叁茶陸飯

營業中

休息中

我經常喺荃灣出沒，因為呢間店名特別，所以非常有印象，一直想試。近日荃灣朋友約食生日飯，我哋都愛食台式料理，所以我就提議左呢間，果然一試難忘。一大樽水俾我地自己斟，唔洗等超正！推介103 南投炭燒烏龍茶 $20本來諗住叫杯自己飲，點知咁大杯，兩份飲都夠！1001 塔香鹽酥雞 $45份量超大，唔會好油，仲好脆，食極都仲有，抵又好味！星星1012 鹽酥雞肶菇(素食) $42份量都大，鎖住左菇汁喺裏面，極驚喜，極力推薦！！！星星2002 蒜泥白肉 $48唔係好辣，食唔到辣都會鍾意，仲要切到好薄片，唔錯。9003 台式五香牛肉麵 $73麵都大大碗，真係估佢唔到，牛肉份量十足，煮得啱啱好，絕對唔老。總結係。。。最好一大班人黎食，開心share，開心gathering，食多d唔同款，菇一定一定一定要食XD

我都幾中意食台灣野，今次黎試下依間，環境超大 坐得幾舒服嘅。我地嗌既係tea set，幾平。基本上所有野都好普通😐普通到唔想詳細描述。除左個香辣鹽酥雞好食之外，其他都不過不失～不過最失望係個 黑糖芋圓仙草凍，啲芋圓淋到成pat屎咁，唔知點解加埋花奶令個糖水好吉好lim🤢睇落足料好豐富但好難食😭

荃灣行街街，諗住去愉景新城點知途中多咗個商場 - 染廠大廈中染新城，睇黎我真係好耐無黎過荃灣，呢邊多咗好多野食。行行下就見到呢間好有文青feel 的餐廳，係台灣菜。餐廳環境好舒服，樓底勁高，我地lunch time時間過黎，太陽光照住整間餐廳，人都醒神啲！仲有喎，間餐廳也有不少打卡位～　係個幾唔錯的環境。而野食方面，都唔弱。星期日過黎都仲有午市套餐，正呀！我同朋友一人叫咗一個set，分別係招牌排骨飯套餐同香酥雞排飯套餐，加５蚊可以有肉燥。另外仲叫咗個小食蒜泥白肉。排骨飯果然係招牌蔡，排骨唔會好似外面啲餐廳咁，將啲肉“嗱”到勁淋無哂咬口。香酥雞排飯就都oｋ，份量相當足夠，而且跟餐又有前菜，望落已經好吸引。雞排炸得香口，又唔會炸粉同肉分離。好味！！　而加的肉燥都夠兩個人share！正～另外就有蒜泥白肉，同平時食開ge唔同，份量都不少，不過如果鐘意食啲好簿的白肉，呢個就未必會岩喇了。整體呢間餐廳都可以再來，價錢平宜抵食～

次次o黎親荃灣八咪半商場搵食都總唔會令我失望，今次食呢間台灣o野，logo 好有爵爵o既畫風，女仔個頭係隻杯插住枝飲筒，男仔個頭則成個飯碗咁，配合番餐廳台式茶、飯o既主題。內裡非常闊落，樓底又夠晒高，坐得幾舒服。下午茶時段做緊一d 套餐優惠，我點o左個滷味拼盤(小)，平時單叫要$58 (未加一)，而家$48 only 仲連o野飲，好抵食呀！而且叫完一個餐仲可再加少少錢再加份台灣腸仔、貢丸湯等o既小食，我則簡單加o左個白飯(加$8)。上到o黎先知原來個餐仲另外送一d 青瓜同花生做前菜。個拼盤話就話係細份，但實際上都唔細。最好食係金錢肚，本身已經係幾濃郁o既味道，再索滿晒d 汁，一擺入口大滿足！滷蛋同雞中翼都滷得頗入味，豆腐則略嫌乾身同硬o左少少。碟底o既滷水汁係一d 都唔會o徙，倒埋落d 飯度，如此惹味，真係食多碗都仲得！不過留定個肚先，陣間再叫甜品。跟餐附送南投小農紅茶或者四季春青茶一杯，凍熱都得，試o左後者。最初頭我睇錯名，同侍應講話要「青春茶」，柒o左……anyway，實物賣相真係好似成杯啤酒咁，無加糖o既，茶味略帶茉莉花香，唔錯o既味道。餐廳門口幢o左塊大招牌sell 芋圓仙草凍

