又一戟 (已結業)

好少去葵廣，見成日被宣傳話呢個地方多美食就入一入黎啦！本身鐘意食crepe而又見到呢間d食評大致是笑哈哈，咁就一試啦！揀左個士多啤梨crepe,賣相很一般，一咬d草莓好酸！d cream多到不得之了！想講既係cream多唔代表好食的個皮真係令人最失望同日本店賣果d皮差天共地！水準好唔OK唯一唔難食既係果d朱古力醬吧.....果刻明白到的係一分錢 一分貨吧！佢個售價係平過出面好多既。只係最令我費解咁多人排隊買都有

每逢經過葵涌廣場，只要有時間，我都一定會幫襯呢間pancake店，原因有幾個： - 好味，足料 - 超抵食 - 店主店員的親善 - 我鍾意食pancake 唔經唔覺，已經幫襯了十年多，由最初在遊客區的地段，因為建築物重建而被迫結業，直至在葵涌廣場重遇，我感受到的是他們那一份熱誠，老闆多年來一直無間地親自製作pancake，沒有厭倦，見他們店經常排長龍，就知水準是得到保證和認同的！ (上圖攝於12年前)再者，香港甚麼都是潮流，新興的小食店很多開1,2年便結業或轉型，而這十多年也曾經有過不少同類型的pancake店，也好像沒有一間能維持這麼久，而且仍是主打pancake的! 店內有多款選擇，主要分為咸/甜、冷/熱，熱的餡料有吞拿魚，咸牛肉等選擇，非常足料好味和飽肚；而我通常選冷的當甜品吃，餡料主要是各款鮮果和雪糕Pancake ，"識食梗係食塊皮"，而冷和熱的餅皮各有特色，熱的會弄至卜卜脆，更香脆和飽肚；凍食的皮就軟屬彈牙，但也不失香味。他們很多時都會有限定新口味推出，但今次我就回歸原本，點了一件香蕉朱古力pancake，不過是熱的！ 即製嘅脆口餅皮，餡料如常份量充足，香蕉啱啱好，不會太生

早上要很出去外面處理事情，連早餐都沒有時間食，完成後都差不多下午兩點多，本來打算去麥記快速食個包解決，但入完去都走回頭，因為不想放假都食麥記，還是撘車回葵芳看有什麼好東西食。下車後腦海中突然想起已經很久沒有食又一戟了！記得之前每逢加班好晚的時候，總喜歡到葵涌廣場頂層食pancake，緃使永遠都大排長龍，但是真的值得你去等待的。他們在你面前由倒粉漿到鐵板，把材料合適的鋪排在pancake上，再把pancake疊起成型，一絲不苟地製作，你站在前面等待會好有期待一個藝術品的誕生。每一次都見到老闆同伙記們合拍地一起製作，那份堅持，那份執著，心底裏由衷佩服。治愈性又一戟Pancake，會讓你回頭再回頭光顧。因為大太肚餓，所以咬了一口才醒成要拍照。哈哈！今次食的是我的最愛之一，熱食的火腿波蘿。當然還有凍食的鮮果Pancake啦！是卷起來在上面加上忌廉的，你還可以選擇加喜愛的雪糕球。滿分為10分(1分最低，10分最高)食物：9環境：8衛生：8服務：9價錢：10舒適度：9總分：9

吃完晚餐後，還有小小餓就去了吃甜品。看見 又一戟好似幾好就叫個嚟食。因為看見有新口味，就是木槺。就選了一個甜的原來入面有兩個雪糕球，超滿足。價錢超合適，只需$28就像吃了一個晚餐我以後一定會再來。今次的雪糕球味道是荔枝，好

現在網上食評對各大食店，是否真的已經有如此大的影響力，大得足以決定食肆的生死？成功者業務蒸蒸日上，光顧客人源源不絕？生敗者受到重創，生意一蹶不振，走向清盤結業不歸路？所以因為這樣，越來越多食店恐懼食客即場拍照，甚至勢凶夾狼，全副武裝要強行制止食客影相？我被食店員工粗暴制止拍照，都不止第一次，最氣憤的是，為什麼其他人都在拍照，甚至對着價錢牌或廚房拍下照片，都不見得有店員制止，反而我拍照，店員反應就如此緊張，凶神惡煞地上前強行制止我拍照？當然，我絕對理解「又一戟」店主跟店員，為什麼反應如此過敏，稍為拍照一下已經如此肝火大動，因為他們說賣的所謂的「日式班戟」，實際上正確名稱應該是「可麗餅」。他們在店內販賣跟日本「可麗餅」極之相似的「日式班㦸」，已經隨時是抄襲別人創意的「山寨貨」，他們怕別人拍下照片搜證舉報，肝火大動，起曬槓是可以理解的事。不過食店店員幾乎想發難，如果不是店舖櫥櫃阻擋他們，令他們無法衝出來的話，我可能又重覆上次「東京X地拉麵」的危險狀況，肯定不堪設想。不過，說開飯網等等的網上食評是照妖鏡，可以令有問題的食店的店主店員心虛，做出一些自毀食店形象的無禮舉動，或者趕走食客的倒米行為，

到葵芳掃街，掃完熱食，走之前我一定要買一個班戟！我覺得這家的料很足，而且定期便會推出新的款式。而我最近大愛的便是栗米片焦糖，配上朱古力雪糕，😍❤️這三樣都是我愛吃的，而且非常高糖，太邪惡了！賣相已經100分！焦糖一直流下來，很大一份，超級多cream，我超愛吃cream，平時吃蛋糕，也只面的cream。店家會在做之前叫你的number，如果發現你不在，就會先做下一位客人的，保證你會吃到最「新鮮」的班戟！

