又一戟 (已結業)

係葵涌廣場呢個美食天堂相信無人會坐係餐廳慢慢食 識食就一定係掃盡三樓的小食店呢間又一㦸都算獨家其他檔做燒賣撈麵佢都係賣雪糕班㦸一年三百六十五日都賣同一樣野呢件香蕉薄荷朱古力雪糕班㦸($28)雪糕有粒粒脆脆過口癮班㦸皮薄唔難咬食落有忌廉又有香蕉片 口感夠豐富不過大家記得準備定紙巾lol如果唔係好易滴親件衫咖

去葵涌廣場行街,次次來到又唔忍住食又一戟,喱到既雪糕班戟又平又好味！至愛既蜜桃綠茶班戟！香蕉雪糕班戟－樣樣都好吃！綠茶雪糕好味,好好食,不過真係比以前細件左...冇計啦...物價通脹...不過$20係幾低食既！

其實一直好中意食呢一間既咸班戟。咁我就叫左個磨菇火腿紫菜加芝士。師傅平時都會整到個皮岩岩好唔脆唔太林。個人唔中意太脆。但係今日呢去到已經好多人等緊啦。咁到我果塊果陣整整下有個呀姐見到師傅落芝士就話我加左兩份芝士喎。跟住師傅就係咁同佢講。我塊戟就叫淡黃色開始岀現啡色。我拎果陣講左句下咁脆既，佢就話你冇話唔脆咪咁脆囉。點知一食就中伏。口入面一陣陣既「隆」味。小女即刻想喊。其實我比二十九蚊食個咁既戟極度唔抵。大家食前要諗清楚。我以後都唔會再食。

星期五去葵涌廣場購物，之前只食碗麵，逛了一會兒有點餓意有點甜意，路過看到一間班戟專門店時常大排長龍，心想水準應有保證。因為我想如少人光顧，生果、忌廉未必新鮮，我腸胃較差怕肚痛。最後點了約 $22 蜜桃雪糕班戟，實在太熱鬧，我要等大約6個人，因為只有一人整班戟，新鮮即製，而且落單有條理不會亂。賣相不錯，忌廉我覺得ok,不過未必人人喜歡，蜜桃份量都算多，食極都有，而入面的雪糕是士多啤梨 （可選其他味），雪糕第一口覺得太冰凍，冬天食的確另一番滋味，味道不太甜還可以。$2x 價錢都算抵，而且有鹹食班戟選擇。

是日跟好友們血拼,行至又累又肚餓時, 則來一客pancake作為下午茶. 週日下午三時多, 又一戟已擠滿了食客. 在眾多的款式之中, 筆者點選了香蕉朱古力pancake (HK$20).等了差不多十分鐘, 終於接過了pancake. 先說賣相, pancake 捲得很公整, 分量也不少, 暗地裏已給它加了分. 試一口, pancake 皮不算厚, 香蕉也挺香, 味道不會過生, 口感也不會過淋, 配上朱古力醬和忌廉,整體很不錯.加上價錢相宜, 哈哈, 絕對是shopping 良伴!

晚上回家時經過葵涌廣場頂層位置，看到又一戟還未有關舖，決定又來一個飯後甜品，看看對上的食評，原來上一次光顧已是7月份的事了～2個月後幸好沒有加價，但質素不知有沒有改變呢！上篇亦大約介紹過班戟的款式，暫時沒有新口味推出，這次就不多說了，就講述一下製作程序吧～先是將班戟漿放上發熱板上，烘成薄薄一塊後，放到底下般有小風扇上吹涼，然後加入一個雪糕球及生果，上面淋上朱古力醬再捲起，最後加上少量生果放雪糕面就完成，正常的還會在班戟内及頂部加上忌廉，但為怕卡路里過高就叫了走cream了～芒果曲奇雪糕班戟 ($24)芒果較其他生果貴$2蚊，芒果肉比較碎，芒果夠甜，但若果切得大粒一點相信口感較好，這次班戟皮比上一次脆及薄身，上層部分咬落脆身，而較下的部分由於被雪糕的水份浸淋了少許，令口感比較煙韌，對於雪糕班戟來說，煙韌的皮身反面較脆身的好。另外，還是覺得香蕉跟朱古力及曲奇雪糕的組合味道是比較好的～ 