荃灣中染大廈自從翻新左之後都開咗好多唔同嘅食肆，今日同朋友經過見到一間裝修非常之精緻嘅餐廳，就同朋友坐低試一試，餐廳名叫做叄茶陸飯。餐廳嘅裝修風格偏向台灣文清格調，頭頂有好多燈膽，俾人一種環境好舒服嘅感覺，食物方面都係做緊台灣嘅小食同埋餐飲，因為我哋喜好嘅關係就叫咗炒四季豆，吉列雞扒蛋炒飯同蝦仁蛋炒飯。首先要講一講碟四季豆，一上菜的嘅時間已經感覺到熱辣辣，非常之有獲氣！火候方面都掌握得好好因爲走左油既四季豆外皮非常之鬆軟，食落去裏面就非常之有咬口，個感覺真係似係大排檔食嘅嗰種感覺，真係需要比高度評價。之後就到炸雞扒蛋炒飯，先唔好講個雞扒，個蛋炒飯真係非常之有驚喜！每一粒飯都炒到粒粒分明，因為用咗珍珠米嘅關係每一粒都好有口感！仲要粒粒都炒到乾爽仲有蛋包住！配合鬆軟嘅炸雞扒，食落口完全冇油膩嘅感覺。最後到蝦仁蛋炒飯，個炒飯底我就唔需要再講，特別要講講嘅就係佢哋嘅蝦仁，食得出真係有蝦味仲要每一粒蝦仁都非常之大粒！成個感覺覺得個炒飯係非常之有成本之餘亦都係好食嘅！其實近呢一兩年香港真係開咗好多唔同嘅台灣餐廳，基本上大多數都係冇得輸～因為香港人本身就好鍾意台灣嘅飲食文化，但老實講有啲真係越做越低

尋日係荃灣收工 同同事想食個飯傾下計先走行行下行到中染大廈 見到間食台灣野既餐廳最鐘意飲珍珠奶茶既我就同同事入去試環境好開揚 令人坐得好舒服睇餐單發現選擇好多 而且價錢亦都好親民我地叫左一個台式肉燥飯 仲有台式五香牛肉麵係台灣食品既代表作肉燥飯既肉燥好入味 每粒都係好濃味好欣賞員工見到我地碗飯既飯量好似唔夠竟然比多少少我地 好意外亦好開心服務態度真係好好呀而五香牛肉麵份量好多 牛肉好軟好甜你            最鐘意係麵條既軟硬度係岩岩好架配埋湯底真係好出色呀另外我地仲叫左個塔香鹽酥雞我係一個好鐘意食鹽酥雞既人餐廳既鹽酥雞好脆好香口亦好惹味真係食到停唔到口呀我地仲一人叫左一杯飲品我叫左杯黑糖珍珠奶茶最近黑糖大熱 餐廳既黑糖甜度恰到好處唔會太甜 配上奶茶岩岩好同事點左京都抹茶珍珠拿鐵佢話抹茶味香濃 珍珠亦好有咬口我同同事都好滿意今餐好似去左台灣食咁 相信會成為我地以後收工食飯既好地方

有一個晚上係荃灣行完宜家家私打算搵野食，一落樓下就見到呢間叄茶陸飯，門面裝修都好靚，出面有個位賣珍珠奶茶，原來呢間餐廳係台灣菜！我地兩個人叫左：一份三杯雞，魯肉拌麵，鹽酥拼盤，珍珠烏龍茶。三杯雞好惹味！係好正宗既台式三杯雞，而且仲大大份！抵食！魯肉拌麵四十幾蚊一碗，份量多到你唔信，麵已經好多，食晒成碗麵啲魯肉仲剩好多！份量好重手！！鹽酥拼盤有四款小食：花枝丸，鹽酥雞粒，台灣香腸，同埋有一款不知名的小食係一片片食落似魚蛋又好彈牙好QQ口感似煎堆。- 花枝丸好大粒，又足料，裡面又好多粒花枝肉，好有咬口！- 鹽酥雞粒份量好多，粒粒都好大粒，而且炸得好香口，但又唔重粉，正！- 台灣香腸切成一片片，比平時食既口感更好！- 不知名小食個味係有點魚蛋味又帶少少甜，好鍾意佢個口感QQ的，係一款好特別既小食！最後呢杯珍珠烏龍茶，甜度適中，岩晒我！叄茶陸飯呢間台灣菜又好食又抵食，一定會再去試埋其他菜式！