吃過很地方的班戟，這裏是最好吃的！ 任何時間來到，店处都滿是等候班戟的人。我每次嚟葵芳都一定要吃這裏的班戟， 而且每次都是吃熱食的班戟， 不是甜的吃香蕉朱古力， 就是吃鹹的粟米蘑菇紫菜加芝士。班戟的頂部烘得脆脆的， 底部煙煙靭靭， 十分可口， 而且價錢合理。

美食哥倫布今次嚟到葵芳搵野食？有乜野咁好食？一齊睇下啦!班戟唔算太多地方有得食，所以嚟到葵廣好多時都會買個班戟食下，少少餓可以買個咸嘅，例如吞拿魚、咸牛肉、菠蘿火腿...食飽飯想食甜品就可以叫個甜嘅，例如係熱朱古力香蕉班戟，又或者係凍嘅雪糕班戟。今次宵夜就叫咗個辣肉腸班戟，不過今次就無加芝士，所以薄就薄咗啲㗎啦，但好彩都夠惹味！平時其實食甜多過鹹嘅，雪糕班戟仲可以揀要咩生果同咩味雪糕tim～真係幾時食都得

位於葵湧葵場3樓既「又一戟」由中學食到依加大大話話都成10年啦。。今日專程回歸一下味道。4 • 5 • 2016 Wed藍莓芝士蛋糕雪糕班戟（$29 )面頭既藍莓芝士蛋糕好實的的，食一舊都會好飽，我揀咗雲呢拿味雪糕，想試真d個味，同呢款蛋糕嘅味道都幾match！兩個人share就剛剛好！蛋外皮熱烘烘的，夠哂軟熟

雖然等候時間耐，但都算足料，凍食嘅話有兩球雪糕，熱食嘅話芝士又夠多，蛋皮夠薄，食落唔漏，無論熱食同凍食都唔錯，不過員工唔知係咪工作時間太長，好似唔見佢哋有放過假咁滯，仲要開到差唔多11:00pm，有時態度真係差要改善。

琴日就順路去葵涌廣場就諗住掃下街上次黎已經好想試下呢間既班cake一去到見到勁多人排隊 一定唔差啦我就揀左香蕉加朱古力雪糕食班cake 最緊要係個皮同d cream 係日本食過果d真係反尋味但呢間d皮真係好un 食食下以為食到張紙 原來都仲係個皮 個皮d份量真係要再調配下 un得黎都厚身而d cream真係好lao 有種油既感覺不過香蕉份量多只係唔明佢地包cake既方法 點解會係包到無得融入個皮一齊食 好似變左皮還皮 cream還cream 香蕉還香蕉咁

今日見到呢間野嘅店員派錯餐比一位客， 個客諗住拎去換， 點知個店員竟然惡人先告狀, 大大聲鬧個客。囂張至極嘅態度令在場其他客都側目，呢間店真係以為自己唔休做。而且等候時間偏長，食物質素又一般，我下次一定唔會再幫襯。

呢間店舖長期好多人排隊，講咗好多年想試，今次終於決定無論排幾耐都要食，咩事都阻擋唔到我食嘢既意志。今次叫咗 朱古力芝士蛋糕加雪糕班戟 $29雪糕揀咗薄荷朱古力雪糕，係廚窗見到師傅係度整咗一塊大薄餅，整完就加咗好多cream，加薄荷朱古力雪糕，再加cream，最後加上朱古力芝士蛋糕同朱古力醬。一咬落個cream 加上朱古力醬度就覺得太膩，個朱古力芝士蛋糕圍住有3塊，都算多，但唔知係唔係放耐咗，味道有啲奇怪。咬多2口，食度薄荷朱古力雪糕配上班戟皮，呢個配塔，食落清新，減少咗cream 既膩感，班戟皮柔軟。總結呢個班戟太多cream 食完好易膩，而班戟皮新鮮柔軟。

此東菇頭男店員及紮馬尾的女店員態度極為惡劣, 還自稱自己係"藝術餅", 還說中意姐可退錢吾做你生意!態度惡劣到是我見過所葵芳食舖最差！好可惜的係，此小舖在葵涌廣場多年集體回憶, 由好多年前讀書食到依家, , 但現今店主？店員？只為營商賺錢, 缺乏對所有人的人情味, 真係太差了，他們罵人時好像鬼上身咁, 顛的, 成日誤會客人打尖, 但自己又只有號碼, 無咩系統, 搞錯左同啲客問多句都面目睜獰的破口罵人, 就算有小朋友及對老人家都係咁, 旁觀過及自己感受過, 真人真事, 絕無虛假以為自己啲餅吾休做, 所以可以對客人大聲夾惡, 實有人買, 吹脹的態度十分不良

上次去葵涌廣場地下幫襯個茶記，無上過三樓，原來三樓好多小食店，博老命食食食，見到間店特別多人幫襯，探頭原來係班戟，唔係普通既班戟，係可揀雪糕同生果，有咸有甜揀既班戟，見大部分都食甜，跟下風先啦。 環境:好普通既小店，隔住玻璃，睇到整班戟。 食物:芒果抹茶雪糕班戟，2x，班戟皮少厚，好煙韌甜甜地，芒果粒好香份量岩好，抹茶雪糕濃抹茶味，上層仲有CREAM同朱古力醬，生果既酸中和左雪糕同班戟既甜，一件小食已感覺到其心思，好味甜品，平野有好野呀， 又一戟