早前香港亦興起過一陣班戟熱潮，喺比較出名或大型既班戟店普通一件都要40蚊以上而葵芳又一戟平均只需要20至30蚊就可以食到，不過就不設堂食，同款式不多主要分成咸、甜班戟兩種 咸班戟（咸牛肉，吞拿魚，粟米蛋，粟米蘑菇，火腿蛋等. . .）甜班戟 （芒果，士多啤梨，水蜜桃，香蕉，菠蘿等生果. . .配以一球雪糕我最鐘意嘅組合係 香蕉曲奇雪糕班戟 $22由於怕肥，所以叫咗cream比起其他生果，香蕉同朱古力醬比較夾上滿放滿香蕉，而入面就有一球曲奇雪糕，同少量香蕉用班戟皮包住班戟皮濕度同厚道適中，帶in韌口感，甜甜地亦帶點蛋香當下午茶或飯後甜品係不錯既選擇～

肥妹不常逛葵芳商場，不過每次逛時都基本吃個飽飽，導致與這間位於三樓的班戟一直無緣，不過不知到底該否慶幸剛才吃過的那餐並不愉快以致吃不多，逛了沒多久肥妹便馬上宣告我還能吃。能吃的時候便馬上聯想到這家想吃很久的班戟店，肥妹便滿心希冀地馬上走到三樓準備吃個痛快！草莓雪糕班戟 $26雪糕是自由選擇口味的，款式眾多，肥妹於紅豆和香芋之間糾纏了一下還是決定點了香芋，由於不愛忌廉，肥妹便吩咐走忌廉，不過朱古力醬還是愛的，所以繼續保留。眼見師父煎好餅皮後便放上少許草莓粒和一球大大的香芋雪糕，然後擠上朱古力醬，以純熟的手工快速地捲起形成長筒狀班戟，於表面再放上幾粒草莓粒和擠上少許朱古力醬即成，整個過程既快，但完成品外表亦甜美動人。草莓粒大小剛好一口一粒小小的，而草莓的微微酸味亦相當清甜醒神，朱古力醬並沒有太甜作為調味很是不錯，雪糕球夠冰以致不會馬上便溶至液體弄得狼狽不堪，班戟皮經浸腍後變得煙煙韌韌有口感，相當有趣，不知不覺便吃完一整個。下次再到的話定必會再光臨，夏日炎炎還是吃點甜的涼的好呢！

呢間野都幾多人排隊午飯時間等左成10分鐘先等到即叫即整, 所以都需要D時間好多人許度圍觀, 睇佢點整...就我所見, 就分凍同熱既pancake凍既就一條咁, 熱既就一片pizza狀咁今次我叫呢個就係熱的鹹牛肉pancake仲可以加芝士最好食其實係層皮, 煙煙unun, 有D格仔餅定雞蛋仔既口感鹹牛肉冇想像咁鹹仲有少少菜價錢就比較貴 $24不過就真係好食既下次試埋雪糕pancake

成曰行葵涌廣場都見倒呢間曰式班戟店，不過次次都好鬼多人，今次終於比較少人，於是決定買黎試下，呢度既班戟有咸有甜既，我要左個甜既，可以自己揀雪糕口味同生果，要左個蜜桃+薄荷朱古力雪糕班戟，班㦸皮軟軟的，裡面有d忌廉，同一d朱古力醬，加埋雪糕同生果，一啖咬落去真係好滿足

3-6-2013(一)這年來的心情持續低落 ，好朋友全數移民去，在港已沒有交心友；又不想家人擔心，所以經常往街上逛遊影街道相，當是減壓。是日晚上，從上水乘搭 278X 號巴士再轉乘坐港鐵來到葵芳，在葵涌廣場內蕩來蕩去，並吃個甜品，望能打開心屝。印象中，又一戟 在葵涌廣場屹立應至少有五年或以上，其班戟我偶爾路過也會買下一件來吃，是次也不例外！點叫了 菠蘿班戟(配綠茶雪糕) ： 班戟是即叫即作，店員先將蛋漿倒在熱爐上製作班戟皮，然後待冷一會兒後，把忌廉、雪糕、雜果和朱古力醬放在那薄薄的班戟皮上，真材實料，份量十足！ 在我心中，鮮果班戟再配上雪糕球，永遠都是很美味，尤其是在炎熱的夏天裡品嚐！ 吃下一口班戟，班戟皮夠薄身，蛋味頗香，且非常煙韌；鮮果和雪糕都是外來貨色，不過不失；朱古力醬下得很多呢，多得也往外流下去； 班戟裡的忌廉則最好，沾在口中相當幼滑，滿口的 creamy，感覺蠻不錯！吃下這冰凍的甜品後，望能為我 2013 年的盛夏帶來美好吧！

