叁茶陸飯

營業中

休息中

之前成日出荃灣都係食打邊爐嗰啲好少特登去食餐廳 今次去荃灣搵朋友又唔想成日打邊爐食太多 於是就係周圍行吓睇吓有咩好食由於天氣又開始凍我同朋友都開始想食羊 入到去荃灣商場反而見唔到一啲有羊食嘅鋪頭 後尾我哋經過呢間台灣舖見到佢有個羊肉爐 睇落唔錯我哋就入咗去啦為咗個羊肉入黎 冇由又唔叫㗎！ 我哋首先叫咗個羊肉爐 ($208) 你都都幾驚喜因為佢入邊嘅羊肉都幾多可能仲比酒樓嗰啲大排檔足料 由於朋友話想食少少菜我哋叫咗個櫻花蝦高麗菜($75) 我哋亦都叫咗一個蚵仔煎 ($88) 呢間台灣鋪頭比其他台灣店好既原因可能係因為佢呢度有我哋最愛嘅芝士奶蓋飲品！ 我哋叫咗幾杯奶蓋茶分別係海鹽芝士玄米 同海鹽芝士桂花綠茶 同朋友都幾滿意佢呢度嘅奶蓋茶餐廳來講佢都算做得好飲最後食晒啲小菜我哋仲叫多咗杯總括嚟講個人覺得佢呢度裝修幾好食物唔算貴值得一試鍾意奶蓋茶同埋羊肉嘅朋友更加要來呢度飲番杯

係中染大厦， 最近都多咗好多新嘅食店， 而且都幾有水準， 琴日喺荃灣南豐中心，朋友提議過去中染大廈， 試下呢間新派台式料理！點了一杯 芭樂烏龍茶， 入口清新！ 一片片新鮮嘅番石榴， 加上淡淡嘅烏龍茶， 味道特別！鹽酥雞， 份量十分大， 而且鹽酥雞粉漿剛剛好， 即叫即做，炸出嚟上枱十分香，入口鬆化， 雞肉十分柔軟！櫻花蝦炒椰菜 ， 櫻花蝦乾炒椰菜竟然可以帶出椰菜嘅鮮甜！呢度裝修都幾特別，以淺藍色為主，令人眼前一亮，而且坐位亦十分舒適！

今日同朋友黎到呢間台式餐廳，呢到嘅裝修好文青😆，適合鐘意影相嘅人黎👍🏻食物方面，我地首先叫左個鹽酥雞，佢嘅表皮幾脆，加埋外面嘅調味粉，味道不錯👍🏻根住我地仲叫左姜母鴨煲，本身仲擔心姜味會好重，但係食落個鴨都冇比姜味遮左，岩岩好，加上天氣冷，食完即刻暖曬☺️，值得推薦。甜品方面，我地叫左草莓黑糖麻薯鬆餅😍超級好食！鬆餅夠脆，中間有煙韌嘅麻薯，加上酸酸甜甜嘅士多啤梨，夠晒邪惡，一定要試😍😋

凍凍地有咩搞？最啱就梗係食鴨鍋啦！今日同朋友去咗愉景新城隔離嘅大廈中染大廈，嗰度已經改名做八米半，裏面啲餐廳仲越嚟越多元化。知道有一間台式餐廳都開咗一段日子，就去試吓，冇諗過夜晚咁多人排隊！本身有鴨鍋同埋羊鍋可以選擇，我驚羊窩會太騷，所以叫咗鴨，個窩都幾大，價值$180左右，仲叫咗一碟腐竹，一齊打邊爐，烚吓烚吓就最岩啦。鴨鍋裏面都幾多材料，飲落去嘅時候好補身！裏邊仲有紅棗同姜等等嘅藥材，好暖身。食到好多鴨脖子，可以點上腐乳醬，食落去嘅時候更加惹味。冇啲澱粉質點救呢？當然要叫埋個面，好似豉油王嘅顏色，食落去一條條唔會黐埋一舊，同朋友兩個食，每人一半就最啱份量。覺得口喝，仲可以飲埋枱面支水，可以自己斟，埋單每人$130左右還可以接受。

