叁茶陸飯

營業中

休息中

荃灣一向出名多野食 今日收工同朋友特登黎呢邊搵野食 行行下見到呢間台灣店個名幾特別 於是入左去我地叫左幾款菜share食 首先叫左個台灣肉燥乾拌麵 ($48) 呢個價錢算平 份量亦都幾大份 幾抵食！ 別外我地叫左幾杯奶蓋茶同珍珠奶茶等等 奶蓋茶奶味幾重 拍得住飲品店 跟住我地叫左個大那滷味拼盆 ($88)呢個價錢 黎到我地嚇親 因為份量都真係幾大份！ 大概六七人份量 有蛋 牛肚豆腐等等 我地亦都叫左個經典三杯雞 ($88) 呢個雞個汁幾好味 但適合多人share食 就5會太油膩了主角黎啦！ 我地叫左個羊肉煲($208) 冬天食羊成個人暖哂 外面食個羊煲普遍都二三百 但今次我地六個人食 每人大概食6舊 食到最後都仲有 超級足料！ 第一次叫到一個食得飽既羊 幾推薦大家黎到一定要試下 一黎暖胃 二黎勁抵食 別外既係 呢到空間幾夠 裝修亦5錯 好適合一班朋友屋企人一路食一路吹下水 價錢亦都5貴 份量非常足 仲可以滿足大家既奶蓋奶茶癮tim

是日要去荃灣就搵下果頭有咩好食，搵到食間台灣野，見個樣都幾新派就試下。lunch time時間唔使等都有位，有set lunch但無我最想食既鹽酥雞飯，set lunch無我覺得ok, 但散叫有喇卦？結果問左侍應，係只有小食有得點鹽酥雞，但無飯，飯係要另外點（白飯$10，肉燥飯$38），真係好奇怪！黎食台灣野叫個最大路既鹽酥雞飯都無要散點！野飲都係另外點左個海鹽芝士奶蓋炭燒烏龍茶。黎到飯都可以既，個鹽酥雞嚇死我，點解係雞粒？仲要一d都唔脆，唔香口。好失望（睇相都已知一二）唯獨要讚一讚杯奶蓋既奶味好濃，好飲。希望有關餐廳可以再研究一下menu等客人可以食到比較正宗既鹽酥雞飯。

見有好多like，於是特登入荃灣食。因為過左lunch hour所以都唔算排好耐，入到去喺落單紙剔好兩款野食 (牛肉麵同肉躁麵)，外加要兩杯綠茶，就將張紙俾左一個齊蔭細粒d同瘦瘦地既女侍應。唔知佢係兼職定乜所以無名牌，亦唔知係佢無俾廚房定廚房漏左單，總之，張紙消失左而我地等左半個鐘九個字都未有得食！甚至隔離枱二人遲過我入去都食完我d野食都未到。所以，趕時間既話真係奉勸各位唔好去。食物方面，都算正常，但無大家講得咁好食。肉躁麵有d油，而後尾我地加左個店舖推薦既蜂蜜黑糖麻糬窩夫，其實佢應該改名做忌廉窩夫配黑糖麻糬 (少量蜂蜜醬)。成個窩夫都係忌廉，唔講以為自己order左一盤忌廉。好啦撥走d忌廉，點知所謂黑糖都一小角咁大把，真係低成本製作。(因為等到無哂心情，乜都無影)

位於荃灣中染大廈既叄茶陸飯喺荃灣站A出口經愉景新城天橋行過黎亦十分方便呢度帶出無限台風內涵風味☺️煮出具台灣風式食材☺️🍜🇹🇼而茶市套餐除左基本主食之外🍜🍛可折價加配小食及飲品更為經濟實惠☺️台式牛肉麵兒時食牛肉麵好鍾意叫多啲牛筋🐮😆🙌🏻個人比較喜好牛筋軟滑既口感☺️所以呢間「叄陸」麵中有半筋半肉亦十分驚喜😆而店內亦採用牛展部位更加爽口🤤牛展牛筋同樣地煮得嫩腍夠哂入味😋吸盡肉湯精華之餘☺️拉麵條亦煮得夠爽口彈牙🍜😋配合帶有鹹香既足料濃郁紅燒牛骨湯底😋煮出一碗能回味既牛肉麵🍜☺️

