又一戟 (已結業)

好耐冇去葵芳葵涌廣場行街啦～今日下午同朋友行街，由於lunch我仲未食野，所以我略略去尼間以前成日幫襯既店鋪試下水準仲係唔係度先。我由佢開業到而家，超耐歷史，周不時都會幫襯，由最初未成熟做到有模有樣，直至我搬屋後冇再黎尼度再幫襯過了。今次充滿懷念同興奮試下先。我照舊試我最喜歡食既蟹柳粟米紫菜班戟（咸），真係食極都唔嚴之後等左一段時間，但拎上手同忍唔住咬左幾啖，真係好好味冇讓我失望呀！佢既皮係脆架，同埋好熱，每食一啖都好滿足，因為好好食呀。Ps.佢好似可以加錢要芝士，但我覺得我已有沙律，唔洗加芝士始終覺得佢地唔夾，所以一直我都冇加芝士。下次想食班戟，還是食尼間吧！

今日同阿媽再去葵涌廣場行街，再食我最❤️的芝士鹹牛班戟，真的好好味呀…食極都唔厭…加埋少少黑椒，正呀…林林地…又增了两磅..好邪悪呀，等左10分鐘都算ok快啦。

細細個係葵芳附近長大以前讀書成日都幫襯咸點最中意係粟米蟹柳味今日來shopping就諗起未諗過呢間既甜點，一於試下！----------------------粟米片焦糖味雪糕選左豆腐味好甜，粟米片好痴牙，但咬落好脆卜卜，口感唔錯入面應該有成兩球雪糕，我一個人食唔哂後尾醒起個皮先係selling point, 第二球雪糕我索性放棄，只食塊皮兩個人食會覺得適中！----------------------另外，留意到整雪糕甜點既話，佢必須要你個人係度先開始整，唔係行開左買其他野既話，雪糕就會溶，呢方面幾細心！-----------------------下次都係食返咸點！

叫左個香蕉朱古力pancake, 拎左飛no. 22 企埋一邊等 然後叫no. 就俾飛佢 佢跟手俾pancake我 過左大約20秒 差d咬左落去 然後佢叫住我話唔係我既 佢話佢叫no. 21 我話咁我頭先俾飛你唔講 佢竟然話"我無諗過你連數字都唔識" 我好想講 咁我俾張飛指住no. 22 你又俾個pancake我？你都唔識睇數字喎咁！！仲用呢個態度同我講野？？佢無野呀？又唔係我錯 自己俾錯仲要話我 仲要睜大對眼兇我？個呀姐化哂妝但講野極串咀以後唔會再幫襯 貼錢買難受！！！！

呢日黎到葵涌廣場 除咗想行街之外 點都要黎試吓呢度嘅小食鋪頭放滿咗好多好靚嘅班戟樣板 所以吸引左我哋過嚟班戟有甜有喊 有熱有凍諗左一陣 最後我哋決定要士多啤梨班戟配朱古力雪糕少cream 成個班戟有好多士多啤梨 好足料面頭嘅士多啤梨好甜 可能因為淋咗士多啤梨同朱古力醬入邊嗰啲就比較酸整體感覺不過不失啦 又唔係好特別 但又不太差

好多人排隊~ 有甜食有鹹食!我地揀左鹹既, 因為唔想食CREAM!!!!!揀左磨菇+生菜+辣肉腸, 再+$4蚊轉芝士, $29一食, 熱辣辣有拉絲!!! 芝士味好濃!!!正啊~~~~辣肉腸好鹹, +埋芝士本身都鹹, 所以食落都幾重味!好彩有番生菜絲既甜味中和番, 食落先無咁膩!!果然開左咁耐質素都有番D保證既~排隊order指示清晰D就好, 因為個位係中間整pancake既男女師傅都好快手! 幾分鐘就整好一份!

呢間店既人態度好差！！！真係絕對絕對絕對唔會再食！多人排隊就可以對d 客咁串？以前已經試過好惡咁叫你行埋一邊等行得太遠聽唔到佢叫numbermiss左一兩個number 返去拎我都冇開口講咩，個女人個樣超串咁話「咁耐 凍哂架喇！」我心想，我又冇嫌d 咩，洗唔洗咁講野遞比我之前仲特登係我面前fing 個pancakefing 到散開左果下係明顯挑釁另一個店員仲要係度笑完全唔明白點解一間食店可以做到咁我唔係要你好好態度但佢地係連基本尊重都冇d 野好食到曉飛都冇用更何況而家d pancake 已經差左好多個皮好林 冇乜味 純粹係平冇諗到連態度都咁廉價希望店員睇到反省下我自己就一定一定一定唔會再幫襯。

依間班戟都出名，好多人買，有咸有甜味揀。成日經過都好鬼多人，但平時都趕時間所以都冇試到今次終於可以食到，趁佢冇乜人既時候拿拿聲買番個最後買左甜食芒果+薄荷雪糕，$2x,等左幾分鐘終於有得食，賣相又幾靚。其實成個入面都好多Cream個cream 有少少膩，但又唔算太膩，普普通通，如果再淡少少口感就更加好。芒果好甜，應該浸左糖水？普普通通咁啦，唔係太有芒果味。個雪糕都唔錯，食落都幾香，好有薄荷味，班戟個蛋味可以再濃d, 就更加好味啦！