其實之前已經黎過食lunch, 但真係估唔到星期日dinner時段會咁多人！喺門口部The Gulu機攞左飛，然後等左大約20分鐘先有得入。。。Anyway入到去又真係好爆滿，坐得幾迫下。但一坐低準備斟啖水飲居然比我見到呢個杯😱😱😱😱😱成舊肉仲痴住喺個杯，可想而知其他野會有幾乾淨。。。個肉燥飯係最抵嘅野，38蚊大大碗，個味係ok，肉燥份量好多，但略嫌太油膩，食完好耐都未落格。另外個奶蓋都好香濃，但我冇影。

今日同仔仔過去D PARK玩, 之後就行過黎食野~ 地方唔算大, 枱與枱之間都有少少迫, 我地四大一小就安排坐小圓枱. 今晚叫左: 香辣鹽酥雞: 好有台灣風味, 炸得好通透, 不過略為咸左少少, 雞塊有少許乾身.皮蛋豆腐: 豆腐好滑漏, 皮蛋好香~經典三杯雞: 雞炆得唔錯, 好入味, 而且好嫰滑, 不過份量較少~台灣肉燥飯: 味道當可, 都屬穩陣之選.主廚紅燒牛肉麵: 湯底唔錯, 麵質好煙靭彈牙, 牛肉都爽滑.香酥雞排蛋炒飯: 雞排好好食, 比鹽酥雞更滑更嫰.招牌水果茶: 老爺奶奶叫的, 不過睇落都唔錯, 有些水果配料俾仔仔幾乎食晒~海鹽芝士奶蓋炭燒烏龍茶 : 味道偏淡既, 味道幾清香,  上面既海鹽芝士奶蓋幾香滑, 記住要攪混黎飲效果會好一點.

好多餐廳每逢weekend都會無曬平時啲優惠套餐menu，變相感覺無咁抵，但估唔到呢間台灣料理竟然有假日午市套餐可以選擇😍，加上今次禮拜日我竟然咁早自然醒，然而十一點半左右已經入座，唔洗排隊實在太正😌。二人分別食左兩個set，包括招牌排骨配白飯（$68）同香酥雞排配白飯（$68）再加滷蛋（$8/隻）。招牌排骨配白飯排骨炸得好香脆，骨嘅比例唔算多，而且喺側面，所以非常易食香酥雞排配白飯雞排亦都炸到金黃色，真係做到又香又酥，肉質嫩滑，個人較推薦呢個而白飯係成碗滿，亦算香軟而且柔韌另外仲有鮮菜，做到均衡飲食估唔到仲有青瓜等配菜每個餐包一杯飲料，可選冷/熱，都不用額外加錢南投小農紅茶味道香醇彰化茉莉綠茶以清香黎形容就合適不過滷蛋個人始終愛半熟，然而只能説不過不失，幸好價錢合理整體是性價比不俗，下次會再黎

荃灣一向出名多野食 今日收工同朋友特登黎呢邊搵野食 行行下見到呢間台灣店個名幾特別 於是入左去我地叫左幾款菜share食 首先叫左個台灣肉燥乾拌麵 ($48) 呢個價錢算平 份量亦都幾大份 幾抵食！ 別外我地叫左幾杯奶蓋茶同珍珠奶茶等等 奶蓋茶奶味幾重 拍得住飲品店 跟住我地叫左個大那滷味拼盆 ($88)呢個價錢 黎到我地嚇親 因為份量都真係幾大份！ 大概六七人份量 有蛋 牛肚豆腐等等 我地亦都叫左個經典三杯雞 ($88) 呢個雞個汁幾好味 但適合多人share食 就5會太油膩了主角黎啦！ 我地叫左個羊肉煲($208) 冬天食羊成個人暖哂 外面食個羊煲普遍都二三百 但今次我地六個人食 每人大概食6舊 食到最後都仲有 超級足料！ 第一次叫到一個食得飽既羊 幾推薦大家黎到一定要試下 一黎暖胃 二黎勁抵食 別外既係 呢到空間幾夠 裝修亦5錯 好適合一班朋友屋企人一路食一路吹下水 價錢亦都5貴 份量非常足 仲可以滿足大家既奶蓋奶茶癮tim