一向喜歡台式食品的我，今日終於有機會去到位於荃灣的叁茶陸飯一試。甫抵步，高大光潔的門面已令人眼前一亮。淺色為主的色調，再配以簡約高雅但又時尚的裝修，讓人感覺整潔舒服。座位中間天花的位置還特別安裝了一組吊燈，增添了些浪漫優雅的感覺。菜單上的食物五花八門，目不暇給，但我還是忍不住選擇了店家熱烈推介的幾款熱門菜式 ：塔香鹽酥綜合拼盤 、台式五香牛肉麵、招牌四季珍波椰、綜合黑豆茶，當然還有最重要的---台式甜品：黑糖芋圓仙草凍一號！鹽酥拼盤有鹽酥雞、台式古早香腸、花枝丸和花枝餅。台式五香牛肉麵， 用的是金錢腱，軟腍入味，肥瘦均等，半筋半肉，筋位有嚼勁，燜得亦夠入味，推薦！珍波椰由台灣茶葉沖泡，加入椰果珍珠等配料，原汁原味沒有加糖，更加突顯茶香清新馥郁，回味回甘！當中混搭椰果等有嚼勁之配料同吃，口感一流！另一焦點：黑糖芋圓仙草凍，也是令人眼前一亮~綿軟煙韌的芋圓，配搭煮透心的紅綠豆，還有爽滑的仙草，為這個午餐劃上完美句點。叁茶陸飯為香港喜歡台灣美食的人，提供一個正宗的台灣味道。

最怕等位, 寧願早啲食飯唔使同人迫, 星期六11點半到左餐廳, 只係坐咗一兩枱, 用餐環境舒適。有假日午餐Menu, 一個order左招牌排骨, 另一個係香酥雞扒, 大家share食, 兩個都加咗肉燥。自己覺得香酥雞扒好味啲, 而排骨食落有啲乾, 分量夠, 但我唔係太識欣賞d前菜覺得可有可無。碗碟精緻, 但食肉燥嘅話我prefer要一個大碗, 可以食得方便啲。 飲品叫咗冰紅茶同海鹽芝士奶蓋抹香綠茶, 芝士奶蓋有驚喜! 好creamy重芝士味, 配清清地嘅綠茶剛剛好! 下次未必會再入嚟食飯, 但可以encore芝士奶蓋綠茶!

講起食台灣野,第一時間梗係會諗到鹽酥雞,紅茶,三杯雞等等,真係一講就流晒口水，好懷念台北夜巿. 說到台灣菜,當然不能不點台灣的精髓~~~滷肉飯.滷肉飯唔會太咸,入面嘅滷肉肥瘦比例適中豬油碰上熱飯令我整個人也融化,份量略為小了些.香酥雞排很酥脆,不會炸的很乾,雞汁亦滿滿的充斥在你的口腔.有夠讚!!三杯雞更不用說,薑片也足料的放了數十片,香氣已經令我很想開動. 果然獲得不少的分數.雞肉彈牙,骨頭亦炒得好香.帶起整道菜也非常惹味. 加在白飯食認真一流.在香港想找一間好吃的台灣菜是相當有困難的,有的店好好吃,但完全不是台灣的味,當然有些餐廳更加不用提嚕!!這裡沒有在台灣食台灣菜這麼便宜,但在香港已經算是化算,而質素亦都不錯. 大大的推呀……

呢杯珍珠奶茶難飲到一個點。無茶味，只有奶水味，珍珠超硬，教我點咬？$20買杯x腳亭好飲過佢好多，服務員態度超差，咁無心情就咪番工啦，全程一句多謝都無。勁無禮貌，員工質素和出品一樣的差！

之前介紹過嘅鐵牛係我喺香港最鍾意食嘅台灣餐廳，今次嚟到好多人去打卡嘅叁茶陸飯，一入到去嘅感覺真係好新鮮因為佢嘅裝修好靚本身唔係好肚餓而且為咗留肚食佢好出名嘅芋圓，所以叫嘅正餐唔係好多對於一間台灣餐廳滷肉飯係非常緊要，呢個滷肉飯都算高質，非常入味而且好足料好多汁 都只係$28 望落去好細碗其實都好飽㗎另外我叫咗佢嘅小菜醬爆雞丁，有啲似中菜或者川菜，但係炒得好香雞肉好嫩，而且仲配左翠玉瓜好好食，送飯一流仲叫咗佢哋嘅嘢飲，係奶蓋茶系列既(唔記得左叫咩名啊sorry) 但係想講佢哋既奶蓋好出色，打低咗好多台式手搖鋪頭，成杯嘢飲勁清新 唔會因為有奶蓋起到而好濟好飽👍🏻👍🏻👍🏻👍🏻👍🏻最後係我期待左好耐嘅芋圓，佢有唔同嘅組合揀，我揀咗燕麥紅豆珍珠，份量比我想像中細，但係食落又覺得好多喎，因為佢好厚身 唔係好多水份，但係我就略嫌珍珠同芋圓太難咬，口感略硬，而且有少少乾爭爭嘅感覺 小失望啊呢個🤧不過整體一間好抵食而且環境好好嘅台灣餐廳，一定會再試過啊，特別係為咗佢啲嘢飲而再食過，同埋晚飯都幾多人等㗎記得早啲去！