由友人口中得知早排係中染開咗間叁茶陸飯, 據聞成2千尺咁大於是相約友人來個台式午飯約會!呢間嘢除咗有肉燥飯、紅燒牛肉麵及鹽酥雞等台式招牌菜連外賣手搖飲品都做埋 佢既炭燒烏龍奶茶同抹茶珍珠拿鐵等也是人氣之選!門口有自助取票機, 而且睇得出有花心思設計, 同其他台灣食肆感覺好唔同, 佢係比較新潮啲啲, 光線亦好充足正值午市時間, 餐廳亦有提供假日套餐 唔需要散叫!而我揀咗台式牛肉麵$78, 跟餐會跟「南投小農紅茶」或者「彰化茉莉綠茶」冰熱隨你揀亦可以加配一些小食, 今次揀咗滷雞翼(3隻) $25牛肉麵湯底幾香濃, 唔會話好口渴, 果然係經過10小時熬製! 😂牛肉亦好味好腍,小棠菜亦煮得剛剛好, 最怕太生既菜整體都唔錯, 不過價錢偏貴好食度😋😋😋😋友人叫咗招牌排骨配白飯$68 排骨炸得幾脆幾香口, 肉質幾好唔會過柴同過鞋, 食完一舊又一舊!而佢碗菜仔清清地, 對比起個肉, 覺得岩岩好!好食度😋😋😋滷水雞翼3隻 (加配$25)不過不失, 煮得剛剛好, 唔會話好淋但尚算入味!好食度😋😋😋整體嚟講, 呢間嘢幾多人幫襯, 都算係荃灣台式食肆一個新蒲點!

成日見到門外好多人等位，原來4點可以直入唔洗等，當然要試一試味道如何。11-5:30係lunch時段，價錢都幾抵，5x~7x不等，有沙律有飲品，主菜份量都唔細。不過今次就無叫lunch，分別叫左台灣肉燥飯$38，塔香鹽酥綜合拼盆$88，海鹽芝士奶蓋四季春青茶$28。下午茶時間兩個人食份量岩岩好。首先，肉燥飯咁平以為會得細細一碗，點知係個大碗，份量夠食飽，呢個價錢真係好抵，有飯有肉仲有少少菇。肉方面唔會太乾，汁都足夠撈飯食，肉量唔會太少。飯亦煮得軟硬適中，配合埋肉燥汁超完美。綜合拼盆方面，總共有四款不同的小食：台灣香腸、花枝丸、鹽酥雞同埋魚餅。鹽酥雞份量最多，其他大約有2-6個咁上下。鹽酥雞炸皮好鬆軟，有入口即溶嘅感覺，好正，雞肉都好嫩好滑，下次可以單點。其他味道都不錯，花枝丸夠曬彈牙！四季春青茶估唔到咁清，帶茶味而不會苦，配合奶蓋咁heavy 真係岩岩好，可以encore!

好久沒有吃台灣菜，今日來到叄茶陸飯這間位於荃灣的台式餐廳。說到對台灣的印象，就是飲料店，一杯杯的珍珠奶茶、奶蓋、各式果汁。而叄茶陸飯這間餐廳門口就可以買這些飲料！這種形式在香港很少見，就算不入去餐廳也能買到台式飲品，即刻令我勾起對台灣的感覺。餐廳內部裝修得十分高級，餐具是日本風的一點也不像是台式餐廳，有點高級酒店的感覺。食物方面，我們首先點了在台灣必點的鹵水系列---台式肉燥飯和滷味拼盤肉燥飯滷水味濃，很好食。肉燥配白飯真是一流肉燥濕潤，配飯一點也不乾。而滷味拼盤有三樣食物---滷水蛋，豬肚，豆乾。最出色的是豬肚，像是滷了很久的感覺，很軟很入味。而且蛋和豆乾都是一點也不乾，好吃另外不得不讚這杯奶蓋---海鹽芝士奶蓋茉香綠茶奶蓋多，十分香濃，綠茶茶味足，味道媲美深圳排長龍的喜茶！芝士蘑菇雞翼也十分出色，香脆雞皮，芝士味濃郁，無骨很方便吃。這碗黑糖芋圓仙草凍，起初以為全碗都是很煙韌，會很飽，但想不到只有芋圓是比較有咬口，其他的都是偏軟，連珍珠也是，不過有意想不到的夾。整碗的味道是奶茶味，十分好吃，不過要吃這碗的人，前面就不要吃太多哈哈😂