是日要去荃灣就搵下果頭有咩好食，搵到食間台灣野，見個樣都幾新派就試下。lunch time時間唔使等都有位，有set lunch但無我最想食既鹽酥雞飯，set lunch無我覺得ok, 但散叫有喇卦？結果問左侍應，係只有小食有得點鹽酥雞，但無飯，飯係要另外點（白飯$10，肉燥飯$38），真係好奇怪！黎食台灣野叫個最大路既鹽酥雞飯都無要散點！野飲都係另外點左個海鹽芝士奶蓋炭燒烏龍茶。黎到飯都可以既，個鹽酥雞嚇死我，點解係雞粒？仲要一d都唔脆，唔香口。好失望（睇相都已知一二）唯獨要讚一讚杯奶蓋既奶味好濃，好飲。希望有關餐廳可以再研究一下menu等客人可以食到比較正宗既鹽酥雞飯。

見有好多like，於是特登入荃灣食。因為過左lunch hour所以都唔算排好耐，入到去喺落單紙剔好兩款野食 (牛肉麵同肉躁麵)，外加要兩杯綠茶，就將張紙俾左一個齊蔭細粒d同瘦瘦地既女侍應。唔知佢係兼職定乜所以無名牌，亦唔知係佢無俾廚房定廚房漏左單，總之，張紙消失左而我地等左半個鐘九個字都未有得食！甚至隔離枱二人遲過我入去都食完我d野食都未到。所以，趕時間既話真係奉勸各位唔好去。食物方面，都算正常，但無大家講得咁好食。肉躁麵有d油，而後尾我地加左個店舖推薦既蜂蜜黑糖麻糬窩夫，其實佢應該改名做忌廉窩夫配黑糖麻糬 (少量蜂蜜醬)。成個窩夫都係忌廉，唔講以為自己order左一盤忌廉。好啦撥走d忌廉，點知所謂黑糖都一小角咁大把，真係低成本製作。(因為等到無哂心情，乜都無影)

位於荃灣中染大廈既叄茶陸飯喺荃灣站A出口經愉景新城天橋行過黎亦十分方便呢度帶出無限台風內涵風味☺️煮出具台灣風式食材☺️🍜🇹🇼而茶市套餐除左基本主食之外🍜🍛可折價加配小食及飲品更為經濟實惠☺️台式牛肉麵兒時食牛肉麵好鍾意叫多啲牛筋🐮😆🙌🏻個人比較喜好牛筋軟滑既口感☺️所以呢間「叄陸」麵中有半筋半肉亦十分驚喜😆而店內亦採用牛展部位更加爽口🤤牛展牛筋同樣地煮得嫩腍夠哂入味😋吸盡肉湯精華之餘☺️拉麵條亦煮得夠爽口彈牙🍜😋配合帶有鹹香既足料濃郁紅燒牛骨湯底😋煮出一碗能回味既牛肉麵🍜☺️

由友人口中得知早排係中染開咗間叁茶陸飯, 據聞成2千尺咁大於是相約友人來個台式午飯約會!呢間嘢除咗有肉燥飯、紅燒牛肉麵及鹽酥雞等台式招牌菜連外賣手搖飲品都做埋 佢既炭燒烏龍奶茶同抹茶珍珠拿鐵等也是人氣之選!門口有自助取票機, 而且睇得出有花心思設計, 同其他台灣食肆感覺好唔同, 佢係比較新潮啲啲, 光線亦好充足正值午市時間, 餐廳亦有提供假日套餐 唔需要散叫!而我揀咗台式牛肉麵$78, 跟餐會跟「南投小農紅茶」或者「彰化茉莉綠茶」冰熱隨你揀亦可以加配一些小食, 今次揀咗滷雞翼(3隻) $25牛肉麵湯底幾香濃, 唔會話好口渴, 果然係經過10小時熬製! 😂牛肉亦好味好腍,小棠菜亦煮得剛剛好, 最怕太生既菜整體都唔錯, 不過價錢偏貴好食度😋😋😋😋友人叫咗招牌排骨配白飯$68 排骨炸得幾脆幾香口, 肉質幾好唔會過柴同過鞋, 食完一舊又一舊!而佢碗菜仔清清地, 對比起個肉, 覺得岩岩好!好食度😋😋😋滷水雞翼3隻 (加配$25)不過不失, 煮得剛剛好, 唔會話好淋但尚算入味!好食度😋😋😋整體嚟講, 呢間嘢幾多人幫襯, 都算係荃灣台式食肆一個新蒲點!

