又一戟 (已結業)

早排去葵芳廣場食左啦影相一流外表好靚但水果就一般唔會話特別靚個皮偏厚唔岩我口味成個都比較甜唯一可取真係好多cream同好大個我覺得兩個人一齊share食會比較好同埋無論食邊款問佢拎埋匙羹食就冇禁易食到周圍都係

食完飯緊係要食飯個甜品先安落，正所謂女人有兩個胃，呢間店都食過好幾次，以前學校係附近都有食開，依加可能懷念所以今日心血來潮就二話不說買左，其實價錢我覺得都幾掋食。今次叫左個士多啤梨雪糕pancake，雪糕揀左我最愛既綠茶，佢忌廉真係好多，多到我一路食一路跌，搞到我件衫都污糟埋士多啤梨都幾大粒，雪糕就普通冇乜特別，食到有啲雪粒，不過雪糕夾佢啲朱古力醬好正。同埋食一個真係好飽，我建議如果食左正餐再食佢同人share係最好。

10月19號去開葵芳依邊，天文台掛黑雨落大雨落到想死！難得遇到黑色暴雨，於是乎就去咗近近地呀葵涌廣場，行吓睇吓附近有乜嘢好嘢食，葵涌廣場3樓被譽為昔日嘅旺角廣場，有唔少大大細細的小食店，其中今日去食嘅依間就係又一戟！叫咗個藍莓芝士蛋糕班cake配奶油曲奇雪糕：本身自己鍾意食藍莓芝士嘅蛋糕，今次試吓一依款再配埋佢推介嘅奶油曲奇雪糕，別有一番滋味！如果你本身係重度到甜品控嘅，一定非常鍾意！首先上邊果層已經係濃烈嘅人手cream，食完就到中層嘅藍莓芝士蛋糕餅mix奶油曲奇雪糕，食落去非常之好食雪糕好有層次，芝士蛋糕亦都非常有份量！食完入邊啲餡唔好以為就完結因為最緊要嘅係外層嘅班戟！食晒餡料之後將剩低嘅餘韻用班戟包起晒佢一次過食落肚滿足感十足！有機會行過下可能都會繼續幫襯！

昨天下午叫了個芒果味雪糕pancake配士多啤梨，因為之前幾次勁多cream, 今次特別叫少cream多D雪糕，结果比左個士多啤梨雪糕配芒果。個眼鏡收銀仲話係我叫，我據理力争之下個整食男女話因為我多多要求個收銀先落错單，下午已經少人啦，錯左仲惡人先告狀，態度惡劣，不知所謂

平時經過呢間都好多人排隊，難得今日唔算太多人，所以決定買黎試試。我叫左香蕉薄荷朱古力pancake。個pancake新鮮整嫁，仲暖暖地。香蕉份量多，加上朱古力醬，可謂十分滋味

藍莓芝士蛋糕配豆腐雪糕，芝士蛋糕味道過分油膩毫不清新，而且表面已經是一大堆忌廉，雪糕就再喺下面，一早已經食飽咗同埋食滯咗！食到下面都仲有好多忌廉，都係叫朋友幫手清左佢⋯

約左朋友黎葵廣掃街，見到呢間幾多人排隊，所以試一試。我簡左咸牛肉芝士班戟，等左10-15分鐘先有。D班戟皮都幾脆，塊皮又夠薄，唔會太厚。咸牛肉唔算太咸，再加上芝士，d芝士食果時係一絲絲，好足芝士仲有生菜係入面，食落無咁多邪惡感

食物其實真係好普通，最差係職員啲態度，由其係長髮個位女人！人客俾錢重要受氣？！啲嘢食再好味都唔得啦，係呢間商場人流多咋！不過人地咁好生意都唔驚少我一位客買嘢啦真係祝你地日日生意興隆喇

成個班戟都充滿著粟米脆脆,咬落卜卜脆。我揀咗oreo曲奇雪糕,吾會好重冰感同班戟幾夾,薄薄嘅班戟皮有淡淡嘅蛋香,由頭食到落尾都有忌廉。雖然好有罪惡感,但係好好味又忍唔住口繼續食,不過如果焦糖醬無甘重手就好D。

今日一個人蒲葵涌廣場搵食…上到三樓見到好多人響度等，咁我又埋去熱鬧下見到個士多啤梨班戟模型，唔….…就揀你啦點了：士多啤梨班戟加曲奇雪糕（$27）等左到少廿分鐘，終於到我啦士多啤梨數量奇多，差不多每囗都有，唯一係士多啤梨偏酸，雪糕甜味可以中和返😁😁😁個cream 同埋𥚃面雪糕加朱古力䊢值得一讚👍👍👍Cream 好滑而不太甜，曲奇雪糕好有囗感，正!!!!!!