朋友公司樓下開左間台灣菜專門店個名都幾得意，叫叁茶陸飯我地岩岩轉職無假去旅行，唯有留港食下海外野以解想去旅行的心情種類真的比想像中多，仲要荃灣呢個地段有間咁特色的專門店無論環境同菜都好精緻，份量仲好大，好夠食首先，來左個魯水拼盆原來以為咁既價錢，再加上晚市，份量唔妨多得去邊所以2個人都叫左好多碟菜魯水拼盆雖然叫左個細SIZE，但樣樣都齊曬好足料一睇牛肚個色水就知浸左好耐魯水汁味好清甜，牛肚好爽口雞翼好好肉地，好飽滿碟野有魯水蛋、牛肚、雞翼等等.....大愛佢地花枝丸，大大粒好巨型岩岩炸起，脆卜卜一咬開就是好彈口的丸味好有台灣的風味同水準魯肉飯我地都係叫左細架~~~但已經夠曬2人份量，我地完全吃不完肉碎好好味，又不是肥豬肉撈埋一齊真係好懷念台灣的魯肉飯日子香辣鹽酥雞香辣不是就這樣灑粉，而是一開始鋪滿肉粒後再炸非常香鬆脆滑，所以還是有點肉汁，不太乾身成餐飯兩個人食已經好滿足樣樣都食齊曬，咁多計埋單都係得每人$125以一餐晚餐來說，真係好抵~~

呢間餐廳以台式羊腩煲作秋冬新品，同其他嘅羊腩煲好唔同，普通嘅羊腩煲係用南乳燜煮羊腩，但係呢到就係用藥膳煮嘅，極具風味。嗰湯頭係用紅棗，杞子，大葱，薑等等嘅材料煮出嚟嘅，冬天食呢個煲又養身。食完個身真係暖粒粒呀！呢到嘅裝潢超有台灣感，牆壁上嘅霓虹燈係嚟呢間餐廳食嘢之外另外嘅焦點，打卡位一流！呢到嘅碗碟都非常靚，睇到都少女心爆發啊！餐廳空間都好大，燈光同環境都好適合用餐。當我同朋友叫咗個咗兩人餐嘅羊腩煲之後，店員就超貼心咁幫我地拎咗配羊腩嘅腐乳醬。個兩人餐嘅飲品包埋兩杯嘅冷茶，綠茶味道清新，非常解膩。紅茶茶底香濃。正！今次仲叫埋呢杯紫薯奶茶，超多紫薯，口感香滑，必試之選。兩人餐可以簡三個餸，今次就簡咗凍豆腐。呢個就最特別的，就係鴨血啦！仲有就係大大碟嘅黑木耳。羊腩燜到冧冧地，但係仲係好有咬口。餐廳仲有推出姜母鴨套餐，睇落都好吸引呀！兩人餐仲有多項配菜可以加。凍豆腐口感似豆卜，非常吸汁。大大舊木耳亦非常爽口。必吃之二！！鴨血勁正！台式羊腩煲配台式鴨血最配！！鴨血口感滑嫩，與湯底十分配合。