荃灣都有好食又唔貴既台灣菜式啦。荃灣既台式菜真係一隻手可以數得哂，今次又多個選擇啦！位於染廠大廈既裡面，雖然唔係大商場入面，但其實地點好近地鐵站，地點相當方便。店舖裝修有種清新的感覺，令人感到舒服，環境望落都好乾淨企理既感覺。打開餐牌選擇都唔小，而且有各式各樣既飲品同甜品。台灣肉燥飯肉燥的份量頗多，有滷蛋一隻，肉碎的肥瘦適中，不會太過肥膩，而且熱辣辦，肉燥同滷蛋都十分入味。如果想有彷如到了台灣吃台灣菜的感覺，一定要試試。台式五香牛肉麵五香牛肉麵湯底非常濃郁，牛肉有四大件，筋肉分明，食落肉質好有口感，而且炆得夠時間，牛肉夠入味，有伴菜，食落更加豐富。川椒回鍋肉這個會有小小辣，但不會太辣，平時食開小辣既都會食到既個種辣，回鍋肉配合其他配菜一起炒食落幾惹味。黑糖芋圓仙草凍👍🏻👍🏻👍🏻飯後甜品一定要食埋，價錢唔貴又夠大碗。以為唔係專賣芋圓既地方會無咁好食，點知呢到既芋圓反而好有驚喜，芋圓口感好彈牙，而且味道好好，又有仙草，燕麥，紅豆，珍珠，真係勁好食，完全估佢唔到，性價比相當高，大推芋圓。價錢都唔貴，兩個人食到好飽食埋糖水都只係二百幾埋單，好抵食。食物質素都好滿意，會再幫襯既一間台灣菜。

正門外賣台灣茶,門內進食台式料理.提供不同要求的服務. 座位舒適闊落燈光柔和,還有優惠呀!就是中染大廈商戶有9折呀!!Set lunch 主打也是台灣的地道菜,肉燥飯,三杯雞,五香牛肉,糖醋魚,酥雞排等等…非常有親切感服務生問我們吃辣嗎? 試下我們的三杯雞啦!! 好.就信你的推介啦.三杯雞套餐$75用大量薑片爆香雞件肉,加上香味濃郁的九層塔,天然的香料就可以令到簡單的食材,絕對有畫龍點睛之用.再說嫩滑的雞件沾上醬汁,非常入味.台灣菜真的令我深深迷上了.配菜亦不可不提:微辣脆身的小王瓜,是非常開胃的一道小菜. 鹵花生,高麗菜也是台灣套餐必有的配菜.香酥雞排套餐$68酥炸豬扒真係唔錯,粉漿不多皮亦超薄,豬扒好厚身.咬下去脆卜卜，好juicy好嫩滑.每一粒肉燥粒粒肥瘦相間,混入米飯中,令米飯好吃到不行,而且不太油膩再加上少量蔥花提味,真的很惹味.我點的紅茶茶味好濃帶有台灣的麥茶味.這個價錢有主菜,配菜,飲品,還有讓人熟悉的台灣味,令我非常滿足.

今天在荃灣逛街來到這裡，這個商場環境舒適，樓底好高有空間感，我們選了位於一樓的台式餐廳，行累了歇歇腳，我們都不太肚餓，所以沒有選飽肚的飯麵類，而是選了滋味小食和特色飲品，餐牌嘅款式包羅萬有,有套餐類、小食類、蔬菜類、飯麵類、甜品類,單是飲品都有幾十款可供選擇。因為進店時是平日的下午茶時間,人不算太多,店員便給了我們接近窗邊的位置，可以休閒地聊聊天時，又看看熙來攘往的街景。滷味拼盤(下午茶餐HK$48)滷水豆腐是採用比較結實硬身的，咬落比較有口感,一邊咀嚼一邊感受豆腐滲出來的滷水香氣。滷水雞翼是雞中翼的部分，滷水很入味,有兩隻,剛好我們一人一隻,份量剛剛好,又可以每樣試少少。滷水金錢肚一樣好惹味, 蜂窩條理分明既賣相吸引眼球, 咬落鮮香爽口有彈性。再加一人半隻滷水蛋, 配上滷水花生和醃製青瓜。南投四季春青茶(跟餐+HK$0)這杯是用店名和得意iconQ版公仔盛載的一杯熱茶,茶味入口幼滑,還陪隨著一點點微微的甜度, 品嚐的時候一啖青蔥的香味撲鼻而來。皮蛋豆腐(跟餐+HK$28)豆腐又白又滑好吸引,豆腐本身鈣質豐富,平時都好喜歡食,配上晶瑩通透的皮蛋,沾上旁邊酸酸甜甜的秘製醬汁,整個配搭讓人