來逛葵廣，走到最出名的美食街，不禁想掃街！營養均衡很重要，除了麵食外，Q餅不失為一個好選擇，以班戟皮包裹著不同的餡料，一手拿著，好味方便飽肚又營養勻衡，實是至抵之選！怪不得開了這麼多年仍然大排長龍！這次因為帶了孩子，所以選了粟米雞蛋為餡料，店員問是否加$4要芝士也說加了，這就齊備了蛋白質、纖維與澱粉質！寶寶也方便自己拿著吃。嚐了幾口，味道較淡，不像其他小食店賣的那麼濃烈惹味，餅皮剛做好時是脆的，慢慢會變軟，所以要快速食用！以免漏餡！

又一戟係葵廣入邊嘅名店 每次都有好多人來排隊 嚟葵廣掃街嘅梗係要過嚟朝一朝聖！見到佢哋有新野 就叫左一個粟米片脆脆焦糖雪糕班戟 一嚟到面頭嘅粟米片唔多 反而個cream嘅份量頗多 多到食咗幾啖都仲未食到個雪糕食咗面頭嘅cream之後就見到一個好大球嘅雪糕！個雪糕仲大過個班戟嘅嗰個窿！雪糕係雲呢拿味 焦糖原來就係佢係雪糕上邊吱咗一啲落去 但係份量唔夠多 食幾啖就乜都冇哂！雪糕太大個！食嘅時候好捩棄！好難先可以食到外面嗰層班戟但係個雪糕又唔會跌落黎 最後決定一次過食哂上邊個雪糕先！食完個雪糕之後 原本以為得返層皮冇哂餡 點知！！！入邊仲有好多cream 粟米片脆脆 同埋焦糖！！！真係好驚喜 原本以為冇晒粟米片脆脆 仲喺度埋怨佢俾得好少！但係原來係哂入邊 軟滑嘅cream 好甜嘅焦糖再加埋粟米片嘅脆口 真係好好食！又大件又抵食！唯一唔好嘅就係佢嘅服務態度 因為佢啲款式都係show哂出嚟嘅 冇menu 咁就好自然會行前上去睇 結果俾個叔叔鬧我哋阻住個收銀 叫我地行埋一邊睇！咁都算啦 我哋等緊飛嘅時候 明明我哋已經企埋一邊 但係佢都喺度話我哋阻住人哋睇款式 俾我哋企去後邊 但係叫飛嗰個斯文嘅姨姨

雖然唔係住葵芳荃灣，但間唔中我地都會來葵涌廣場行街食野，週末來到葵廣三樓，轉程來搵食的人比比皆是，呢度幾乎全層都是小食店花多眼亂，其中一間必試的小食店就是這裡的又一戟～佢地主打鹹食和甜食兩類數款的班戟，而我地今次就點了藍莓芝士蛋糕班戟～星期日人多的關係都差不多要等十五分鐘，但都尚算值得，班戟賣相唔錯，在面頭的cream和藍莓底下就是兩小件芝士蛋糕和自選的雪糕，我地選了椰子味雪糕，雪糕同班戟皮和cream的配搭都幾和諧，而芝士蛋糕都唔hea味道不錯幾濃芝士味😋～而最近佢地都係轉型的旺中開了分店，想食既話都唔一定要去到葵芳了～

去到葵廣，必食又一戟！佢呢到有好多crepe選擇，甜既咸既都有！之前食過士多啤梨味，今次就試下 藍莓cheese cake味，配個cookie味既雪糕。等左20分鐘左右，終於輪到我啦！塊crepe皮保持水準，好chewy ，唔會好乾。而d藍莓cheese cake好smooth 好creamy，好重芝士味，面頭仲同藍莓醬，實在係大滿足！而個雪糕有好多cookie，唔會得幾粒，當我差唔多食完果陣，發覺個或部仲有２—３舊cheese cake，真係令我好驚喜！！！唔洗＄３０就食到咁足料既crepe，真係怪唔之得咁多人黎食啦！真係超值呀！

今日520😜，食左個🌰朱古力班戟，一個🍓雲尼拿🍦班戟，真心不錯，不過都係鍾意食朱古力班戟多D❤️，每次來必食尼間，每次來都要排隊排好耐，不過每次都覺得值得的。

今日同朋友黎行街，其實想試呢間嘅班戟好耐，所以今日留肚特登黎試~ 馬尾姐姐好好人，又有笑容，真心吾明點解會有人留言話佢地態度差😰叫咗個咸牛肉班戟~ 姐姐好好，仲特登介紹我加埋 pepper and cheese 會更好食!果然味道好夾又包肚😍😍😍😍另外朋友點左個朱古力香蕉班戟，吾使多講，朱古力醬同香蕉係 perfect match!好怕商店用熟吾透嘅蕉，點知咬落去完全無呢方面嘅問題!呢間 pancake shop真係可以再 encore !!

今日第一次幫襯，買左個香蕉Pancake. 落Order個陣同佢講淨要香蕉，我見佢menu凍食可以加雪糕，熱食加朱古力。收銀問多次真系咩都唔加? 甘我先話加少少忌廉啦，俾小朋友食。收到pancake時加左朱古力，我問佢地點解有朱古力? 有個男人勁惡話：唔要朱古力早d講啦，每次都整完先話唔要，後面有垃圾桶啊，態度極惡劣。我第一次買，何來每次都唔要啊！超無奈lor，其實你有加朱古力系咪應該寫埋系張menu度lei