本身今日想去中染新城行下ikea，之後見到有間台灣野有羊腩煲食，就決定去食下。今次同男朋友兩個人食，叫左一個羊肉爐、兩碗飯、招牌黑糖珍珠炭燒烏龍奶茶（走冰少糖）同埋海鹽芝士四季春青茶（少冰少糖）平時去大排檔食羊腩煲成日都好大煲，要搵多啲人一齊先食得晒，但呢間二百蚊左右就有，人少少又想食羊腩黎呢間就啱晒。 個羊肉爐到左之後，佢地會比個野你較個爐火，第一次見呢樣野，好新奇。另外店員會幫手裝啲湯出黎，如果唔係一開火就會滾瀉，同埋煮左一陣等啲水蒸發啲之後又可以加返啲湯入去，呢個安排真係好貼心，唔會就咁加返啲滾水比你溝淡左個湯。呢個羊肉爐係用藥膳湯底，羊肉唔會比藥膳搶左味，反而幾夾到羊肉味，不過個湯飲落藥膳味就重好多，好足料既感覺。但因為我本身麻麻地藥膳味，所以無乜點飲個湯，但男朋友就好鍾意藥膳味，食完啲料之後差唔多飲晒個湯，話好正，啱晒啲鍾意重藥膳味既朋友。羊肉炆得好入味，但一開始食會略嫌唔夠淋，所以應該食左啲配料先，最後食返羊肉就啱唔好啦。除左羊肉重有啲菜、金菇、腐竹同埋啲藥材。我覺得最好食就係啲腐竹，吸晒個湯同羊肉既精華，超正！之後講下兩杯野飲，我平時飲台式飲品都係叫微糖走冰，但店員話呢到

環境: 叁茶陸飯係荃灣中染廣場開了接近一年既一間餐廳, 主打台灣小菜. 餐廳都幾大, 店內環境設計美觀舒適, 亦都十分有格調, 可見店主開店誠意.食物: 餐廳主打台灣菜, 當然少不了肉燥飯, 今次點左佢個招牌肉燥飯試, 整體味道都不過不失, 不過略嫌肉燥份量可以多番少少; 除左肉燥飯, 佢仲有其他主食飯麵提供, 包括牛肉麵同特色炒飯, 雖然肉燥飯冇咩驚喜, 但今次試左佢個懷舊排骨飯反而俾到驚喜, 蛋炒飯底相當香口, 排骨亦炸得香脆唔會好咸, 值得一試; 除左主食, 仲試左幾款小食, 包括芝士蘑菇雞翼, 鹽穌雞同醉雞, 每樣都整得唔錯, 特別推介芝士蘑菇雞翼, 芝士味唔係特別濃但相當香口, 如果大家黎到一定要試下;講完主食, 講下佢個甜品同飲品, 佢個招牌黑糖珍珠炭燒烏龍奶茶相當特別, 珍珠唔係普通珍珠, 係有淡淡黑糖味, 不過最重要佢個茶底係烏龍茶, 相當香醇順口; 最後甜品環節, 亦都試左佢個招牌芋圓仙草凍, 鍾意食甜既朋友呢個岩曬, 因為都真係幾甜, 但鍾意芋圓既朋友可能會失望, 因為芋圓唔係太多, 小編認為如果多少少芋圓會更好食. 整體黎講食物水準都算高, 食到係有誠意既餐廳.價

在8點半9點的時候，剛剛與朋友行完街，在荃灣附近打算搵個地方食晚餐。我們想食一些台灣食物，好彩，經過一連串的搜尋，我們尋找到這間咁隱密的台灣美食專家——叄茶陸飯，位於荃灣的ikea下一層走大約5至10分鐘。當我們到達叄茶陸飯的時候，看到了一般台灣都有的飲品購買處，我們不用需要等候很耐，店員就為我們安排座位，因為我們過了食飯時間，大約8點45左右。餐板上的食物種類繁多，大家都要思前想後的，我們最後有了決定，點了一杯黑糖珍珠茉莉奶綠（＄25）、招牌四季珍波椰 ($28)、塔香鹽酥綜合拼盤（＄88）、台灣肉燥飯（$38）、還有台灣肉燥乾拌麵（$40）。首先來到的是2杯台灣飲料，那2杯飲料都不會太甜。黑糖珍珠茉莉奶綠奶味十足，入口很香滑而且珍珠口感十足，與天xx茶的差不多，都是十分有口感。招牌四季珍波椰是有果凍、以及珍珠，果凍都口感十足！味道十分滿意。再來就是塔香鹽酥綜合拼盤，裹面有鹽酥雞、炸紅腸、炸墨魚丸，外面都有脆卜卜的感覺，而且皮並不厚，十分美味。隨後台灣肉燥飯也到了，同時也都有配上鹵水蛋，口感十足，而且味道良好，配上台灣米飯，肉燥的口感彈牙，絕對是為這款飯錦上添花。餐廳員工態度良好，過