成日見到門外好多人等位，原來4點可以直入唔洗等，當然要試一試味道如何。11-5:30係lunch時段，價錢都幾抵，5x~7x不等，有沙律有飲品，主菜份量都唔細。不過今次就無叫lunch，分別叫左台灣肉燥飯$38，塔香鹽酥綜合拼盆$88，海鹽芝士奶蓋四季春青茶$28。下午茶時間兩個人食份量岩岩好。首先，肉燥飯咁平以為會得細細一碗，點知係個大碗，份量夠食飽，呢個價錢真係好抵，有飯有肉仲有少少菇。肉方面唔會太乾，汁都足夠撈飯食，肉量唔會太少。飯亦煮得軟硬適中，配合埋肉燥汁超完美。綜合拼盆方面，總共有四款不同的小食：台灣香腸、花枝丸、鹽酥雞同埋魚餅。鹽酥雞份量最多，其他大約有2-6個咁上下。鹽酥雞炸皮好鬆軟，有入口即溶嘅感覺，好正，雞肉都好嫩好滑，下次可以單點。其他味道都不錯，花枝丸夠曬彈牙！四季春青茶估唔到咁清，帶茶味而不會苦，配合奶蓋咁heavy 真係岩岩好，可以encore!

好久沒有吃台灣菜，今日來到叄茶陸飯這間位於荃灣的台式餐廳。說到對台灣的印象，就是飲料店，一杯杯的珍珠奶茶、奶蓋、各式果汁。而叄茶陸飯這間餐廳門口就可以買這些飲料！這種形式在香港很少見，就算不入去餐廳也能買到台式飲品，即刻令我勾起對台灣的感覺。餐廳內部裝修得十分高級，餐具是日本風的一點也不像是台式餐廳，有點高級酒店的感覺。食物方面，我們首先點了在台灣必點的鹵水系列---台式肉燥飯和滷味拼盤肉燥飯滷水味濃，很好食。肉燥配白飯真是一流肉燥濕潤，配飯一點也不乾。而滷味拼盤有三樣食物---滷水蛋，豬肚，豆乾。最出色的是豬肚，像是滷了很久的感覺，很軟很入味。而且蛋和豆乾都是一點也不乾，好吃另外不得不讚這杯奶蓋---海鹽芝士奶蓋茉香綠茶奶蓋多，十分香濃，綠茶茶味足，味道媲美深圳排長龍的喜茶！芝士蘑菇雞翼也十分出色，香脆雞皮，芝士味濃郁，無骨很方便吃。這碗黑糖芋圓仙草凍，起初以為全碗都是很煙韌，會很飽，但想不到只有芋圓是比較有咬口，其他的都是偏軟，連珍珠也是，不過有意想不到的夾。整碗的味道是奶茶味，十分好吃，不過要吃這碗的人，前面就不要吃太多哈哈😂

朋友公司樓下開左間台灣菜專門店個名都幾得意，叫叁茶陸飯我地岩岩轉職無假去旅行，唯有留港食下海外野以解想去旅行的心情種類真的比想像中多，仲要荃灣呢個地段有間咁特色的專門店無論環境同菜都好精緻，份量仲好大，好夠食首先，來左個魯水拼盆原來以為咁既價錢，再加上晚市，份量唔妨多得去邊所以2個人都叫左好多碟菜魯水拼盆雖然叫左個細SIZE，但樣樣都齊曬好足料一睇牛肚個色水就知浸左好耐魯水汁味好清甜，牛肚好爽口雞翼好好肉地，好飽滿碟野有魯水蛋、牛肚、雞翼等等.....大愛佢地花枝丸，大大粒好巨型岩岩炸起，脆卜卜一咬開就是好彈口的丸味好有台灣的風味同水準魯肉飯我地都係叫左細架~~~但已經夠曬2人份量，我地完全吃不完肉碎好好味，又不是肥豬肉撈埋一齊真係好懷念台灣的魯肉飯日子香辣鹽酥雞香辣不是就這樣灑粉，而是一開始鋪滿肉粒後再炸非常香鬆脆滑，所以還是有點肉汁，不太乾身成餐飯兩個人食已經好滿足樣樣都食齊曬，咁多計埋單都係得每人$125以一餐晚餐來說，真係好抵~~