口感豐富，黎番個「首尾呼應」，正！至於個皮就十分軟熟，即叫即整，

焦糖木糠雪糕班戟 $25個班戟皮比較硬身，(唔係脆但又唔係軟身)，不過好彩加埋入面既餡一齊食又唔錯啊~雪糕可以自選口味，我揀左豆腐味，好似特別啲咁，豆腐雪糕真係唔錯,豆味濃濃，質地滑溜，而且好夠凍，入面包住左兩球，邊行邊食，食到尾都無溶木糠餅碎脆卜卜，連埋雪糕食增添左香脆既口感，加埋少少焦糖醬作點綴，有焦香既味道，又唔會過甜。食完一個真係有啲飽

榴蓮班戟配豆腐雪糕 ($28)寫著是新出而且招牌即管一試 有熱有凍揀左凍(+$2)才可以加一小球雪糕 今次揀左比較清的豆腐味班戟皮煙韌不過係係雪櫃拎出嚟唔係即叫即煎唧入忌廉之後淋上一點榴蓮漿 然後是雪糕再淋榴蓮漿榴蓮漿應該混入了不少糖水唔太似榴蓮蓉亦偏甜流質令口感未算太充實 班戟中沒有強咬勁的部分同朋友都覺得豆腐雪糕似杏仁味 感覺很一般也很漏Rating💁(5*/10*)

叫左波羅火腿pancake, 兩大塊ham, + 大量波羅, 生菜, 我唔要沙律醬, 係乾d law, 不過入面有d 芝士粉, 食落惹味d, 個pancake 皮煙煙un un, 唔錯, 唔會太厚, 但味道淡左少少,可以甜番dd佢d 選擇雖然多, 但都是普通野, 無咩新意law。btw, 超受歡迎, 勁多人排, 等左near 40 mins!!!! 不過佢地做得算快, 又有禮貌~~

木槺焦糖雪糕pancake $25.超多人排隊既其中一間食店❗️其實好喜愛木槺類既甜品 雖然會跌到一地都係😕雪糕係自選當然揀左曲奇味 因為唔會難食得去邊同唔夾😌.其實我覺得味道唔錯 cream同木槺同雪糕都好夾☺️但好可惜唔可以一啖咬晒三種口味😐而班戟皮都幾煙un既 不過冇乜蛋香味 overall其實有小小膩左d 如果一個人食好似太heavy 兩個人就岩岩好😋.