今日同朋友shopping，行到兩點零鐘好肚餓，想搵嘢食，荃灣近宜家傢俬附近有間台灣食店，本身我倆都好喜歡食台灣菜，真係有緣份比我遇上，仲要係下午茶時間，價錢非常實惠。我點了個台式牛肉麵，正宗台灣師傅手作，端上枱時香噴噴，大大碗，湯底濃郁蜜甜，五香牛肉軟熟腍甜，汁液豐富，連湯底 都喝掉一大半。朋友叫了個肉燥拌麵，同樣傾size，肉燥味道香濃，麵質煙煙靭靭，配搭得相得益彰，每份茶餐都 配有爽脆可口青瓜一小蝶，仲有一小碟花生配搭。飲品有黑糖珍珠茉莉奶綠非常綿滑，另一杯招牌黑糖珍珠炭燒烏龍奶茶，敢稱招牌奶茶飲落真係冇得輸，佢嘅下午茶真係好豐富，包食到你肚仔脹卜卜，真係貨真價實。台式牛肉麵$68台式肉操乾拌麵$45黑糖珍珠茉莉奶綠$25（跟餐半價）招牌黑糖珍珠炭燒烏龍奶茶$28熱（跟餐半價）

收工無飯開，就捉左兩個朋友響附近食埋飯先回家🏠，朋友提意食台灣野，見叄茶陸飯唔洗等位，d野又好似唔錯，就決定一試💪🏼入到去環境幾舒服，有d台灣小店既感覺，初步印象幾好👌🏼，試埋d食物質素先😏。塔香鹽酥雞 $45: 不過不失，雞唔太乾，但無乜味🤔台灣花枝丸 $32: 呢個比鹽酥雞好食，都係炸得岩岩好😊經典三杯雞 $88: 雞既份量比想像中多，夠入味，好食👍🏼蚵仔煎 $88: 煎得幾香，但個人覺得有點唔抵食😂五香牛肉麵 $73: 麵質幾好，牛肉好腍又入味，正😋蝦仁蛋炒飯 $78: d飯炒得唔錯，粒粒分明，味道岩岩好！👍🏼黑糖珍珠炭燒烏龍奶茶 $28: 朋友話好普通，珍珠有點硬，無乜黑糖味，似普通珍珠奶茶😞海鹽芝士奶蓋炭燒烏龍茶 $28: 呢個反而幾好，有芝士香，又夠滑，海鹽唔太鹹，岩岩好😋下次想食台灣野都應該會再黎，因為整體來講所有野都ok，又坐得幾舒服😌

不知不覺已經打第一百篇食評啦，今次黎到荃灣呢間台灣餐廳🍴香酥雞扒蛋炒飯（$78）非常有驚喜嘅飯，因為飯炒得好香，有蛋味但唔會太咸，重點係無咩油；而主角係香酥雞扒，大塊得黎又炸得好香好酥，肉質亦嫩滑，連媽媽都讚（真係好少有）黑糖芋圓仙草凍2號（$43）配料有紫米、綠豆&珍珠。珍珠係估唔到咁多，但係細珍珠，不過都好煙韌；而相比下，芋圓就較遜色，事關口感較粉，份量亦唔算多。整體係甜甜地嘅奶味為主，其他配料品質都不錯，有得加芋圓會更佳蜂蜜黑糖麻糬鬆餅（$72）一開始係以為蜂蜜同黑糖都係淋喺面，之後食落先發現係黑糖麻糬，而麻糬其實只係佔每個尖尖嘅部分，大約佔三分之⼀，不過咬落都夠曬煙韌，且帶點黑糖味。至於鬆餅係鬆軟得黎好香😇，影左咁耐相仲帶點微溫，相信係即叫即做！配埋cream同雪糕好match。招牌黑糖珍珠炭燒烏龍奶茶（$28）叫左少糖少冰都做得到，奶茶中帶有炭燒味，份量亦幾足，二人share都得總結係覺得比想像中更好食，性價比高，會再黎P.S. 好彩早食，走果時見到幾多人等位