晚飯後時段，仍然非常多人等候。即叫即製，非常新鮮。等候 15分鐘左右，取得食物。朱古力 雪糕 班戟。將班戟卷起，望落落去大大件。食落雪糕味道一般，$23不能苛求太多。班戟皮薄薄的，沒有甚麼味道，吃的時候主要食到 雪糕和很重的 cream 味。總結：試完一次已足夠。

葵涌廣場是中學時最喜愛的地方之一，衣服、小食價錢相宜，是學生的恩物。中學畢業後已多年未踏足葵涌廣場，聽聞多間特式小食店進駐，一於試試，懷緬一下！上到三樓，一堆人在又一戟店外等待製成品。班戟款式有咸有甜，女生當然是愛咸；水果班戟可以自選雪糕味道，愛士多啤梨的筆者毫不猶豫來個草莓雪糕班戟！下單後拿著號碼紙，等了二十多分鐘，班戟終於到手！班戟卷成雪糕筒形狀，份量絕對不能小覷！最上層是草莓粒加上忌廉、巧克力醬；忌廉份量適中，不會太膩；草莓亦不會吝嗇，而且味道鮮甜。下面以草莓雪糕為主，混入了小量忌廉及巧克力醬，帶酸的草莓雪糕加上甜的巧克力醬，酸酸甜甜的消暑開胃！班戟皮亦帶有蛋香，厚度、軟硬控制得很好！

行行下街，有啲肚餓又熱辣辣，就比我睇中左呢間舖，開左起好多賣衫舖中間，滿足女人又想食又想行街嘅心態我叫左一個香蕉雪糕班㦸雪糕就揀左cookies and creamDeryers雪糕好好味加上個有口感又煙un嘅班㦸皮，簡直無法形容

曾經還是中學生時代，班戟專門店開到成行成市，緊有一間係左緊，但逐年漸漸消失，而葵涌廣場呢間小店生意一直很好，當然有美味之處，是日試了榴連芝士熱班戟$30，水果可以再加香蕉，口感應該也不錯，不過我沒有加，我喜歡單純的美味！每一口都拉絲，長長的芝士絲，配上香濃榴槤醬，莫名奇妙的夾，雖然外皮軟軟不會脆，但配起來真的很美味！即製，所以每次都要等10分鐘左右～新鮮熱辣！絕對係每次來葵芳必食小食～😋😋

葵涌廣場必食Item以知葵涌廣場三樓出名是小食天堂，行街行得攰攰地就最岩上去叉叉電，既想夏日消消暑，又想食下甜野，就去「又一戟」試下它的雪糕班戟。一上到去已經有5、6人等緊，舖面有好多甜食同咸食的班戟demo擺哂係度，仲有好多poster介紹新口味，例如：榴連+香蕉+芝士班戟、Oreo曲奇班戟、粟米片焦糖+雪糕班戟，款式太多，看得令我眼花繚亂。由於遲d又要返屋企食晚飯，唔想食得太飽，就忍心放棄左十分想試的榴連+香蕉+芝士班戟。諗諗下都諗左成5分鐘先決定好試下蜜桃+雪糕班戟！每個甜食班戟都可以配一球大大雪糕，不同雪糕口味任君選擇，呢次我就揀左雲呢拿曲奇雪糕。班戟即叫即整，只是等了3、4分鐘就拎到手，暖暖地，但沒有蛋香味，外皮薄脆，厚度適中，滿滿蜜桃，加上忌廉，頗吸引。可是不太喜歡呢個朱古力醬，食落假假地，而雪糕雖大大球，食落唔會有太假的味道，曲奇多而且雲呢拿味重，卻溶得好快今次都失手，揀左兩個自己鐘意的口味和水果，但揀時完全無諗過兩個match or not，點知一食先發現真心兩者不match整體層次感十足，食完忌廉就食到雪糕同蜜桃，之後又食返堆忌廉，驚喜的是食到中間仲有些蜜桃藏在班戟內