班戟你又食過幾多呢? 熱香餅? 糖水店哥D榴槤班戟? 日本既班戟你又食過未?葵涌葵芳廣場頂層有好多小食店同潮流特色既店舖, 吸引大量年青人前來購物和食野, 當中有一間自稱係日式班戟專賣店既店舖, 今次目標就係佢啦!又一戟佢以外賣班戟為主, 不設坐位等等其他給人堂食既設備, 很簡約門面用兩個櫃圍起來 , 左邊係雪糕櫃, 放了其中數隻味道既雪糕, 實際可以選既雪糕數目比看到的多好多, 店員講係因為出面的雪糕櫃太細了方不下只好叔這樣, 至於係唔係手做雪糕我沒查跟究底, 至少吃起來沒什麼特別亮點, 似是買回來的雪糕多點...右邊既櫃係用來做班戟同加TOPPING既爐緊工作台, 班戟即叫即制, 夠新鮮我就見到日式班戟所以口痕想一試, 所以就叫左個蜜桃班戟 (我叫了什麼味道的雪糕已經忘記了....) 我叫之前已經有一對男女買左, 不過係成品做成之前他們就先行開左周圍睇, 因為叫既野一樣, 所以店長就先比左我先, 佢話班戟新鮮做, 所以內裡既雪糕球會易D溶咁喎長長有如一支火把既班戟就交係我手中, 之前老闆講既野令我以為會好熱, 實際手上一D都唔覺得熱, CREAM噴得很好看, 成個班戟圈得很幼身,

葵涌廣場的食店都算幾多的，有茶記和吃麵的，也有車仔麵和各款小食。在下有時候喜歡葵涌廣場內的小食店，不消兩三間食店，都可以吃飽飽了。剛才在真味坊吃過街頭小食，雖然有點美中不足，可是也不影響在下到這裡覓食。今天，同樣地要吃個甜品，但不是甜品店的甜品，也不是糖水，而是這裡的班戟。眼看又一戟由開業以來，在下一直都沒有吃過，在下所知道的，只有它是賣班戟。今天一於試試看。在下點選了芒果雪糕班戟。首先在下要揀選芒果雪糕，然後付款。之後店員會立即為顧客製作班戟，店員弄好了班戟之後，就將雪糕於在班戟上，然後再將配料，如芒果粟米等放在班戟裡，把班戟捲好，然後送給客人手上，客人便要等候叫號碼。班戟終於送到在下手上。呷一口班戟，生果和雪糕都是外來貨色，但雪糕尚滑的，而班戟皮則較為煙韌，而且不脆，因為在下吃的是凍食，如果皮是脆的話那就很快不脆了。而在下欣賞的，是班戟裡的忌廉，這忌廉都幾幼滑，不感到很粗疏。購買班戟的顧客頗多，所以店員製作班戟也得快捷，服務也可以的，在下都算幾滿意。

大熱天時, 外出做義工一整天, 行程完畢, 只想食一樣美味東西, 來獎勵自己 雪糕班戟 --- 絕對係不二之選 在葵涌廣場的人海中, 終於比我搵到呢間 又一戟我選左 鮮芒果綠茶雪糕班戟 $22佢地手腳都好快, 見佢地 d 磨打手, 一邊做班戟皮, 一邊加雪糕球加忌廉一卷...... 在頂上再加忌廉及鮮芒果 大功告成美味鮮芒果綠茶雪糕班戟在手鮮芒果十分甜味 綠茶雪糕香滑冰凍, 涼透心 班戟皮好薄, 食到一半就爛左, 半個綠茶雪糕成手都係

班戟並不是近年興起的小食，是次筆者所介紹的，相信不少年輕人專程到葵芳shopping時也品嘗過。但筆者是第２次吃班戟，第１次則在旺角新世紀廣場吃，因此，以下筆者會於班戟的價錢，外貌，味道與旺角吃過的作一作比較，讓喜歡一邊逛街，一邊掃街的你有一個比較選擇。］是次筆者跟朋友點了２款班戟，第一款是花生醬混巧克力從圖片中，隱隱約約看到深色的部份就是醬料所在如果是第一次試吃班戟的你，這款十分「穩陣」，巧克力的甜和花生醬的微咸配上本身沒有特別味道的外皮較容易入口而這款屬熱班戟先說外貌：外皮外部偏乾，不脆但近圓心部份較軟，而且ｓｉｚｅ較大；旺角那間的皮較軟但ｓｉｚｅ較少，所以火侯較易控制，不致把圓周部分弄得太乾。筆者認為那間較好確是在於食者喜好，各有其優點。在味道：又一戟花生醬和巧克力份量看似很少（你可以看到他們的製作過程）但完成後，咬下去甜度適中，又不會「爆醬」如果你喜歡偏甜和啖啖醬，恐怕又一戟不合你意。因為那一間咬下去會感到滿口醬，很快有飽的感覺，在這點，筆者倒喜歡又一戟，不會讓你太滯而無法品嘗別的美食，又不會因太多醬料而漏出雙手。在價錢方面：又一戟這款熱班戟ｓｉｚｅ較大，價錢只是１８元旺角則售